Hello cocoa

营业中

休息中

在電視上看到介紹此社企朱古力小店， 原來在石門， 都近我馬鐵站。於是上網查， 原來網上Tecm mall 社企產品平台可以訂購， 於是訂了Hello Cocoa】SEN藝術家設計卡之A: 生果堅果十八片禮盒 SEN Designer Fruits & Nuts 18 pcs/box × 1Hello Cocoa】75%精選黑朱(茶啡鹽薑陳皮花椒薄荷時令好物) × 1老闆好人， 送貨員工有禮， 朱古力價錢合理$8／粒。 朱古力品種有乾果粒， nuts, 洛神花， 檸檬， 柚子， 士多啤梨， 提子乾。。。。朱古力有75%， 100% 濃度， 唔太甜， 唔會苦。能夠幫助人， 又能食到用心製作朱古力， 感覺滿滿人情味。

今日收到同事送的朱古力。這朱古力包裝幾精美，原來是來自一社企的朱古力店。朱古力的造型比較有手工感覺，雖然沒有酒店或名牌朱古力的精緻，但朱古力的選擇不少，而且價格親民。朱古力的味道主要以黑朱古力味為主，感覺是75%至80%那一種。朱古力口感順滑，沒有黑朱古力的苦味和酸味，而且吃的朱古力的原味，沒有過甜的問題。平日吃多了大牌朱古力，試一下手工朱古力，又另一番滋味。

石門有好多值得幫襯嘅小店，呢一間想幫襯好耐，係一間專門買朱古力嘅社企。朱古力大致分為100%同75%朱古力，有各式各樣唔同嘅口味，目測好似超過50種口味，睇到我眼花撩亂，好彩老闆細心介紹！朱古力價錢非常合理，全部都係$8/塊，今次我就買咗10款唔同嘅口味，因為只係自己食，所以冇額外要求包裝。老闆話如果係送俾人嘅， 加個禮物盒都只不過係$4 㗎咋，服務非常貼心。返到屋企就試咗朱古力，每個味道都非常突出，真係心機之作。每一種口味都好出色，特別推介鐵觀音，花椒味，薄荷朱古力。

之前睇報導得知呢間舖頭，係台灣父親為自閉症兒子而創業🥺，希望兒子可以係店舖幫手，從中增加兒子嘅自信及獨立性，同埋店舖成功申請做社企，仲請左sen患者幫手👍🏻👍🏻👍🏻我自己最鍾意試小店，但因為唔去開石門個邊，未有機會試吓佢哋嘅手工製朱古力🍫，但有次同事竟然買咗佢地嘅朱古力🍫，請我食左塊橙味🍊朱古力😋😋😋，幾正喎，雖然個外形無酒店個d咁精緻，但味道絕對拍得上酒店水準👍🏻👍🏻👍🏻同事前幾日又好好咁請我食佢地新製嘅雪花酥😘，真係好好好好食😋😋😋，朱古力味好豐富，仲有啲乾果粒，唔會太甜，亦唔會好痴牙，正😍😍😍結果，我忍唔住叫同事幫我訂咗盒9粒裝嘅朱古力雪花酥，每粒$12，盛惠$108😍😍😍！性價比高，唯一美中不足嘅係，佢個包裝盒有啲難開🥲

自選9種口味，各各有特色！別的地方吃不到，推薦竹薑、鹽花、無花果、花椒、橙⋯⋯感受老闆用心經營，小店加油！送禮自吃都合適！朱古力可減少機率阿茲海默和老年癡呆，健康又美味啦～🤩🤩下次要試試不同口味，共有兩排口味選擇，可能要吃三次呢～防失智、強血管、還要美味！寶衛脾胃，消化可可腸道增加益生菌，使腸道健康。可可內含豐富的多酚與黃酮（例如槲皮素）會產生抗發炎作用。槲皮素為某種激酶的抑制劑，能抗發炎，阻止神經元的興奮性毒性死亡。而多酚對促炎性細胞因子的釋放具有抑制的作用。食用無糖可可粉與黑巧克力具有一定預防或是改善炎症的效果。

今次係我第二次回購，相信仲會有更多次。記得第一次來的時候只是行街經過，好朋友話想試，最後買左幾片，令我印象最深刻的是100%原脂豆朱克力，口感係漿喉，苦的味道可以接受，我自己非常喜愛，可能作為飯後甜品，令我感覺體驗非常好，無糖 漿喉 苦 兩分鐘左右口有甘甘地既味道保持。第二次回購，當然是首選黑朱克力，因為好奇買左一牌防彈口味朱克力，哇，味道十分令我驚喜，一定要試，味道少少少甘，不是苦的。相信其他地方很難搵呢個味，問過老闆是特別的成份製作，同防彈瘦身飲食有關。一試，防彈朱克力竟變成我最愛❤。

