KAPRAO

星期六同朋友去左佐敦食间新开嘅泰国菜。位置喺上海街，餐厅星期六都仲有set lunch，我同朋友就喺main menu叫左几样share。鲜虾炒金边粉炒起好香，好足料，上枱都感受到新鲜炒气嘅镬气。凤尾虾大大只，食落爽口新鲜。配料足，芽菜，葱，蛋，花生粒捞起好好食。金边粉烟韧有咬口，食落清新，酸甜好味。炸皮蛋虾饼份量比想像中多，一睇就知系相当讲功夫嘅一道菜式，皮蛋新鲜，唔会有d放得耐嘅味。虾饼厚实而弹牙，外皮薄脆炸得啱啱好！建议先原味试一件再点泰式辣酱，就咁食都好好食！推荐~泰式牛肉沙嗲串烧串烧三串起叫，牛肉串烧调味啱啱好，肉质都几嫰，食落唔会有膻味。沙嗲酱好香浓，喜欢重口味味少少嘅就可以了点埋酱食。饮品 朋友叫左 泰式青柠茶 少冰少甜我饮左啖，饮落似有加左话梅，少少咸味，茶底香浓，冻饮饮落好清新消暑。我就叫左泰式奶茶 少冰少甜，靓靓嘅杯加埋一层厚奶泡劲啱打卡，仲好好味，奶味香浓，但唔会抢左茶底嘅香味。芒果糯米饭，糯米饭暖热，质感软熟，芒果新鲜，卖相仲好靓~餐厅店员有礼，座位阔落舒服，听到厨房都用泰文沟通，睇黎厨师都系泰国人。…查看更多

佐敦站行远少少，去到呢间叫Kaprao嘅泰国餐厅。佢嘅菜单选择都几多，我哋嗌咗几样招牌菜试吓！冬阴功海鲜炒饭 ($88)个饭一上枱已经闻到好香嘅冬阴功味，食落有酸辣味不过唔算好浓🙈入面嘅海鲜都唔少，有虾又有鱿鱼，每啖都食到料，好满足！美中不足嘅系个饭炒得有啲湿，我哋中意食偏干嘅饭😕猪肉生菜包 ($78)每次食泰国菜必点生菜包！猪肉碎炒得好香好Juicy，食落偏辣，中和咗油腻感！不过唔食得辣嘅朋友可能要加杯饮品🤣辣椒膏炒鲜鱿鱼 ($108)平时好少食辣椒膏炒嘅嘢，今次试吓觉得比想像中普通。鱿鱼调味唔算好入味，面包𠮶层炸粉有啲厚，食落口影响咗整体嘅口感。不过好在有好多配菜，例如洋葱、彩椒等等🙈香蕉奶昔 ($38) & 原个新鲜椰青 ($38)香蕉奶昔好creamy，香蕉味好浓郁，甜度啱啱好，饮得出超足料😻椰青都好超清甜解渴！…查看更多

香叶青豆角肉碎饭 食泰国野点可以唔拣香叶肉碎炒饭😋呢个饭镬气十足！肉碎炒得干身，加入大量香叶、青豆角、辣椒同蒜片，辣度适中，咸香惹味超级送饭。最正系加入咗脆口猪油渣，增添油香同口感，捞匀半熟煎蛋黄一齐食，邪恶度爆灯！ 泰式烧牛扒软嫩多汁惊喜之作😋牛扒用咗泰式香料腌制，表面烧到微焦，内里保持粉嫩medium rare，肉质软腍唔韧。蘸埋秘制酸辣酱汁（似青柠鱼露base），清新解腻，旁边配泰式酸辣沙律，爽口开胃封门牛柳泰船面汤底用牛骨熬制，深褐色汤头浓郁带香料甜香，面条选用金边粉，挂汤力强。封门牛柳切薄片，轻轻灼熟，肉质极嫩滑，仲有牛丸、牛柏叶等配料，足料大碗！船面配埋日四个特制调味料，甜酸苦辣可自选😆建议加少少泰式辣椒粉更过瘾～～泰式奶茶橙红色经典泰奶，茶香浓滑不死甜！茶味突出，奶滑顺喉，甜度岩岩好，少有觉得泰茶唔死甜🙈冰凉解辣，绝对系搭配浓味泰菜嘅完美配搭。 原个新鲜椰青原个椰青上枱，冰冻清甜，椰肉嫩滑可以刮嚟食，食完浓味嘢饮一啖，瞬间解腻😍…查看更多

位于佐敦的泰国菜餐厅，泰籍大厨主理，餐厅供应传统的泰国菜式，味道正宗，而且没有加收服务费，菜式价钱亲民，性价比高。前菜：青木瓜沙律以青木瓜丝、萝卜丝及番茄作为沙律，清爽脆脆，酱汁酸辣，很开胃。烧烤：沙嗲串烧拼盘牛肉及鸡肉串烧各三，烧得焦香惹味，外层微微脆口，调味也很够味，还可额外蘸点沙嗲酱。主食：清迈道咖哩金面泰北传统咖哩汤面，汤底浓郁稠杰，带椰奶香，甜甜的，微辣很易入口。面条用上粗身的鸡蛋面，很有嚼劲又挂汁，配上一大只鸡脾，啖啖肉，很厚肉。主食：鲜虾炒金边粉金边粉咸甜度适中，面条干身，炒得有镬气。虾仁改了鸡肉，其他配料还有鸡蛋丝、芽菜、葱等等，口感丰富。饮品：招牌清莱绿奶茶一层厚厚的云朵泡沫，底下是泰式奶绿，茶底浓郁，略点回甘，绿茶清香，少甜刚好。饮品：泰国红茶以泰国红茶叶冲泡出来的红茶，茶味浓烈，回甘甜香的层次感。…查看更多

今日去咗KAPRAO试泰菜，泰国师傅主理果然无令人失望！仲要全单八五折，抵到烂~先讲青木瓜沙律，一入口酸辣醒神，木瓜丝爽脆到「索索声」，鱼露嘅咸香同青柠嘅清新撞到正，开胃到食唔停口！跟住系猪肉生菜包，炒香嘅猪肉碎带少少辣，用新鲜生菜包住食，一啖咬落去，菜嘅清甜中和咗肉嘅油腻，口感丰富又惹味！泰式菠萝海鲜炒饭卖相好靓！炒饭干身唔油，每粒饭都沾满咖喱粉香，仲有大大粒虾、鱿鱼同带子，海鲜鲜味突出，仲有肉松增添甜咸层次，口感一流！最后沙爹串烧拼盘（猪牛鸡三款），烧到微焦香口，肉质嫩滑唔干柴，尤其系个沙爹酱，浓郁花生香带少少甜，蘸多两蘸都唔觉滞！上菜嘅速度都好快店员招待亦都好有礼貌如果去开呢头食泰国菜嘅话呢个都系一个唔错嘅选择…查看更多