影片
招牌菜
主厨由经验丰富珠圆玉润皮薄馅靓白里透红入厨几十年既半血泰婆煮理 half blood Thai chef，食物质素有保证﹗Hunter 猎人餐厅感觉会有好多肉啖啖都系肉、飞禽走兽、奇珍野味、丛林植物野菌野菜香草、特色食材、罕见料理及烹调方法﹗谂下都非常过瘾。半血泰婆秘制泰式酸辣汁，捞乜都掂﹗沙律、刺身、海鲜、白肉红肉、粉面饭、等等，同样出色一流﹗家传秘方绝对不是那些唔识泰菜扮识泰菜既混水摸鱼之徒﹗善有善报、恶有恶报，若然未报、时辰未到﹗泰式柚子沙律，多谢老板为我精心炮制的前菜﹗清甜爆汁滴水捞埋香口葱酥虾皮连新鲜沙律菜，满星美味差点连碟都吞埋！炸纽纹粗薯条，外脆内软啖啖肉，薯肉绵绵滚满茄汁最开心﹗明太子软壳蟹汉堡⭐️⭐️⭐️⭐️⭐️等了又等，终于苦尽甘来食得到，果然名不虚传﹗热辣辣软塾香喷喷的面包非常好楂手，手感一流爱不释手﹗酥脆的软壳蟹啖啖肉夹杂甘甜蟹膏格外滋味，仲有香辣明太子及酸甜沙律酱助攻，加上火箭菜、生菜、番茄的鲜甜爽嫩﹗百味交错、错综复杂，味道交替融合升华，无话可说﹗猎人炸髀⭐️⭐️⭐️⭐️⭐️三多炸髀始创厨师进化版，始祖巨人炸髀﹗会使人食上瘾的精制腌料无人能及﹗狠狠地一咬一扯鸡汁飞射，薄脆鸡皮凤脂甘甜闪令令，嫩嫩白肉冒著烟散发动人幽香﹗洒上薄薄一层自家辣粉更加惹味，损晒手指﹗猎人炸鸡扒⭐️⭐️⭐️⭐️⭐️可能系超越三多炸髀的料理、可能系全大埔最美味的鸡扒﹗皮脆肉嫩滴著汁，腌味清爽芳香回味无穷，白肉滑滑闪令令，凤脂脆鸡皮香喷喷！配粥粉面饭汉堡包都一流。烧鸡皮⭐️⭐️⭐️薄脆干爽带盐香，助酒良伴。烧墨鱼嘴⭐️⭐️⭐️巨嘴不是讨厌的迷你种，饱满胀卜卜咬落脆卜卜，最后黏黏弹弹。烧厚切牛舌芯⭐️⭐️⭐️⭐️焦香芬芳闻到已经流晒口水，爽爽的质地牛汁飞射，只甜不膻舔舔脷﹗汁烧鳗鱼肝⭐️⭐️⭐️⭐️⭐️鱼肝初体验，只怕不再遇上﹗清新的酱汁不浊不腻，鱼肝油润不干硬，甘甜幼滑带弹性，松软滑滑兼带汁﹗狠狠地一啖一旧塞入口，爆开鱼油美味绝伦﹗蒜芯炒鸡柳⭐️⭐️⭐️蒜芯翠绿爽甜，鸡柳滑滑结实，识食梗系全部一齐扫入口。炸鸡皮饺子⭐️⭐️⭐️炸得要再干一点再脆一点，鸡皮开口使到肉汁流失了﹗饺子扫一层薄薄酱油会更开心。猎人法式烤鹿架⭐️⭐️⭐️难得一遇少有的鹿肉料理﹗啖啖肉软绵多汁3成熟嫩红滑滑没丁点膻味，味道似羊亦似牛，配上辛辣爽蒜够过瘾！连条骨都损得干干净净。如果换成榄油焗蒜就更赏心悦目，将蒜泥涂满鹿肉齐齐享用，天堂的味道！幻想下已非常兴奋，配多碟野猪肉酱意粉就不得了！好很想念北海道旭川星野渡假村内的火山石板烧梅花鹿肉，简直系10星级，无可取代﹗完全不用任何调味直接烧直接入口，肉甜肉嫩到无与伦比，陶醉得飘飘欲仙﹗烧司华力肠⭐️ ⭐️界花靓靓真的好有心机，而且更易让酱汁渗入其中。