影片
港铁南昌站 B 出口, 步行约6分钟
继续阅读
营业时间
今日营业
16:00 - 00:00
星期一
全日休息
星期二至四
16:00 - 00:00
星期五至六
16:00 - 02:00
星期日
16:00 - 00:00
以上资料只供参考，请与餐厅确认详情
酒类饮品选择好多，环境亦好好，海景好开阳，枱与枱之间空间感亦都好够，装修有设计感，系适合倾偈嘅好地方。可惜今次男朋友选择咗庆祝周年用，但开份Menu选择劲少，八点未到海鲜拼盘已经冇咗，主菜选择太少，喺好肚饿嘅情况下，我拣咗风干火腿三重芝士意粉、软壳蟹脆意大利饭，两个都颇为失望。成餐饭我净系影咗呢一张相为证，卖相好好，软壳蟹好食嘅，唔似出面咁又好厚嘅炸粉，几有蟹味，但我强烈提醒唔钟意食软饭嘅人千祈唔好叫呢度嘅意大利饭，我睇返之前嘅食评先知又系出事，我毕咗两啖已经唔想再食，啲汁同个饭根本系割裂嘅完全入唔到味，个饭又淋得滞，所谓嘅脆就好似你炒饭有个焦嘅底咁，可能等我冇牙先食啦。至于风干火腿意粉其实意粉质素OK嘅，反而𠮶个份量就劲多，造型咁本身都唔错㗎，块风干火腿意粉好似风帆咁企咗喺度，但成件事好似食紧猪肉纸咁，我又系食咗两啖唔想再食落去，呢间餐厅嘅份量比例非常之奇怪。由于心情已经好差，所以冇再特别影相啦，成间嘢最高质系饮品同埋环境，去打吓卡朋友影相倾吓偈系好地方，食晚饭就真系唔建议，如果庆祝特别日子嘅请你谂谂另一半系重视环境定系重视食物，如果系后者嘅话请你拣过第二间。
继续阅读
约了朋友去soho west附近逛逛。网上见到呢间餐厅环境不错就试一下。地方有些难找到。我先去酒店前台查询，前台给了我一张卡搭电梯。但我找错了电梯搭，去不到餐厅。我又再回前台查询，才发现电梯是在酒店外面（不是酒店里面）。到餐厅后，再把卡还给服务员。Lunch set $158。我哋加咗$70点封门柳。有加一。食物：肉质和味道都不错。前菜和甜品可以。饮品：点了黑咖啡，正常。环境：满分。客人不多，安静舒服嘅环境很适合和朋友相聚。我见室外有客人带狗狗坐。服务：好好㖞。服务员一直加水，也很有礼貌。
继续阅读
自从搬咗嚟南昌之后，一直期待Townplace SOHO West有更多餐厅开张，今日老婆响openrice 无意中发现原来TP 25楼有间神秘餐厅叫做High Bar，系网上见到好pet friendly又好似搞到几靓咁，于是乎我同老婆仲有两个孖宝一行四人即刻去试吓，我吔首先去酒店大堂Reception攞咗张卡，再经另一个入口坐电梯到达25楼，之后门口有位小姐方排我吔入坐。一入去就比佢个180度无敌大海景吸引住。 入到餐厅之后有位木无表情的待应问我哋坐outdoor 定indoor，我吔拣咗indoor近窗边的坐位，可以有冷气叹之余又欣赏到维港景。老婆坐低之后就问下待应洗唔洗每人order一个lunch set?待应初头话无minimum charge，之后又改口话一人要order一个set。最后有位疑似系经理嘅人话佢吔间餐厅系唔招待7岁以下的小朋友，七岁以上就算系大人，所以要每人order一个set。（成个过程比到我嘅感觉系啲waitress系唔知呢个规矩，有位职员就话唔清楚要问下人先知，但系好似个个都唔清楚。跟住个经理走出嚟话呢度坐位比较少（但系入坐率一半都冇）但系佢话今次俾我哋一个小朋友嗌多杯嘢饮就ok。）以下就系佢吔个餐牌，选择真系唔多，头盘系沙津，主菜系沙律、沙律、同埋沙津，根本就无乜选择…虽然服务态度麻麻吔，但食物质素叫做有惊喜！Flat iron(+$70)必试推介本住无乜得拣嘅心态，额外加$70都要试吓呢个Flat iron, 又估唔到ok㖞。牛肉好嫩滑，对得起个价钱。鸡卷Risotto(+$20)呢个Risotto就平平无奇，我介淀粉质无试，只系见平时系饭筒嘅孖宝都唔吼就知道唔得啦，鸡卷同经理面口一样（鞋口鞋面），不试也吧！Caesar Salad with Chicken Breast呢味我有食㖞，啲鸡胸真系好柔软，每块都有少许橄榄油响上面，系几好味嘅！咖啡ok头盘同主菜都系沙津
继续阅读
之前见过本舍同呢间餐用狗狗可以入得做招徕，室内外都可以，两个instagram都post咗好多靓相，昨日专程带狗狗坐车咗入去。点知去到先话依家唔入得，食环捉得好紧，结果失望而回。我明餐厅难做，但由屯门call车出到去结果无得食都好难做🥹本舍职员态度亦好一般………而本舍个instagram继续放咗好多狗狗用餐相，完全有误导之嫌，唔知一日有几多个主人扑空呢？当买个教训，以后去之前打个电话confirm吧！
继续阅读
住附近，今年中秋节无意中走上去饮嘢，觉得景靓，环境舒适（又冇乜人），服务好（其实有留意到Google既评论话服务点点点，但系我地遇到既个个都好好lor，仲主动走黎帮我地揸机影相，试问香港有几多间餐厅会系咁），嘢饮都唔错，价钱十分合理，就意图回访食下正餐。今晚走上去食晚餐，都系体验十分好，性价比好高，赢晒中环、尖沙咀、铜锣湾等等绝大多数餐厅，所以写下食评推荐下，不过唔记得左影嘢食，就影左餐牌俾大家参考下 🤗
继续阅读