hoo韓國包車

营业中

休息中

呢間餐廳嘅裝修好獨特，成日聽好多人講，所以自己想食好耐，但係又聽講晚巿排晒隊。今日就同朋友嚟食一個late lunch🤣(提提大家2:30截單，唔好太late🤣)招牌炒章魚 $146章魚好嫩口，一啲都唔韌，滑脫脫😍果然係招牌菜，送飯一流，所以都忍唔住嗌咗個飯波波！一雞兩味 $228食韓國嘢梗係要食炸雞，嗌咗兩個口味，原味同埋甜辣！雞肉滑嫩，唔會過老，有韓國餐廳炸雞嘅水準，值得一試！ 最緊要配埋白蘿蔔一齊送😍拳頭飯 $68冇理由淨食餸，冇飯落肚。嗌多咗個拳頭飯，可以配辣炒章魚一齊食😍Perfect match無得輸😋環境超級有氣氛，勁啱夜晚同朋友嚟一路飲酒一路食炸雞！果然排隊係有原因🤣會再帶朋友嚟encore👍🏻

韓國包車，位於尖沙咀厚福街，餐廳設計非常有特色，迷幻燈飾韓式路邊攤座椅，感覺令人置身韓國食路邊攤一樣。餐廳食物選擇非常多，一般韓式傳統食物都有。懷舊烤五花肉，傳統韓式烤肉，份量相當多，五花肉肥瘦適中，連同生菜泡菜一齊食，可減油膩感覺。薯仔煎餅，大量薯仔加入少量蔥，不會太油，煎餅脆脆地，好食。韓式魚糕串，原煲連爐上枱，熱辣辣秋冬天食一流。湯底相當清甜，魚糕串味道正宗，份量多，煲內仲有魚蛋蘿蔔等，相當抵食。

厚福街真係好多野食，尤其係藍馬商業大廈，頂樓呢間韓國餐廳既裝修真係不得不讚！真係好似係韓國街頭食緊野咁！好有心思，實景比相影出黎更加靚，同埋好多detail位~雖然係大排檔setting，但店家好細心，每張枱下面都有個膠箱比我地放袋，加分！--- 有芽菜同泡菜，仲送多左個醃蘿蔔比我地，都係我超鐘意食既前菜！--- 呢道炒章魚係用韓式辣醬配搭埋椰菜去炒，章魚煮得岩岩好，唔會太老唔會太生，一d都唔會靭！我地全盤清曬，推薦，果然係招牌！---炸雞] 唔算好辣，甜甜辣辣咁特別開胃，我地叫左半份，都總共有5件！2個人食好滿足~店員好細心比埋一次性膠手套俾我地，用手食炸雞係特別好味！ --- 超級好食，韮菜好足料，多到湧出黎咁，配埋個汁食一流，不知不覺2個人就食曬了~---平日晚飯時間黎食，全場滿座，同一架lift有3家人都係黎呢度haha，記得要book定！發現每一張枱都叫左魚糕，今次無試到，下次再黎試先！

想喺香港都感受韓國街頭風味呢間就夠晒feel裝潢有好似韓國大排檔嘅部分, 又有懷舊風漫畫舖洗衣舖嘅角落, 好似一秒入咗回答吧1988咁😂作為鍋物控欣賞佢啲鍋可以叫半份咁人少少都可以食兩個鍋招牌魚糕鍋(半份$146) 湯底清而有魚味, 又帶少少辣喚醒咗喺韓國旅行凍冰冰最暖胃魚糕串嘅記憶, 裡面嘅蘿蔔都好甜好入味傳說中的部隊鍋(半份$146）半份都已經包咗一個拉麵唔洗額外叫㗎～ 越嚟越少地方有部隊鍋一於試下呢個版本😂 湯底感覺以大蔥為主, 食得辣嘅朋友仲可以將作為伴餐嘅泡菜加埋入面炸流心芝士豬扒($72) 拉芝豬扒好大塊😁