估计应该牌子问题，这款肉质偏腍不弹啊。盐烧烟鸭胸片⭐️ ⭐️我对烟鸭胸完全没有任何好感的，要食就食鲜鸭胸﹗偏咸油腻泛著香肠味道及质地，焦香油润，喜欢的就非常喜欢。双太阳蛋芝士捞出前一丁，太阳蛋煎得太老鞋鞋啊，就连蛋白都起豆皮了﹗煎好不要继续搁在热镬上，余温已足够使其变老过身返魂乏术，最好立即端起放碟备用吧。何解芝士会有膻味呢？不是只用车打芝士沟牛奶吗？膻味都的不弱，顶硬上极速两啖啜晒落肚，不要谂要立即消灭﹗曾经试过芝士再加少许汤粉更加滋味开胃。棒子西多士，大家都系天生不折不扣的食肉兽，对于无肉的三文治完全掂都掂、望都唔望。美式咖啡，心知不是即磨啡，只系咖啡冲剂，无紧要吧。
继续阅读
之前经过都想试，今次经过见有位，就入嚟试吓餐牌见菜式都有几多选择，burger嘅种类都多，平时见到嘅都有，其他小食就样样都有啲。因为今次只系食个快饭，所以就净系叫咗个burger小试牛刀。叫左呢个热浪风情汉堡，$88有惊喜，本身块牛肉汉堡已经够厚好juicy, 而入面块菠萝够甜，又多汁，夹埋一齐好夹，平衡咗汉堡既油腻感，推荐👍跟餐有薯条，够脆好食，份量都多，唔惊唔够饱👍整体嚟讲，今次用餐经验几好，推荐呢间餐厅，下次黎会试多啲唔同嘅食物，睇吓啲小食表现好唔好
继续阅读
星期五晚上6点左右嚟到，小店座位唔多，不过当晚到我离场都唔满，客人唔多。猎人鹿肉卷 $68我自己无食过鹿肉，所以唔知系咪真野，唯一可以讲食落口感似猪肉🤔，味道就只食到茄汁嘅酸味同埋颇重嘅香料味。肉嘅份量唔多，另有配料洋葱丝、芝士、车厘茄，整体无咩特别，性价比亦唔高😅。明太子酱$10+烟肉碎薯条$25千岛酱加入少少明太子，食落唔会过咸，有淡淡嘅明太子味，而且带点酸，唔会好滞嘅一个酱。烟肉碎唔多，如果比多少少就更好。榛子西多士 $25呢个唔系即炸出嚟，因为里里外外都系冻...😑同埋，无咩特别狂牛汉堡 $88跟半份薯条呢个份量同肉卷比感觉抵好多😅起码跟左半份薯条，个包都大份D🙈汉堡扒好厚，而且好有牛味，仲有好多肉汁添😯我口唔算细，但一啖咬哂咁多层都有D难度。面包松软，不过冻嘅，扣分。餐厅当晚机仔坏左，所以只收现金。另外，餐厅星期一休息，大家唔好摸门钉。整体食物味道OK，但某D食材上枱果阵已经冻哂，有待改善；另外，抽风系统亦需要加强，喺客人唔多嘅情况下，全店充斥住油烟味，我用餐果半个钟，真系好辛苦。其次冷气唔够，越食越热，行出餐厅果刻深感外面比店内凉快、呼吸更舒畅。
继续阅读
