影片
港铁柯士甸站 A 出口, 步行约5分钟
继续阅读
电话号码
56280268
开饭介绍
以融合日式烹调技术与西日式摆设见称，打造独特的混合料理体验。餐厅由拥有28年Omakase经验的主厨掌舵，每道菜品均体现创意与卓越品质，精心呈现日本料理味道与质感之和谐统一。
继续阅读
营业时间
今日营业
12:00 - 15:00
18:30 - 23:00
星期一至日
12:00 - 15:00
18:30 - 23:00
*不定时休息，敬请致电查询
以上资料只供参考，请与餐厅确认详情
有关奖赏计划
影片
相片
大闸蟹粉蟹肉配三轮冷素面
+891
+28
食家推介
今日发现咗佐敦一间隐世而极具特色嘅日式餐厅，环境设计以精致有格调为主，搭配柔和嘅灯光，营造出放松嘅用餐氛围，非常适合同朋友聚餐！除了$590 Tasting Menu, 餐厅嘅饮品款式亦相当丰富，特别系佢哋自家调制嘅Cocktail，令人期待！🍹萤光鱿鱼配面豉酱经过精心烹调后，内里却保持著鲜嫩嘅口感。搭配著面豉酱浓郁而富有层次，带有淡淡嘅甜味同咸香，系一道处理得出色嘅前菜❤️酱油渍花甲王配花雕酒渍大头虾花甲王嘅肉质食得出制作时间控制得恰到好处，经过酱油渍嘅处理，更加凸显了鲜味，搭配花雕酒嘅大头虾，虾头部份十分多虾膏，虾肉结实得嚟酒香四溢，每食一口都令我回味无穷！👍🏻新鲜烧生蚝配生椒烧生蚝外焦内嫩，烤至金黄嘅表面散发著诱人嘅香气，搭配新鲜生椒嘅微辣，令整道菜更加惹味，而且上面放有炸过嘅鱼仔，口感就更丰富。烟熏牛舌山椒烧牛舌经过烟熏后带有独特嘅香气，肉质厚实而鲜嫩，搭配山椒嘅微辣同清香，令整道菜口感层次分明，十分惊艳😎旬烧鱼配酸菜汁呢道旬烧鱼嘅鱼肉鲜嫩，表皮经过炸后十分脆口而带焦香，系用咗立鳞烧嘅处理方法，搭配酸菜汁嘅清新同咸香，成道菜就好似食紧酸菜配搭炸鱼嘅感觉，别具创意！欣赏厨师设计嘅用心👍🏻虾浓汤冬阴功煮北海道带子浓郁嘅冬阴功汤底充满了香茅嘅清香、辣椒嘅辛辣同柠檬叶嘅酸香，与新鲜嘅北海道带子相互融合，带来特别嘅香气同口感！呢道都系创作嘅料理之一，几有特色，而且味道又相当match ✨牛肉寿喜烧牛肉煮得刚刚好，店员讲解系稀有部位，肉质柔软，食落肉味浓郁，搭配新鲜嘅蔬菜提升寿喜烧汤底嘅清甜，系传统日式味道！❤️
继续阅读
小弟同夏总早排大家都患上气管病，咳到甩肺，好吓又唔好吓咁，到近排总算好番晒，加上都好耐无同佢聚一聚，所以，贺一贺就约出嚟食餐好嘅。知佢最好喺日本嘢，一年总会去一次日本，故此，到访位处佐敦「食街」文英街嘅「JA Kitchen」，呢条街你嚟过就知短短一条街仔，有成十几、廿间食肆，咩菜系都有。虽然睇门面带点东瀛风，但甫入到餐厅感觉好西化，啲装修摩登、有型，仲设有一小排吧位，不过，𠮶度应该唔喺开放用餐，因为都见摆咗唔少装饰同啲推介餐牌。枱上嘅餐具及之后盛菜嘅器皿，都非常之靓同独特，加上师傅细心嘅摆盘，令到单喺视觉都喺一种享受。小弟就特别钟意个筷子托，因为喺富士山嚟，的骰可爱！食套餐向来都喺最划算，而餐厅提供一款「tasting menu」一共9道菜嘅套餐（视乎你当个赞岐乌冬喺咪一道菜），菜式非常丰富，且多元化，定价$590一位，此外更有一种食「厨师发办」嘅感觉， 因为部分菜式只列明类别，而食材因为时令用上当日靓货。前菜先登场嘅前菜以晶莹嘅鸡尾酒杯呈上，感觉亮丽，而里面喺松叶蟹肉，再配以青瓜丝同埋三文鱼籽，底下垫上水云醋物，加埋啲食用花做装饰，卖相实在精致。