影片
以上资料只供参考，请与餐厅确认详情
招牌菜
上星期一来到荃湾揾食，先发现地铁站附近开咗间Hungry Korean。店铺位置虽有点隐蔽，但都唔难揾。之前已试过几间唔同分店，但尼间系第一间我遇到有做二人餐嘅分店。一入坐，老板就推荐二人餐，大概记得价钱系138？睇埋张点餐纸，好似又几多嘢食，所以即刻决定咗。两碗鱼片汤，我以为真系有啲韩国鱼片。结果来到只系汤🤦🏻♀️失望到连相都唔记得咗影。前菜薯仔沙律＆泡菜。见到老板娘系雪槽拎出来，所以都唔会期望有几“新鲜”。摆咗一阵先，去一去啲“雪”先食，其实沙律味道都唔差。泡菜都正常，反正唔会系自家制。小食泡菜饺，实际系有三粒🤣食咗先记得影相。热辣辣炸出来，好味又热气豆腐汤，够晒辣。唔知系自己食得重味？但我觉得辣味掩盖咗其他味。不过男友就觉得豆腐汤好过佢个碟泡菜豆腐。尼点我都十分认同🙈唔知咩原因，等咗好耐（追单先来），最后先上嘅泡菜猪肉豆腐。人哋后来嘅其他枱，都就来食晒走人🤦🏻♀️。最后上，味道都比较失望。泡菜猪肉本应系送饭嘅佳肴，韩国泡菜应该系有辣有酸，但尼道𩠌甜味盖过一切。结果我哋食咗几啖就放弃咗。😔百几蚊可以食到有汤、前菜、主菜再加饮品嘅二人餐，其实系几抵。不过咁多间Hungry, 始终尖沙咀个间最好食。另外尼一间俾我嘅感觉更似家庭式经营。唔知系咪好似7-11咁franchise型式🤔
继续阅读
旧年晌沙田连城广场嘅Hungry Korean食过一餐晏，当时因为赶住去听啲旅游讲座，只喺匆匆试过个吞拿鱼韩国寿司及牛肉石锅饭，味道中规中矩，老婆就话佢觉得晌尖沙咀店好食啲。今晚要过嚟荃湾开组长会，一支公嚟到路德围嘅Hungry Korean食晚饭，睇吓唔同分店喺唔喺又唔同啲。餐厅环境唔大，逼逼哋大概坐到30、40人，装修简约，走年轻人路线，唔喺店名都未必知佢喺卖韩国嘢。跟好多流行嘅韩式餐厅咁，以五颜六色嘅「电油桶」做櫈，打开就可以放袋、放背囊。而餐枱仲有少少机关，就喺好似茶记咁加个抽柜晌下面，放好晒所有餐具及餐牌。晌门口入嚟之前，已见到佢哋有啲好抵食嘅2人餐（$138）、4人餐（$288），份量十足，所以，见好多客都费事谂，点套餐搞掂。晌餐枱上，更贴有一个「特选2人餐」（$158），比原价平多35%，无详细研究，应该喺啲网上优惠，但睇张相就十分之丰富嘞！然而，小弟一支公就梗喺睇住个散嗌餐牌，而依间同沙田𠮶间有啲唔同，我记得𠮶间似快餐店形式，晌柜枱排队买嘢食再等店员送上嚟，但依度就似一般餐厅由店员上嚟落单，再将食物送上，却全无加一服务费。而且，选择不少，以韩式菜式嚟讲，定价都唔算贵。最后瞄向到餐牌中有一栏「厨师精选」（$70-$80），有啲韩式铁板类，都好似好耐无试，所以，拣咗其中一款：韩式铁板牛小排，并送特选饮品及跟白饭一碗。餐牌标示话就话要等10-15分钟，但都好快上到菜。不过，店员话内容已改，无再送特选饮品，而喺改为前菜小食一客，咁就尽快改改餐牌，避免不必要误会。就算散点，一客前菜都只喺$6，绝对食得过，而且，亦可以以+$15要齐3款前菜。泡菜、薯仔、鱼饼唔喺讲笑，佢哋啲泡菜都真喺几辣吓，超刺激，咬落仲带点爽脆口感；而薯仔喺未搓到烂透嘅薯蓉，所以，食起嚟仲有啲薯粒，最钟意喺佢加入青瓜丝，好爽口；鱼饼睇嚟似腐皮，味道咸咸甜甜，口感就烟烟韧韧。韩式铁板牛小排 $80送到嚟仲感受到块铁板滚热熨，而牛小排就喺平常我哋讲开嘅牛仔骨，份量唔少，都有成6、7件之多，好有肉香，当然唔及西冷、肉眼般软腍，但质素算唔错；个特制酱汁亦好滋味，白饭软熟有米香，加埋啲酱汁确喺几好食。而铁板之上仲有几件韩式年糕，极有咬口！蜜桃冰茶 +$12虽然无嘢饮送，但亦可以用优惠价配一杯蜜桃冰茶，饮落冰凉清爽，幽幽茉莉茶香，又似带点蜜桃香味，且蜜桃果肉也不少，更够晒大杯。热辣辣嘅铁板牛小排，边食边饮住冰凉清爽嘅蜜桃冰茶，真喺好爽架。路德围依边超多食肆，竞争唔细，不过，见店内有唔少后生仔帮衬，韩式快餐店仍好得佢哋受落。只要食物保持水准，荃湾区人口又够密集，犹如新船咁重新启航，应可以大有作为！