hoo韓國包車位於尖沙咀鬧區，地段優越，餐廳以韓式大排檔為主題，裝潢非常用心，用咗好多藍紅色嘅霓虹燈做裝飾，又加入咗洗衣店同漫畫等元素，好多靚靚打卡位，枱凳全部都用咗最簡單嘅膠枱膠凳，唔知彷彿穿越咗時光返反去韓國嘅街頭😍 餐廳一直播放韓國嘅流行kpop，好有mood~薯仔煎餅係我嘅首選，唔單止份量好多，兩至三個人食絕對足夠。佢煎到好香脆，配上特製嘅醬汁，味道酥脆又美味。泡菜豬肉鍋都好值值得一試，湯底酸辣開胃，豬肉嫩滑多汁，同埋入面嘅泡菜令味道更加豐富。另外要大推醬油蟹！絕對係令人驚艷嘅菜式，蟹肉鮮嫩，淋上濃郁嘅醬油汁，鮮味同甜味配合得天衣無縫。招牌燒章魚都好正，燒得恰到好處，外脆內嫩，伴隨住微微嘅辣味，味道十分開胃。嚟到韓國餐廳，梗係要試吓韓國嘅地道酒精飲品，菠蘿啤酒同新鮮菠蘿汁嘅結合，清新又解渴，而且酒精濃度唔會太高，甜甜地，唔鍾意飲啤酒嘅女仔都可以試吓。呢間復古韓式大排檔咁多打卡位，而且菜式都好地道，鍾意韓國文化嘅你哋一定唔可以錯過！hoo韓國包車 📍尖沙咀厚福街12-12A號藍馬商業大廈22樓

呢個韓國餐廳嘅裝修係走韓國街頭攤檔風格🇰🇷店內播放着k-pop音樂🎤仲有好多打卡位影相📷打卡一流👍🏻一坐低店員先上前菜.包括有泡菜同芽菜,味道唔錯😋街頭魚糕串串(M) $146 加拉麵 $15湯底鮮甜😍裏面有5串魚糕,仲有魚餅同一大舊蘿蔔.魚糕同魚餅口感煙煙韌韌🤩拉麵吸收哂湯底嘅鮮味,好好味😋拉絲芝士韓式炒雞 $128雞肉肉質鮮嫩,芝士份量好足🤩做到拉絲效果😍好邪惡😋薯仔煎餅 $82煎餅煎得好香脆🤩薯仔切成一絲絲,點埋醬汁好惹味😋柚子梳打/荔枝梳打 $38兩款梳打味道清新,唔會好甜

小妹好掛住韓國🇰🇷 同🐨穩左一間韓國餐廳🍴餐廳整個裝修風格 以韓國路邊攤為概念仲一路播住K-pop 音樂🎶🎵 成個氛圍好有feel 街頭魚糕串串 (M) $146係小妹最愛嘅魚糕串😻😻有五串魚糕 魚餅 同一大舊蘿蔔🥰 再配埋韓式醬汁☺️ 係另一種風味魚糕好彈牙煙韌🥰 蘿蔔勁入味😎湯底好鮮甜 有少少黑椒味 飲完暖暖笠☺️ 卜卜脆炒豬脆骨 拼 拳頭飯 $142真係拳頭size嘅飯團波波🍙用紫菜碎 芝麻 同麻油 好香🥰豬脆骨就好似平似食軟骨咁🥰 有少少辣不過越食越惹味🥰 成碟好豐富🥰🥰甜辣炸雞 (半份) $158炸雞炸到好香脆🍗 食落卜卜脆 肉質好嫩滑🤗 好Juicy 🥰甜辣味道 甜甜 帶少少辣 相當開胃👍👍.飲品嘅選擇都幾多下🥰有Soda Cocktail Beer 各種酒類 同唔同嘅罐裝飲品夏日的風 $68係青蘋果果氣泡燒酒🍏🍹青蘋果香味唔錯 而且唔會太過酸燒酒香得黎幾易入口

朋友推介食韓國菜，去了尖沙咀厚福街12至12A號藍馬商業大廈22樓～Hoo韓國包車，尖沙咀B2出口，步行約3至4分鐘。店內面積不大，裝飾既前衛又有懷舊風格，播著韓國流行樂曲襯托著閃耀霓虹的燈光，感覺輕鬆又舒適。菜譜全是二維碼點擊簡單易明，任客自由配搭。吞拿魚煎蛋卷$108蛋味香濃，蛋皮煎得夠香滑，夾雜著大量吞拿魚碎，配上沙律醬和韓式醬汁，又香又惹味。泡菜炒飯$88份量十足，飯面鋪滿紫菜和韓式半熟煎蛋，珍珠飯粒分明，香軟柔糯有嚼口，混雜著可口的韓式泡菜，更覺美味吸引。街頭魚糕串串（M）$146 加拉麵$15每枱必點火鍋菜，5串竹籤拮滿大大塊的魚糕和魚蛋，魚味香濃，柔軟滑溜有嚼口，吸入韓式京蔥和湯汁，美味又可口。追加韓式拉麵，麵質彈牙又爽口，盡吸湯汁的精華，飽足又滿足。

