Hustle Guy

营业中

休息中

Menu:1)虎蝦牛油果田園沙律1磅配柚子醋2)青蘋果華爾道夫乳酪沙律1磅3)法式一口威化酥10件(蟹肉)4)炸小食拼盤各15件(魷魚圈*吉列蝦餅)5)9吋parma ham薄脆pizza x1(開8)6)香料烤雞1隻7)8小時慢煮牛面肉1磅8)烤慢煮西班牙豬腩10人份9)蒜片魷蜆扁意粉1.5磅時節我家鍾意在屋企慢慢食，父親節也唔例外，這店已經叫咗幾次到會外賣，服務好，食物有水準。外賣有保溫袋，包裝非常整潔安全。安排貨Van 送餐沙律菜新鮮🥗；青蘋果🍏沙律，切得幼細，味道適中；蟹肉威化酥細細件，size 非常好；魷魚圈及蝦餅是每次必點嘅食物；Parma ham pizza 🍕 咸味比較重；烤雞、牛面肉、西班牙豬腩都非常出色，韭菜薯仔、蒜頭、蕃茄仔都焗得好好食；意粉硯肉唔靱，蒜片煮出嘅魚粉非常惹味。

老公噚日約咗佢男友人今（14-3-2025 Fri）晚食飯，咁我又出去食飯先，search吓有咩店，就搵到呢間，咁如果專程嚟，不如問吓住呢喥嘅女友人WK有冇興趣一齊食，佢睇完答有，於是就約定。我放工嚟到，就同佢搵，好易搵到，原來呢間已經冇堂食，我哋睇完menu，就決定要：1. $98.00嘅西班牙紅蝦汁虎蝦pizza打開睇，係薄pizza，夠脆嘅，但虎蝦咁細隻嘅？而味道都正常冇問題。3分2. $57.00嘅芝士烤大啡菇漢堡配中粗薯條中粗薯條份量唔多，而佢哋加咗啲辣粉，少少惹味，而佢嘅醬竟然係黑松露醬，我覺得係黑松露酸忌廉。4分芝士烤大啡菇漢堡呢？打開包裝係嗅到香味，芝士唔少，食落口感同味道都正常冇問題。4分3. $18.00嘅菠蘿梳打只有正常幼飲管提供，根本啜唔到菠蘿粒食，唔知係咪我冇攪勻嚟飲，味道怪怪，又冇菠蘿味。2分4. $9.00嘅汽水WK飲嘅。

一直都等緊第二次幫襯嘅機會，因為食過一次就鐘意左，但都要有個場地攪聚會先得😅。老闆娘好細心幫我度菜單，結果屋企人都話幾好食😋，夠味又唔係好咸（佢地第一次食）。雖然都有個評語係「啲野油左啲」，但我個人就認為已經係用最少油整嘅西餐黎㗎嘞，燒雞一定有油出，牛肋骨又係本身啲油黎嘅，海鮮飯無油點炒😅，哈哈小店繼續加油💪🏻四個大人+四個長老，叫六人份量都多左啲啲～今次個菜單：1)9吋芝士蟹肉薄pizza x1(開8)2)蒜片欖油炒雜菜1磅3)香料烤雞1隻4)低溫慢煮牛肋骨1份5)法國牛肝菌蘑菇扁意粉1磅6)海鮮西班牙飯1磅(熟米)

朋友住荃灣，介紹咗呢間位於海濱、以外賣為主嘅隱世小店▪️18小時慢煮煙燻豬肋骨 配中粗薯條好多嚿豬肋骨，經過慢煮，食落好軟腍，而且好入味。薯條粗身，炸得香脆▪️意大利辣肉腸手工黑竹炭薄脆薄餅Pizza薄底好脆身，第一次食黑竹炭pizza，不過就唔係好食得出有咩分別😂 面頭鋪滿芝士同辣肉腸，唔錯▪️卡邦尼脆煙肉溫泉蛋扁意粉將溫泉蛋撈埋落個意粉度，好惹味，不過就令到整體偏濕少少。扁意粉軟硬適中，幾掛汁▪️紅蝦汁虎蝦扁意粉紅蝦汁creamy，虎蝦都大隻，爽口彈牙Hustle Guy📍荃灣海濱花園D平台1樓M22號舖

今日下午，過嚟都位於海濱的Hustle guy小店，門面以黃黑色為主雖然位置偏僻但你到一定會望見這間舖頭，今次我叫外賣牛肉漢堡加薯條，而且還有湯或沙律附送，今次我選擇了蘑菇湯。等了大約十分鐘左右便到手，用了十分鐘行回公司便開大餐。打開見到薯條使用粗身的薯條製作面頭有些微微的辣粉配以一個黑松露醬汁點，黑松露味與薯條亦都相當之夾，雖然用了一段時間返公司但薯條亦都沒有變淋。再試個磨菇湯，蘑菇湯不是普通的罐頭湯而是用蘑菇打成的，所以非常之濃而且非常之杰身，牛肉漢堡配上芝士蕃茄生菜加上醬汁，分量相當之大。而漢堡的麵包經過烘焗食落比較脆口，而主角牛肉內裏有少少粉紅肉汁豐富肉味香濃，而且非常之厚，我用間尺度過有1.5 cm的厚度所以口感非常之豐富，而且價錢都是60多蚊，回頭率100%

