影片
以上资料只供参考，请与餐厅确认详情
招牌菜
是日庆祝生日, 朋友推介呢到既羊架系好好食...所以我就去试试看....咁叫左两个set dinner...咁先黎个汤先, 一个周打蚬汤, 另一个系onion soup...虽然呢到既onion soup都唔错...但略为嫌佢太早放个toast系个汤面, 搞到块包好林...加上如果再多小小芝士系面, 味道会更为出色....周打蚬汤唔算太浓, 好creamy...非常唔错..到main course, 叫左一个羊扒 + risotto...好少食到羊扒既我, 觉得比羊架冇咁酥, 而且食落既质感好似食牛扒咁香浓, 味道的确唔错..而且煮既时间唔算太耐, 都有五六成, 好食....意大利饭, 第一次试用蕃茄煮, 味道都好好, 令人开胃既一个饭, 虽然冇平时以cream+cheese去煮既意大利饭来得creamy...但用呢个方法煮既意大利饭都令人胃口大开...不过的选择....甜品方面, 个triple cholocate waffles都好好..中间个cream系包住左cholocate ice-cream..再加上刚做好既waffles, 一冷一热, 仲带有脆脆的感觉, 绝对值得再去食....加上价钱唔贵, 所以都系抵食之选, 以铜锣湾黎计....
继续阅读
很久没有来 Home喇！如果要来吃tea，就只有在星期五到星期天，因为这里闲日下午是休息的。这份waffle比较light，吸收到一定份量的糖浆，但又不会太湿太腍，简单配牛油和syrup，再加一杯cappuccino 已是一个不错的tea。烟三文鱼沙津还蛮新鲜，份量恰当。Cappuccino 要了脱脂奶，奶泡都不会松散！悠悠闲闲的就这样过一个下午多好！
继续阅读
话说这间餐厅系我表妹找来和我庆祝生日的，都未试过咁一于决定去一去！见到开饭啦既相片都好似不错既。那天，我们约定了七点在那儿等……我早到了，便入座等，反正那时也还未见人客……我被安排坐在窗边位置^^一边看街景，一边影下室内既设计，又睇下叫咩食。等左阵，表妹来了，真开心！大家研究了一番，便决定叫了意大利饭(好像有黑松露),又叫了炸鱼和肠……全部唔记得个名。。。仲叫左两杯花茶消滞……,意大利饭一向系我至爱，好香菌味，烟韧程度良好！但是多吃的话很腻……接著系肠，一向不太好肠此类食物，皆因咸！所以冇能吃掉全部……炸鱼亦是可以接受，外脆，内软，有酱可沾，太饱……唯有喝花茶有望消滞吧！环境ok..都会有下次。
继续阅读
我钟意食，不过唔钟意揾野食。好在我的好朋友钟意，呵呵。人生有个真正朋友的确好～～～极！食极唔肥美女朋友 T约我在Home吃晚餐，据说呢间成日都book唔到位（丫不过其实香港有好多地方即使唔好食都未必book到位真系唔知点解）。店面不大，不过感觉舒服，有少少外国小店感觉。近街位置都是落地玻璃，虽然望出去都是马路和砵砵车，但在香港已经算系咁啦仲想点。我们都点了3 course set dinner, ２人的前菜同是这个芒果汁虾沙律（本人记菜式名字能力：０）。好好味好清爽好甜啊～ 我好少可以食野食到干干净净（对于将来会以嫁豆皮佬已认命），呢个真系食的好开心，应该会系大多女士们favorite。推推推～朋友点的煎鱼同我点的德国肠。其实以我的口味应该是点煎鱼来吃，不过因为个沙律太好味，我个逻辑思维就变成：沙律好好味＞野食应该好好味＞既然全部野食都好好味＞就试下平时唔会钟意食既野系咪都好好味所以我点了肠。点餐时个店员都话左好味架。结论是：都算好味。起码唔喜欢浓味野的我食到一大半，朋友个煎鱼就非常香口非常好味正正正，但无理由丧食人地０个碟嘛，所以我一定好快再黎食多一次个鱼。甜品加钱可以转成窝夫。由于店舖系open kitchen，整窝夫时已经闻到好香，食落亦都唔错。我要再来翻啅个沙律同个鱼！！！ I will be back!
继续阅读
今日约左个朋友一齐食lunch,佢提议去加路连山道既食街睇下有无好野岩食，最后拣左一间叫HOME既意大利餐厅，叫左两个set lunch，头盘要左南瓜汤同三文鱼沙律，之后牛柳同龙利柳刀上埋，睇个样已经好正丫！牛柳我地要3成熟，佢既既肉质刀好林，个黑椒汁刀好正！俾95分啊！！！！个龙利刀好香！外脆内软！！食完仲试埋佢地既orange brownie！！好好味丫！餐茶就要左杯black coffee同hot chocolate！！整体好好好好好正！会再反去试埋其他野食！
继续阅读