Japanese x Korean Library (已結業)

Lunch唔知去邊食，行行下就㨂左呢間，貪佢假日人少少，又唔算好貴。叫左個：栗子牛蒡蒸飯配鯖魚+醉雞翼（$78）-啲餸比我地想像中多，飯量就一般。鯖魚有少少腥，都多肉食，醉雞翼酒落得太多，有啲苦苦地。鰻魚照燒雞丼（$70）-塊鰻魚好大舊，雞肉都有好幾舊，味道正常，啖啖肉。不過落得太多沙律醬，太膩。同埋其實唔落都得。價錢平，賣相都唔錯，員工都好nice!

早上趕時間，上這裏食個早餐，以前是日式咖啡店，很喜歡來，現在變成家庭式快餐店，自助式點餐， 點了一個照燒雞太陽蛋出前一丁，原想要鴛鴦走，收銀的人用一種非常不友善的語氣回答「 呢度無鴛鴦走呀」，我唯有改要咖啡，誰知送上來的麵，照燒雞只有一厘米闊，味道好甜，口感有點潺，太陽蛋和麵算正常，湯就純正出前一丁湯兼水少，真係不會有下次。

🇰🇷韓國 shake shake 飯盒• 賣相唔錯，幾精緻，未開始食之前見到係幾開心• 份量啱啱好，細胃人士嘅我都無食淨• 韓式辣醬配沙律醬(?)撈白飯，味道同口感都好夾• 兩件炸雞幾juice，層皮炸得幾鬆脆又唔會油淋淋• 拼盤款式豐富，除咗泡菜份量太少（可能本人好中意食泡菜）• 餃子層皮就炸得太硬了📍地理位置方便，好啱附近打工仔🥢餐廳環境幾乾淨，唔會好迫，座得舒服⏱午餐時段出餐算幾快，等咗5分鐘左右就有得食

星期六下午去完澳門返來想揾野食找到這家餐廳下午時段沒有很多客，很適合靜靜地享受一頓午餐。由於未食過，所以問了店員推介。店員推介了韓式牛肋條和酒釀燒雞扒，另外我們㸃了韓式炒粉絲奶茶。牛肋條炆得香軟，蓮藕也很入味，沒有過份濃烈的香料味，調味很妥當。燒雞扒是生煎的，很香而且滑，和牛肋條一起配飯很不錯。而炒粉絲一點也不油膩而且有彈性。奶茶香濃，飲得出茶葉有講究過。作為一個午餐而言，夠飽而且好味，價錢適中合理。

Japanese x Korean Library (上環)上環皇后大道中181號新紀元廣場低座2樓206-207號舖-----番薯牛蒡蒸飯配鯖魚🐠（$78）擺盤擺得好精緻 一上檯見到就覺得賞心悅目 鯖魚大大條 調味唔多 少少鹽味 加埋檸檬🍋汁 係清新開胃ge味道 可惜燒得耐左少少 鯖魚外層ge肉同皮都偏硬同乾 ～而醉雞翼就大大隻 啖啖肉 可惜酒味唔夠入味 比較清淡 無論係魚定雞翼🐔食材都唔錯 可惜烹調技巧都係有改善空間～最後番薯牛蒡蒸飯 味道無咩特別 但份量就少左d 好似B仔一樣胃口比較大ge人可能會覺得唔夠飽😂😂😂-----👶🏻B仔整體評價：7/10個👍🏻👶🏻B仔抵食程度：7/10個👍🏻👶🏻B仔環境評分：7/10個👍🏻👶🏻B仔味道評分：7/10個👍🏻👶🏻B仔回頭機會：7/10個👍🏻-----跟住我一齊吞食香港啦！🤤#swallowsheungwan

二重鰻魚丼 / Double Grilled Eel Donburi (半價 Half Price $60)評分 RATING：8.5/10.咁啱見到優惠時段點餐可以低至半價 😱 即刻擇日去食咗個 late lunch，冷門時間客人實在唔多，野食好快就準備好。之前見過呢個鰻魚丼嘅評價唔錯 😌 雖然個樣就唔算好出眾，但真係要一讚佢哋嘅兩大塊鰻魚味道上絕對唔馬虎，份量都唔少 😍 鰻魚比較軟腍，同其他餐廳嘅比較肥美挺身嘅鰻魚有啲唔同，不過我覺得呢款都好食嘅，細骨好少唔刮喉，口感不錯 😋 亦都唔會太鹹～另外飯都煮得好香軟，同蒲燒醬同豉油超夾 🤤 甜味嘅海苔作為配料都幾有新意，沈上碎蛋花裝飾，視覺效果好似花開咁幾靚 😌 整體嚟講呢個飯嘅味道非常和式🙆，就算係原價食都值回票價下次再去試吓其他款式嘅飯先Super worthwhile grilled eel rice bowl with two huge thick pieces of eel dipped in signature japanese barbecue sauce~ Rice is just moist enough marina

