i Noodles (已結業)

女人街裡不起眼的小店尋寶尋到腳酸 又有啲肚餓男友話去搵下有咩好食我地行過見到 價錢好抵就入去試下老實講我無唸過二人套餐先$148吾洗加一心唸有乜可能甘平 應該都吾好食 普普通通入到去感覺好舒服 - 水蜜桃綠茶 個綠茶味道好出，吾會只係得糖漿，一味得個甜字，真係吾錯- 唔知道餐牌有其他飲品，綠茶我就吾係太岩飲，所以就叫左檸檬茶，但果然都係檸檬茶冇檸檬味，的確麻麻地下次有機會想試吓桂圓紅棗茶~麻醬蟹籽蟹柳沙律(前菜)- 本身好中意麻醬味道 👍🏻黎到我都覺得份量吾會少算適中炸蝦+雞肉薯餅(小食)- 炸物炸粉吾厚 薄薄一層咬落鬆化 好脆原條鰻魚+辛辣牛肉燒(主菜)- 鰻魚 好驚喜！無唸過又厚又大條~肥美肉軟多汁 重點係食落無骨！+分甘既size出面都起碼$100up走吾甩- 辛辣牛肉用泡菜黎炒 有韓式感覺不過食多幾舊就會有啲咸 要配飯食哈密瓜草餅+紅豆菓子(甜品)外加小食 魷魚章魚棒 $22咬落似有口感既魚肉丸 吾係章魚燒甘成口麵粉加上醬汁真係 無得輸最後食完埋單都係$206好滿足既一個晚上 終於唔係圖片只供參考服務態度都好好 好友善 勁有禮貌 ～小店值得推介 有機會都會返黎再食！Ps:哈哈，男友無打開食評吾識用，返到去都叫我一定要上黎比個讚你地( ´▽｀)…查看更多

大家都知女人街兩旁其實好多小店去旺角成日都話掃街 但其實我成日都去所以對掃街冇乜興趣 反而得閒會行吓女人街嘅小店逐間試吓 鰻魚雞柳丼$59來講我都唔會係期望好大舊鰻魚嘅只係我食完個鰻魚之後好後悔冇叫$80個碗鰻魚飯 因為我覺得佢做得好好一啲都唔乾身同埋條鰻魚都好肥 其實一開始只係覺得唔想喺啲小店度食咁貴但係下一次我想食鰻魚 我諗都會嚟再食店員好細心咁怕唔夠汁 主動攞咗支比我抱歉我唔記得咗係乜嘢炒烏冬定面因為係朋友食我冇特別去問 但係朋友都話佢嘅味做得好好 只係油咗少少 但係炒麵就係要多油㗎啦 如果唔係就會黐住一嚿嚿…查看更多

今日去旺角買嘢，路經女人街。記得之前朋友介紹過嘅一間小店。記得佢話係豉油街，路口大家樂，轉入內街行十步左右就揾到。推開門就已經有位好親切嘅叔叔，笑住咁問你幾位？地方細細好企理，完全feel到係家庭式嘅小餐廳，之後傾開發現真係全部都係“自己人”，所以好有家嘅warm feeling 😍 因為係下午茶時間，所以有下午茶餐同散叫。烏冬可以揀湯/撈，亦有飯同小食。揀咗個"七味唐揚炸雞配地獄辛辣湯烏冬"，炸雞係即炸但入面好 juicy🤤，啲粉厚薄適中，烏冬彈牙👍🏻，辛辣湯晤會超辣，但都有少少冒汗😅。另外加多咗個小食“水牛城雞翼”，即叫即做所以👌🏻好有水準。每隻雞翼都full of sauce🤤，晤會但辣。之後同個fd講反，佢話鰻魚飯係最 👍🏻👍🏻，一定要食！！好，咁下次再去你請啦，朋友😄…查看更多

