影片
以上资料只供参考，请与餐厅确认详情
真系嬲到震呀！今日中午入左e间餐厅，叫咗个$108嘅铁板牛扒定食，谂住豪少少食餐好嘅，点知中伏！ 😤 个牛扒一嚟到，块铁板竟然系冻冰冰嘅！我只手掂落去，一啲温度都冇。块牛扒食落口都系冻嘅，暖都唔暖吓，好似摆左出黎几个钟咁！ 🥶 前菜同汤都系冻冰冰，成个餐得个饭系热嘅！ 🤯真系完全接受唔到啰！食物冻冰冰又难食，仲要收咁贵！$108食个咁嘅质素，真系好令人失望！下次都唔会再去帮衬啦！ 👎 👎 👎 奉劝大家如果见到呢间餐厅，真系要谂清楚先好入去！ 😫
继续阅读
香港 fine dining餐厅甚至酒店内的餐厅好多都系得个字, 食物和服务质素都唔值𠮶个价钱. . . . . . 如果想饱肚, 茶餐厅亦都已经唔系特别平. . .今日放假, 随便去了坑口逛逛, 首先做最开心紧要嘅事 - 找食物医肚 =) , 放松下自己~~ 路过呢间餐厅, 望望餐牌时, 便有位可能系经理嘅男士斯文友善咁介绍啲套餐畀我, 我都几有兴趣试. 佢安排我坐梳化位, 环境感觉都干净卫生, 我点咗一个牛扒乌冬餐, 加一杯咖啡, 好放松咁享受呢个午餐 - 牛扒好香 =D , 配埋蛋黄味浓郁嘅半熟蛋, 捞埋乌冬食, 已经好饱, 兼享平民价钱!! 再值得一赞嘅系, 带我入座唔知系唔系经理嘅男士好有心照顾客人, 包括其他枱嘅客人, 亦有见另一位熟手嘅员工会带领另一位员工合作出餐, 保持桌面干净等等, 呢度嘅服务员团队唔会好似无质素嘅餐厅员工咁, hea 下 hea 下, 企埋一堆倾偈无心理啲客人, 整体嚟讲, 呢间餐厅真系可以 encore 👍🏽
继续阅读
星期日谂住同屋企人出街食午餐，唔好再饮茶，行过呢间见到有weekend lunch Menu，又未试过就入咗嚟试吓。老窦食咗个鲭鱼炸虾乌冬，佢话鲭鱼好腥，但系炸虾都OK。妈咪食咗个牛肉寿喜烧定食，有三片牛肉，食落嘅味道就系茶餐厅照烧汁，超级超级甜。我食咗个牛肉黑松露铁板饭，上嚟啲牛系全生，等啲牛熟𠮶阵时，洋葱同粟米已经㶶晒。个饭好油，完全冇落盐，靠啲汁调味，但系啲汁太稀，倒咗上去蒸发晒。仲叫咗个冻滴咖啡，饮落去又系好甜，奶精味好重，同即溶咖啡冇分别，一个set $100嚟讲，佢都算系我食过最难食。原来香港而家嘅物价变做咁，唔怪得知啲人去食两𩠌饭就算。
继续阅读
在这次食牛排的经历里，我终于体会到什么是好的牛扒。 什么是好牛扒呢？在这次吃牛扒的经历里，我吃到了自然草饲肉眼牛扒。里面肉汁丰富，大小适中。 这家牛扒店的价钱也不贵， 就算一块上好的牛扒只需要200元以内。我还加配了套餐，在这个套餐里我渴到了一杯特饮， 一个龙虾汤 和一个和一个泡菜豆腐。我觉得这个特饮很好饮 和龙虾汤龙虾味很重，还有一只完整的虾。经过今次食牛扒的经历后，我终于明白到一块好吃的牛扒是怎样的。我还学会了一块上成的牛排不用下汁， 只需要盐就能调味。
继续阅读
因为懒得谂食咩 见到有二人餐简既餐厅就入😂二人餐有包前菜 主菜同埋两杯野饮仲有送会员卡 系下次黎食时可以问职员有咩餐可以有会员优惠咁我地前菜就简左一汤一沙律是日餐汤系甘笋汤甘笋味系浓郁同埋甜既不过佢唔似西餐个汤咁creamy沙律菜就正常 汁系酸酸地几开胃主菜就有龙虾，牛柳，猪肩扒有三款酱汁入面可以选择两款唔同既酱汁一开始已经叫左侍应唔好整咁熟牛柳因为惊铁板上牛柳会好快老侍应都有答话一般会煮到3成就上菜建议食左龙虾先但结果黎到见到牛都已经7-8成熟咁制🤷♀️🤷♀️虽然正常铁板餐都系要食得好快 要与时间竞赛 但都唔系一黎就7-8成熟我连同时间竞赛既资格都冇😂😂一黎已经要即刻夹哂牛出黎放系另一只碟到到食时先放一放上去 整番热佢否则应该会变左10成熟😂虽然牛柳一上已经系7成熟 不过佢系好食既如果一开始就食佢咁就系岩岩好既牛味重 肉质系冧既猪肩扒就系牛既下面夹完牛之后就完全醒唔起要夹起埋个猪直接就食左个龙虾先龙虾系好食👍👍同埋膏味浓 好juicy食完龙虾之后先食猪猪已经老哂 有d硬 不过都仲系可接受既西兰花都煮得好好食出街食有时d餐厅既西兰花会有阵草青味呢间就完全冇草青味菠萝都好juicy 就算我地放到最尾先食 都唔会煮到干哂 食落仲好多汁 不过有少少偏酸粟米都系好食最底洋葱吸收哂牛同猪既汁 都系好正总括黎讲呢个二人餐系好食既不过要一开始就夹哂牛同猪出黎先否则就会老哂 唔好食如果你食野食得好快既话 可以试下唔夹😂😂
继续阅读
您可能会有兴趣的...