Have A Good Day (已結業)

自從佢開張無耐食過Fish & Chips後就念念不忘，因為我覺得佢嘅味道同英國食嘅Fish & Chips有得fight，所以成日都想食番，但夜晚佢哋會唔開，lunch又可能無晒位，所以好難食到。今次都唔例外，lunch hour 差唔多等左半個鐘先有得坐低，but..........點解餐牌無左Fish & Chips嘅！！唯有叫番個黑松露醬薯條補番數啦！仲有蟹肉沙律、照燒雞扒飯、雞肉卡邦尼...先嚟黑松露醬薯條，份量好多，薯條即炸，條條都好飽滿，黑松露醬好香，唔覺意就蘸晒！👍🏻跟住係蟹肉沙律，蟹肉好新鮮，感覺似喺隻蟹拆肉出黎咁，絕對唔係蟹柳！沙律菜都好新鮮！照燒雞扒飯都係驚喜之作，雞皮煎到好脆，肉好嫩滑，醬汁甜甜地好好送飯！充滿芝士嘅雞肉卡邦尼意大利粉，意粉掛滿晒醬汁，非常濃郁但又唔覺漏，意粉硬度剛好，唔會過稔👍🏻👍🏻呢度lunch價錢唔會好貴，包一杯飲品，如果食lunch嘅話最好早d到，因為店面細，大概只可坐到20人。另外，最好出返Fish & Chips啦！😁😁…查看更多

今日行過一間門面好靚既cafe，俾佢既落地玻璃吸引左入去。舖內採光度十足，睇書、寫作都係一個不錯既選擇。今次去到仲有啲肚餓，叫左一個雞肉Burger加薯條，一來到已經覺得賣相吸引，令人不禁垂涎。Burger一咬已感覺到雞扒的juicy，而跟餐的薯條則十分香口，配上茄醬減去油膩感。…查看更多

好開心係大角咀發現左呢一間高質cafe feel到廚師好用心準備食物 牛油果十分足料 塊多士中間加左隻蛋真係完美 而且多士上仲查咗鮮番茄醬 十分注重detail位！百幾蚊但十分值得！熱朱古力味道十分濃郁！蕃薯條亦係非常好味！一定會再翻嚟食！…查看更多

忙裡偷閒大角咀小店林立，每次到奧運站附近工作完都會寧願走遠一點，試試小店嘅岀品，因大商場的選擇總離不開一些城巷城市嘅大品牌。今天來到一間位於私人樓宇地下嘅Cafe，從奧運站行過嚟大概十分鐘左右。店子雖小，只有大概廿十個座位，不過樓底比一般高，落地玻璃嘅設計，加上白色嘅牆身，光線充足，感覺一點都不擠迫焗促，如果坐係Bar枱位望望街景還是挺悠閒舒適的。不過這次坐到門口附近，天氣炎熱，客人岀入店子開關躺門時，沒有完全關好的話，就是有陣陣熱風吹進來…這裡食品選擇還是挺多種類，最後對大啡菇情有獨中嘅我，點了一客芝士蟹肉烤大啡菇配田園沙律蕃薯條，再加一杯熱玫瑰Latte (要點咖啡提提神呢🙈)。先端來的是玫瑰Latte。喝一口，淡淡嘅玫瑰香沒有搶去咖啡嘅味道，而本人亦不喜歡太甜嘅飲料，這杯個人認為調較得恰到好處，雖然沒有別緻嘅拉花，但喝到底時奶泡面仍能保持完整，可見沖泡者嘅功力👍 如果唔打算飲任何飲品，店家還是挺貼心的提供了薄荷檸檬水 。食品製作需時，大約等咗十五分鐘終於上菜啦~ 一眼望過去已經覺得好吸引，食材顏色配搭很吸晴😍 另外廚師亦豪不吝嗇，滿滿一整碟食物將成隻碟都遮過咗🍄🍠🌽 烤啡菇上面舖著的也是厚厚一層忌廉蟹肉。田園沙律內混有車厘茄同粟米粒， 再灑上少量微酸嘅醋汁，係呢種炎熱天氣下甚為醒胃。最後試埋蕃薯條，炸過嘅"粗薯"，拎上手仲係熱嘅，外脆內軟，每條都有微微的蕃薯甜香，不過吃多還是會有點膩嘅感覺，點茄汁一起吃會比較開胃。個人認為此份量對女生而言有點多，我把啡菇和沙律消滅後其實已有點飽，不過無論賣相定味道都的確有驚喜，所以唔做大唗鬼，最後也慢慢把剩下的蕃薯條完滿完成 😋 而對男生而言，卻可以係健康飽肚之選👍註：因為見到店內有支付寶的Stand,所以估計應該是接受支付寶的，如果大家有可以問問店家呀~…查看更多