行開旺角買d野,突然落好大雨就誤打誤撞入左黎呢間餐廳吃飯架避雨啦:)原來呢間餐廳主打日式風格，意式風格仲有蛋包飯，石鍋烏冬，pizza，鰻魚飯等主食。我地二人同行叫左個特色二人套餐$148我揀左吉列炸物同雞肉薯餅做小食蔬菜就叫左日式炒菜主食就叫左鰻魚同辛辣牛肉燒，包左飯或烏冬但有麵豉湯跟配，仲有甜品同茶飮附送呢個set 既擺盤好有心思，係用左托盤上架意想不到個日式炒菜係好好味架:)鰻魚うなぎ🐟燒得剛好，炸物好味，同埋原來呢度既飯係可以無限加添，岩哂大胃王啦另外加左兩個小食，叫左炸軟殼蟹嘩～好酥脆啊！總括而言個特式2人套餐係非常抵食既！…查看更多

好友仍未選購旅遊用的相機，於是再次到旺角區著名的商場。晚飯時間，好友建議到通菜街一帶走走，來到此店前，被店前的大型餐牌吸引，所以進店一試。我們被安排坐在一角，有點自成一角的感覺，而且店員還送上小藍，可放行李或背包等，牆上的畫像很特別，看似有故事，又看似獨立。餐牌有多種選擇，有套餐，有小食等，選擇了二人套餐，店員還說才剛推出數天。最先送上麵豉湯，麵豉湯中有兩顆蜆，令湯帶點點蜆味，作為點綴，麵豉味香，不會是一般只有鹹，失去麵豉味道。其他食物及飲品，在品嚐麵豉湯之際，一起送上，感覺非常豐富。百香果綠茶色澤看來不錯，即時試一下，酸酸甜甜，個人覺得酸味足，卻又不太酸，綠茶茶味香，兩者非常配合。白飯沒什麼特別，只是加了點點芝麻作伴，一般也不會，這點已很不錯。雞肉薯餅，炸得很香之餘，軟中帶著咬感，薯蓉混合雞肉，兩種口感很特別。火焰芝士甜蛋，看似是日式蛋卷，入口很香蛋味，日式蛋卷口感，可以又有著芝士香及點點甜，蛋可以這樣，很感意外。日式炒菜，有多種蔬菜及菌類，炒得很香口，味道不太濃，清清的口感。照燒雞，雞肉入口口感不錯，照燒汁的味道還留在，並不會經煮過後散失太多，雞肉不算太乾太硬。汁燒三文魚，燒得很香，魚肉味不錯，個人認為太乾，加點檸檬汁，口感較好，也令魚肉味道很香。飯後，當然是品嚐一下小小的甜品，好友喜愛抹茶，所以選擇抹茶大福餅，說是抹茶味香，雖不是很濃，卻說小小大福餅的大小來說，太濃反不太好。我的是紅豆和菓子，口感煙韌，紅豆帶點點甜，感覺不錯。這小小的店子，看上去有如一般茶餐廳，卻比一般茶餐廳為佳，不論環境及食物也不錯，難怪在進食之時，有著不少客人來光臨，與店員有說有笑的談著，該是常來光顧，似乎是個不錯的選擇。…查看更多

同老公咁岩係旺角油麻地附近行街，而呢個星期又係咁落雨就去食女人街睇下有咩岩食啦經過見到呢間好似好抵食咁，就入左去老闆既態度同笑容好好，老公忘記左放傘，但坐低左，老闆主動幫手放出去餐牌有好多款色，真係有選擇困難我地下午茶時間去，仲平d添不過食物方便就真係普普通通我揀左lunch set既蛋包飯d蛋唔係咁夠滑，煮到好熟但係d炸雞又幾好味，岩岩炸起入面d飯就純係茄汁，普通左小小老公叫左牛肉飯，d汁多到嚇親人同埋老公話d汁太甜，麻麻地希望可以再提升下食物質素啦柚子茶係即沖個d，唔好太有期望不過呢間餐廳都係好似行茶餐廳路線，所以咁樣質素應該都係正正常常而且服務咁好，比個like啦！要求唔高既經過都可以去支持一下 努力提升食物質素就更多人食啦…查看更多

