@HomeCafe (已結業)

這家位於荃灣德士古道的咖啡廳地理位置不算太方便，由於是接近工廠區，人流比較少， 有隱世悠閑的感覺這家咖啡廳以簡約為主，店員的服務態度也不錯 在網上看見這裏的拉花也是很漂亮 所以我們叫了一個蘑菇雞批 $23 和一杯小的抹茶拿鐵 $28 抹茶拿鐵的拉花真的很可愛 據說這裏的拉花每杯也不一樣 抹茶味比較重 也挺好喝的個人認為如果甜度可以低返少少會比較好😋另外磨菇雞批也不錯 👌🏻外皮十分脆口 入邊的餡料也很充足 下次會同朋友再來

特登搵荃灣既cafe，諗住整番個all day breakfast 睇左五六間，覺得呢間CP值都算唔錯。但我加牛角包加埋杯玫瑰牛奶咖啡就成舊水咁制但唔知係唔係因爲食飯時間，我個all day竟然等到我個朋友就食哂都未到最後終於黎到既時候因爲太肚餓就食左都唔記得影相😹😹😹不過就不過不失。反而朋友叫既咖哩吉列豬滑蛋就好有驚喜，價錢好似50-60蚊左右。但滑蛋好食...塊吉列豬唔會好乾，咬落脆口但仲有d肉汁。下次再黎會食佢其他set😹

Sunday梗係想享受個brunch上網搵到哩間 賣相好似不錯到步都搵左一段時間入到去 沒有任何招呼 All day breakfast里面既salad不新鮮 好乾 同埋無咩色澤👎🏻跟餐叫左杯熱奶茶 一黎已經即刻試一啖 凍的 叫侍應換過一杯而男朋友叫既懷舊豬扒飯 味道不錯豬扒好有咬口 飯既份量稍微太少下次不會再來！

原本諗住去另外一間附近嘅工廠cafe,我哋又係摸門釘⋯⋯就搵左呢間最近嘅去食。門口有啲隱蔽，如果唔係見到黑板就行過左。啲枱有高有低,坐咗係個蛋糕櫃隔離，睇咗個Menu一陣，三心兩意。order完個姐姐走出黎介紹一下佢地啲蛋糕係同人合作既得返一件，一心諗住食完就叫由佢雪住先，點知有個客仔打電話黎reserve左佢⋯⋯earl grey 👋🏻👋🏻三文魚全日早餐賣相靚靚打卡無難度三文魚卷到好似花咁，但有啲薄啲蘑菇好好味少少脆口炒蛋好滑仲有少少黑松露個西多士就普通咗啲茄汁豆正常味粟米好甜沙律菜都有調味黑松露意大利燴飯白汁好creamy但係個飯有啲削唔夠油潤，黑松露醬好大pat但味道唔夠出，下次可以試試加松露油同醬一齊煮開，香味又會出味道又會濃啲。飲品比想像普通，本身選擇不多，好多飲品只有熱飲，因為天氣太熱唔想飲凍野。綠茶鮮奶咖啡，紫薯鮮奶咖啡都係冇乜味。因為跟餐價都抵嘅，每人只係百幾可以慢慢坐，當日星期六都好早收下⋯⋯五點左右收晒啲野，我哋都識趣走人

找啲新意去呢度食晏~~~今日我和同事一起柯打了份全日早餐，最滿意地方乾淨整潔，侍應生有好招呼。不約而同，點了全日早餐，加上杯靚靚拉花咖啡。早餐包括我鍾意食嘅薯餅，沙律菜，和我至愛炒滑蛋和多士，中規中距，會再來的地方。

今日我朋友出外聚會，當然就想揀近我地的荃灣，最後在網絡上找到一間咖啡店，但在地鐵站都要行比較遠的路程，終於到達的時候，沒想到有咁多人在這裏吃下午茶。今次就叫咗一個意粉，一個全日早餐和兩杯飲品，價錢方面$166還可接受，食物質素都幾好，食物有意外，但是飲品方面就有點失望。今次叫的意粉辣味夠，而且蜆肉都不少，不過份量唔算多。全日早餐每一樣野都有，而且價錢$78都幾抵食，方包好轉牛角包加$6，牛角包夠熱而且都幾脆口，十分好味，其他的全日早餐就一般，沒有什麼太大的特別。咖啡方面加咗錢轉朱古力咖啡，拉花唔算十分漂亮，而且口感偏薄，朱古力味和咖啡味偏弱。伯爵茶鮮奶，伯爵茶味道唔夠，而且鮮奶味麻麻，整體來講飲品係比較失望，反而食物質素都不錯，坐得都幾舒服，大約五點多已開始收工，我哋就離開。

今日係禮拜六，我帶小朋友返補習班之後，中間十二點至到下午一點得閒，所以就去咗荃灣附近工廠區有間home cafe食午餐。我見自己肚餓，所以我就叫咗個黑椒西冷牛扒意粉， 加埋一杯奶茶。 牛扒係全熟， 所以有點韌， 黑椒汁有點辣 ，不過食落都幾好味，意粉就一般，不過不失。 奶茶帶有茶香味，唔錯。 總括嚟講都還可以，下次去開附近都會再去!

今日復活節假期， 去咗荃灣shopping,記得荃灣工廠區有間休閒coffee shop, 一於去hea吓食個午餐。我叫咗個， 漢堡扒煎得過熟比較硬， 乾身。 咖哩汁入面啲薯仔都幾多，味道唔錯。我加咗15蚊轉咗杯Mocha Coffee， 個拉花就整得唔係好靚，但味道都香濃。朋友叫咗個西冷牛扒意粉， 同我個漢堡扒一樣，都係煎得過熟。有d韌。唔知係咪個廚師放假? 質素比起上一次食差咗。希望下次再嚟有所改善啦!

