Homie (已結業)

🥑牛油果咸牛肉炒蛋三文治 $42即叫即做，份量十足，一個人食晒兩件好飽😂咸牛肉炒蛋係超級足料，牛油果又係排到滿滿，仲要好有心機排到好整齊好靚，味道未試，視角上已經加分！☕️Latte 原本無叫到套餐，後來問問可唔可以加返錢要多杯咖啡，店員好親切幫我加返😆唯一係要預夠時間，因為佢係即叫即做，製作需時，趕時間嘅話可以預先打去叫定！

今日起身食完第一餐後就諗好係附近跑完步就買漢堡包食原本有人提議食burger room好彩睇一睇發現間隱世小店「Homie」今次就試左經典美式漢堡 同 蘑菇牛肉漢堡漢堡味道不錯架不過個人口味比較重，好喜歡重洋蔥味如果有埋酸瓜就更加好但知道唔係個個人都鍾意特別加分位係啲薯條符合我口味裡面係比較軟身既口感最後店舖員工好好客地送左一包「鹹蛋爆谷」真係好鍾意小店既氣氛我下次會再黎試三文治同埋咖啡睇下係咪都咁出色先加油

意外發現驚喜小店❤️本身好少去摩頓台哩邊，今日因為趕住撘930x去荃灣整陶瓷所以過左嚟。本身諗住求其去買個包食完上車就算，點知附近嘜到無。好好彩經過見到哩間小店有即叫即整既三文治同埋漢堡包，但距離下一班巴士既時間得返8分鐘，我勁厚面皮咁問店員可唔可以係7分鐘內整好🙈，佢話無問題就即刻問我食咩，今次我叫左牛油果咸牛肉滑蛋三文治🥪，店員收到order即刻烘麵包炒咸牛肉蛋同切牛油果🥑，所有野都即叫即做，結果仲係5分鐘內整好俾我，多謝你地我先趕到巴士(如果唔係要等半個鐘)仲食到咁好味既三文治👍🏾👍🏾介紹返個三文治先，唔好諗住佢趕住係5分鐘整好就求其交貨呀！絕對無啲咁既事呀！麵包烘到脆卜卜加入炒好既咸牛肉滑蛋再夾住熟得啱啱好既牛油果味道口感好豐富超夾超好味👍🏾好有誠意🙂下次會再返嚟試其他食物，希望唔好又要趕巴士🫢第一次寫食評寫得唔好敬請原諒😬🙏🏼

喺大坑嗰邊上急救班，放飯又淨係得一個鐘🤣都唔知有咩選擇，所以最後開咗openrice 睇下有咩好食，點知發現附近有間Burger好似唔錯，所以我哋就過咗嚟食Burger lu~ -行到過去差少少會ignore 咗佢🤣因為佢嘅鋪面好細！大約淨係俾到小貓三四隻喺到堂食😛而我同朋友見入面冇其他客，所以就坐底咗用餐，我諗佢都係主打外賣生意🤣🤣🤣所以其他人如果特登去試就要留意一下Lu~不過鋪面裝修都係行簡潔風，有少少壁畫同埋有啲字啊擺設咁樣放咗喺度🤣🤣都幾得意-講到服務🤣因為鋪面唔大，所以都係得一個人一腳踢哂waiter 嘅位，收錢、落單、上菜都係佢，但佢都好友善咁答我同朋友對於菜單方面嘅問題🤣唔錯唔錯！-食物方面，我哋分別叫咗個Mushroom hamburger 同埋Homie American Hamburger，兩者嘅分別在於，一個有bacon 一個冇，而我哋都加咗Set🤣🤣coz $12only!!有埋薯條同一杯Soda~-講吓個burger 先，我叫嘅係有Bacon 嘅American Burger，個包份量都幾大，而且好足料，啲配菜，例如蕃茄、生菜都好新鮮同好靚！而且佢嘅漢堡扒煎得

從來只有睇食評，為支持呢間店嘅年輕人，今次獻出第一次！其實主要係阿仔鍾意食，試過之後變左多幫襯。店內嘅哥哥都已經認得阿仔，連打電話去落定單嘅時候，哥哥都應得daddy巴聲。重點係佢地態道禮貌都好好！漢堡確係好食，係用心之作！蘑菇漢堡啲汁好正，好juicy!個經典漢堡裏面嘅煙肉香又唔會乾爭爭。啲薯條亦都好好味，夠香夠新鮮。同埋點薯條個醬都好好味，唔係一般用茄汁咁簡單！食物價錢亦唔貴，性價比高。咁有heart嘅年輕人一定要撐！