蟹肉劲鲜甜，混埋其他食材，令味道丰富，有份先声夺人嘅感觉。本日海产冷盘继而登场喺鲍鱼及黑梅贝，同样用上陈年花雕酒腌制，卖相保持一贯精致，前者醉鲍鱼仲加咗少少花雕啫喱，非常有心思，口感柔韧得嚟富弹力，花雕酒香有强劲嘅余韵；后者口感弹牙，底部肝脏味浓，微微酒香较为清爽俐落。季节海产日本生蚝嘅品众实在多，这一款嚟自岩手县嘅米崎蚝印象就第一次食，烧过之后仍然仲几大只，蚝肉属爽身嘅一种，本身就已经几浓蚝味，又烧鬼裙边有焦脆感，再晌面头加咗啲炸香咗嘅白饭鱼仔同葱花，味道就更有趣。烟熏牛舌山椒烧要选今晚嘅最佳菜式，小弟就一定投俾烟熏牛舌一票。首先，以木盒仍为盛器，一打开盖，散发出阵阵由苹果木做出嚟嘅烟熏香，极具视觉效果，而采用上牛舌心，加埋厚切，甚有弹牙感，不单有牛舌本身独有嘅味道，仲有烟熏香、山椒味，实在色香味全而多层次。旬烧鱼配酸菜汁可以讲一道菜比一道菜精彩，轮到介绍呢个旬烧鱼，卖相比较西式，但将鱼皮起出嚟炸香后再插在煎鱼之上，犹如扬帆出海，甚为立体，再者，片鱼皮脆到不得了。而件煎鱼以马友一夜干入馔，鱼味浓，煎得香口，肉质又嫩滑，伴上一小串紫苏花，衬埋个酸菜汁，真喺中日西大融和，喺一道极具心思嘅菜式。虾浓汤冬阴功煮北海道带子煎带子有咩特别呀？咪又喺心思啰，首先，用上北海道刺身级大大粒嘅带子已好有睇头，更将带子肉、裙边同内藏3个部位分开，可谓一鸡三味，带子肉爽口弹形，裙边有份爽脆感，内藏软腍粉香，配以呢个虾浓汤冬阴功，劲鲜香虾味，唔单止啲汤要一饮而尽唔好嘥，就连垫底好似粉丝嘅海藻面亦唔好错过。牛肉寿喜烧配赞岐乌冬就算喺日式套餐，近尾都会安排一道食事垫饱客人，关东风嘅牛肉寿喜烧锅面铺满大量牛肉，色泽红润有雪花纹，加埋大大只「月见」，未食先兴奋。汤头颇为清甜，牛肉嫩滑带少少油香，而下面仲有好多配菜，包括豆腐、本菇、娃娃菜、洋葱同萝卜，确喺丰富。最后，将乌冬放入汤中，吸收汤中精华，加上乌冬滑溜有咬口，赞呀！ 自家制开心果雪糕尾声，以开心果雪糕作结，叫人实在满足，因为开心果味浓郁，口感柔滑富奶香，自家制作，够晒诚意，亦制作用心。今晚食得实在高兴又称心，因为唔单止菜式高水准，配搭出色，更加入好多唔同嘅元素，无论视觉、味觉，都有很多体验。招呼亦好掂，除咗侍应有礼貌，更对每一道菜式好了解，上菜速度又刚好，不急不缓，令客人用餐舒服写意。
继续阅读
隐藏于佐敦文英街一带，主打fusion日式料理，晚市$590起食到9道菜omakase😍 餐厅会不时更换menu，菜式摆盘精美，结合创意元素，性价比不错呢😚✨ Tasting Menu ($590/ person)❀ 前菜 🥢日本萤光鱿鱼味道咸香，肉质饱满带爽脆口感，配上醋味噌清爽又开胃☺️❀ 本日海产冷盘 🦐用上陈年花雕酒腌制大头虾及海螺✨ 大虾鲜甜弹牙，虾头仲有唔少虾膏👅 海螺口感爽脆，两款同样散发浓郁酒香😚❀ 季节海产 🥢烧关西蚬大大只又鲜甜，食落仲好juicy😍 加入自家制XO酱及葱花调味，增添咸鲜味👍🏻❀ 烟熏免治鸡肉棒 🐥当日牛舌没货改为免治鸡肉棒，估唔到都充满惊喜😍 打开木盒有阵阵烟雾效果，鸡肉棒经苹果木烟熏，质感软腍且肉汁丰富，搭配蛋白泡沫及兰王蛋食更滋味❤️❀ 甸烧鱼配酸菜汁 🐟马友一夜干烧至焦香，鱼皮脆卜卜，咸鲜味突出✨ 融入酸菜鱼元素，将鱼肉搭配酸菜汁及山椒花，酸爽惹味亦带麻香❀ 虾浓汤冬阴功煮北海道带子 🥢北海道带子鲜嫩肥美，加上虾膏及冬荫功浓汤，酸酸辣辣好醒胃，配搭唔错🥰❀ 牛肉寿喜烧 🐮关东风寿喜烧锅表面铺满牛肉，汤底以牛肉及味醂等制成，鲜甜浓郁✨ 锅物入面有齐娃娃菜、豆腐、冬菇、京葱及鸡蛋，配埋赞岐乌冬味道更丰富❀ 甜品 🍞焦糖多士配朱古力酱
