JoA 조아

营业中

休息中

呢個價錢 可以食更好份量黎講絕對係夠既 但啲餸真係唔合格1） 牛肉好鞋：個口感就好似食緊瘦肉咁 好乾 唔入味2） 豬肋骨：同樣問題 係冇味 點個醬都唔好味 食唔出有咩味3）炸雞：仲叫左個炸雞 但炸雞皮厚 勁乾身 一啲都唔juicy又唔脆 （我買左兩盒飯）4）炒粉絲：一pat野咁 又淋 😭😭以呢個價錢黎講 我會expect質量會好好多 真係唔好食同唔抵食 食左一次中伏後 真係冇一次 韓國野我會揀返第二間 O字頭個間性價比同質素真心好好多

之前經過呢間舖，都見好多人排隊，咁啱見到冇人，咁我就可以慢慢揀，可能始終佢係做外賣，加上之前係多人，所以個態度都係麻麻。當我嘗試了解係點樣叫嘅時候，店員就叫我揀咗飯定麵先，跟住好急咁樣就要叫埋另外嗰啲餸。其實同兩餸飯差唔多，不過係多咗個飯或者麵要揀。可能因為係韓式，反而被韓式嘅食物框住，選擇唔多，唔同味嘅炸雞都有最少兩款，但其實咪又係炸雞。味道黎講都可接受，份量都係飽嘅，一盒食飯攞上手都重手，但係個湯就普通。總括嚟講，我唔會試第二次。

拎到嗰吓有心諗咗陣嘅 4個細兜仔係咩事😂會唔會太頹 差啲以為要唔夠食但一打開係塞到滿一滿 份量都有返咁上下只係炸雞塞到走晒樣 用返個正常盒嚟裝 會唔會好啲🥲泡菜辣炒豬肉 $55原本以為係豬肉片 但係有啲厚度嘅豬腩肉幾有咬口又juicy泡菜都夠惹味 都唔錯耶甜酸炸雞 $55都仲少少脆嘅 調味都幾好只係皮同肉有啲分離韓式炒粉絲 $45係一個真。炒粉絲 無乜配料😂好在有嗌其他餸 配返落個粉絲到無咁齋烤雜菜 $55好多蕃薯好多紅蘿蔔 無咩事都係食返肉

嚴重圖文不符， 於外賣平台叫一個韓式炒牛肉，點知黎到，個盒好細，份量少，完全唔係menu 嗰張相個食物盒。 細細一杯已經要收人60蚊，其實性價比好低。 十分失望，不會再試了。

最近返工經常食呢間外賣餐廳, $68自行組合主菜同主糧, 個主菜選擇非常豐富, 主糧可以揀一款或者多款, 所以你可以全肉/全菜都得價錢一樣, 我主要鍾意食佢嘅牛肉,甜辣炸雞同埋椰菜花沙律, 其他菜例如蕃茄沙律或者雞都唔差; 另外佢有加送一個湯, 呢個價錢之下有呢個食物質素同份量真係非常滿意, 祝生意興隆長做長有最後講少少建議, 希望可以比客人選擇配搭配菜例如泡菜酸蘿蔔&凍飲茶類, 香港天氣熱加埋呢啲更加開胃, 唔介意加錢

今日試咗中環一間韓式外賣店——"Joa"。呢度好多人話價錢合理，所以我決定試吓佢哋嘅招牌蓋飯（韓式炒粉絲及雜菜配韓式香菇烤牛肉）。首先，講下呢個外賣，價錢其實唔錯，但份量真係超大份，食完真係差啲搞到有food coma。炒粉絲味道ok，但係有啲油膩，食幾口就覺得有啲heavy。至於韓式香菇烤牛肉，味道調得唔錯，但肉質有啲韌，咬落去有啲難嚼。仲有，偷咗啲朋友嘅炸雞試試，呢個炸雞外層crispy嘅啲，但內裡係冰鮮雞，有啲冇乜味道，整體上比較一般。總括嚟講，"Joa"係個ok嘅地方嚟做外賣午餐，價錢合理，味道亦可以接受，但有啲地方可以改善，例如粉絲嘅油膩同牛肉嘅口感。如果你唔怕份量大，有時過嚟試吓都係可以嘅。

