影片
特色
饮o野倾计
附加资料
免费无线上网
营业时间
星期一至四
07:00 - 00:00
星期五至六
07:00 - 01:30
星期日
08:00 - 23:00
公众假期
08:00 - 23:00
以上资料只供参考，请与餐厅确认详情
招牌菜
又系团购作祟，晌年初透过团购，以$99购买$180 Kosmo Wellness Café嘅现金储值卡，晌指定期限内到指定分店换取储值卡就得喇，而且因为系一张储值卡，基本上无时限，用几多扣几多。而且，知道依间店子一向以供应健康有机无添加食物为主，相信食得更安心。再者，张卡仲当系会员卡咁用，买任何嘢都有九折，感觉系抵上抵，又唔使急住去食。不过，张卡袋咗晌身好耐，近排先走去食。事缘同个老友下午参加咗啲活动，但要到三点先开始，所以依家点几钟嚟Kosmo食啲嘢打打底之余，晌度吹吓水摄时间。今个晏昼，人客较少，拣坐二楼梳化位。老友要杯有机豆奶配三文治，我就拣咗杯杂果汁加盒饭。龙虾牛油果三文治 $23 + Soy avocado regular $32一份其实得半件，感觉都几贵，如果买两份就$42，平几蚊。友人觉得馅料唔系好多，龙虾肉可能得几粒仔，大部份都系生菜，灯笼椒…等配料，酱汁太多令到个面包湿漉漉，唔系太好食，佢话仲要咗两份添，唉！而𠮶杯牛油果有机豆奶仲令友人失望，因为友人好钟意食牛油果，但杯嘢只有豆奶味，牛油果味无掟企。Masala Chicken Rice $43 + Kosmo Fighter regular $28好钟意马沙拉𠮶朕印度咖喱香，所以先拣依个饭。个饭由冻柜交去收银，佢哋会帮你翻叮整热，再送到去你个位。唔好睇盒饭细细，原来都几够份量。米饭除咗白米，仲加入红糙米，又有啲黄姜饭，捞埋啲马沙拉汁，米饭富咖喱香，佢仲有一小兜乳酪青瓜酱跟盒饭，加埋再捞匀，味道仲丰富啲添。而𩠌料除有马沙拉鸡，仲有车厘茄同烤青瓜片，几样嘢都几好多，咖喱很有香料味，唔单薄，鸡肉唔嚡。至于杯杂果汁系由苹果、芒果、柠檬、姜打成，姜味主导，味道带辣带酸，其他苹果味、芒果味欠奉，而且有半杯系泡，感觉好揾笨。P.S. 消费系$145，但折咗就$130.5，不过，因为系团购，按比例计番，依餐实际用咗$72左右！
继续阅读
其实知道Kosmo的存在已久，但一直未有购买过任何食物，因为价格订得实在有点贵，虽则此店以健康食材为题，以有机无添加的即日新鲜选材来制造每样饮品和食品，坚持于所出售的产品中加入有益健康的原素，如全麦、高纤、含有益脂肪…等等，但心理上还是有点抛不开。 是日，因为同事有张将团购买来的会员储值卡，余额剩下不是很多，她的盘算是若买东西反而要额外付费，倒不如益其他人吧！我就间接成为小小得益者，况且，以会员卡买东西又有九折，故此，才变得有兴趣去光顾吧！近门口位置的雪柜，放了沙律、三文治、墨西哥卷、饼意粉……等等以供选择。一眼就看上烟三文墨西哥卷（Omega-3 Salmon Wrap），因为较少吃墨西哥卷。付费后店员会帮你把墨西哥卷烘热，再放回原盒让你拿走，我也急速拿回公司，冲杯咖啡慢慢吃。烟三文墨西哥卷，烘热后微暖，外皮烟烟韧韧，材料也十分丰富，酱汁也恰好。看看盒底，才发觉果真用料不赖，全麦墨西哥粟米薄饼、烟三文鱼、生菜、甘笋丝、青瓜、小黄瓜、鸡蛋、洋葱、芥辣、香草。不过，一客$40，折后$36，还是有点点贵！
继续阅读
一年一度嘅兰桂坊嘉年华于 11月12日开幕，大家可以一连两日在兰桂坊玩个痛快！当日，正式开幕时间为中午 1:00；当日早上，我急不及待走一趟看看！ 其实当时，各工作人员仍埋头苦干为摊位准备。我比预期时间迟咗到中环， 起初想用半个钟食早餐；唯有，揾吓就脚地方食啦！由兰桂坊走落嚟，见到有间 <Kosmo Wellness Café>， 供应有咖啡、面包、松饼、沙律.....这里有两层另设楼上雅座。由于时间关系，连饮咖啡都无时间！只好买件松饼塞住个肚！燕麦甘笋松饼 $15店员问我需唔需要烘焗？为我烘焗后，随即送上，服务贴心！烘焗之后，胜在够松软！ 甜味恰到好处！ 混合燕麦、甘笋等材料，感觉较为健康！ 食咗一半，见到仲有合桃， 增加咬感！不过，寥寥可数！ 其实食完 quick breakfast 我仲未够饱！中环区嚟讲价钱合理！
继续阅读
琴日同左女友去左呢间店到饮个下午茶,因为条街太热了,呢间店分左上下层,上层好舒服,因为人唔多,而且都够大,又有好多疏化位,所以环境系唔错的.叫左杯苹果薄荷沙冰,老实讲我完全饮唔到有苹果味,但算啦,我都系但求有个位比我地抖下hea下姐.d小二比我仲要hea,几个o系楼下企都冇人上上层执野,成个钟先上一次,会唔会太过hea呀.
继续阅读
想食个悠闲lunch~~ 朋友介绍Kosmo系中环.. lunch 时间周围都多车多人.. 想揾间静静地ge 餐厅都颇难呢间cafe 有样好.. 坐位系上层.. 买野食系G/F变相黎讲无咁嘈~都有样唔好.. 唔系买热食ge要自己搬上黎..行楼梯唷.. 都几麻烦~因为公事烦忙.. 我的早餐等到11点先食..所以午餐无乜胃口.. 最好就系食沙律啦~~~很多西柚肉...本以为会好酸...估唔到是清甜的..加埋酸酸甜甜的沙拉汁...朋友连番说好食我拣了吞拿鱼的..只因我超爱槛榄的味道：)老实说的....如果无果几粒小榄子混住食...净吞拿...很难食的...由于本小姐怕肥...沙拉汁无缘一试了：)睇到两盒沙律啲蔬菜都算新鲜...40以下的价钱....系中环算系合理了...另外点了果汁奇异果及西瓜奇异果有点失望...一入口已经知系稀释咗...西瓜汁都是一般的...亦点newyork cheese cake.. 软身的.唔够浓芝士味.. 不是我杯茶餐饮不过不失..唯一唔好的是环境卫生..无人抹台的.. 我们一坐低见到台面都系面包碎.. well..洗手间要走去隔离港大校友会...唔方便呢..
继续阅读