影片
港铁沙田站 A3 出口
继续阅读
电话号码
31082197
开饭介绍
Here Thai Market由两位泰國米芝蓮名廚，Chef ton及Chef Man聯合主理，目標是將正宗泰國風味的菜餚以高性價比的價格展現給香港人。 Chef Ton旗下的兩間餐廳“LeDu”及“Nusara”分别登頂2023年“亞洲前五十佳餐廳”的第一名及第三名。Chef Man更是揚名泰國已久的粵菜米芝蓮餐廳“文苑”的創始人及主廚，擅長烹飪中泰融合料理。 在Here Thai Marekt中，将地道正宗的所有泰國風味以极具性價比的價格展現给香港人，如泰國著名美食泰式海南雞、泰式串燒、船麵等等。 同時引進著名泰國本土古法咖啡品牌——Lung ngen Coffee,一間超過五十年曆史的品牌，在東南亞馳名多年。
继续阅读
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
娘娘去完泰國返嚟都戒唔到舖泰菜癮，所以返到嚟香港搵咗一間新開嘅泰國餐廳試一試！呢間係泰國米芝蓮總廚親自主理嘅泰式餐廳🇹🇭💂🏻♀️《燒原隻魷魚》 $58好大隻的燒原隻魷魚🦑 非常彈牙可口，搭配泰式特制辣醬汁，酸酸甜甜，非常開胃！評分: 90/100💂🏻♀️《泰式香茅燒乳鴿》 $68首先嗌個燒乳鴿，肉質好鮮嫩，仲充滿香茅香味😊 鹹甜恰到好處！而且個外皮都非常香脆，拎嚟做前菜非常好。評分: 93/100💂🏻♀️《安格斯牛肉船麵》 $128呢個船麵個湯底都好正宗，同係泰國食的味道相似！牛肉肥瘦適中好鮮嫩🥩 用金邊粉做面底，索哂個濃湯🍲 雖然比泰國貴幾倍，但係都食到正宗嘅味道。評分: 85/100💂🏻♀️《瀨尿蝦炒飯》 $168呢個瀨尿蝦炒飯比較特別，上碟個擺盤已經好吸睛👀 砌到成個海星咁！啲瀨尿蝦肉鮮甜彈牙，啲飯炒到粒粒分明，又有蝦汁的鮮味，非常好食。評分: 90/100💂🏻♀️《泰式香蕉煎餅》 $88Roti真係泰國嘅甜品no.1，外皮煎到金黃酥脆，內餡的香蕉🍌香甜軟糯，配返埋啲煉奶及朱古力醬非常搭配！評分: 88/100💂🏻♀️《芒果冰沙》《鮮椰子水》$48/$38芒果冰沙有啲淡，唔夠芒果味但冰沙質細綿密，都比較清新拎嚟解膩啱啱好！鮮椰子水喺泰國一日飲三個，呢度嘅椰子水都比較清甜，十分解渴。🥥評分: 85/100總結：整體嘢食嘅味道都唔錯，而且價錢都算平，而且佢喺新城市廣場入面，非常方便🩷同埋地方好大，就算多朋友一齊去食都容納到。頒發軍階：上將🎖🎖🎖🎖
继续阅读
餐廳門口看到售賣泰式飲品，有木茶壺烹調熱茶中，飄着熱騰騰的蒸氣，很有風味。看到餐廳内有不少廚師的相片和介紹呢！原來餐廳的廚師很有來頭，是泰國的米芝蓮廚師。另外我非常喜歡餐廳的裝潢，用上深綠色作主題，配上木系列桌椅和綠色植物，背景是泰國的水上市場，充滿特色和泰國風味啊！入座後，職員送上一壺熱茶，同樣很有泰國味道呢～而桌面上的金色樹葉枱墊，金光閃閃且是有質感的，觸感很好唷~這裏的食物擺盤都很有心思，有裝飾的食用花和樹葉香茅等，很有東南亞風味。♡免治牛肉洋蔥$28啖啖肉配上泰式風味的醬汁，肉味香濃，帶點肉汁。♡椰奶蟹棗$108外皮炸得香脆，餡料是滿滿的蟹肉，附上的不是一貫的甜酸醬，而是甜甜的白色椰奶，沾來吃感覺很特別呢~♡蟹肉炒飯$168蟹肉份量十分多，而且每一粒蟹肉都很大粒！加上蘿蔔粒和蔥花來到炒飯，口感更豐富。♡羅氏蝦炒金邊粉$108這款比較辣，有花生碎、辣粉、青檸，芽菜在旁作調味，味道香辣惹味，很有層次感唷！♡泰式牛奶咖啡$28以竹藤編織成的杯墊靜，很有東南亞風味啊！是帶有泰式味道的牛奶咖啡，口感幼滑。♡鮮椰子水$38味道清甜，感覺新鮮多水~椰子成熟度剛好，內裏的椰肉肉質很容易就可以起來吃了～✔️餐廳設加一服務費