女人街餐廳多 無意中經過呢間I noodles 見到餐牌幾抵 入去試吓仲要有餐湯前菜同甜品店內不大 主要系二人枱 椅下有個籃擺野淺藍色牆身 幾柔和套餐加錢有小食 叫左懷舊蝦多士新鮮炸出來 配上沙律醬 滋味前菜有中華沙律同海帶蜆湯 朋友叫左個魚介昆布湯燒雞扒烏冬 呢個超抵食系石鍋上D雞又大又滑!udon熱辣辣 好足料!!再叫多個泡菜豚肉薄餅 又係性價比之選個pizza好大!2個人食唔哂!!cheese系上面都多仲系我最愛的薄批!仲叫左兩杯龍鳳可樂 好滿足的一餐！值得一提店員服務態度好好！下次要再來…查看更多

不要以為這間食店的名字如此西式，內裏的菜單卻是偏向日式的。叫了G4的鰻魚汁燒雞扒石鍋上自家豚骨湯 $68套餐會有味噌湯，咸度適中，還有前菜是中華沙律！石鍋上的氣勢真的很強，而且保溫度一流，湯不會很快就涼，這套餐只是$68，很難相信香港地還有如此超值的套餐。看圖片就知道雞扒是一大整塊，豚骨湯很清甜，烏冬爽口彈牙，吃得很滋味！然後到第二個餐叫了I5 蒲燒原條鰻魚蛋包飯$88$88 竟然有原條鰻魚，而且肉質厚，燒汁很多，蛋不會太老，整件事吃得幸福！因為叫了其他餐飲，都有半價一杯凍檸茶，一杯香芋奶茶。香芋奶茶很香，而且茶的甘味不錯，只是略甜了些少。還叫了個小食-蜜糖香草卡薑雞中翼 $53雞皮很脆而且充滿蜜糖味，好好食啊，我非常喜歡！不經不覺就食完了！最尾還有一個小小的甜品，不太甜剛剛好不錯！叫了兩個套餐又小食都只是二百多元，我有跟老闆娘聊一聊，她很友善，讚讚他們的服務態度同份量價錢都如此難得，希望他們能繼續加油！…查看更多

同朋友旺角做完gym, 到左食店林立既女人街食飯，見到呢間小店老闆娘熱情打招呼，就入去試下入到去好有cafe感覺，牆邊畫左壁畫，坐位都闊落首先會上前菜，係味噌煮蜆湯同中華沙律，湯十分足料，味噌味濃，而且有原隻蜆肉，難得鰻魚蛋包飯好抵食，有原條鰻魚，蛋亦夠蛋香幼滑，店員仲會比埋照燒汁自己加，，輕輕鬆鬆食晒成碟！雙重牛魔王石鍋飯叫得呢個名都知係皇牌！一上檯已經你滋滋聲，聽到都開胃；牛肩肉面燒得微脆，裡面仲保留到肉汁，；牛舌十分厚切，食落不韌，必試！仲有甜品送，係日式果子，很清新臨走前同老闆娘傾2句，感覺佢係用心做食物既人，支持你呀！…查看更多

今晚做完GYM好肚餓, 朋友介紹去女人街一間小店食蛋包飯叫 I NOODLES, 份量好多, 好扺食~ 去到I NOODLES 環境幾好~ 冷氣足~ 坐底睇下餐牌, 都幾多野食~ 花多眼亂唔知食乜好~ 老闆娘見我地睇咗陣就走埋黎推介下我地食佢既蛋包飯同石頭鍋飯, 佢仲話套餐湯包前菜,湯,甜品, 仲可以半價叫野飲~咁我地叫咗一個雙重牛魔王石鍋飯 (牛肩肉+牛舌) , 同蒲燒原條鰻魚蛋包飯~ (重點係原條丫~~ )等開飯時D前菜同湯就到了~ 湯係面豉湯, 面豉湯入面有蜆架~ 飲得出有蜆既味度~ 絕不是開粉個D面豉湯~前菜係一個中華海帶沙律~ 原條鰻魚蛋包飯先到~ 上枱我嘩咗一聲~ 真係好大碟~ 飯多蛋多鰻魚多~ 如果女仔食, 兩個人都夠食~D蛋煮得好滑好香~ 鰻魚好林, 燒汁+蛋汁+鰻魚, 真係好好送飯~ 唔怪得咁大兜~ 之後上牛魔王石鍋飯, 石鍋燒得好熱~ 個陣牛肉味真係不得了~ 牛肉同牛舌都好多~ 堆滿個飯面~ 見唔到D飯咁滯~牛肉餐牌寫係安格斯牛肩肉, 試咗~ 係真材實料~ 無用梳打醃過~ 好香牛味~ 煎得好香添~ 牛舌好大塊, 油香豐富~ 佢配埋一個黑椒汁+韓式辣醬~ 撈埋一齊, 真係好正~係旺角食個飯~ 而份量同質素都咁高份既無乜邊間~ 而價錢都係每人100蚊左右~ 真係幾扺食~ 飽住碌返屋企LU~~~ 值得推介小店~…查看更多

