影片
又到左星期六既时间啦，系时候又要操FIT自己同减肥啦，咁样先会可以有更多空间吸纳黎紧冬天季节限定既众多敌人 : 煲仔饭呀、打边炉呀、烧野食呀、放题呀等等! 为左佢地，赖生同屈小姐又再次出发去跑步减肥，由港岛西跑到港岛东，4条小腿长征去!!今次既屈小姐好叻，跑到北角既Healthy Chicken，都冇乜索气同停过，消灭贱B减肥既事一定指日可待！本来山长水远跑黎，除左系食健康D低卡D之外，为既系呢间HC可以用黎系石器时代做武器既大鸡脾，可惜，赖生可能太夜到访，今次既鸡脾卖晒！只好试另一样赖生想试好耐但又因为每次都有鸡脾而放弃既食物 - 鸡胸！赖生之选： 1）鸡胸糙米饭沙律餐：3.5⭐️老老豆豆地讲，呢份沙律算系不过不失，点解呢？鸡胸：鞋就一定鞋过鸡脾好多嫁啦！但未至于放唔到入口食，因为佢调味都唔错，好惹味，不过渗透唔到入深层！糙米饭：正常既，唔会太硬食唔到，不过比起菠菜饭同蕃茄饭的话，我地会推荐：蕃茄饭>菠菜饭>糙米饭！因为有味饭好味d屈小姐之选：2）三文鱼沙律餐：4⭐️今次块三文鱼好好多啦！因为系热既！三文鱼既鱼味同肉质即时好好多！ 钟意食三文鱼既人好值得推荐比大家！总结：其实，北角呢间HC有值得赞既地方，又有值得弹既地方！值得钻既，系呢度既三文鱼真心好食好多，同埋有位坐阔落好多不过以上既条件系要配合职员，因为试过一次系个职员比较Hea既，鱼系冻既，就连冇咩配料都好，佢都唔会主动补其他比你！同埋有个重点系⋯点解突然全间餐厅都变左用塑胶餐盒同餐具食既？明明以前都仲有紧玻璃碟同金属餐具⋯造成好多垃圾呢至于中环果间HC，水准稳定，份数多过北角好多，除左配料好多之外，（有时佢一份仲比2种饭我地，系冇减份量，即系多左一份饭），佢既主食都大份好多，三文鱼系有最少2块嫁！不过热既程度冇北角咁好！所以，钟意食HC既大家，我地既建议系：想食饱D去中环，想减肥同坐得舒服d就去北角！#屈小姐好强劲哦#差D操死赖生了#能陪著妳跑的我很幸运#鸡胸也可以的
继续阅读
有时午餐真系唔想食得太饱肚，因为番到office 下午好易恰眼训～所以好多时我都会选择沙拉黎医肚～鲗鱼涌最近开左一间新既餐厅，主打health chicken salad ，今日决定一试！哗哗哗！估唔到佢咁大碟，女仔如果细食既，绝对可以同人share ! 呢个鸡脾沙拉除左有一只手掌咁大既鸡脾，仲有大量沙拉菜、豆、粟米粒、蕃茄粒、洋葱粒、芝士同埋一小份饭（有菠菜饭、蕃茄饭、红米饭选择）～酱汁方面亦有几种口味选择，老板就推介呢只白色既garlic酱汁，比较惹味！鸡脾方面，肉质方面几嫩滑，一啲都唔鞋，煎得亦好香口～真系估唔到沙拉都可以食到咁丰富🤣呢个沙拉一定唔系for 你减肥🤣🤣🤣除左沙拉，餐厅仲有pasta 、pancakes 、窝夫、咖啡等等，都好似好吸引咁！下次再试埋其他！
继续阅读
依家返工路程远左, 唔想拎住个好重既饭盒转车又转车, 所以多左出街食或者外卖。佢个名叫Healthy Chicken, 其实有几咁healthy呢?12pm去到, 有3-4个人坐系到食紧, 地方唔算大, 全部职员讲英文!一早就已经谂好食呢个chicken leg meal set, 有饭, 有salad, 有鸡比, 都够二合为一既食量。买既过程好顺利, 首先讲好你要边个set, 再拣你想要既sides (除左cheese, 我全部都要), 最后拣sauce。就系咁, 埋单多谢$72返到公司一打开个袋, 哗, 个盒大到呢打开佢, 都真系唔野少, 多到, 满。Overall, 啲salad菜唔可以话好新鲜, 但起码你望住佢都会放得入口。即系咁, 啲salad遮住左只比, 但只比又真系好大, 成支铅字笔咁长。个皮腌得好好味, 但呢个味入唔到啲肉到, 加上比入面仲有少少未熟透, 不过佢系juicy既$72咁大盒, 坚系饱既, 但系净讲个sauce都已经唔够healthy, 所以下次要再谂谂先
继续阅读
今日星期四,又系要放工去练合唱团,练之前当然要医肚啦,今日就决定食鸡~可能早,无咩人,有两个外藉后生仔店员系度HEA紧,当然佢地见我行入黎就即刻进入工作状态啦~呢度系叫完野食俾钱先坐低食既,佢都几多款式,有沙律加饭,有WRAP,有三文鱼,有鸡脾,有1/4,1/2同全只鸡~ 最后我叫左个半只鸡沙律加饭~店员会逐样问我边D配料要,最后我同佢讲话系部都要就得~呢个店员系讲英文,收钱果个识讲中文~俾完钱坐低一打开个盒,哗,真系好丰富,好似食沙律咁,满到连果半只鸡同埋饭都见唔到,佢有好多只酱,我呢只系辣椒酱,都真系辣GA~至于饭佢都有糙米,蕃茄饭同菠菜饭,我拣左后者~等我拨开望下只鸡同饭先~望完就起动啦~有好多配料,罗马生菜,粟米,鹰咀豆,青红黄椒,蕃茄粒,芝士,样样都落左好多，好似好健康咁~个饭虽然无乜菠菜味,但望落都几吸引~食到差唔多终于到主角,烧鸡啦~~其实一路食都闻到佢既香味,虽然食落D皮唔系好脆(可能因为我摊左好耐挂),但系味道系唔错,唔会太咸又唔会无味,D肉一D都唔老,用佢提供既胶叉胶刀都可以切哂食得一干二净~食完临走店员虽然都忙紧处理其他客既ORDER,但佢地留意到我走都会好大声讲既GOODBYE同THANK YOU~见到佢MENU个WRAP都几吸引GA,有机会一定再黎~
继续阅读
#chickenbreast #box ($72)健康啲、食清啲、但贵啲#选择困难症 #大敌 ，因为呢度买一个mealbox要拣好多野Step 1) 鸡 （鸡比、鸡翼、鸡胸、半只鸡、全只鸡）或鱼Step 2) 饭 （菠菜饭、蕃茄饭、白饭）Step 3) 牛油果 （+$$$$)Step 4) 豆、沙律菜 （6、7款）Step 5) 酱 （4、5款）咁多选择、可以配搭成好多唔同组合、饿底今次就「懒健康」咁选鸡胸-带微温同香料味、先腌后焗、味道还好、但鸡胸肉煮得有点老菠菜饭-食唔出菠菜味、颜色几吸引就是了豆、所有菜- 尚算新鲜、不过不失一盒嘅份量都几多、鸡肉多到食唔晒，味道方面一般啦、我冇乜用欲望想再去就是了
继续阅读