继续阅读
沙田新世紀廣場呢邊開咗一間新嘅泰國菜，由米芝蓮泰國廚司主理，即刻去品嘗下。🇹🇭安格斯牛肉船麵 $128俾小朋友食，所以點了走辣。果然名不虛傳，船麵湯底味道超級濃郁，但係唔會咸。除咗有安格斯牛肉片，仲有牛丸，牛筋同牛肋條炆得軟腍，非常好食，湯都飲晒。如果加啲辣一定更加惹味。🇹🇭蟹肉炒飯 $168外面嘅蟹肉炒飯只有幾舊蟹肉，但係呢間正嘅喺蟹肉炒飯係超多蟹肉，覆蓋一整個飯面。炒飯同雞蛋火候掌握得非常之好，金黃色粒粒分明。🇹🇭雞全翼兩串 $48必須要點串燒，雞翼用胡椒粒同香草調味，燒得剛好唔會嚡口。🇹🇭泰式椰奶咖啡 $34泰式咖啡特飲，醇厚好飲。🇹🇭燕窩芋圓斑斕奶凍 $68特登點呢一款比較特別嘅甜品，出邊餐廳未試過。底下係白色椰奶凍，加埋斑斕漿，有芋圓同埋燕窩，非常適合女士食。總括來講，餐廳好大，座位闊落，新派泰國style靚裝修。食物好食有特色，好值得推介。
继续阅读
餐廳應該係新開，佔地好大，門口睇落好多人食緊飯，但原來入邊仲有好多位 ，唔使等 。睇餐牌嘅價錢就中規中矩啦，裝修同埋餐具都幾特別。豬頸肉茄子沙律豬頸肉佔大部份，調味都幾有層次 ，唔會好辣但開胃 。店員冇講吓係點食，我估隔離個椰菜應該係當生菜包咁配住食 。不過原棵真係有啲難分黎食，如果可以不如提供椰菜絲。船河（牛筋/牛頸脊/牛丸）有四款麵底揀，我揀咗闊河粉。睇相都見湯底好濃郁，配搭埋枱面嘅辣椒粉就更加惹味 。咁多款配料中最鍾意牛筋，炆到好腍。黃咖喱蟹肉飯呢個雖然有好多蟹肉，但食落有啲失望，黃咖喱汁太甜，亦都唔係好有層次，整體比較普通 。燒原隻魷魚酸辣汁惹味，配埋燒到好香嘅魷魚係冇得輸香茅青檸沙冰大大杯，酸甜平衡得幾好椰青水清甜解辣
继续阅读
話說好耐無黎沙田新城市覓食，得知新開左間米芝蓮星級大廚泰菜餐廳，揾左個午餐時間黎試試。去到門口巧遇其中一位星級大廚拍攝。睇返店舖介紹資料，得知呢位大廚係泰國知名酒家文苑酒家創辦人文偉賢師傅。另一位名廚就係亞洲50第一名廚Chef Ton。而餐廳飲品都係泰國50年老字號Lung Ngen Coffee既出品。令到我對餐廳既食物好期待。本來估計有名廚師開既餐廳，價格應該都偏高，不過意外地價格竟然都係香港平均食泰菜既價錢。餐廳面積幾大，仲有幾個小包廂，幾適合大家庭。叫左杯芒果冰沙，首先佢個造型已經好吸睛，飲落唔似落左芒果糖漿去整嘅沙冰，類似喺泰國水仙芒果中比較清甜嘅感覺，好好飲。另外叫左杯蜂蜜檸檬水，飲落都幾特別，喺青檸加蜂蜜嘅配搭，同平時嘅港式檸蜜唔同幾特別。食物方面點少得我最愛既Padthai, 許多任何一間泰菜餐廳我都一定要食炒金邊粉。首先依家擺盤好靚好適合打卡。羅氏蝦炒金邊粉材料有兩隻大頭蝦、豆腐乾同大蝦乾，金邊粉麵質軟硬適中，入口唔會油膩，唔係蕃茄味同甜味好重嘅果一種炒金邊粉，所以食曬都唔會覺得好膩。好食。但係我低估左旁邊辣椒粉嘅辣度，按照平時嘅習慣全部撈埋一齊，即刻感受到喺泰國食微辣都係港式中辣咁，建議大家慢慢加辣。呢份係蟹肉炒飯，一上檯有驚喜，炒飯粒粒分明加上啖啖蟹肉（真係好多蟹肉），唔會油膩，好食，好滿足。烤豬頸肉茄子沙律本來以為會係平時外面食到薄切焦香既烤豬頸肉，點知係大大塊比較厚切既豬頸肉有約10塊既豬頸肉而且係少見地肉多過蔬菜嘅配搭。味道上酸甜開胃，有豬頸肉既爽脆口感加上茄子微微軟，不錯吃。燒烤原條魷魚見到呢度菜單有好多串燒，應該都唔錯。烤魷魚整過龍就會太乾或者很難咬，但呢個唔會，有少少嘅魷魚焦香，而且一咬就咬得開，配上泰式酸甜醬汁，好惹味，不錯。總括而言,餐廳地方闊落，食物唔錯，好適合偶爾會鋪泰國癮，但係又未可以去泰國食既朋友黎解癮😝例如我🙈下次會帶朋友黎encore。
继续阅读