影片
同朋友系旺角食完饭但意犹未尽，所以揾间甜品舖继续吹水。见到呢间铺头门口写住姜汁撞奶'即叫即撞' 就吸引左去试下。姜汁撞奶 - 的确系即叫即撞，所以热辣辣。店员都有提点我地要'片'住食会好味d，所以佢哋提供嘅铁羹比较薄可以'片'住黎食。味道方面，姜汁味重过奶好多，但整体都可以，炖得算滑。芝麻糊 - 叫左热芝麻糊，但上枱只算微热。食落都算正路，唔似开粉，但芝麻味不太重，甜道不太甜，分量够既，但无咩特别，只系普通质素。
继续阅读
哩棑好忙好耐无出街食饭，难得约朋友轻轻松松食完饭，想食下糖水满足下谂住锦上添花，同朋友向食店附近睇到哩间糖水店啲相都ok，入去坐，店内半数枱有人坐。打开menu 无乜嘢选择。落单个阿姐又木无表情之如又串，合桃糊无合桃味，芝麻糊无芝麻味，啲热糖水系用微波炉叮番热，真系想闹人。腐竹鸡蛋糖水仲加差，同个名一样「腐竹」「鸡蛋」「糖水」，料还料，糖水还糖水，鸡蛋还鸡蛋，啲腐竹仲系一片片，好似浸完水无煲过，再加糖水加鸡蛋，仲要睇住阿姐将啲糖水用微波炉叮番热，仲有好清脆叮一声。真系吓死人！简直系赶客。有位朋友之前食饭食到好饱，所以已经食唔落糖水，佢无叫糖水，但阿姐指住出面话哩度有最底消费，其实唔系好知阿姐指住边度，揾咗好耐见到墙身有好多大大张海报咁大张糖水相之中，有几张好似手掌咁大０既纸仔之中有一张写住有＂最底消费＂，但无写最底消费系几多～唔明！以乜嘢单位计算～唔明！完全系赶客态度。一定一定一定⋯唔会再黎食。完完全全唔ok之如仲好pk。唔好意思，我真系好嬲。H.K.系美食天堂，唔系垃圾地狱！唔该～真系唔好影衰HK两个字！！！
继续阅读
我今日和朋友食甜品，行到见到这间甜品新开，有很多明星合照就试一试啦，点知中哂伏！好恐怖，我和朋友只想普普通通食普通糖水，完全对其他特色甜品无兴趣，但我觉得佢应该只著重贵价甜品。今次我们点了两款甜品：左面那个是红豆沙，佢比我的时候，我以为佢比错我，因为佢系绿色的，我以为佢送错比我炸，我觉得好反感啰，点解红豆沙绿色的呀，那些红豆很散，根本无哂味，一食落去，更加觉得伏，甜到无朋友，只系加糖水就算，根本无煲的感觉，唔怪得那些红豆散哂啦！最后我都食唔晒，因为太甜了。讲完碗红豆沙就讲朋友碗芝麻糊，更恐怖，芝麻糊系紫色的，我好唔明白佢落左咩，朋友一食就觉得系沟粉的，我试左之后都好失望，即磨芝麻一定唔会那么淡，就算沟水都无可能味道都无。在我对呢间彻底失望之时，发觉有食客点选了一些贵价的精选甜品，卖相很美，那时我终于明白，这间店只著重贵价甜品，平价甜品只是在餐牌上充数。
继续阅读
食完晚饭经过谂住外卖碗中式糖水食下画上完美嘅句号，于是同屋企人买咗都好稳阵嘅芝麻糊同合桃露。糖水铺地方光猛大致整洁，侍应都好有礼貌叫我坐底等阵。等候期间听到微波炉嘅叮叮声，应该系之前煲好再整返热俾我嘅，返到屋企满心期待咁打开，我见到两碗半透明状嘅嘢，再用匙羹搞左两下，见到好多一旧旧好似未溶哂嘅粉团，所以我估到应该系开粉冲嘅。不过超级市场都买过一啲系开粉而且味道唔差嘅糖水，而且市面上嘅糖水铺都会有开粉的糖水，所以都未至于很失望。一食落去先发现碗糖水个样同埋个味道都强差人意，整到一碗糖水咁淡完全无芝麻同合桃味，如果瞌埋眼应该冇人会估到𠮶两碗系啲乜嘢糖水，加上两碗买咗$44都唔平好失望。衷心希望店主见到意见可以有所改善。
继续阅读
入到店舖,一坐低,睇到餐应甜品都唔算多,似以健康甜品为主,未认真谂到食咩既时候,店员已走近问食咩。于是决定要个特别既阿华田姜汁撞奶,餐牌仲要有其它特别既味道,例如士多啤梨味,有d意料之外。大概8分钟,终于黎,但系见到好似奶咁,好稀,d奶应该撞唔起,仲稀过芝麻糊果d,而且阿华田味唔重,好似饮左碗汤咁,冇姜汁撞奶既口感可言,唔讲唔知自己食紧咩。 不过姜味都算重,夹埋华田,味道都唔算太怪。
继续阅读