indo mami (已結業)

路經附近，聽過宣傳麵係手打同埋係真正印尼撈麵，唔多地方食到，就諗住試下。雖然手打魚麵有少少鹹水味，但加埋啲料都不錯，配料豐富同配搭上嚟都幾好食。但唔好放咁耐先食，會變成一塊面餅，要整好耐先整鬆到。但整體味道幾好，但唔一定要特登去食，除非好想支持本地手製麵嘅小店🙊，期望過高會覺得有落差，路經醒起呢一間店可以一試。加上店面細，只供外賣，附近唔多有可以食得舒服嘅地方，因為附近係小巷，沒有好乾淨位置，入想即食通常都要/會企係度食。

今日同男朋友食真正嘅印尼撈麵😂哩間叫Indomami嘅店鋪賣嘅印尼撈麵有別於市面嘅原因，因為係由店主每朝人手打麵 👍🏻而且每日只賣30-40份咋😝除咗有印尼撈麵之外，仲有一啲印尼嘅特色食品同小食，的確唔錯㗎🫰🏻✨特色手打印尼撈麵配料好多好足👍🏻麵質爽口彈牙，配上獨特醬汁，口感豐富✨印尼炒飯炒飯火候十足，米飯粒粒分明，成個飯都好惹味👍🏻小食方面我地叫咗鹽酥雞粒，鹽酥杏鮑菇同炸魷魚鬚，款款都香脆不油膩，食到好滋味啊👍🏻另外留意番，門口只有一張細枱可以坐，因為呢間小店主要做外賣🥡要注意啦😚

📍 @indomami.hk in Tsuen WanIndonesian@LemonmediahkFood: 💛💛💛💛 🤍Décor: 💛💛💛🤍🤍Service:💛💛💛💛🤍Price Value: 💛💛💛💛💛Price Range:💰 $200Favourite:💖 Bakmie Kalimantan------------------------------✅ Located in Hau Tei Square, takes around 5 minutes walk from Tsuen Wan MTR station. Very convenient.✅ The menu offers a wide variety of delicious and mouthwatering Indonesian signature food and snacks etc✅ Highly recommemd their Bakmie Kalimantan. Special hanade noodles with minced pork, egg, fish ball slices, sprou

難得去開荃灣，咁岩行入內街聞到好香😱忍唔住叫幾樣野食黎試吓😆印尼炒飯🌟🌟🌟🌟超香😋即叫即炒，仲有大大塊炒蛋🍳🍚好有鑊氣啊！蝦仁炒河🌟🌟🌟🌟🍤🍝又係即叫即整，熱辣辣🔥完全唔會覺得好乾或者好淋，岩岩好👍🏻椒鹽雞軟骨🌟🌟🌟鹽酥雞粒🌟🌟🌟🌟🌟❤️最欣賞呢款😆吉列蠔🌟🌟🌟🌟🦪🦪🦪三隻 $20 好抵啊😱呢2️⃣個主食＋3️⃣小食，全部都好正😋

心思思想食印尼野, 係荃灣經過見到Indo Mami 呢間印尼小店, 就買左個外賣返去食小店由印尼媽媽同女兒主理都有唔少特色嘅印尼菜式,呢度主打手打撈麵, 每日仲限量供應 我哋都叫咗一份嚟試吓, 麵質彈牙, 面頭有自家製嘅叉燒魚蛋, 仲有特製嘅豬油渣, 夠晒有誠意👍仲有小店必食嘅印尼沙律沙律超清新, 青瓜,菠蘿, 紅蘿蔔爽脆可口😋配埋特製醬汁,超香花生味,越食越惹味😆另外都叫咗d小食包括沙嗲豬頸肉, 串燒同埋巴東牛肉飯, D 牛肉夠晒淋, 幾有印尼風味 🇮🇩