Japanese x Korean Library (上環)上環皇后大道中181號新紀元廣場低座2樓206-207號舖-----韓式牛粒粒丼（$70）- 韓牛燒得鮮嫩多汁 飯配有有洋蔥 炸蒜 同香蔥 撈埋一齊非常香口惹味 但整體味道配搭有少少混亂 比較濃味 適合重口味之人😂-特盛鰻魚丼-二重鰻（$128）- 鰻魚份量非常多 而且全部都好肥美 肉質厚嫩 無咩魚骨 質素比好多專門做鰻魚飯ge鋪頭更出色 唯一要挑剔ge係 蛋絲加左同無加差唔多 無咩蛋味 但鰻魚ge非常出色～如果蛋可以改良下 會係一碗接近完美ge鰻魚飯😄-----👶🏻B仔整體評價：8/10個👍🏻👶🏻B仔抵食程度：7.5/10個👍🏻👶🏻B仔環境評分：7/10個👍🏻👶🏻B仔味道評分：8.5/個👍🏻（韓牛重口味左少少 同埋鰻魚飯個蛋唔夠用心 扣左少少分🤪）👶🏻B仔回頭機會：9.5/10個👍🏻(會為鰻魚再黎)-----#ig:swallowhongkong跟住我一齊吞食香港啦！🤤#swallowsheungwan

今日小編同同事仲諗緊去邊度食野，係新紀元廣場見到有間日韓餐廳，Japanese x Korea Library…性價比幾唔錯，小編今次食既係韓式豚肉炒粉絲，整個味道好好，粉絲好入味。再另外亦有叫到一碗雞飯，個汁好濃郁，份量合理。餐廳都好有空間感，bar台果邊亦有電話叉電位置，方便一路同朋友/同事吹吹水，一路電話充充電。remarks：外賣價錢會抵/有其他優惠😍

本身都唔知有呢間小店🙈係咁個同事話想食韓國野先專登上OpenRice搵🤓食之前仲擔心梗冇人寫過食評🤢會唔會中伏架以中上環既物價嚟講😍CP值超高雖然有人話係快餐店質素🤭但係60幾蚊有個伴飯仲想要百幾蚊質素咩🥺

哩間位於上環的日韓菜餐廳，裝修企理，有韓國餐、日式定食可以選擇，隨餐附贈飲品，今次我試左特盛鰻魚丼（二重鰻）配熱檸茶（$128）同鯖魚定食（原條）配熱檸茶（$88）。特盛鰻魚丼名不虛傳，鰻魚有兩大件，夠大件，鰻魚夠厚身肥美，鬆化無細骨，而飯係選用珍珠米，軟硬適中，配埋蛋絲、紫菜絲、微甜的鰻魚汁，相當滋味。而鯖魚定食，鯖魚原條上碟，差不多佔左餐盤一半，相當有分量，鯖魚用鹽燒，簡單的調味可以食到魚的鮮味，配上檸檬汁，檸檬汁化解左鯖魚的油膩品，食落微酸微鹹，兩者非常匹配。

上星期與友好已試過這間新開的餐廳，大家對他的環境，食物，服務都有好評。今天剛好做完瑜珈，路經此餐廳，想起值得再去幫襯，在門口選了一個C1套餐：韓國餃子粉絲湯連熱飲，侍應隨即給了一個牌，然後入座，大概10分鐘隨即送上食物，賣相唔錯，很韓國look,粉絲是採用韓國貨，好吃。只需$35元，我覺得比起一般的快餐連鎖店便宜，超值👍

Japaness X Korean Library 會安排客人先在門口落單付款，然後拿著號碼牌入座找位置，等侯店員送餐，整個流程順暢。餐牌內日韓餐單各佔一半，選擇都算多。店裡裝修新淨，值得一讚的是有「自閉位」，免去搭檯的尷尬。等了不到五分鐘，拌飯就送來了。第一眼看起來有模有樣，配料有太陽蛋、泡菜、蛋絲、肥牛、玉米、胡蘿蔔絲和菠菜。太陽蛋上面灑上了滿滿的芝麻。所謂牛肉其實是兩片肥肉，味道和醬汁跟吉野家一樣。旁邊的中華沙律，可能是作為前菜的一個存在，但個人更喜歡把它加進拌飯裡做配料。底下白飯份量挺多，男生估計也會夠飽，然而拌飯醬不夠多，又不能自己添加，整體吃得不夠過癮。Japaness X Korean Library 擁有連鎖快餐店的水準，中上環的價錢，不算抵食。