影片
开饭介绍
明亮简洁的装潢加上高楼底，给人充足的空间感。主打多款串烧，当中更有博多野菜卷系列，再配上水果梳打或沙冰。
继续阅读
营业时间
星期一
全日休息
星期二至日
12:00 - 21:30
公众假期
12:00 - 21:30
公众假期前夕
12:00 - 21:30
以上资料只供参考，请与餐厅确认详情
相关文章
整体其实唔错㗎，一家人平日去食晚餐，全餐厅得我哋，本身都有啲担心，无人食嘅？但啲食物系可以嘅，当然开得喺赤柱都唔会预佢平，成餐饭差不多1000蚊埋单，但最紧要好食又食得开心。佢嘅卷蛋、烧物、寿司都唔错，但佢推介嘅白饭鱼pizza我就觉得好一般，最唔开心系最尾叫嘅蟹肉乌冬，食头2啖都觉得有啲硬，再食真系唔掂，个乌冬都未煮透，未熟嘅位仲好硬，一个咁简单嘅乌冬都煮成咁，控制唔到仲要唔平，我有啲保留。员工态度系好好嘅，有问我需唔需要煮过碗俾我，但我就觉得算喇，希望只系个别事件。
继续阅读
赤柱海边开了一间走型格风的新派日式居酒屋 。装修以时尚日系为主，加入不少镜面元素及霓虹灯。餐厅提供了一系列日本fusion料理，如鸡肉白汤拉面、和风鳗鱼梳乎厘饭、意大利卷寿司等等。深海池鱼刺身
深海池鱼口感清爽，鱼肉味道偏甘甜，配上西柚汁更能为夏日降降温！
唐扬小池鱼 作为餐前小食，池鱼有点偏大，尚算脆口，但只有柠檬调味，实在有点失色。明太子玉子烧 表面满满的明太子酱，咸香味与偏甜的玉子烧配搭，容易入口同时十分美味。可惜一层一层的玉子烧有少少干身。
自家制烧烤鸡肉丸 鸡肉丸加入了鸡软骨，好有咬口，而且软滑弹牙，口感比一般鸡肉丸丰富。配搭上蛋黄同日式酱油一齐食就更加惹味！荔枝豚肉卷串烧
在串烧中加入水果，感觉上有点奇怪，但是入口荔枝和豚肉的味道异常地夹，同时也减少了串烧的油腻感。
松叶蟹肉蟹籽炒饭蟹肉的分量有点少，炒饭粒粒分明，加上蟹籽的味道，算是不过不失的普通炒饭。
继续阅读
Weekend 入赤柱，最怕食饭要同人迫，又要等位嘅咁。呢间日本餐厅有得订枱，就真系太好啦👍🏻。餐厅都几大，座位都多。同好多赤柱既餐厅一样，都系pet friendly，大狗当然都系无问题啦！😬⭐️和风鳗鱼疏乎厘饭 $158未去到就已经睇中左，想叫呢个饭🥰。睇中左佢个疏乎厘，打卡就最开心！个疏乎厘都厚，但空气感十足，够轻身。下面既鳗鱼都大片同有份量。捞埋食都夹😬，都几特别啊！⭐️明太子白饭鱼薄饼 $158明太子同白饭鱼都多，但如果佢可以捞匀左，再平均铺上面，就会好好多。咁起码唔会食到明太子个位就好浓味，但其他部分又相对淡。但overall 都系好食嘅。😬⭐️明太子玉子烧 $68玉子烧做到一层一层既效果，面头既明太子酱好够，同玉子烧好夹！不过我觉得个玉子烧可以唔使煎到咁干，如果中间既蛋酱可以保留到有少少流心，咁就出色啦！⭐️唐扬小池鱼 $58作为餐前小食，合格有余。即叫即炸，好脆口，啖啖肉👍🏻。总括黎讲，呢间餐厅都算精致，鳗鱼饭好有特色👍🏻！明太子白饭鱼薄饼都唔系到到有，想试新款菜，都系个唔错嘅选择。不过，佢价钱都唔平，我都quote返价钱俾大家参考。如果呢个价钱，我觉得味道上，系可以再出色啲🙈。有budget 嘅朋友们，可以考虑下。☺️
