14
3
2
港铁柴湾站 E 出口, 步行约2分钟
继续阅读
电话号码
28162488
营业时间
今日营业
11:30 - 22:00
星期一至日
11:30 - 22:00
因为有个短息时间， 见四楼有餐厅就谂住坐低食少少嘢。四十几蚊自助下午茶都唔会有期望， 不过⋯沙律 bar 嘅酱汁用个柚子茶樽装住， 环保系无问题嘅， 但唔标明系乜嘢酱， 又无晒、只匙羹又唔够长就唔系几好。尐食物盘十室九空， 一大个盘但得十条迷你春卷， 隔离尐包好似隔咗几夜再卖。食物种类少、 数量亦少， 睇见就唔开胃😞客人一路食嘢一路搬枱搬凳， 仲不停留喺我枱则边抹地。坐低後问个待应如果食自助餐系唔系可以出去攞嘢， 黑口黑面答『你落咗单先』， 态度差到不行！极度中伏， 无下次
继续阅读
相约一家人星期日晚上7时到Iconic kitchen ..听闻沙律餐不错……但一尝後……祈望、变失望！餐汤似椰菜花汤……味道尚可！牛角饱……林林扁扁的！只有似蝴蝶酥饼的味道可入口……都是不趣口！听闻有炸物……春卷/芝士卷……侍应回应冇货啦！今日生意好……食哂啦！冇货炸啦！咁都得！现在才7时……随我一家人入座後还不断有6人、2人、2人、入座！居然唔补货……这是甚麽服务态度呀！只有沙律菜不停供应。
继续阅读
环境唔错枱与枱之间有距离，阔落，开放式餐厅半自助餐系可以任食沙律🥗，啫喱，汤(当天系南瓜汤)仲有几款菜，西瓜，牛角包🥐同面包，成个沙律吧，最钟意食脆脆面包粒。🎃汤望落足料，但饮落左就唔够浓南瓜味。汤就一般，最差系唔够热。牛魔王又黎介绍牛🥩啦！😂🐃🐃🐃澳洲烧西冷牛扒，睇落有啲乾但咬落有肉汁，牛肉味唔够同有好多肥膏，个牛扒都系暖暖地，唔多够热。如果无沙律吧就唔系好值$148加一。无影到配菜，但系有既，薯角一条，有牛腩汁味嘅白萝卜一嚿，烧牛扒配腩汁萝卜几特别既，嚿萝卜系好味嘅！一片鸡髀菇同几块菜。不过每样得一件，好悭既员工 😂澳洲牛肉芝士汉堡，侍应有问个Burger要几成熟，但无问个牛扒，本来以为有咩特别。但黎到见到都系普通芝士汉堡一个。牛味唔够，正体都唔错，薯条够脆。$108加一总结：啲野食如果可以热啲就好啲。但抵食嘅，可以试下，坐位都算舒服。
继续阅读
是咁的，话说有一日，小朋友喺青年广场参加完活动，就约埋其他几个家长和小朋友一齐食lunch，谂住近近地，就去咗呢间餐厅食。都唔知乜嘢事，负责安排入座的女职员已经全程黑口黑面，叫佢斟几杯水俾D细路饮吓先，又粗粗鲁鲁咁，都算啦。D小朋友见到出面有七彩啫喱糖就好开心，要即刻出去夹啦。呢个时候，竟然有另一个四眼女侍应冲过嚟，截住。系冲过嚟攞个餐牌截住！好大声咁话公司规定，一定要叫咗主菜，先可以食出面D嘢。我地同佢解释，话我地全部都会order主菜，不过未谂定食乜，所以等一阵先落主菜的order。点知，我地好声好气，佢就粗声粗气。强调呢个系公司规矩，仲话佢喺呢度做咗好多年，一直都系咁。(呢D系咪唔识变通呢？如果有D客本身净系谂住食salad，食食下想要埋个main course，咁系唔系落咗单就无得改？)连环2个女待应都态度恶劣，有赶客嘅感觉。到底经理有无好好管理下属？抑或经理其实本身都系咁，所以个个下属都有恃无恐？
继续阅读
一个平平无奇的晚上，一餐普通的西式晚餐。值得一赞既系啲沙律🥗菜的确颇新鲜，性价比。面包粒都够卜卜脆，只系选择上未够多！主菜就够味同够热，尚可接受。但是卫生就麻麻，有只疑似蟑螂的小生物系 pizza 🍕 上生猛地爬行，情急下，攞把刀处理左佢。同待应反映过後，原全无反应，唔好意思都无句。真系有点意料之外，大家小心啦！另外，佢地个甜品🍮真系吓亲我。我唔知佢系布丁，定炖蛋。食落真系唔多掂，呑都呑唔落 🙈🙈
继续阅读
您可能会有兴趣的...