話說琴晚阿妹生日飯，由於疫情嚴重無外出食飯，我就早幾日周圍睇邊間黃店好食，睇到好多人話Hustle Guy好正，話好高質西餐，就一於試下先~😊Menu：1.青檸蜜糖雞翼10隻（6/10）2.煙三文魚墨西哥3卷配牛油果醬（8/10）👍3.法式燒羊架5件（7/10）略硬左少少，可能唔夠肥或無襯熱食😂😂😂4.低溫慢煮牛肋骨1份（9.5/10）👍👍必叫，眼睇以為好硬，點知好淋😋😋😋5.海鮮西班牙飯1磅（6/10）5人總共食咗$1050個人口味總評分：7.3/10大家如果要叫呢間餐廳記得打多幾次電話，老闆娘實在好忙，佢會問你幾多人食，餐單同你夾，佢哋無特定菜式比人揀，除非你有野想食啦，記住慢煮牛肋骨必叫！😋😋😋😊😂地址：荃灣海濱花園D平台1樓M22號舖

早幾日我有朋友生日 就係叫左呢間既到會 真心每一樣都好好食🎈😗Menu:🥳🥳🥳1)炸小食拼盤各12件(魷魚圈•酥炸蠔•薯條1磅)2)青檸蜜糖雞翼24隻3)牛油田螺墨西哥卷4卷配牛油果醬(開3)4)9”煙三文魚薄脆pizza x1 9”蜜糖三式芝士薄脆pizza x15)8小時慢煮牛面肉1磅6)美式蜜糖BBQ豬肋骨15件7)法國松露蘑菇雞肉意大利飯1.5磅真心同一般set曬meau既到會食物好唔同 送到過嚟都仲熱 食物質素好高汁 個個食到一件不留😋多謝老闆娘好細心同我度meau 份量同埋口味都啱啱好 大家都好喜歡好開心🥳小妹第一次寫食評☺️🙈好慶幸又好surprise 香港竟然有咁有heart既小店 非常推薦大家😗🙏🏻

Hustle guy💛煙燻提魚扁意粉 $58焗芝士大啡菇 $42新鮮龍蝦漢堡 $108因為午餐時段送薯條 同埋西蘭花藍芝士湯-煙燻提魚扁意粉🍝好香煙熏味不過提魚嘅數量爭啲啲啲扁意粉帶出一啲更好嘅口感👻撈埋啲芝士好正🤤不過要趁熱撈！但係我覺得dry咗少少．焗芝士大啡菇🍄好大片芝士個芝士係真係黐住個大啡菇👻同埋焗得好香仲可以拉絲添🙈粒菇好大嚿同時間亦都好爆汁🤤食落去啲汁真係bit曬出嚟不過我覺得兩者夾嘅程度爭少少．新鮮龍蝦漢堡🍔個包唔會話焗過所以係有啲軟林林容易咬👻入邊有豐滿嘅龍蝦肉🤤佢入邊仲有蕃茄 生菜 芝士 洋蔥等嘅配菜我個人幾鍾意佢個洋蔥😋真係超香所有嘢加埋配搭起嚟都幾好味👻．薯條配黑松露醬🍟因為午餐時段 所以送嘅薯條偏粗👻而且佢係整到脆所以口感會冇咁單調😋黑松露醬唔會話太淡不過如果唔點醬直接食嘅話條薯條都唔會話冇味因為本身佢薯條都有落到啲調味粉味道幾好🤤．西蘭花藍芝士湯🥣因為午餐時段 所以送嘅好香濃西餐嘅湯🤣跟住我唔係好識評價🤣不過見到真係好多西蘭花嘅粒粒飲落去唔會話太過Creamy所以都唔會話好流．整體來講全部嘢食都熱辣辣㗎🤤16/6 食外賣自取返屋企🏠

朋友的生日飯疫情之下無辦法晚上堂食，於是聯絡店主可否送外賣。當晚好多單，六點半訂要八點半先送。不過，餐廳好好咁協助call van 送貨，而且整個通話過程都好有禮貌。最後送來的餸菜都仲係熱辣辣，好好味。PS圖片中的薄餅少了一塊只係因為一放上枱就比人食左 🤣