继续阅读
今日和朋友往荃湾Hungary Korean 食dinner, 我点了铁板甜鸡肉饭, 韩式炸鸡、韩式紫菜卷、粟米薯饼和冻奶茶, 餐厅有前菜食, 前菜薯蓉打得香滑, 好惹味；泡菜辣味适中好爽口, 好开胃的前菜；铁板甜鸡肉饭, 鸡肉鲜嫩, 鸡肉够热而且煎得甘香, 而且酱汁甜度适中, 好开胃, 送饭一流；韩式炸鸡配上柚子, 芥茉和蜜糖三款酱, 炸鸡炸得金黄香脆, 十分惹味, 个人推介柚子和蜜糖, 柚子酸酸的配上炸鸡食落口感丰富；蜜汁则清甜配上炸鸡食落开胃, 个人觉得芥茱辣了一点, 如辣度减少一点口感更佳；韩式紫菜卷紫菜爽脆, 配菜份量十足, 好足料；粟米薯饼够脆够热, 粟米味香浓, 配上茄汁食十分醒胃；最后冻奶茶奶味好滑, 茶味香浓。餐厅食物美味可口, 很有水准, 个人推介铁板甜鸡肉饭和韩式炸鸡, 两款十分好食和惹味, 好味的韩国菜,值得一试
继续阅读
这日和型仔摄影师私影，私影完紧系要医返饱个肚，就用外卖APPS揾咗呢间试下，见佢价钱OK，又想食下韩国野总共ORDER了:鸡肉石锅饭$53鱿鱼韩式寿司 $41韩国牛肉(跟饭) $61鸡肉石锅饭$53外卖版本见唔到个石锅，卖相系争啲，好似流流地，不过不可以貌取食物，试过再决定闻落已觉几香，食落果然好味道饭几香软，鸡肉唔够大粒，不过都几有口感，同食得出鲜嫩韩国牛肉(跟饭) $61牛肉质素唔错，都有牛味又软腍可口。不过都有一旧系牛筋劲韧而咬不到鱿鱼韩式寿司 $41，超好味呀，鱿鱼可口，配合寿司饭层，内里的少少辣，几刺激附送的辣酱虽然好食但几辣，型仔摄影师都苦口婆心劝我唔好再点呢呢餐几好食，而且送货都几快，值得再食
继续阅读
多得我家哈韩 二女 通报才知道 荃湾路德围 有韩国料理 食店 , 我们当然要前往品尝 ~看过放在店舖前的餐牌 , 发觉价钱是非常之街坊价 ~全日免收加一 , 餐厅的面积不算很大 , 能摆放的座位不多 , 但坐下来也不感觉迫狭窄 , 中午时分是无时无刻爆满 , 买外卖的客人也有不少 ~Menu ~超值套餐加 $ 15 可自选前菜加特选饮品 ~ 前菜三款 , 有泡菜 (左) : 其味咸中带辣 , 而且不论是咸度或辣度也颇均匀 ; 薯蓉 (中) : 似是近乎西式的薯蓉 , 温度是室温中带点凉 , 其味讨好 ; 韩式鱼饼 (右) : 味道是咸咸甜甜的 , 质感有点似腐皮 , 可口又醒胃 ; 我们边吃前菜 , 边等待点好的其他菜式 ~特饮 , 也有多款选择 ....韩国寿司 Gim Bap ( 牛肉 ) $ 36 : 卖相美观 , 即点即包 , 劲新鲜 , 一客共有十一件 , 饭是室温温度 , 没有醋味 , 内里包着 菜、 红萝卜条、牛肉、 酸萝卜条 等等 , 一口一件刚刚好 , 包得扎实不易散 , 有水准 ~泡菜煎饼 Kimchi Jeon $ 70 : 泡菜饼煎得有够香口 , 厚薄适中 , 既富蛋香又具泡菜味 , 其味道咸咸辣辣 , 很够风味 ~辣猪肉 Spicy Pork ( 跟白饭一碗 ) $ 52 : 猪肉是切成肉片, 香口爽嫩 , 配菜有洋葱条、椰菜片等等 , 以韩式酱汁为主要调味 , 酱汁香辣惹味又带甜 , 佐饭一流 ~ 总括来说是 , 平、靓、正 , 而且店员的服务态度也很友善 ~ 本篇完 ~
继续阅读