係旺角行左一日，肚餓是但搵間坐低食行過見到餐牌有我最鐘意既鰻魚同蛋包飯，就你啦！入到去第一感覺「冇人既，唔通伏？！」但侍應姐姐（可能有人叫婆婆？但佢比既心態比我感覺就係姐姐）一出聲，好warm呢樣好多既侍應都唔再注重（服務態度）講真野食再好味，好多時都比黑臉侍應搞到冇晒心情好啦太多廢話，上菜$88 鰻魚蛋包飯一個人係食咁多，份量夠既，客觀黎講，食材（7/10）調味（7/10），我口味比較淡，飯係唔夠熱，鰻魚不錯最後埋單原來9折但有+1（好奇怪既感覺😂）總括而言，食物唔差，但服務態度令我會推薦同再食…查看更多

lunch落開旺角，食咩好？行左去女人街個邊，見到li間，之前食過烏冬定湯麵記得還可以，今日叫左個滑旦吉豬飯四十幾蚊，無咩客人但都等左15分鐘，好在唔太趕時間，趕既就要諗諗。終於黎到食左一啖，d旦不太老，但離個滑字仲差d,但無左個精髓，d汁去左邊？？？ 攪到個飯又乾，豬扒又乾 同我想像太大出入，（因為口乾乾先會叫個有汁飯食）不過唔難食既，唔算好平，合理價錢地方ok, 乾淨唔太迫，不過果條街太多選擇，下次醒目唔叫飯…查看更多

每逢星期五晚我都盡量避免出旺角食飯 因為周圍都係人而且唔記得book位既話都好難搵位 去左幾間餐廳都無位既情況下經過女人街 見餐牌既食物賣相唔錯就入左去 我點左個老虎蝦龍蝦汁意粉 朋友就點左鯖魚雞翼飯 同埋水牛城雞翼。每個餐都包湯、飲品同甜品 望落去都幾抵！餐湯係南瓜湯， 不過不失啦。而我點既蝦意粉就真係幾強差人意 我本來以為龍蝦汁應該係比較濃身既 但係出到黎好似湯意粉咁 d汁太稀太多浸住哂d面，搞到無咩食欲:(而朋友點既鯖魚雞翼飯就無咩特別 亦無驚喜。水牛城雞翼還ok 但唔係太正宗如果你唔特別追求好味黎講係ok抵食既…查看更多

好耐無黎~食物質素依然能保持，服務態度亦無變，侍應都係咁 nice~ :)炒飯果然如侍應推介般好食~好香~燒汁味美，薄薄的雞皮有點脆~烏冬ok(我一般唔食烏冬，因為好多其他餐廳都難入口)環境舒服，想慢慢坐，不過唔好阻人啦～^^"望過晚餐都好吸引，睇幾時黎食埋晚餐~…查看更多

某日下午經過旺角通菜街 想食個下午茶 一望就望到i noodles嗰個招牌畀佢吸引咗, 咁就行咗入去啦, 我就叫咗個 日式照燒雞翼撈烏冬 ，雞翼都炸得好鬆脆 烏冬都好彈牙 同叫左杯青蘋果綠茶 味道啱啱好不會太甜。 …查看更多