影片
招牌菜
食记 (29)
今日同dadi泥呢间到食lunch 星期一至五都有lunch set $38起 包餐汤+包+野饮之前学生好似仲有免加一 唔知而家仲系唔系? 但系今日星期六就冇 唔紧要 我地睇完menu就点野食dadi叫佐个芝士汉堡包 $58汉堡入面果块牛肉劲厚 又juicy 加上又有几多粗薯条 好似fish&chips咁既粗到 好正我就叫佐个辣蕃茄汁尖通粉 $48粉量多 起码我食唔哂 同埋蕃茄汁应该系自家整 好好食 少少辣好开胃 尖通粉又够lum 唔会太硬然后点佐个cake of daily - 朱古力千层糕 堂食$16 外卖$11件蛋糕上台好似酒店级咁款 蛋糕好软 唔会雪到硬哂 又有个scoop既vanilla ice-cream好似朱古力brownie热食咁既食法 正环境好好 有落地玻璃有电视有洗手间 望出去条街好舒服 会有下次埋单计埋加一$134 老豆碌卡俾6蚊贴士 总数$140 每人$70我觉得d意粉好食过意粉屋整果d 诚意之作 值得嘉许!
继续阅读
本身要送份礼物到大角咀朋友处及请他吃晚饭,开头两个人无乜意见,朋友又话去打边炉,我极力反对,我一星期打足五晚,食到厌,最后行过一间西餐厅叫IVY , 于是入去试吓.首先系汤,我们UPGRADE 咗要蘑菇汤(本身ORDER DINNER SET 要另加廿蚊), 我可以话呢个汤系我人生以来最好饮的一个汤,既 CREMEY又多蘑菇粒,"坚" 好饮.主菜我要石烧咖哩,朋友则嗌咗红酒焖猪手,先讲咖哩,一个字"劲" ,佢地用的石烧锅仲大过平时食可韩国石头饭的SIZE,热烘烘的,又够料. 至于红酒猪手亦比正常的大及厚身,出来的口感非常OK,唔会太稔OR太硬.:食完之后,已经饱突肚,再无空间试佢地D 自家甜品,下次一定要再来试吓D牛扒补充多句,食厌咗火锅的朋友,绝对要试试石烧咖哩
继续阅读
“懒”呢个字嘅代价到底有几大呢? 相信师傅心中有数喇, 皆因师傅就系懒, 所以有成几个月冇写食评, 亦因为懒所以大部份食评都忘记得八八九九, 更加因为懒而遗失埋几篇接近完成嘅食评; 为免重蹈忧彻, 师傅痛定思痛定决定勤力d, 闲话休题, 即刻写番篇新鲜滚热辣嘅食评先!昨天晚上, 师傅约左好友车匙姐姐食饭, 但由于两个人都唔知食咩好, 又唔知喺边区食好, 于是师傅谂左一阵就决定去车匙姐姐浦开𠮶区揾野食! 两兜友喺条街度行左一阵, 而美食嘅选择开始渐多, 车匙姐姐亦感觉到花多眼乱兼心大心细, 最后师傅做左一个决定就系拣左呢开餐厅, 而最主要原因系师傅自己未试过!入到餐厅, 食客唔算多, 气氛亦算舒服, 幸好唔会感觉到好似净系比情侣去嘅餐厅咁, 如果唔系都几样衰! 侍应带位入座, 安排左窗口位, 但碍于师傅觉得窗口位嘅位置不太好, 皆因窗口位置贴街, 街外望入食店一览无遗, 清晰可见; 所以师傅为免食相嘅丑态暴光, 还是转去较入嘅位置稳阵d!坐底当然睇下有咩好食同有咩想食啦, 车匙姐姐亦毫不怠慢拣左意式蕃茄芝士薄饼, 而师傅左睇右睇, 最后拣左芝士焗肉酱薯皮, 但觉得份量太少, 还是加多个意粉保险d, 于是拣左龙虾蕃茄汁海鲜意粉; 最后当然唔少开番枝红酒黎点缀一下啦!一边饮红酒, 一边吹下水; 再一边听音乐, 同一边等食物! 𠮶种无拘无束嘅感觉真舒服, 师傅直头忘记左都市人𠮶重压力! 一瞬间最先登场嘅食物就系龙虾蕃茄汁海鲜意粉, 先讲下个意粉, 意粉份量并唔算特多, 但意粉就煮得并唔太腍, 又唔会太硬, 入口𠮶刻非常有咬口, 连师傅唔太钟意食太硬嘅食物亦觉得不错, 车匙姐姐对意粉更加赞不绝啦; 而蕃茄汁亦酸酸地几开胃, 加上汁里涌出阵阵龙虾香味, 非常醒胃; 但龙虾肉稍为实左少少, 冇个汁咁香, 不过都收货, 而放面仲有三只青口, 师傅并无试到, 但见车匙姐姐食得津津有味, 相信亦不太差!意粉都未食完, 芝士焗肉酱薯皮又登场, 一碟有四件嘅薯皮, 卖相不赖, 师傅当然毫不客气先吃一口, 发觉肉酱系好香好好味, 相信系牛肉本身几靓之固, 可以讲非一般的肉酱; 而薯皮就香香脆脆, 但入口又唔会太干身, 更加冇成口粉𠮶种感觉, 好正; 但唯一差少少就系芝士味唔够, 所以食唔到有芝士味, 不过亦算系一道水准不错嘅菜式! 最后压轴嘅系意式蕃茄芝士薄饼, 意式蕃茄芝士薄饼系一个九寸到嘅薄批! 先讲批底, 批底系薄但未算最薄, 更加唔算好脆口, 带少少韧, 批底黎讲唔算太出色; 但馅料就值得一赞, 食开意式蕃茄芝士薄饼嘅都知呢款薄饼冇咩料, 所以蕃茄就变得好重要, 而呢度嘅蕃茄系好新鲜, 皆因个薄饼焗完出黎蕃茄依旧唔干, 仲好多汁加上味道鲜甜, 好清新好好味, 正因如此亦为批底挽回不少分数; 而芝士亦唔算浓烈, 反而咁样冇抢到蕃茄应有嘅鲜甜, 都算不错! 总括黎讲呢间食店嘅食物质素尚佳, 环境亦舒服, 服务态度殷勤有礼, 而价钱绝对相宜, 如果唔计之红酒, 埋单每人唔使一旧水, 著实非常抵食! 呢间食店佢作为师傅复出嘅首选, 一d都冇拣错; 如果呢间食店能够有个靓女侍应, 相信会锦上添花! 坦白讲呢间食店绝对值得一试, 所以有机会一定会再黎, 而笑脸亦值得一比!后记: 写完呢篇食评后再睇番前两位食家所写嘅野, 师傅觉得又唔系好似𠮶两位讲得咁差, 不过大家所食嘅野唔同, 真系好难比较! 希望两位食家唔好咁劳气啦!