【💛】🉑：外賣自取 ⭐評分: 8.5/10 ——————————————————話說整個整合list嗰時，覺得間間都好吸引！🤤喺咁多間入面揀咗荃灣呢間小店，喺海濱花園嗰頭，終極隱世😹 一打開大家已經嘩嘩聲，賣相勁靚，仲要食落都勁正😳——————————————————
▪️7人餐 ($1000)▪️老闆娘發辨：南瓜藜麥沙律 小食拼盤 牛肝菌意大利飯 慢煮安格斯牛肋骨 香草烤雞 海鮮薯仔批小店到會係無「menu」嘅，老闆娘會叫你去FB Page睇其他客人嘅相，揀吓有乜想食，再叫你開budget～ 運送方面，可以自取或者call van😸一打開錫紙，食物仲好熱噴哂煙，每碟賣相都超吸引！最有驚喜係慢煮安格斯牛肋骨，個樣完全就係去食西餐咁，伴菜仲要有juicy嘅燒連枝番茄仔、蒜頭同薯仔。牛肋骨大概厚切咗10嚿肉，本身仲諗住係會少少韌，點知食落去大家都驚呼：好_稔！好_好食！😹 慢煮嘅功力深厚，入口重牛味，肉質非常軟嫩，高質到爆😳香草烤雞係金黃色，食嗰陣時仲有煙出，雞肉又係勁嫩滑，有香草香氣同小小鹹香，啖啖肉超級正！墊底薯仔都索哂雞油同牛油香！海鮮薯仔批估唔到有蜆肉同蝦，本身以為係蟹柳同魷魚🤣白汁

朋友介紹姑且一試，叫左Classic Burger, 入面牛肉一邊薄一邊厚，所以入口薄果邊又硬又”鞋”，厚果邊生少少有血水，放包入面的醬ok，薯條都脆，唯一可讚係跟薯條的芝士醬份量好夠。但這質素不值得大肆宣傳要客早幾日訂購，不值得要客人幾個鐘後才取，因為看到是兩公婆做，不夠人手而要客咁等，反而唔係似出面別區好食的burger單多而要客等咁耐。

pizza底係薄底而且好脆 芝士同蜜糖都好夾意粉唔錯 好辣 又多雞肉burger最好食 個包應該用牛油煎過 外脆內軟 饀料又多 一咬啲泡菜汁咇左出嚟食物包裝都做得好好 尤其裝沙律嘅盒 堅密實😂

是日晚餐:Hustle Guy一對80後夫婦👫🏼,一間用心💛經營,用心💛創作美食,用心服務嘅優質西式小店🍴------------------------------環境:鋪頭細細,裝修設計簡單工業風🗜坐滿哂都係10個位左右,主力做街坊外賣🥡同到會服務------------------------------食物:經典牛肉漢堡加薯條($62)🍔🍟份量都幾足,一個成年男仔絕對夠飽牛肉🐮手打,好有口感鹽同黑椒🧂好均勻,唔會一啖咸一啖辣生菜🥬蕃茄🍅洋蔥🧅新鮮,爽口有汁沙律醬岩岩好,唔會太多搶走肉味薯條有身秘方味粉調味,唔點醬🥫都已經好好食跟薯條有個醬都係自家制,好特別,同出面一般食到既好唔同P.S.小編好耐之前堂食過,當時賣相靚仔好多😍今次外賣有D路程,有小小走左樣🤪------------------------------服務:落單太太👩🏻好NICE好有禮貌,好有人情味廚房先生👦🏻有時都會出黎幫下手做外賣包裝,係愛呀💛等緊外賣時都會同客人傾下計唔會落左單收左錢💸就唔理你有時呢種街坊情懷,更勝公式服務🤵🏻小編試過到會服務,事後店主都會問返意見📝,力求進步💯——————————————-環

搬左來荃灣西兩年，第一次幫襯呢間西餐外賣小店，本身好懶打字寫食評， 但都忍唔住要寫返篇，分享下我發掘到呢間勝價比超高既小店的喜悅食佢既食物真係感覺到份熱誠Order左經典牛肉漢堡配薯條同埋卡邦尼意粉。特別欣賞佢個漢堡同薯條好好食裡面牛扒漢堡好厚切又有肉汁！薯條好濃薯味，再跟埋松露醬真係好夾好好味呀而且份量足，好滿足呢 其實個卡邦尼意粉都好好味！

無意中發現有一間咁樣嘅小店，隱藏咗喺海濱花園嘅平台！行過見到個門面都幾醒目，不少後生買外賣，睇一睇個Menu覺得都唔錯就即管試一試，有驚喜喎～我總共買過兩次，食過韓式辣雞肉手工黑竹炭pizza 9寸$80，雞肉辣辣地好惹味，黑竹炭食唔出有咩唔同，不過個餅皮係薄批，好脆！九吋兩個人食剛剛好。另外仲叫咗一個卡邦尼脆煙肉溫泉蛋意粉$55，好大兜，溫泉蛋汁撈落個意粉度食係畫龍點睛，芝士味唔算好濃，都唔錯。第二次買我就試咗新鮮波士頓龍蝦配蘆筍白底Pizza$108九吋，上面真係有半隻原隻波士頓龍蝦，肉都幾多，每一舊Pizza上邊都有龍蝦肉，仲有少少膏，實在美味，不過實在食唔出白底同埋黑炭Pizza有咩分別，反正都係又薄又脆啦～加$10有龍蝦湯，龍蝦湯真材實料好濃烈嘅龍蝦味，不過油左d。啱啱先發現原來呢間係黃店，咁要繼續支持！