這家店號稱最便宜韓國兩送飯，去了一次，不會有下次。第一，管理混亂，裝飯大聲問話的大哥不戴口罩，衛生情況擔憂。整整一屋子員工，只有一個不戴口罩的大哥在忙活裝飯，對著我的飯大聲問說話，近距離真的令人反胃。其他沒戴口罩的大姐們都站著，我還寧願她們裝飯，不過這位高大的不戴口罩大哥一站那，整個店都伸展不開，其他人真的不知道在忙什麼。點單小哥做的靈魂已被抽空，明明剛剛付了錢又隔幾秒問我是不是還沒付錢。前面有個大哥買袋子還要找我收錢？這是做事情不走心，說明餐廳老闆對員工不怎麼樣，飯菜也不會用心做，求個拍照好看罷了。第二，味道超級一般，看圖就像豬食，真的一言難盡，將就吃，還不如買landmark下面兩送，也就68，還乾淨衛生。

今日lunch點了韓式三併：蕃茄沙律+酸辣炸雞+韓式粉絲～這家是外賣自取的，蕃茄沙律配合芝士粒，蕃茄鮮甜！酸辣炸雞，有三四件，份量10分充足！韓式粉絲不過不失，另外還有白飯所以我也吃不完

早2日同事介紹，話中環新開左間韓式兩餸飯外賣店味道唔錯兼且仲大大份，好，一於孖住去試吓。我哋12時正出去，到埗已經見到條小龍，好彩早出門，如果唔係又排等。韓式🇰🇷兩餸飯有咩揀？有🇰🇷炸雞（有辣有唔辣揀）、🇰🇷泡菜豬肉、🇰🇷炒牛肉、🇰🇷豬肋骨等，另外我最欣賞嘅係仲有幾款西式沙律楝🤭。首先揀底菜，有飯 / 韓式粉絲/生菜/混合或全包，再揀主菜（可以揀2款），之後揀埋醬汁（醬汁都有5款），最後仲送埋個紫菜湯，盛惠$68。我點左粉𢇁+生菜，🇰🇷辣炸雞和粟米沙律，同事仔點左飯+粉絲，炒牛肉和🇰🇷炸雞。份量大大份，講真又粉絲又飯真係食唔哂，餸既份量亦好足夠，細食嘅女士們真心覺得真係可以Share食。至於味道方面，個炸雞外脆內軟，好味，其他的中規中矩，最差嘅係個紫菜湯，完全無味，大家可以唔飲。總括$68大大份，間唔中買外賣可以食下😊大力推👍🏾推介指數：7/10

今晚屋企無煮飯，於是試吓依間新開嘅🇰🇷韓式飯盒～$68/盒，可以揀兩份主菜同一份底菜，自由配搭自己想食嘅飯盒🍱✴️烤牛肉。雜菜炆雞。沙律菜。韓式粉絲✴️肉類份量好多，啖啖肉十分足料！烤牛肉脂肪含量低，所以比較乾柴，相對健康啲🐂雜菜炆雞味道甜甜鹹鹹，雞件大且嫩滑👍🏻沙律菜拼韓式粉絲依個配搭唔錯，有少少菜食又有足夠粉絲，食完好滿足😌✴️甜辣炸雞。烤雜菜。韓式粉絲✴️炸雞已經腍咗，不過味道上可以，真係會有少少辣🙈烤雜菜中嘅南瓜、蕃薯同粟米都超級甜，好食👍🏻

係中環放lunch成日唔知食咩好，最近好hit一間新開嘅韓式兩餸飯🔥係利源東街呢條小巷入面，一到lunch time就大排長龍。所謂韓式兩餸飯其實係啲餸菜選擇有幾款韓國菜，好似🍗炸雞、🌶️泡菜豬肉、🧆炒牛肉等，另外仲有幾款西式沙律🥗$68有兩餸，先揀飯／韓式粉絲／沙律菜，再揀餸，最後揀埋醬汁。份量都幾大，同港式兩餸飯一樣送埋湯水，$68貴唔貴就見仁見智啦🤣韓式兩餸飯牛肉份量頗大，味道甜甜地，肉質唔會太乾。沙律同樣大份，有西柚、車喱茄、椰菜，比較清爽。粉絲好滑捋捋，調味剛好。整體味道係ok的，但食完有少少口乾頸渴，似落咗味精，所以要再排長龍的話都未必再食🤔湯韓式海帶湯，飲落好重胡椒以及味精味，唔好飲，可skip🙈🙈人均消費：$70推介指數（10分為滿分）：6.5分

公司附近開咗間韓式兩餸菜，同同事去買嚟試下 佢原來唔只飯，仲可以有幾款組合！我揀咗三文魚+韓式炸雞+炒粉絲+飯, 減肥中的同事揀咗沙律+沙律+生菜，我覺得我抵過佢 佢話佢個果係Assorted Root Vegetables Salad + Tomato Salad，沙律本身都貴嘢，呢盒好新鮮好正。 我哋兩個分別都係$68, 係呢區都算抵！而且味道及質素都唔錯！！當時有個韓國男廚師好用心介紹，下次要試埋韓式燒牛肉先！