J's Kitchen (已結業)

今日中午经过见到仲有早鸟优惠便决定一试蟹子炸鸡饭 + 饮品 $52算是几平虽然睇落外卖盒好细其实饭都几多下仲有好多配料Eg 栗米，青豆，红萝卜粒，萝卜粒感觉几健康仲有满满蟹子铺上面食每啖饭都几有口感重点来了 炸鸡就好一般虽然吾太油淋淋但偏干 同愈食愈喊😣如果多番啲汁会好啲…查看更多

今个星期公司开始取消WFH既安排，回复正常返工，阿姐就同我哋happy Friday,预先订左呢间餐厅，我地一行三人12:40黎到即刻可以入座，疫情期间，虽然呢间餐厅既座位唔多，但佢都做得好好，系隔枱坐，所以食客同食客之间既距离做得好足，抵赞👍🏻👍🏻👍🏻❤️因为最近尝试紧唔食淀粉质既关系，去之前都好担心冇嘢啱我食，点知去到见到餐牌第一页已经系好适合我食，我叫左$88烧牛肉沙律，佢可以选择配黑醋或者千岛酱，野饮方面就叫左热啡，佢个奶系分开上既，而值得一赞既系，个奶佢系会打热左先上，好少餐厅做到呢点，真系好细心☺️☺️…查看更多

好少要食食下餐厅要打开个app写食评，因为实在系味道同价格太不成正比。我路过鲗鱼涌同男朋友食餐lunch，想揾间坐得舒服既餐厅享受午餐时刻，12点钟倒路过此餐厅，本来餐厅外menu好奇怪，好似好多餐点都无价钱，不过男朋友想一齐试，所以就入左餐厅。店员几友善既，带我地入座。至于餐牌同另一位食评家一样讲法，A-F午餐餐牌，AB都系沙律作主菜，C-F餐都无咩好食，但抱著尝试既心情，我地叫左一平一贵，一个日式汁猪颈肉饭同埋一个和牛汉堡扒配饭。前菜都还可以，蘑菇汤好多杂菇以及有松露香（食得出系松露油杂菇酱加左落忌廉汤），系唔错既，亦系唯一一道菜我觉得正常。至于沙律系杂菜沙律，唯一不足之处系落吞拿鱼肉（罐头哥只），同埋无任何沙律汁，我觉得完全好似食紧猫猫狗狗食粮咁无味。主菜方面就真系极度失望，可一不可再。日式汁猪颈肉饭（$96，唔记得影个样，但系性价比极低）日式猪颈肉非常逊色，以我口头试既味道就系，厨师先将猪颈肉先白灼，然后将类似普通李锦记烧汁之类既汁倒落去炒一炒猪颈肉同杂菇，再配一碗日本米饭，仲要唔热，系咁多。味道同卖相完全系只值普通$40午餐水准。和牛汉堡扒配饭（$148）最嬲就系哩道主菜，和牛汉堡排我非常怀疑系低品质和牛肉，因为好难压成扒之后煎到无晒肉质干曾曾，仲要无额外汁提供，一直好似食紧擦胶，我甚至去到后来系太干咬唔烂吐番出黎。至于放和牛扒对上既洋葱同碎鸡髀菇，鸡髀菇无咩特别但唔够调味，但系洋葱仲系生既同埋切丝唔够透切，界开左一条条但仲系连住做一大旧洋葱。至于同碟既饺子味道就正常，煎得几脆，睇下几牛油粟米都正常。唯独就系和牛汉堡排最失望。由于主菜太差，对甜品完全无期望。结果甜品一望我以为系雪糕糯米糍，结果系超级普通里面系士多啤梨酱棉花糖。饮料，无特别。完全唔会再中伏入去食，亦都明白番点解间间餐厅排长龙，哩间一半满都无。…查看更多

鲗鱼涌返工的朋友仔都知 12至1:30 在呢区食lunch 都系好痛苦，一到12点就要急急脚去攞位，否则等翻枱分分钟已经冇咗30分钟，但入到去坐都要快手快脚咁样食，落order唔好慢慢谂，杯嘢都未饮已经一副想赶你走咁，好有压力。j's kitchen算系比较休闲，因为佢 一个course有沙律、汤、主菜、甜品、餐饮，基本上你一个个dish咁食都要45分钟。 如果你想食饭时take a break, 同同事倾下计，建议你来呢间。 中长发男侍应应该系老板，都好亲切。 食物就有中规中矩，可以改善;价钱约$100~130,可接受。…查看更多

平时甚少系呢附近食野，咁岩今日公司有training 系附近先会系附近揾野食，呢边多写字楼，撞正lunch hour周围都排晒队等位食饭，行过呢间餐厅见到咁岩有位唔洗等，而且公司上training一大早就到就系欠缺一杯咖啡，见呢间西餐应该有杯咖啡可以饮下就入左去喇。餐牌set lunch有A-F可以拣，但系其实一d都唔吸引🙈当中有两个Set已经系Salad，两个饭Set有一个系日式豆腐肉碎饭，一个系鳗鱼饭，一个意粉系香草酱杂菌鸡肉意粉，仲有一个系牛肝菌意大利饭。我最后系拣左食意粉，格局系西餐断估应该西式野会做得正路d⋯⋯个Set系有一杯细嘅田园沙律+一杯所谓嘅野菌忌廉汤+主菜（意粉）+甜品+餐饮。沙律系正常野，个汤呢就淡到好似无落调味咁🤣不过饮得出唔系面粉水开嘅汤🤭值得欣赏嘅系好够热，连装汤嘅杯仔都保温嘅，食完个沙律个汤依然系热到饮唔到，而杯口太细跟本系唔会可以用到汤匙去饮🤭见个汤系咁，个意粉都系预料之中嘅「无味」，淡到呢⋯⋯都系无调味一样🤷🏻‍♀️但又唔可以叫做难食，因为真系连味都无，又点可以批论碟野食嘅味道呢😅呢个moment 真系唔会对甜品有期望🙈🙈🙈甜品系一件蛋糕，以颜色去估计应该系绿茶海绵蛋糕😅叫做系有味道嘅野，因为好甜😑最期待嘅餐饮-冻斋啡（iced black coffee)终于出场喇👏🏼👏🏼👏🏼幸好，都系有咖啡味嘅☕️题外话...其实本身想要iced americano,但店员竟然唔知系咩🤷🏻‍♀️咁又顺便问埋咖啡嘅糖水系自己落定已经落埋啦，知道系分开上嘅到上，咁就放心啦，可以自己控制甜度。点知最后杯咖啡到嘅时候系无跟到糖水ga🙄真系唔该晒😑店员服务好唔好就见人见致啦总结，朋友话「你唔试过无咁好嘅，咁又点会知咩野系好野/正野」🤣🤣🤣真系不能认同更多…查看更多