继续阅读
由超过28年经验嘅主厨主理 ——— 主打日式烹调x西式摆盘就连甜品师都喺蓝带毕业omg三位数即可埋单 Omakase （个人觉得似私房菜多啲xd)无论系私房菜定系 omakase 嚟讲真喺唔算贵佢哋只做晚市，有齐海鲜冷盘、热盘、串烧、铁版烧、甜品摆盘都系十分出色！整体由前菜、主食去到甜品都非常满意！最深刻印象一定喺劲打卡嘅❰烟熏吞拿鱼下巴幽奄烧❱估唔到咬落去油脂大爆发！幽奄烧都系怀石料理常用嘅烹调手法嚟添啊！❰大闸蟹粉蟹肉配三轮冷素面❱都劲多蟹粉非常矜贵仲有今期先推出嘅 ❰自家制焦糖芝士蛋糕❱实在太好食啦！！每隔一排就会跟季节性食材供应情况转 Menu 完全可以再去！佢哋嘅 Tasting Menu 都系 $590！！生日/庆祝都可以低成本地奢侈一下🤍▍9- course JA Omakase | 890 pp 🜸 白酒煮黑梅贝🜸 北海道海胆 // 北海道生蚝🜸 铁板烧活龙虾🜸 澳洲鲍鱼清酒昆布蒸配鲍鱼肝酱🜸 烟熏吞拿鱼下巴幽奄烧🜸 西班牙鸭肝配北海道牛乳面包小熊最中饼🜸 铁板严选A5近江黑毛和牛厚烧🜸 大闸蟹粉蟹肉配三轮冷素面🜸 自家制甜品 ⠂自家制焦糖芝士蛋糕✴︎ 预订优惠必须于用餐日期前一天9pm前确认及完成落订金程序
继续阅读
见朋友分享依间食晚餐食物好丰富又吸引原来9点后有宵夜时段依家好多餐厅9点后都已经关门想同朋友倾耐啲都唔知去边好但依到有提供宵夜至凌晨一点自选1款小食+3款串物+包啤酒1杯/日本白桃果汁份量真系好啱我哋两个朋友目的为咗倾计有个环境舒适唔赶人走又有啲食物得闲咬两下❤️❤️🔅 醉花螺真心好吃！肉质超嫩，酱汁浓郁，嚼起来还带点香气，好想再继续食多啲！🔅日本三叶浸花甲清新又好味，花甲嘅鲜甜搭配三叶嘅香气，口感滑滑的🔅烧鸡心血管串外焦内嫩，口感弹牙🔅 盐烧鸡颈肉鲜嫩多汁，盐香扑鼻，肉质滑口🔅 七味烧脆胸软骨串外焦内嫩，香辣味十足，咬下去脆脆的超过瘾，配上那独特的七味粉，简直让人欲罢不能！店员推介唔怕辣嘅朋友仔可以配搭黄七味，辣味令到软骨味道更升华🔅 一口炸鸡外酥内嫩，金黄酥脆，咬下去好juicy，搭配酱料更是绝配！🔅 蒜蓉烧北海道生蚝一上菜已经香气扑鼻，蚝肉大只鲜甜，搭上香浓的蒜蓉，口感滑嫩，必试❣️🔅 蒲烧活鳗鱼串外焦内嫩，甜酱香浓，鱼肉滑润，必点❣️🔅 盐烧大虾串鲜香四溢，虾肉弹牙，盐香恰到好处，建议用口咬剥虾壳，顺便啜埋盐香🔅 盐烧牛舌芯肉质鲜嫩，中间呈粉红色，嚼劲十足，盐味恰到好处，让牛舌的香气充分释放，特别适合下酒，牛舌心爱好者必食❣️🔅 黑豚青提串肉质鲜嫩，搭配青提的酸甜，口感层次丰富，每一口都让味蕾惊喜🔅 盐烧鸡皮串外脆盐香浓郁，简直是完美的小吃，送酒一流！🔅 烧汁大葱鸡肉串香气四溢，鸡肉鲜嫩多汁，搭配大葱的清甜，吃起来超级满足🔅 自家制免治鸡肉棒口感滑嫩，香气浓郁，咬下去充满肉汁，搭配鸡蛋更美味因为太美味而店长都好亲切待人闲谈再了解一下夜餐有咩食嚟紧圣诞真系会考虑到依间餐厅庆祝气氛一流❣️🎄
继续阅读