OpenRice 都係一直睇而唔會寫，但呢間小店雖然貌似平凡，但我覺得反而最重要巴質素同衛生都唔錯，同有心機整包。所以都寫一寫。鋪裝修簡單，但都乾淨企理，買左個set外賣，等緊時傾計知道原來係幾個年輕人齊齊經營，唔想行罕既路線，而係想睇吓點樣將經驗應用到提供啲真正高質同性價比高嘅漢堡包，據講牛肉係自家研發新鮮買入同手打煎。同買嘅時候都見到唔少附近皇仁學生哥買，睇到佢地係即叫即做。等左一陣到我時真係熱辣辣，食嗰陣時真心有驚喜，牛肉口感唔錯肉汁好豐盈，煎既功架有返咁上下，牛油果份量亦唔係出面漢堡包店簡單薄薄地兩片就算，而係好多片，下次再去維園會再行多幾步過嚟呢度買。

好久沒有去過那麼有心的小店雖然地理位置不是很方便但是朋友一再介紹執行也不得不來支持一下果然是沒有令我失望店內的廚師很用心製作漢堡 果然非常好吃，感覺醬汁是和外面的不同漢堡扒也很鬆軟吃下去熱辣辣的非常好吃呢飲品也不是簡單的品牌汽水有咖啡或者是其他調製的凍飲以價錢來講真的非常的划算在外頭要吃這個質素的漢堡不可能是這個價錢店員非常友善雖然店舖面積不大但是感覺非常用心的裝潢另外漢堡以外有其他選擇下次再來試試吧

朋友介紹咖啡唔錯，順便試埋三文治🥪的確係好抵食😋蛋、牛肉連麵包都係即叫即炒同煎香，同時間廚司用日本100%牛奶沖咖啡，整間小店（最多三個客人）濔漫著咖啡香，在細雨的早晨讓頭腦立刻清醒哂返到去打開，好有驚喜，原來差不多成個勁creamy的牛油果🥑落哂一份三文治，個松露蛋係一路食一路嘖出嚟，結果要嘗試刮埋跌落紙上嘅涵要留意嘅係，我發現前面幾個客都係打定電話叫，我哋下次會叫定，咁就唔洗等15分鐘。店主話漢堡先至成本之作🥺，估計在這區生存殊不容易呢，下次一定要試漢堡🍔

因為住在附近，偶然經過這間新開的小店，主攻漢堡及三文治，店小小的，看到廚房有三位年輕人，估計就是他們自己的生意。看看在門口的餐牌，價錢很合理，甚至有點偏平，叫了一客慢煮漢堡、蛋沙律三文治、磨菇黑松露漢堡及冷天使麵。因為全都是即做的，所以等了約十五分鐘，不算太久。 而裝食物的包裝及紙袋都很細緻穩陣，有為外賣而想過的細節。回家一吃覺得比預期有誠意及物超所值，份量很大，調味剛好，用料也很新鮮。即使是漢堡的包也煎得很香脆，簡單如蛋沙律的混合，也不會覺得求其，感覺加了不同香料試味才做得出來的。 冷天使麵以為只是簡單小食，怎知還加了三文魚及青口，幾十蚊好超值！可惜每次行過也不是太多客人，可能店才剛開，所以從不打食評的我今天也打一篇來支持一下，大家如經過大坑或銅鑼灣，不仿去試試，在中央圖書館附近，值得支持。食物相片沒有影得很好，但都upload 數張吧。p.s. 暫時共吃了兩次，第二次吃了french toast，不同一般的西多士，但又好好味，試下你就知 ！ (無影相) 

閒時喜歡閱讀，這一天與太座聯袂到中央圖書館，消磨了數小時，找到了慰藉心靈的讀物，繼而要找填補軀體的食糧。就在圖書館旁的街道，見到這爿小店，售賣漢堡包、三文治為主，價目和品種皆合我倆心意，便不作他想，解決眼前的需要。原來小店由幾位年青合夥人經營，分工合作，煎漢堡扒的，加配料醬汁的，收銀及接收外賣電話的，各司其職，值得鼓勵。我和太座點了日式炸雞扒漢堡包及經典美式漢堡包，約等了10分鐘便有得吃。雞扒是即炸的，火候掌握剛好，需知時間多一分少一分也影響口感，我要求年輕廚師幫我們切開成兩份，以便我和太座可分甘同味，雞扒外脆內嫩，肉質濕潤，最有驚喜是其醬汁，用車厘茄和中國芫荽造成莎莎特製醬汁，芫荽香味獨特，與雞扒是絕配，夾雜了爽脆生菜，鬆軟的麵包，滋味無與倫比。經典美式漢堡包，用了美國板腱牛肉打成漢堡扒，又用新鮮五花腩肉燻成煙肉，配以焦糖化的洋蔥，車打芝士，生菜，番茄，特製的醬汁，我喜歡漢堡牛肉的味道和質感，不鬆散，肉汁貫盈，煙肉尤其出色，非一般現成貨可比，而醬汁也值得一讚，根據餐牌上的簡介，是用了千島醬，意式黑松露醬，法國蜜糖芥末，蛋黃醬等調製而成，難怪百般滋味，造就成如此好味的漢堡包。細問廚師所