影片
以上资料只供参考，请与餐厅确认详情
呢间泰菜喺逆市依然日日爆场🤗，讲紧嘅系米芝莲必比登推介嘅 — 🇹🇭Kopitiam By SAYA，餐厅有个落地玻璃望到荃湾海景🤩，好写意。·♡ 生虾刺身 HKD$58蓝虾大大只🦐，口感鲜爽软嫩，搭配生蒜片同辣椒片食😚，再沾埋生虾海鲜酱汁，一个字’’爽’’‼️·♡ 鱼露金不换浸花甲王 HKD$98招牌菜必点呀😍！想讲好好好食，花甲王好大只又肉厚😙，味道鲜甜冇沙，好爽口咬落去唔会腍唧唧；店家将熟花甲浸喺天然鱼露一日，唔怪得咁入味🤤!! 鱼露味道甘甜唔腥，好好食呀😋。·♡ 泰式炸蚝饼 HKD$118蚝肉有半只手指咁长🤩，粒粒饱满有咬口。蚝饼外层炸得好酥脆，咬开索索声😙，内里轻盈，些微油腻感可接受的，啱多人开心share🤗。·♡ 香辣醉猫炒宽河粉（猪肉） HKD$108以鱼露、辣椒、蒜头、九层塔等调味再爆炒，宽河粉质感软滑油润😚，宽粉口感比幼粉更具口感👍🏻，个人觉得味道可以再辣一点。·♡ 飞天炒通菜 HKD$88通菜炒完都保持到翠绿爽脆👍🏻，味道好够蒜辣香味，够镬气🔥，不错呀～·♡ 芒果糯米饭 HKD$68食泰菜又点少得🥭芒果糯米饭作最后的点缀呢🤩，微咸椰浆倒入糯米饭中，搭配香甜爆汁芒果🤤，泰满足了！·♡ 新鲜椰青 HKD$48·♡ FouND In BANGkok HKD$68·**晚上八时后入座，可享有海鲜七折优惠**·📍Kopitiam By SAYA荃湾大河道100号海之恋商场2楼2027-2028号舖
继续阅读
🪅好耐都无同卡肥食饭喇，而家返工作息定时，就同佢食个泰国菜。📌近排系荃湾海之恋新开的泰国菜《Kopitiam By SAYA 》好受欢迎，主因价钱亲民，装潢靓靓仲要对住个海🌉，食餐饭都心懭神怡💫。金柚子芒果沙律，$88可算系最有泰国风味的沙律，用上泰国出产的金柚子同芒果，新鲜够水份多汁💦，食落好清新劲爆汁，好清甜，好岩炎炎夏日☀️。沙嗲鸡串配烤多士，$48/2 pc两大串沙爹鸡串配半块一开三件的白面包🍞，抵赞的鸡串鸡肉大大件，烧到好入味，啖啖肉好正😊。鱼露金不换浸花甲，$98见人人都点的鱼露花甲，相信系招牌菜吧！花甲煮熟后浸在天然鱼露非常入味，无沙！啖啖花甲肉好有咬口，一啲都唔腥，索埋露汁食好正！红咖喱柠檬叶烧封门柳，$168份量好大兜㖞！封门柳烧得好靓仔，外皮好脆，内里烧到5成熟，肉质粉嫩够淋，无血水，加上粗盐烧🧂，成个调味都好恰当，好值得推介。香叶肉碎煎蛋饭（和牛），$108卡肥好钟意食肉碎饭，一般系用猪肉肉碎，加$20可转和牛。原来和牛系一块块和牛，份量都好多，炒熟左的和牛好够淋，太阳煎蛋🍳流心蛋黄捞埋饭一齐食，够味地道风味。新鲜椰青，$48卡肥见到原个椰青即刻心心眼，新鲜椰青🥥即开，够哂青甜，夏日炎炎够哂解渴，好似去左泰国咁。冻泰式奶茶，$28熊妹食泰菜紧系要饮泰式奶茶，系泰国的特饮。奶茶味浓，比较甜，泰国菜因为偏辣，所以饮品都会偏甜🌶️。📌由小食、主菜、汤面、炒粉面、海鲜都有好多款式，原来晚上八时后入座，海鲜有七折优惠，几抵㖞！📌系海之恋进餐除了味觉仲有视觉的双重享受，选址确实唔错！
继续阅读
荃湾西呢间人气泰国菜 原来系米芝莲必比登推介Restoran SAYA既姊妹店 想试好耐🥹海景大玻璃可以睇住日落慢慢叹 整体食物出色冇失望 唔怪得平日夜晚坐满好旺场🦪鱼露金不换浸花甲王 $98大大只熟花甲王 肉质鲜甜爽口 吸收晒鱼露精华同金不换既清香 作为冷头盘非常清新开胃🦀蟹肉奄列 $178好挂住泰国既蟹肉奄列! 切开奄列一层层蛋皮 内里湿润松软 啖啖蛋香 蟹肉真材实料 份量唔算超震撼 不过依然满满幸福感 同埋整体唔会太油淋淋 唔错🐮红咖喱柠檬叶烧封门柳 $168封门柳烤至半生熟 件件嫩滑唔韧冇筋 肉味丰厚 仲渗透出阵阵红咖喱椰香 配埋柠檬叶青酱成件事更清爽更有风味🐟椒盐九肚鱼天妇罗 $118唔系平时大排档食到果种椒盐九肚鱼 呢碟由三大条原条九肚鱼制成天妇罗 再洒上椒盐炸葱蒜 外面酥脆邪恶 炸粉虽然少少厚 入面鱼肉保持嫩滑😈🦐虾多士 $58香脆热辣辣 虾肉满满好弹牙 面头洒满芝麻增加香气口感🥭芒果糯米饭 $68绿色糯米饭暖和带微微斑栏香 加上香甜既芒果同椰奶perfect match🍹冻泰式奶茶 $28 | 抹茶椰奶 $42两杯都唔会太过甜岩岩好 解暑一流 抹茶味道更加浓郁就好食完先见到晚上八时后入座 可享有海鲜七折优惠🫠