我媽媽成日都好想食印尼菜，但其實香港真係唔係好多地方有。之後知道原來荃灣有好多印尼人聚集，仲有好多細細間既印尼餐廳。今日就去到Indo Mami呢間印尼餐廳，佢喺小巷入面，細細間，好似好有地道風味咁。有少量既戶外摺枱位，或者可以外賣。今日我地兩個人食左： 🔸️特色手打撈麵（$45，8.3／10）佢話限量發售。好有印尼特色，有蝦片，魚旦，叉燒，芽菜，肉碎，炒蛋，再加埋魚露汁撈麵，幾好食。 🔸️巴東牛肉飯 （$45， 8.3／10）另外一款印尼菜名物就係巴東牛肉，佢牛肉炆到好焾好入味，香料味好香好好送飯。 🔸️印尼沙律 （$40， 8.5／10）呢個印尼沙律係我媽媽最愛，佢入面有菠蘿，青瓜，沙葛，配埋生果汁做的醬汁，甜甜酸酸，仲加左花生碎，吃起來香味濃。好開胃！😊 🔸️ 印尼串燒（$40／3串，8.5／10）我地叫左牛，雞，豬各一串，另外仲加左串雞翼。啲肉好焾，香料亦醃得入味，同一般泰國串燒有啲唔同。印尼串燒燒得偏乾身，但有獨特風味。 ✏️總括而言，呢間Indomami應該係一個印尼人媽咪再加香港人囡囡一齊主理，值得支持🥰

家人中有馬來西亞華僑，從少便接觸東南亞食物，沙嗲/加多加多/印尼糕點/榴槤…🤭據我所知，路德圍有間回x印尼餐館，本人試過一次便夠🙈最近响鱟地方巷仔發現了 indo mami,本著一試無妨，叫了沙嗲與最愛的Rojak(羅惹)沙律🙆🏻‍♀️即燒沙嗲就不用多講了，基本上必食😋👍🏻想介紹下Rojak ，與大家常接觸加多加多沙律，是兩種截然不同嘅風味。加多sauce 徧甜平易近人，Rojak sauce 有蝦醬/辣椒/花生碎等，相對惹味得多😆由於醬汁濃味，一般會配搭蔬果，呢度就係菠蘿/青瓜/沙葛/蕃薯，食落非常清爽可口😍小試牛刀後，本人叫過多次外賣/到會。推介店主限定:風味咖哩螺，係細細粒尖尾螺🤫店主細心剪走尾部，食嗰陣輕輕一吸就滑入咀，咖哩汁係自家製，唔會太辣但會令你一口接一口追住食，我介紹過俾幾個朋友都讚不絕口～無論餐前小食/宵夜/睇波都係首選🤩PS.尖尾螺賣點係肉細而嫩，有啲人會覺得冇乜肉食，始終不同於東風螺大隻，但徧硬又唔入味🫣該店名物:手打撈麵🍝，麵每朝即製，就連叉燒魚蛋都係自家製，唔食得辣嘅朋友要試下，入口清淡配料豐富，少少的店有滿滿的誠意💁🏻‍♀️另外，巴東牛肉飯肉軟淋又入味，牛肉始終

一路以為係齊柏林條巷，原來唔係，隔籬嗰條先啱今日出荃灣都比較晏，原本諗住撈麵會賣晒，估唔到有麵真係好彈牙，但就有少少乾如果係撈巴東牛肉之類多少少汁嘅餸，相信會更加好食下次可以再試下其他炒飯、湯麵之類

第二次嚟喇，之前第一次嚟係想食手打印尼撈面，可惜賣哂，之後點咗個印尼炒飯，但一樣有驚喜，即叫即炒，好有鑊氣又幾惹味。早幾日再到訪，俾我撞到個麵仲有貨❤️好多料同埋個麵有少少彈牙，口感幾得意，問過老板叉燒同埋蝦捲都係自家製👍菠蘿酥都好食，超推😍

荃新天地放工，諗住過路德圍買野食，點知落大雨。誤打誤撞入左條小巷見到個舖頭Logo 好得意，決定試下。同朋友叫左個魚蛋手打麵+特色手打撈麵+沙爹串燒+吉列蠔。手打撈麵：有驚喜，從來冇食過呢種調味嘅撈麵。應該係撈左少少醋，但又唔會好酸，落少少辣醬食 好開胃。魚蛋手打麵就正常，我鍾意撈麵多d😝沙爹串燒（豬牛雞）燒得啱啱好，唔會乾。個沙爹好惹味，下次要叫多醬🤤🤤想食脆口野，之後叫多份吉列蠔，估唔到咁酥脆，完全唔腥，有驚喜🤩本身朋友叫嗰陣，我話食一粒，最後都忍唔住食多粒。仲要掛住食 唔記得影相😂😂