餐廳佈置好有韓國街頭的特式，亦有好多復古的擺設芝士蟹膏蟹肉蛋卷尼個蛋卷係限定食物，所以就試下，蛋卷入面係有一些蛋肉和蟹柳棒，有兩款芝士醬淋係面，味道適中。蛋卷上面有一些蟹膏，令到蛋捲仲多左鹹香味👍🏼紫菜飯卷芝麻味好突出，用料都好充足，有雞蛋絲、牛蒡、青瓜、醃製過的蘿蔔、紅蘿蔔等等。流心芝士豬扒大大塊豬扒，每一塊都有芝士流出黎，好邪惡泡菜煎餅餅底比較薄身，有濃濃的泡菜味道，亦煎得比較香脆。拉絲芝士韓式炒雞雞肉本身係有醃製過，味道適中，芝士份量好充足，每一件都做到拉絲效果。不過洋蔥🧅絲份量都好多，令到炒雞多一層刺激熱情果梳打熱情果酸酸甜甜的味道柚子牛奶樂唔講絕對睇唔出係酒精飲品，有淡淡米酒的味道

厚福街呢棟商廈超多餐廳飯點時間見唔少人排隊等lift😥呢間韓式餐廳成日見人打卡多今日終於輪到我去食啦🤪門口的LED燈招牌已經好吸晴🌟一入到去即刻以為自己去左韓國🇰🇷超級有當地風味, 全部寫上韓文裝潢係大排檔concept氣氛好熱鬧 勁岩三五知己黎飲酒吹水每個角落都係打卡點📸用啤酒籃俾客人用黎放袋又幾有創意😌餐牌選擇幾多, 基本上普通韓式食物都有提供好似燒肉啦, 紫菜包飯, 部隊鍋, 炸雞等等飲品就當然唔少得有酒精啦燒酒, 米酒,啤酒🍻最特別係有韓式Cocktail🍹唔飲酒人士都可以揀梳打或者罐裝飲料🧃甜米漿$20🍚🥛呢個唔係周圍有, 所以必叫甜甜地 仲真係有細細的米粒好特別 而且都幾解膩懷舊烤五花肉$152🍖足足有兩層份量好多!! 夠3-4人食豬腩肉的脂肪比例好平均好明確咁見到一層肥膏一層肉有厚度! 有咬口! 唔會過腍😍一定要點埋醬再加泡菜 包生菜咁食!芝士蟹膏蟹肉蛋卷$108🦀🧀表層的芝士極邪惡 可以拉到絲 仲要勁厚仲有蟹膏 係精華 鮮甜🥰卷蛋超重量 有成三層高中間再包住蟹肉同埋蟹柳一樣建議3-4人食因為真係會好飽🤣薯仔煎餅$82🥔煙韌, 完全唔會似出面果D咁厚面粉少少脆面 送酒一流

餐廳吾算好大但是充滿韓國特式仲有播住k－pop同有一個動漫角一坐底待應會拎壺水同埋2碟前菜小食佢個餐牌主要係韓文同中文－炸流心芝士豬扒芝士份量好多拉絲效果吸睛豬扒味道合適吾會遮左芝士味－紫菜飯卷雖然係飯卷但係味道酸酸甜甜少少咸幾開胃－泡菜煎餅泡菜味十足個人覺得辣左少少（平時食譚仔10小辣）－拉絲芝士韓式炒雞焗出黎熱辣辣待應有提叫我地小心上面滿滿芝士仲有有好多洋蔥同炒雞比起出面一般炒雞份量多同埋健康－芝士蟹膏觸肉蛋卷上面有5點蟹膏但賣相無特別不過切開入面都係滿滿芝士、蟹肉同蟹柳食落口有少少流心口感－熱情果梳打吾會一味得個甜字搞好杯野無晒氣－柚子牛奶樂淡淡牛奶味柚子同酒味幾出如果鍾意食芝士呢間可以好滿足芝士份量十足

今晚終於輪到我黎潮聖拉😆之前見到好多朋友仔係呢間餐廳打卡，心入面一直好想黎。一入到黎餐廳，果然周圍都係打卡聖地😍設計風格跟足韓國路邊攤大排檔😍一排排的膠枱，膠櫈，膠汽水箱，加埋紅紅紫紫的霓虹燈光，好有氣氛。餐廳仲有d家電，書櫃的裝飾，好有家庭式經營的感覺。餐廳menu主打鍋物，同下酒小菜。🥢拉絲芝士韓式炒雞$128超強勁拉絲芝士😆面頭佈滿晒芝士，一上枱個鐵盤係超熱，職員話將所有野搞拌就食得。雞柳幾大舊，份量好多，將雞柳捲住芝士一齊食，好滋味🤤另外仲有大量洋蔥，好岩我😋🥢甜辣炸雞$158（half）半份炸雞有5大舊，size 比出面的大👍🏻半隻雞的份量，肉質幾多，啖啖肉都幾嫩滑。甜辣醬幾惹味，汁的份量剛剛好，吾會食到成手都係。下次黎要叫全份🤣半份吾夠喉。🥢韮菜煎餅$78呢個煎餅同平時食開的不同，比較薄身，好似薄撐咁。煎餅煎得幾脆，幾香口，都幾吾錯。🌟總括嚟講，餐廳環境氣氛一流，最岩一班朋友聚會，食物質素都不錯，炸雞必食😍👍🏻