继续阅读
先讲之前的食评,看后大致上同意,Food质素颇对辨,Rissoto 尤其OK,但上星期知道Manager转了,收番 cockage,但 Dont expect they have enough glasses, they would offer you STRAIGHT water glasses for wine tasting!!!! and alleged they have given you a discount on the cockage fee of 30 dollars!Cockage= open the wine in a professional way + provision of standard reasonable glass They are not satisfying both requirements and charged customer 30 dollars!!再讲食物,试过有客人问可否加Bread ( those bread is with the set and each person will get a small piece under current management system), Manager replied " Maybe you finished those on table first! What is the cost of a piece of bread ?I wonder they know how to run a restaurant.....Food: to be honest, not much change in quality Fair for western meal. Not much surpise but dont expect very special things. Dont ever try those oyster, maybe you can go in and see how many oysters were consumed and you can be aware of the freshness of their oyster or cherry stone............Most important thing about oyster and cherry stone is by the end freshness.Dessert is disappointing, we tried chocolate 软心cake, hard like a stone and those chocolate they use is without any coco flavour....
继续阅读
本人住在九龙区,工作地点是在旺角区,所以大多数外出揾食都是在旺角,太子,尖沙咀等,真的很少到大角咀,因一向大角咀在我心目中,都是一个旧区,大多数旧区都是比较多普通茶餐厅,除了金船长比较有点名气之外,还没有听过其他了.今晚,为了就我工作地点及就朋友的居住地方,所以便选择大角咀. 朋友给我选择大角咀任何一间餐厅,于是我便上openrice找一找,便看见这间Ivy Restaurant & Bar 环境很有特色,于是便选择了这间餐厅.今天,我先到Ivy Restaurant & Bar . 还未到餐厅前,我便怀疑自己有没有迷路,为什么在openrice相片看,餐厅格局很像很前卫,为什么我经过的,9成都是旧楼,旧商铺及旧餐厅,行到埃华街的尾部,才见到这间Ivy Restaurant & Bar ,之后再过的便是新楼宇. 新楼宇和旧矮楼, 新式食店和旧茶餐厅,真的成了一个大对比.讲了这么多大角咀,都要讲讲餐厅及食品的质数.这晚我来到这餐厅已经是晚饭的黄金时间-7:30. 但餐厅只有我及另一枱,所以起初职员也很用心地service我们. 我和朋友也很快地拣选了两碟主菜.1) 澳洲西冷扒Stone Grill - $98我和我的朋友也一致觉得,牛真的很靓. 肉质嫩滑,记得我起初烧的时候有点惊,所以时常烧耐了点变成"痴锅",但幸好这个西冷牛扒真的不错,肉质依然鲜嫩,不错.2) 香煎带子什菌茄汁意粉 - $68这一碟意粉真的充满了茄汁味,而且带子也算大件,味道真的不错,可惜份量真的少了一点,所以我和朋友也很快地把整碟意粉吃完了.整体上餐厅的环境,食物质素及服务也不错,只可惜食物及饮品的份量也太了. 连Hoegaarden都没有大杯,只有小杯装,anyway,整体算是不错.
继续阅读