Hei's Kitchen (已結業)

话说第一次写食评，因为今次实在太嬲。呢间餐厅想同朋友试好耐，终于有时间黎试试。原本想试下佢个牛肉河，不过原来晚市无牛肉河。侍应叔叔诚意推介我地吃食北越牛肉酸锅，仲话系独家，见叔叔用心推介，我地梗系试下啦，盛惠$238，再另外加一，openrice订坐88折并不适用。我之后仲叫多个油饭$15，再加四条串烧$48。个锅送到，见到啲牛肉，即刻劲唔开胃，啲生牛肉系熟牛肉咁嘅颜色，并唔系鲜红血。我问叔叔啲肉系咪唔新鲜呀（如图），叔叔话冇问题架食得架。我心谂，你收我$238比啲咁嘅牛肉我？再试下啲牛肉，绝对任何餐厅嘅一人火锅都有呢个质素，而且个价钱肯定平至少两倍。仲有啲生菜，加埋应该有五块左右 。 之后到个串烧（两串鸡，两串猪），每一串得三分二只女仔食指咁多肉，啲肉质，鞋左啲，完全食唔到任何肉味，唉。不过，呢个串烧有88折，不过都系要加一。 最后，油饭系最好食，盛惠$15 加一再openrice 88折。饮粒粒分明，烟烟韧韧咁，系有啲油，有啲黄黄地色，但完全无黄姜味，无油香味，但已经系最好食。 结论，呢餐我食左三百几蚊，无肚疴，无食物中毒，但环境非常干净，如果你想同班fd揾个地方轻松吹下水，呢度可能岩你，但我绝对唔会再去。…查看更多

睇个门面平平无奇 竟然食完返寻味😋串烧嘅沙嗲汁好香🤤肉质好腍酸菜鱼较辣 但汤底好好味送饭食一流！鱼块好多🤤好似食极都仲有咁最后就系主角 牛肉酸锅🤤个煲好靓😂打完卡可以开餐！汤底较酸但好开胃 牛肉 紫洋葱 芽菜 呢个组合真系一试难忘🤤👍🏻…查看更多

放工去观塘拎身分证，点知拎完突然落大雨，打算去附近餐厅食晚餐避雨，无意中行过见到The Wave有泰越餐厅就决定一试。我地两个人叫左一个小食拼盘，马拉盏猪颈肉炒椰菜苗同泰式冬阴功海鲜金边粉。味道好香口同埋份量足够，食到舔舔脷！值得一赞系店员哥哥好亲切，人情味好足够！佢仲另外推介左越式酸牛肉汤，我地决定下次再黎试一试！最吸引系Openrice 提早订坐仲会有折扣优惠，估唔到落雨赐左个美食意外惊喜俾我地🥰…查看更多

妈妈节一家人出去食饭庆祝去The Wave食泰国野个到环境ok 唔算太多人，由地铁站行过去都近，易揾同唔耐冬阴公汤唔太辣，少少酸好易入口又够多料青木瓜沙律，酸酸甜甜又爽口，食完好开胃皮蛋比较普通串烧连埋佢个酱好味，最钟意食沙嗲酱食泰国野必食炒椰菜小食拼盘同海南鸡有水准但炒米面好似无咁特别 比较普通母亲节每台都有送左芒果糯米饭做甜品同埋送1枝花俾所有妈妈，👩表示有花收好开心😍😍做仔女既表示，只要妈妈开心，乜都够啦😘😘😘祝所有父母身体健康，长命百岁😘…查看更多

餐厅是包含了泰菜，越南菜，中菜嘅特色。 朋友就算唔系最钟意食泰菜都可以有其他选择，呢样系几好👍侍应哥哥强烈推荐店舖的*特色北越牛肉酸锅*又很用心教我地要点样食汤底香浓带点酸味非常开胃作为第一道菜绝对适合。生牛肉很新鲜，五分熟摆落口滑溜香口绝对想再encore! 推广期内可免费添汤底。香煎墨鱼扒，如果可以切厚一点和增加一点虾胶弹牙质感就更好了。招牌蛋花咖哩软壳蟹配薄饼， 咖哩汁炒得香口亦够味，薯仔亦有炸过，只系略嫌软壳蟹本身太咸了，咸到最好几件都吃不下了。。。。呢度居然有酸菜鱼食！我地问左侍应叔叔，决定试他推荐的Heis水煮鱼。 因为本身唔太食得辣 ，已经叫了小辣， 估唔到个麻辣依然咁强烈，麻香味十分浓厚， 麻薯粉十分烟韧好吃 ，同行朋友大赞配上白饭食一流 题外话：因本人食辣十分之差劲，食左两片而且 辣到红晒标眼水 另一位侍应哥哥很贴心，拿了一大碗热水给我过水，又给了我一杯冰冻乌龙茶解辣最后点了一个芒果糯米饭为整餐晚餐划上完美嘅句号。 糯米饭略嫌黏性过强， 如果可以配上多一点汁更好。饮品方面，龙眼冰挺推荐，一大杯里面有十几粒龙眼肉总括嚟讲，食物质素不俗。 牛肉酸锅最有惊喜食得辣嘅朋友仔绝对可以一试 酸菜鱼/水煮鱼。值得一提的系这里的所有侍应都很有礼貌下次黎再试下其他野食…查看更多