今次系周末既Tea Time (大约4:00) 黎到，嗌左4样野，脆香鱼柳汉堡 ($68)，跟餐加配香橙椰果梳打 (+$12)，榛子西多士 ($25)，自家制香葱陈皮鲮鱼肉炸烧卖 ($15)，埋单$120，唔洗收加一。距离上次黎到都有一个月既时间，今次门口多左道趟门，变左坐最出面张枱都唔会太嘈 (始终铺头位置系喺巴士站附近)。另外除左本身有既射灯仔，亦多左8支小吊灯，令店面整体光猛番d，音乐亦都比之前细声左唔少，相信店家应该有睇呢道d食评，抵赞。一如既往都系嘢饮先上，其他嘢食陆续上枱。当时计埋我有两枱客人，等侯时间都系大约10分钟，唯独是西多要耐少少，大约15分钟。先讲香橙椰果梳打，大大杯，Size比一般支装汽水多，单论份量计个人觉得抵饮过支装汽水 (跟餐加$8)。芬达底，加椰果粒，加冰。比3星既原因系味道偏淡，其实过往两次帮衬既支装芬达/忌廉都有类似问题，唔排除支装个味系冇平时既罐装咁甜。之后讲下脆香鱼柳汉堡 ($68)，跟餐有半份原味薯条。薯条以往都讲过，唔再重覆讲喇。鱼柳包既配菜有番茄、紫洋葱、西生菜、芝士片，沙律酱。比3粒星系因为鱼柳扑既炸粉浆份量略多，特别系最外围既部份，令到个包上枱时重量侧埋左喺前面，搞到冧左，店家要用手扶住个包先冇跌到落碟 (有d人会好介意呢样野，我就还好)，不过最好研究下点样令到个包上枱时个卖相都系完整啦。至于鱼柳味道略淡，调味只用左少量黑椒，肉质唔差，都实既，食到有少少鱼既腥味，味道黎讲系ok既。挑剔位系芝士片未融，建议可略略焗热汉堡包皮，食落会再正d。跟住讲讲鲮鱼肉烧卖 ($15)，非常脆口，上枱后30分钟都仲脆。陈皮味就试唔出喇，不过同坊间既炸烧卖最唔同既系，有落葱，而且份量都唔少，食落味道会香口d，亦都好食同浓味过出面其他铺头。最后系等左15分钟既榛子酱西多 ($25)，一句说话形容，系值得等15分钟既。四边金黄色，煮法系煎而唔系炸，缺点系冇坊间既咁香脆，偏软身。榛子酱好食，搽既份量都ok多，加埋炼奶都唔会太甜。唯一挑剔位系炼奶只系略略搽左喺面一下就算，搽多少少就perfect。小总结，最推介炸烧卖+榛子西多，前者多葱非常香口惹味，后者榛子酱份量比足你，面包偏软身。鱼柳包同香橙梳打就一般般，前者略嫌外围既炸浆太多，同调味偏淡，后者既芬达底汽水味冇罐装味咁甜，估计系支装汽水既原因。相信小店有睇小弟写既食评，上次写既灯光+音乐问题已有明显改善，帮衬3次暂时食过8样野，有一半都系超水准咁好食既，继续加油。
继续阅读
我很爱食Burger, 所以是shake shack的常客。呢间都好有水准,自制鸡软骨扒,好味又低食。由一对夫妇用心经营的小店,不设加一服务费。一个价钱$68,汉堡包连沙律或可选薯条。上次试左薯条很香脆,所以今次试沙律,D菜好新鲜。最后要讲主角汉堡包是会另人回味的,真心好味。献上我的第一个openrice食评,祝福小店。由于我是真食客都要讲下唯一的缺点是由于用心制作所以等待需时,希望有待改善。但是我是个为食的客人,等一个好味的汉堡包,我是十分愿意的,极力推介给大埔街坊!下次再见~
继续阅读