imm阿來 (已結業)

曱甴炒菜，black list!!!!!!!!!!!!!!!!!!!!不知所謂。炒金邊粉甜到唔知食緊乜!!!!!!!!!!!!!!!!!!!!!!!!!!!!!!

泰國菜來講，真係出色，配合獲底嘅蕉真的有𣎴同風味，可以一試 ，正常味已經食唔到，反而有更多一般平時未必可以有既風味加入，而且用咗好多時間，心機堆積濃味，獲蕉點綴，大家可以試吓

肥牛炒公仔麵冇味 蒜蓉茄子又難食又燶又苦牛柏葉個汁勁鹹牛丸勁細粒 乜料啊嘥咗我三百幾蚊食咗啲乜嘢落肚仲要等咗兩個鐘外賣最後個可樂都仲要勁污糟真係完全唔會再幫襯超級超級超級超級中伏

$94 叫外賣 無蝦無雞無肉，d醬痴哂係蛋度一打開個賣相已經唔想食 點解可以整得咁難食都賣咁貴！D面質地好差，食左兩啖已經食唔到好想退錢囉，唔會再幫襯嫁！

記得兩年前食嗰陣質素無咁差 。今次叫左兩隻雞翼，雞肝，雞腎。雞肝質感極奇怪，霉曬咁，食落仲係酸既，希望老闆係落左檸檬汁去醃而唔係變壞啦🙃 雞翼一咬落去又係生既，即刻吐出黎漱口。

叫左一客牛，$5x，好難食！賣相已經唔開胃， 望落似人地煲完湯既爛肉，口感似肥膏，雖然成舊都係肉黎，但一D肉味都無，成舊野食落就係脂肪味。食到我想嘔，食左一啖立即掉左，夠膽賣$5x。比一星都比多你！大家睇埋其他人既comment！有蟲架間野！唔好再幫趁呢間啦。環境，睇相就知差，唔衞生，唔好貼錢食呢間垃圾，買完返黎，食一啖掉左，痴線！成個TKO最差呢間，食左幾啖再睇埋openrice，覺得自己好慘，比幾百蚊食D咁既野，貼錢買難受！

去deliveroo叫外賣，食食下發現有蟲，好恐怖......點解唔可以做好啲衛生，尤其是而家疫情......點敢再食佢😓仲要唔平，間餐廳咁做對得住自己收既價錢？！

今日諗住試下呢個阿來外賣，本身見openrice 都有啲好評，又想食泰國菜，點知真係史上最難食嘅泰國菜🤢.嗌左蝦醬肉碎炒飯，蝦醬唔夠濃味，超級多肉碎同蝦醬唔多夾，仲要啲肉碎係肥豬肉成碟野食落好油膩又冇鑊氣，個飯仲炒得好林，最後食左幾啖就扔左佢煮杯麵😂😂.另外友人嗌左香葉肉碎飯，嚟到啲四季豆仲多過啲肉碎係咩事😂香葉係有，但完全食落唔係泰國菜果隻肉碎味，喺中式肉碎炒四季豆囉😂總之就另一樣野嚟.總結嚟講：伏！自己親自試過就知，有時唔係唔想支持小店，而係質素完全唔得😇泰國菜食唔落真係第一次。認真有啲嬲，因為外賣價錢唔平，就算堂食平都唔係一個質素差嘅藉口😔

將軍澳尚德、富康花園 、寶琳街市等等都係宵夜勝地，今次我都係第一次去富康買嘢食😂依間泰式小店夜晚七點先開，有時廚房得一個人煮嘢所以變相舖頭會早啲開門，可以搏下早啲打電話去試探下，可以打電話落單之後先再預時間外賣自取，ig都有menu電話等資料。佢隔離係間叫做肥妹小食嘅黃店💛太多人所以淨係買咗兩支菠蘿檸檬土耳其汽水🤣好好飲.👓海南雞飯 $56雞都大隻嫩滑完全唔韌，但隻雞本身醃得唔夠味，油飯帶淺黃色亦唔算好濃郁油香味。平時唔鍾意食有飯嘅人就會啱晒，但鍾意重口味嘅朋友會略嫌唔夠香口。評分：6.5/10👓蝦醬肉碎炒飯 $58炒飯有蝦醬鹹香味不過唔算好鹹，飯量係大兜嘅，整體發揮中規中矩啦。評分：6.5/10👓燒豬頸肉 $65/份豬頸肉分量多好多片，厚切片，燒得都香口，附有個泰式酸辣汁。評分：7.5/10👓泰式燒茄子 $38茄子燒得夠淋好juicy，個茄子皮唔會燒到又黑又燶哂可以連皮食埋，同埋佢淋左啲沙嗲醬汁落條茄子度評分：7/10👓雞全翼 $20燒雞翼點都唔會差得去邊嘅，不過覺得廿蚊隻好貴吾太值，下次幫襯覺得冇需要再叫😂評分：5/10👓雞肉 $15串燒食物其實主要係俾個沙嗲醬汁拉返高分，醬汁帶點