✨街頭魚糕串串🍥魚湯甜甜地，有少少辣，好暖胃👍🏻裡面有超級多魚糕串、魚糕片、魚餅、蘿蔔～全部都好厚或者好大舊(⁎⁍̴̛ᴗ⁍̴̛⁎)魚糕有少少似日式魚蛋嗰種味，煙韌彈牙，好索汁 好有韓國風味🤤蘿蔔煮得好淋身同入味！我地應該叫錯咗 叫咗L size😭😭兩條友淨食呢個已經食到好飽，嗰陣係咁諗 如果突然有多2個人一齊share呢個就好🥹🥹✨招牌炒章魚🐙呢個炒章魚係有章魚粒、紅蘿蔔、椰菜，嘩！炒得好惹味，仲要辣辣地🌶️❤️章魚好脆同好有咬感，勁香勁好食🤤🤤份量都算多👍🏻🥂柚子梳打💛&青蘋果梳打🍏飲品講真就普通啦，啲口味同梳打水溶唔埋一齊。不過嗌呢個嘢飲主要係解辣同解渴😛，所以冇特別期望與失望～🆓小食：泡菜&芽菜幾好食，唔會過度重味又唔會太假，兩樣都好脆身，幾好食㗎。本身好想食炸雞🥲🥲不過食魚糕食到太飽💔下次有機會 會食埋呢個！

之前已經嚟過呢間度食過，鍾意佢嘅氣氛環境，好有特色，好似真係去咗韓國嘅街邊東檔咁，無論係啲裝修嘅擺設定係成個燈光嘅氣氛度好有feel，所以再嚟encore😋炸流心芝士豬扒芝士嘅份量超級多！一拎起個豬扒就已經有拉絲🥰😍炸得好香脆，而且啖啖芝士好濃郁，好正😋芝士炒年糕又係芝士滿滿嘅菜式，一層芝士鋪咗喺年糕上面，撈埋啲韓式辣汁同年糕嚟食更好味招牌炒章魚上次食過覺得唔錯今次再嗌最鍾意係去啲韓式辣醬汁炒到啲章魚好Juicy，好香口街頭魚糕串串每次必點系列，你鍾意呢度係會用Gas爐將成煲魚糕湯整到暖暖地，好彈牙，再加埋韓式豉油，好有喺入韓國街頭食嘅味道😋真露復刻版燒酒食韓國菜點可以冇燒酒，食完即刻成個身暖哂

上網見到個名咁得意又咁多好評，今日就同朋友試咗呢間hoo韓國包車。一入到餐廳映入眼簾嘅係韓國街道嘅風格，播住kpop，就好似去咗韓國咁，非常之有氣氛。雖然餐廳位於大廈嘅頂樓，但六點幾已經坐咗唔少人，非常之熱鬧，足見餐廳人氣！一坐低店員就自動會送上前菜同埋水。前菜嘅泡菜大豆芽同高麗菜用嚟開胃一流。打開Menu見到店主推介嘅炒章魚非常吸引，即刻就嗌咗個嚟試。一上菜就知道冇介紹錯，韓式辣醬同章魚嘅香味即刻撲鼻而來！食落口發現章魚炒到啱啱好，入味得來又唔會太老太韌，而一齊炒嘅椰菜都非常入味，真係一食就停唔到口🤤🤤仲有都嗌咗個韭菜煎餅，香口得嚟仲要即叫即煎，熱辣辣。食咗個炒章魚意猶未盡，所以再嗌多咗個炒雞。韓國炸雞就食得多，估唔到炒雞都有另一番鮮味！嫩滑嘅雞柳配埋大蔥洋蔥一齊炒，最後放上邪惡嘅芝士，簡直意想不到咁好味! 加上呢個小炒係用鐵板上嘅，食到最後啲雞仲係熱辣辣🤤🤤，或者可能係太好食我食得太快🤣啲雞非常足料，仲可以拉到絲🤤🤤最後食完咁多炒嘢梗係要嗌啤酒飲，一個字爽！除咗韓式炒菜之外，呢間鋪嘅名物仲有各式各樣嘅煱，可惜我哋太飽試唔到。不過望到其他人食都非常吸引，下次再去一定要試吓！總結嚟講，