继续阅读
其实我哋真系好少去到「咁远」，因为一谂起要过海就好懒🤣 所以难得出到嚟，都会search好耐去揾餐厅，因为唔想中伏🥹之前喺大角咀分店食过，见呢度都有分店就唔谂喇，排队😝呢度个餐牌同大角咀嘅有啲唔同，仲有海景view，钟意食泰菜嘅一定要嚟试！**佢哋晚市开6点，建议大家可以嘅就早少少嚟，因为未够7点已经要排队**👍🏼 鱼露金不换浸花甲用咗花甲，比一般花甲大只，肉质鲜甜爽口，花甲先煮熟再浸香料加鱼露，入晒味超正，必试呀🥗金柚子芒果沙律今次嘅芒果唔算好甜，但系反而更开胃，同上次一样，我留返啲，耐唔耐食吓解吓腻😜🥬飞天炒通菜食亲泰菜都必点，酸辣鲜香，镬气十足，同时balance吓食咗咁多肉嘅一餐🍗沙嗲鸡串配烤多士满满炭火风味嘅鸡串，配浓浓花生香嘅沙嗲酱🤤除咗点串烧，我仲拎埋嚟搽多士，超惹味！多士香口，加埋嫩滑鸡肉，双重口感👍🏼🦪泰式炸蚝饼蚝饼超酥脆，蚝仔鲜嫩多汁而且数量都唔少，点埋辣椒酱辣辣地，送啤酒一流🦀咖喱蟹汁炒软壳蟹软壳蟹炸到卜卜脆，加埋咖喱同蟹肉一齐炒，啖啖蟹肉+酥脆软壳蟹+香浓黄咖喱🤩呢个系上次喺大角咀食完觉得好好食，所以今次再encore，呢度食无上次食咁辣，反而更啱我口味😝🍜冬荫清汤鱼蛋粉用咗泰国特色卷河粉，再淋上猪肉碎冬荫清汤，酸酸甜甜又微微辣好开胃👍🏼 潮式手打鱼蛋同鱼片好弹牙有鱼味，完全无粉感，好好食😋🥥煎香草比目鱼配香茅椰子汤真心推介！超！好！食！椰汁好香浓，汤微微酸酸地，系走辣版冬荫功。比目鱼煎到啱啱好，鱼肉好甜又嫩滑，仲有粟米仔、鸡髀菇、青瓜等蔬菜，加埋卷河粉，平时我好少食鱼都食左大半条仲饮晒啲汤🤩🦪烧生蚝生蚝都几大只，仲有买5送1，嫩滑蚝肉加蒜烧香，on top加炸蒜，鲜嫩惹味🥭芒果糯米饭 又系泰菜必备，香甜软糯嘅斑兰椰香糯米饭配新鲜芒果，加埋咸香椰奶酱，口感丰富🍹饮品🍋🟩青柠梳打｜消暑解渴之选🍵抹茶椰奶｜淡淡抹茶味，唔太甜几好饮
继续阅读
[ Kopitiam By Saya ]荃湾海之恋呢间泰菜🇹🇭晚上八时后入座，海鲜做紧七折优惠，即刻约埋朋友嚟食下先🥰。✿ 鱼露金不换浸花甲（熟）$98花甲王好大饭，肉质鲜甜爽口，鱼露带出海鲜鲜味😋😋。✿ 椒盐九肚鱼天妇罗 $118原条九肚鱼做成天妇罗，再洒上椒盐，非常惹味香口🐟🐠。✿ 炭烧猪颈肉 $108猪颈肉🐖厚切啖啖肉，烤得外皮香脆可口。✿ 爆蒜炒蟹肉滑蛋饭（中）$88香蒜🧄配上滑蛋&蟹肉🦀，送饭一流❕✿ 冬荫清汤鱼蛋粉 $88选用泰国特色卷河粉，口感爽口。再淋上猪肉碎冬荫清汤，酸酸甜甜又开胃🤤而鱼蛋、鱼片够弹牙。✿ 芒果糯米饭 $68糯米饭软糯有口感，芒果🥭够鲜甜，作为饭后甜品都唔错。✿ Sang Kaya $58新鲜斑斓叶🌱、菠萝🍍、椰子奶🥥混合而成，整体口感清新解腻。✿ 冻泰式奶茶 大杯 $38食泰菜必饮之选泰式奶茶，茶味香浓。总结🫦食物种类多元化，晚市好旺场，气氛热闹，好适合同三五知己嚟食餐好😘。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Kopitiam By Saya地址: 香港荃湾大河道100号海之恋商场2楼2027-2028号舖电话：5996 0986✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
继续阅读