影片
A while ago was given these cookies from a foodie friend.Isabelle is quite popular in Hong Kong and each box is conveniently wrapped for giving away as gifts.The contents inside:There were a good assortment of cookies inside but my favourite was the Taiwanese style shortcake.It was slightly chewy in a lovely butter shortcrust and it was not too sweet.
继续阅读
早前同班老友食开年饭，查实就耐无见，借机聚一聚，但估唔到都有礼物收。其中一位老友知我钟意食曲奇，专登挑选咗「伊莎贝拉」（ Isabelle）嘅曲奇送俾小弟，实在太客气喇！继上次「兰特饼店」嘅曲奇，今次又让小弟认识一家曲奇店。因为对呢个品牌真喺好陌生，所以，上吓官网八一八。原来，佢哋嘅曲奇真喺好多款式，分咗法式系列、日式系列、中式系列、品牌联乘系列，而就晌法式系列中，又细分多种风格，如浪漫系列、音乐盒系列、爱的故事系列。安布斯杂锦曲奇 $64友人所送嘅喺叫做「安布斯杂锦曲奇」，礼盒内容包括原味曲奇 x 3、 咖啡杏仁曲奇 x 3、 阿萨姆茶曲奇 x 3、 双色芝麻曲奇 x 3、焦糖杏仁船 x 2、 蓝莓味酥 x 2 ，总数为16 件 。阿萨姆茶曲奇黝黑嘅小圆曲一食就显出喺奶茶，茶味颇突出，微微甜，口感松脆，配咖啡好唔错。原味曲奇唧花嘅喺原味牛油曲奇，烘得几均匀，不过，唔算好香牛油味，亦唔太松脆，反而觉得有阵阵清甜嘅糖味。双色芝麻曲奇唔单止曲奇里面混有芝麻，边位亦沾满黑白芝麻，芝麻香味都唔差，口感就好松脆喇。咖啡杏仁曲奇长形深啡色以为喺朱古力，其实喺咖啡嚟，不过，话加咗杏仁又唔喺太觉，加多少少杏仁碎效果就会更好。焦糖杏仁船 喺Isabelle嘅皇牌曲奇之一，的确，味道好突出，以威化做成「船底」，里面则喺杏仁片及焦糖浆，口感超脆，又有好香嘅杏仁味及焦糖味。蓝莓酥犹如台湾嘅凤梨酥咁，不过，就换上蓝莓果蓉，而且，坚多蓝莓蓉，好酥壳亦好松化。Isabelle嘅曲奇都好多元化，配搭又几特别，定价亦唔算太贵，真喺送礼之选，再者借机多谢好友餽赠。
继续阅读