已經聽聞過兩個朋友話富康有間食泰國嘢嘅小店，今晚決定一試，買外賣返屋企一家四口一齊食。。。老闆推介炒飯同生菜包。叫咗蟹肉炒飯，香葉肉碎飯，生菜包，泰式鳳爪，炸蝦餅，雞中翼串燒。嘩！真係有驚喜🤩🤩，舖頭雖然細又得光頭老闆一個人做，但全部嘢係即叫即整，等候時間係耐啲，不過真係值得嘅😋😋~~蟹肉炒飯好香炒得好乾身，老公食到唔停口，個蝦餅好好食，我就覺得個生菜包超好食👍🏻，好fresh好正，鳳爪都好好味，不得不提個雞翼，皮燒得好脆，加埋個沙嗲汁真係無得輸，叫咗4隻，個女食咗3隻，話下次要買多啲喎🤗🤗。光頭老闆話下次可以打電話訂咗先咁就唔駛等咁耐。真係估唔到將軍澳居然有間隱世小店，食得出老闆係好用心去做，真心推介！

穿過左將軍澳廣場🚶🏻‍♂️對面既屋苑🏢入面竟然有條越夜越旺既美食街🤪 有糖水舖有串燒/小食點同Bar🤣 我地揀左一間食泰式野食既🤗 枱開係舖出面條街到食😀Momoboo叫左一個豬頸肉抄泰式公仔面，面個質地真係唔同既，不過有啲乾🙈跟住又點少得Boo既至愛炸雞軟骨😍30幾蚊超大碟，熱辣辣上枱😇，大碟到食完覺得好熱氣🤪另外叫左串牛肉串燒，個汁都幾惹味😋😋 飲品方面叫左椰汁冰🥥 Momo好欣賞佢超杰超夠濃😍👍🏻

🍙等待時間：年初頭，得老闆一個人開工，要點時間，好似等左20mins。🍔室內環境：主内裏位置都廚房，外面放左兩張枱。🍰服務質素：算係有心。🔺用餐簡評：我個人嗰日咁岩做完運動，咁就有d肚餓，於是就決定來呢間阿來食泰國串燒，我就叫左一串牛，一串雞肉同埋燒豬頸肉。我就外賣自取拿返屋企，一打開已經香氣撲鼻，先試左牛肉，肉質還好，但不算好上級，個人感覺豬頸肉最好食，厚度夠，雞肉都香。🔹總括來講：可接受👌

去到每次都唔知揀咩，樣樣都好好味特別推介炸雞翼，豬頸肉炒飯，雞扒飯，老闆哥哥好好人！本來唔食宵夜嘅我都忍唔住！會推介俾朋友多多幫襯！哥哥一人做嘢好忙，哥哥加油啊！

店舖得一個人主理，可以外賣或者係鋪頭出面開摺枱堂食，當日夜晚第一次幫襯，一去到企係到睇餐牌，唸左一段時間，廚房入面果位不單止沒有任何招呼，仲突然向住我地憤怒大喝：唔出聲冇人招呼你架！ 我聽到當埸打個突，企係到唸食咩都要比人呼喝。之後我好聲好氣咁解釋我地未唸好食咩，同埋示意想係到食，店主粗聲粗氣咁話: 冇位喎，呢到我要擺野，果到我要擺野，你坐出d啦，之後推張枱出去，自己走番入廚房，櫈都係要我地自己搬。到落單既時候，我走近佢同佢講食咩，明明餐牌寫住有既粉面配搭，佢又話冇，完全唔能夠理解佢既説話，R唒頭。強烈唔建議大家黎幫襯，店主全程粗聲粗氣，好似當客人係狗一樣呼喝，態度難以致信地惡劣，完全唔能夠接受！！！！！

呢度向來有好多小店，有一兩間係以前放學時必定會同朋友來食，可以話充滿回憶😆 但已經好幾年無來過，有好多舖頭都已經改頭換面了。見到呢間泰國舖好似以串燒為主打，而且傳來陣陣香味，坐座睇下餐牌，菜式選擇都幾多。燒雞翼非常令人驚喜，雞皮燒得非常脆，但肉質依然保住肉汁嫩滑，外脆肉嫩。不過等既時間比較耐，同老細傾開先知係因為生燒，制作時間較耐，但可以令雞肉保持肉汁，全晚最好味既串燒，必叫！！燒豬頸肉又係必叫，豬頸肉切得好大塊，因為夠厚夠大，所以唔會燒到乾，而且一咬啖啖肉仲好多肉汁，真係好正。燒雞腎一樣切得好大，所以唔會有燒乾情況，雞腎愛好者表示好滿足。燒牛肉保持到肉汁唔會老，沙嗲醬岩岩好唔會太濃。燒牛仔骨其中一樣我鍾意食既部份，份量可以，但有少少乾。卜卜腸覺得個名好得意而叫，應該有肥豬肉，不算太岩口味。海南雞飯雞肉嫩滑，但油飯普通，有點乾。泰式船麵可能食唔慣，覺得唔係好岩口味。串燒真係十分出色，大力推介，一定會再番黎食串燒。