今天放假想飲杯咖啡，經過荃灣就去了荃灣工業中心地下的@HomeCafe。這間cafe雖然太大但裝修典雅及舒適。我點了個漢堡飽及一杯熱榛子咖啡。漢堡飽味道很好，牛肉很多汁，薯條即炸不油膩。但最好還是那杯榛子咖啡，拉花很靚，太甜又好好飲。服務都好好，坐幾耐都可以。這一餐給我一個很滿足及舒適的中午。

好久之前已經聽朋友講荃灣廠區有間唔錯既餐廳，咖啡一流。今日經過附近，一於試吓啦，門口露天位置放咗2張圓檯仔，方便吸煙人士。裡面裝修同廠區份外唔同，好似去咗一個悠閒地方咁，今日星期六人唔係好多，我地2個人坐咗張4人檯，舒舒服服！ 午餐menu好多選擇，有選擇困難症既我，諗咗好耐終於叫咗個”香蒜白酒雜菜蜆肉意粉” 再黎杯Latte。整個意粉份量都唔少，出面好多餐廳好多時都只係搵到幾粒蜆肉仔，呢度就唔同啦，蜆肉大大粒，雜菜都好多，抵讚! 杯Latte有拉花，賣相同味道都唔錯呀!!!友人叫咗個”韓國泡菜燒牛肉飯”，佢話D牛肉夠腍又燒得好香，泡菜唔太spicy……正! 佢仲係咁讚杯Latte好味過D大咖啡店…………..哈哈………食到最後先知原來可以加$15食件cake，見cake既賣相都唔錯，不過我地因為太飽食唔落，下次一定會試!

今日嚟到荃灣探朋友，之後想到尖沙咀，經搜尋後發現有一輛238x巴士🚍，可以順利到達目的地。於是，我便經過工業大廈🏭來到龍德街 ，無意中讓我發現這一間隱世的cafe🍽，真是喜出望外！🤓由於時間尚早，大約十時半，所以cafe仍有早餐，因為剛在朋友家裏吃了一點東西，所以沒有叫all day breakfast ，而叫了一個好像茶餐廳的常餐，但這裏的常餐真的是非一般，特別是這個通粉🍜，它的湯底不是普通的豬骨湯，看似白湯，但吃來十分creamy， 味道一流 ！而荷包蛋🍳、豬扒🐷和漢堡扒都不錯，不會太鹹呀。再加好像5元，就有多一塊薯餅，都很脆。熱檸茶的檸檬🍵不會苦澀，加上美美的杯子、 cafe嘅環境，都令人十分舒服 ！如果大家有機會經過荃灣龍德街附近， 都可以來這間@home cafe一試！

星期六下午，無節目，想一個人發呆放空。有時，給腦袋休息是一件賞心樂事，好比蜜蜂飛到花圃中……究竟市區可有一個綠洲，淨化一下我的心靈呢？原來荃灣德士古道有一間小cafe, 有wooden 的家感。行入去，真的不大，但已有療癒感，木氣四濺，兒童畫貼在牆上，文化氣氛甚濃……來的人多少有些書卷氣，包括我，哈！一坐下，叫了all day breakfast ,棒，黑松露炒蛋好樸鼻，蛋是白色，好香口，也有煎過的蕃茄及香茹，好yummy ,也叫了@home 吐司，有牛油、煉奶、豬柳、煎蛋及野菜沙律，蛋簧一穿，先流落到豬柳再到吐司上，一口咬上，口感充滿層次，好豐富！再叫一個檸檬Tart ,好重檸檬味，餅底薄，入口即融，完美的下午，愉快的身心靈的充電站！yeah , yeah , yummy 雙手合十感恩！

是日到荃灣同客人meeting客人就帶咗過嚟呢一間係德士古道地舖嘅一間Cafe 飲杯嘢開會一入到去我覺得環境非常好雖然裝修好簡約但冇諗過喺工廈會有間咁舒適嘅Cafe小小嘅Cafe但食物款式都算多選擇我就揀咗食件cake飲杯野食物嘅賣相唔算特別質素亦係非常一般最搞笑嘅客戶叫左個all day breakfast 附上一件多士 但是cafe 係無牛油提供（客戶食過是有的）雖然，食品質素一般但環境舒適係一個可以傾計或見客既地方

難得既姊妹相聚，又怕復活節假期周圍都係人，搵到位於荃灣工廠大廈地鋪既呢間cafe，傾下偈，食個輕鬆自在既lunch。荃灣西鐵落車既話，橫過整個海濱公園，一路朝住藍色果幢工業大廈走去，都算易搵。透過自然光照射入內，感覺舒適。11:30前只有all day breakfast，之後才有today specail既lunch set。我地一人一份set，另叫個9吋自選配料既pizza，再加靚靚既拉花特飲每位都唔使$100。而且味道唔錯，整體性價比高美中不足既係，未完全食完d野食，職員就急急黎收走，好似想妳食完快快走既感覺幸好，lunch後都唔算多人，亦無話限時坐幾耐啫

每逢假日我倆一定會來游閒地食個all day breakfast 嘆杯咖啡☕佢地既沙律都好味又fresh 😛而且每天都有4款不同的午餐😀咖啡拉花仲好有心思👍靜靜地享受著音樂, 真係好寫意。