24
9
11
港铁火炭站 D 出口, 步行约7分钟 继续阅读
电话号码
24463336
64699799
营业时间
今日营业
17:00 - 22:00
星期一至六
11:30 - 22:00
星期日
17:00 - 22:00
付款方式
现金
食记 (55)
等级3 2021-03-23
450 浏览
我一直在想炸鸡可以叫外卖吗?送到呢啲闷气会否令只鸡都唔脆喇? 但呢个已经唔系我要担心嘅事情。原味炸鸡配甜味蒜头炸鸡一只 $191,送到来,只鸡好似严重营养不良咁。谂住可能只鸡好滑呢,通常呢啲细鸡肉质比较嫩滑, 点知又嚡又乾点食呀。 其实炸鸡都可以好juicy ,但佢唔识炸罗 。原味鸡配honey mustard 酱,正常味。 甜味蒜头鸡完全冇蒜头味喎。 大家唔需要因为佢系蒜头味而点佢,因为真系无 garlic 味。佢个sweet garlic 酱非常甜非常稠,好似麦芽糖质地咁,仲包到只鸡冚一冚,得个甜, 做乜将只炸鸡搞到咁啫?芝士辣炒年糕$74,芝士系真系多,呢点要赞。 个甜辣味几好食, 甜辣适中,但系年糕得十嚿? 分量少得可怜 ,鱼饼好似浸咗好耐,淋到好恐怖 。好似小时候食7-11浸咗好耐, 胀到就嚟爆炸嗰啲鱼蛋咁。Tuna kimbap $54, 第一个感觉系点解会咁松散 ?? 夹一嚿出嚟,跌晒啲料 。 吞拿鱼嘅比例极少,而且吞拿鱼嗰个沙律汁唔够, 冇乜味 。kimbap 好乾, 为咗掩饰佢太乾,佢喺紫菜面加咗好多油 。食到成口油好奇怪。呢间餐厅,我觉得佢每样都做少少,差少少。 继续阅读
(以上食记乃用户个人意见 , 并不代表OpenRice之观点。)
等级2 2021-03-13
402 浏览
故事又回到系火炭返工的那些日子。暑假intern既最後一日,上司姐姐带左我去食哩间k-pop。一入门口,佢就兴致勃勃咁同我讲:「哩间韩国野系真既韩国人开架!」-环境几阔落,系比较接近工业风既装潢,四周贴满啲韩星既海报。哩度落单就系要写纸仔自己去柜台比钱落order既。-佢会比几个小菜(有时候2个 有时候4个)(泡菜,豆乾捞唔知乜,豆芽捞唔知乜,海带同海带啲fd)同热既麦茶开开胃,等你系等上菜既时候摄下牙罅。上司姐姐爱食辣,我却偏爱49蚊大大碗既炸酱面。佢里面好多炸酱,有啲茄子薯仔之类既嘢,同埋一只鹌鹑蛋。我个人几喜欢哩种味道,次次黎都系嗌哩味。至於上司姐姐啲泡菜煲... 作为一个唔食辣既人,无可奉告。整体几喜欢哩间餐厅,宜家偶尔都会嗌嗌外卖。 继续阅读
(以上食记乃用户个人意见 , 并不代表OpenRice之观点。)
等级1 2020-11-22
1899 浏览
星期天晚餐,拣左屋企附近韩国菜😆 6:30pm 去到唔驶等位我哋两个人点左 辣豆腐海鲜汤配饭(忘了影相); 小食拼盘(炸芝士条+ 韩式拌粉丝+ 甜辣炸鸡粒) ; 炖牛肋条。全部都唔错👍🏻😆 净系牛肋条内嘅萝卜略甜(少少怪)但牛肋条够淋滑👍🏻👍🏻一间可以回头的餐厅 继续阅读
(以上食记乃用户个人意见 , 并不代表OpenRice之观点。)
等级3 2020-10-04
1464 浏览
2-Oct-2020夜晚系火炭工厦倾project (感觉好青春😂😂), 所以就系附近搵野食医肚! 公众假期夜晚既工业区, 想不到仍然有不少选择, 沿住拗背湾街行, 仲有4-5间 cafe, 茶餐厅营业! 我同朋友都打算试下呢间近街角既韩店!推门而进, 系一条长长而向下既楼梯, 大约都有十几级! 才到接待及收银处, 原来里面空间挺大的, 至少有40个座位 (洗手间对面更有个"厢房", 我没有入去看有多大!😏) 红日夜晚6点左右, 连我及友人二位, 都有10个左右既客人; 我相信平日上班日子及晚上, 会有不少生意! 我地只有一个钟的时间, 我就点左个牛排骨汤。可能一早已经煮好牛肉, 只要端出来就可以, 5分钟後就有得食! 味道很浓, 牛排骨好"淋", 但可能装汤器皿既关系, 汤好快凉了, 如果改用那种黑色能够保温既器皿应该好好多; 又因为汤凉了感觉油油的, 不想喝掉整碗汤! 朋友点左年糕饺子汤, 应该系即整, 所以等左15分钟, 不过佢话够热辣辣! 整体系唔错的, 如果下次时间许可, 好想试试韩烧呢!😋 继续阅读
(以上食记乃用户个人意见 , 并不代表OpenRice之观点。)
等级3 2020-09-13
1187 浏览
🌈K-Pop Snack👾天气热热地嘅时候会想食到啲冻嘅嘢😳😳😳水冷面系其中一个天气一热就会想食嘅嘢👾水冷面  $60✨唔系间间韩国菜都有水冷面食更加唔系间间都都整得好食呢间店嘅水冷面,都几出色👍👍一来雪梨好清甜,啲面都几烟靭重点啲冰唔系清水雪,系汤汁雪出嚟💕所以当啲冰开始慢慢溶化都冇令到碗面淡咗😍😍😍佢另外仲有啲配菜不过都系比较普通所以冇特别去影🤭🤭之後都好想再食到水冷面🧐🧐无奈真系唔系间间韩国菜都会做尤其是新式啲嘅炸鸡店,都唔见有喺火炭工业村返工嘅人,都几有口福🤣 继续阅读
(以上食记乃用户个人意见 , 并不代表OpenRice之观点。)