《前言》大家好，我是在好友的介紹下於3/11下午光顧了貴店「CoCoa」，當天滿載而歸。以下心得文將會介紹我所購買的產品。在我揭開藍色具高雅氣質的盒子前，我仔細地看了又看印在盒子上的句子。字裡行間，我意會到的是店主想「破舊立新」，以細膩的心思，熟練的手藝，創新的思維令朱古力的味道再昇華，務求令客人每吃一顆朱古力，客人的味蕾就像享受了一頓盛宴。另外，我特別喜歡「Artisans」這個字，因為它擁有手藝人的意思。對我而言，做朱古力是一門藝術，同時間也是一門高深的學問。因為來自不同產地的可可豆，不論是酸度，回甘的層次也是獨一無二的。為了發揮每種豆的獨特性，店主得掌握好研磨的程度，並作出適當精準的調温，作好時間的監控。所以說，每一顆朱古力的誕生也是得來不易，全賴店主對可可豆從不間斷的研究，永不放棄的熱誠。所以我們要用正確的方式去品嚐，可試著閉起眼睛，含着朱古力，用口腔的熱度把朱古力融化，好好的去享受其前中後調。因為每一顆朱古力也是店主的心血，包含著店主的心思，誠意。我還記得當我在廚窗選購巧克力時，看到每一片成型後的巧克力的厚度也是很均一，可可油令巧克力充滿光澤亮麗，所以我相信這裡的朱古力是每天

熱情既老闆，超水準朱古力，有如酒店般水準，但 極之親民既價錢就可以品嚐到。本身喜愛朱古力，但老闆俾我試原粒朱古力豆，真係一試難忘，好似飲酒一樣既香味，有不同層次既味道湧出，真心推介愛酒之人可以試下。

第一次幫襯係偶然經過，老闆娘熱情介紹，原本諗住買一粒但試食完真係好好好好味！今次係第二次專登去買我係一個嚴重濕疹患者，好多嘢唔食得，出面個啲朱古力都加左好多添加劑仲有奶，所以一直都好少食而老闆整嘅朱古力勁多款仲要無添加！少糖！想要奶的有奶🤣🤣係我的福音😭同埋真係好好味！個人推薦係鹽之花、咸蛋味、紅寶石（不過每人只可以買一片）、招牌五味都好好味仲有wasabi 都係我嘅最愛😍😍不過最令人回味係師傅嘅人情味！佢個份對朱古力的熱愛係會完全感染到你！佢不斷分享新的作品今日企係到短短一陣間，師傅就好熱情咁整左杯400次手打奶蓋咖啡俾我試飲！好正！做事有passion的人的確好不一樣！疫情好嚴重，但好想大家支持呢啲咁有人情味的小店！你問我六蚊一塊朱古力貴唔貴？我話對我黎講都貴，但係絕對物有所值！唔單止佢嘅好味係比得上好多大牌子的朱古力，而背後個份心思同手造朱古力所花的時間，絕對值呢個價錢！

難得過黎石門，咁岩行過商場，見到呢間賣朱古力既舖頭。睇見多不勝數既朱古力口味，已經感受到老闆對朱古力的喜愛，老闆一見我地有興趣，即刻話可以試食。老闆為人很好，介紹不同朱古力口味比我地試，最難忘係五味朱古力，一隻朱古力可以有不同味道，簡直全港獨有。Hello Cocoa價錢抵食，絕對係朱古力迷既首選。老闆仲話星期六會係現場整朱古力，親身示範朱古力既制作，實在很難得。老闆整既100%朱古力並不苦，反而試到原本朱古力的味道。柚子皮朱古力有清香的柚子味，Wasabi朱古力做得很好，沒有讓Wasabi蓋過，仍保留到朱古力味，老闆制作的朱古力，色香味俱全，值得一試。

老闆終於有OpenRice lu👏🏽👏🏽👏🏽大約半年前無意中見到呢間鋪頭，好少喺香港見到有呢啲手工黑朱古力，所以企左係度望。老闆好好人瘋狂俾我試食😂食完之後就明白點解要呢個價錢，因為無係香港食過呢隻味，完全將cacao嘅味道發揮到極致，好食到返唔到轉頭。如果你鍾意黑朱古力50%以上嗰種，你一定要試!! 啲朱古力就係呢間細鋪頭仔裏面生產出嚟，老闆由粒cacao開始整成朱古力。估唔到一粒made in Hong Kong 嘅朱古力係可以咁香濃好食，仲要有多個20款口味，食過之後真係唔會再買出邊啲大牌子朱古力嚟食！👍🏽👍🏽如果你平時食開有奶嘅朱古力，驚苦嘅話可以試吓士多啤梨🍓/無花果果乾嘅朱古力，或者試吓焦糖奶油，甜度高啲食落完全冇苦澀味！🤤我自己就推介竹薑/鹽味/烏龍茶🤩順帶一提，老闆定期會用cacao整啲新嘅產品出嚟，近排好似有用嚟開朱古力奶嘅mixture同埋brownies，每次去都好有新鮮感😂🤫另外呢度有成個石門都搵唔到嘅Kombucha (紅茶菌)，唔使走到去沙田City Suxxx用60幾蚊買一支返嚟，飲完包你腸道健康😉