继续阅读
Long weekend想去远啲，特登入咗赤柱行下，赤柱同我上一次嚟好唔同，啲餐厅大执位，我每次嚟都会饮嘅天仁茗茶原来已经转咗做dough bros😥咁多唔同嘅餐厅真系好难简，挣扎一番之后简咗呢一间日本fusion餐厅做晚餐。▫️自家制烧烤鸡肉丸 ($68) 4/5一共有3粒，鸡肉丸混入咗鸡软骨，食落又软又脆口感唔错，味道都够浓，捞埋蛋黄同日式酱油一齐食就更惹味。▫️明太子鸡翼 ($58 两只) 3/5鸡肉嫩滑，入面酿有好多明太子，但系味道唔明显，整体烧得比较干。▫️极尚厚切牛舌 ($78) 3.5/5牛舌烧到惹味又多汁，咬落爽口唔会韧，唯一系呢个价钱得3小旧，食完都唔够喉叫多一串又好心痛😫 ▫️和风鳗鱼梳乎厘饭 ($158) 3/5餐厅嘅top 2推介，喺鳗鱼饭上面加梳乎厘超特别。饭本身有少少干身，所以跟饭仲会附有一壶鲣鱼汤，倒埋落个饭入面好似茶渍饭咁食落就啱啱好。呢个都系gimmick嘢，卖相几靓但系味道普通，鳗鱼份量唔多，味道都唔算浓，而梳乎厘本身冇咩味，加咗都冇令到个饭好食咗。▫️Kome Kushi卷 ($168) 2/5寿司有6旧，上面放咗唔同嘅鱼生同牛油果，卷住蛋、青瓜丝同蟹柳，色彩丰富但系味道冇咩特别，呢个质素同呢个分量嚟讲定价太贵😮💨▫️士多啤梨刨冰($68) 2/5刨冰系餐厅嘅top 1推介，卖相好靓，白玉几烟韧，但系士多啤梨味太假，就算都落咗几多糖浆同炼奶但食落都系冇乜味。▫️芒果刨冰($68) 3/5味道比士多啤梨味浓郁，但系芒果味都系比较假，芒果粒亦有筋。经OpenRice订座本身系话可以送广岛蚝一客、Happy Hours 啤酒买一送一或者单点餐牌85折，但系坐低问店员佢话只可以二选一(送广岛蚝/啤酒买一送一)，大家去之前最好打电话问清楚🤔餐厅布置装修几靓，但系一坐低已经见到几只蚊滋飞嚟飞去，第一个感觉已经麻麻地。食物嚟讲串烧质素几好，但系其他都一般，定价亦略高，明白赤柱嘅餐厅都唔会平，但系呢个价钱系赤柱应该都可以有更好食嘅选择，整体嚟讲系一间适合打卡但系性价比低嘅餐厅。Overall rating (5粒⭐️为满分)味道：⭐️⭐️⭐️服务：⭐️⭐️⭐️⭐️环境：⭐️⭐️⭐️性价比：⭐️⭐️✨想睇更多食评就记得follow - hk_holidaydiary
继续阅读
因为睇到Openrice好多好评，所以选择呢间餐厅，但好失望。熟食系OK嘅，但个寿司接近$400，质素就只系值$150。侍应态度一般，叫咗四次加茶，系有俾回应，但最后都冇加到茶。环境都系一般，有一两只蚊系咁响食物上边飞来飞去。响OpenRice book枱，明明已经出席咗，但最后又话我冇出席，又要响OpenRice比收据Appeal先确认我有出席。餐饭两个大人两个小朋友，食咗接近$1900，真心唔值！
继续阅读