3
2
2
港铁牛头角站 B5 出口, 步行约8分钟
继续阅读
营业时间
星期一至六
11:30 - 14:30
19:00 - 00:00
星期日
全日休息
以上资料只供参考，请与餐厅确认详情
Lunch time 見到呢間有位就黎，見到OpenRice評價一般都無乜期望。冬陰功大蝦意粉好細碟..幾啖食哂，味道係ok地，辣辣地，但真係食完好似無野落肚咁😅。另外餐湯係忌廉蘑菇湯，蘑菇都幾既，但個湯好稀😅。呢到油煙味較重，食完d衫同頭都吸哂d味。
继续阅读
呢座大廈其實都有好多間餐廳我都試過, 今日就試食呢間, 去到唔駛等位, 每層餐廳裡既座位都有限, 大概可以座20人左右, 一開門就感覺裡面勁大油煙味, 抽風系統有問題, 可能係開放式廚房, 被安排座近玻璃窗位, 原來呢到係BAR嚟, 有三部飛標機, 睇返餐牌既價錢, 其實都算中上價, 尤其扒類, 但睇返環境係唔值呢個價, 所以點咗中價位既午餐試食餐湯洋葱湯 - 賣相真係好唔掂, 我心目既洋葱湯係西式, 完全冇諗過係咁 意式鮮茄海鮮意粉 - 賣相還可以, 蕃茄汁比較酸, 整體上都唔太差既盲曹魚柳芥末子忌廉汁 - 賣相都可以, 魚柳肉嫩, 但配菜就得幾粒薯仔凍檸茶 - 茶底濃, 味道一般總結 : 價錢偏貴而且仲要加一服務, 環境又一般, 最大問題係油煙味好大, 食完出去成身連頭髮都吸晒味, 我都俾食評相呃咗, 所以去試, 以為有日式嘢食, 不過今次都係最後一次
继续阅读
星期五同事們也冇帶飯，諗住近近地在公司對面呢幢牙籤大廈找間餐廳。本身諗住去的餐廳已爆滿，於是在同一地方求其找一層吃算了。找了幾層也沒有位置，陰差陽錯下，見到26樓呢間餐廳，於是上去碰碰運氣。𨋢門打開，咦？仲有好多位喎，雖然個心打了個突，會唔會袱呢？但真的太懶再四周找了，看看餐牌是日式的丼同烏冬，諗住唔會差得去邊吧。點餐、取餐也是全自助，盛餐的容器和餐具也是一次性的，感覺很外賣、很頹，可是價錢不菲。我叫了一個豚肉烏冬、加了個溫泉蛋同埋玫瑰latte ，盛惠$90。食物到手後，一看，嘩，分量還可以再細啲嗎? 食物質素我覺得是below average 。這個價錢，這個環境setting、這個質素，完全覺得餐廳毫無誠意。更重要的是，我們四個女仔，食完成餐後，也完全沒有飽足的感覺！我本身也是很少寫食評的，但係食完今餐真係太嬲，唔希望其他人好似我哋一樣被騙！很明顯，餐廳已經轉了手，不再是之前經營的西餐廳。佢呢個價錢，我可以吃兩餐X龜，而且食物質素一定比這裏好囉！
继续阅读
雖然大部份 #同事 已經陸續返回 #工作崗位，但係要搵個 #對的人 食飯真係唔容易😝 加上 #小秘書 呢排「好鬼勤力」，好多時朝早食個 #大早餐 就捱到下晝三四點先再搵嘢食😝 難得呢日有伴，一於落去曬吓太陽、食啲嘢再返嚟努力過💪🏻之前幾個同事都同我講 K93 Grill & Bar 好似執咗，不過我又唔係成日返office，所以無特別去求證。咁啱我哋行到去附近，見 #水牌 上仲有 #K93 喺度，但係就再唔係以前嘅「富貴午餐」，改為貼地嘅 #日式 #丼飯🤪 上到26樓，裝修無變，就只係收起哂啲 #飛鏢把、同無咗陣 #煙味👍🏻 可能成本問題，人人都要減少人手，餐廳改成全自助嘅消費模式，雖然要我行來行去有啲唔習慣，不過promotion期間，半價就可以買第二個丼飯，行多兩步都係抵嘅😝呢日我叫咗個 #慢煮三文魚 #鮮果 #丼，個名聽起嚟好似有啲奇怪，不過 #火龍果x #奇異果 同 #三文魚 配搭起嚟味道都錯喎，#白飯 上面仲加咗小小 #醬汁，整個口感都好清新，加上飲埋碗絕對有「有家嘅感覺」嘅蕃茄湯，呢餐都算係幾滿足❤️ 不過飯量就真係比較少，自認飯桶嘅你... 可能要加白飯底先夠飽㗎🤣
继续阅读
今日同同事叫外賣唔計運費一兜意粉$48包沙律包餐飲都算平既『菠菜汁蟹都長通粉』意粉都唔細兜，菠菜汁無咩菠菜味，反而有陣香草味～蟹肉其實就系蟹柳😂😂😂整體味道都ok，不過始終因為外賣，意粉雖然唔會一patpat，但都系偏稔既。另外有少量菇菇，幾好。如果蟹肉/菇菇份量更多就好了。沙律方面，都算幾新鮮既，但問題真系無咩味。。。好似得olive oil味道，但好似唔記得落vinegar，所以成兜菜都系生啃咁😂不過呢張外賣紙，同外賣平台上面價錢有分別既，留意翻。
继续阅读