這是一家坐落在鬧市外的小咖啡店，店鋪小小的，很精緻。從店內的擺設，可以看出店家的用心。偶然認識了這家小店，卻讓我們不知不覺地淪陷其中，即使到店鋪打烊了，都捨不得離開。與好友分別點了一杯榛子咖啡和泡沫綠茶，兩杯飲品都很出眾，咖啡和泡沫綠茶的氣味香濃，口味順滑。我們還點了一份草莓pancake和雙色薯條（薯仔和番薯），雙色薯條配有黑松露的sauce，一口接一口地吃，完全停不下來。坐在玻璃窗前，任陽光肆無忌憚地撒在店內的每個角落。一杯咖啡，一本書，就可以過一個閒適的下午。…查看更多

由於本人係十分之喜歡食all day breakfast所以都一直會留意下邊道有好味既all day breakfast～近排聽朋友講過大角咀有間cafe仔幾靚幾舒服仲有好豐富既全日早餐 所以就特登去左：p入到黎真係覺得呢就好舒服 好似即刻同個鬧市隔絕左成個裝修好舒服 好似屋企 好有慢活既感覺 簡個bar枱靚位之後緊係去order返個all day breakfast la～佢個all day breakfast原來係冇show係menu要自己同店員講 其實除左all day breakfast佢既其他早餐都好似好吸引haha 至於野飲呢 佢係可以用半價加購既：p個店員話佢地呢道啲咖啡豆都好靚 所以我都簡返杯咖啡先～我簡左rose latte係落order旁邊有個櫃係放餐具等客人自己去拎既，都係放得好整齊好靚仲有啲書仔同裝飾 唔錯唔錯～ Order完我就坐番低等 順便影下相咁～好快杯野飲就到左 加上枱面既裝飾 成個畫面好靚呀哈哈 杯rose latte果然唔錯，好香既玫瑰味但又唔會太甜！ 仲裝飾得好靚tim～^^ 過多陣店員就送埋個all day breakfast黎～好大碟好吸引！！！尤其是個黑松露炒蛋 真係好香 一放低碟野已經聞到好香：D 成份all day breakfast係有黑松露炒蛋、煙肉、腸仔、薯餅、茄汁豆、煙三文魚、蘑菇、沙律同多士既～～ 其實真係非常之大份！！！成份都覺得好好味＞＿＜ 好想特別讚黑松露炒蛋、腸仔、薯餅、煙三文魚同沙律！！呢道啲腸仔我都唔記得問下店員係邊道入貨，佢係好爽唔會好林，仲好香口～煙三文魚都好出色而且都唔驚食滯左食唔到啲沙律，因為佢係加左黑醋汁，即刻勁開胃呀：p 一路食一路用下電腦 即刻覺得今日過得好寫意呀haha所以而家即刻打返篇review先～～^^總括而言今次係好滿意既～：p…查看更多

去食個日的下午落雨，出面個天好暗，不過離遠就搵到間店鋪頭，個感覺幾warm 同出面形成一個對比！一入門口就見到有一個位置比客人 自助斟水店鋪好細心自助式提供係青檸水 有清新既感覺👍首先去到收銀位置先下單付錢，野食既選擇都好健康 有幾款都幾有特色的沙律🥗不過因為個日太肚餓 我都係選擇左比較飽肚既溫泉蛋迷迭香雞排飯之後揀埋野飲， d 名都好特別，我最後揀左姣婆粉紅豬來飲😂😂另外，叫餐既再加十蚊就有車打黑松露多士啦 ！其實都好想食😊不過知自己一定會食唔落，唯有下次再試啦！😃係野食未來之前都欣賞下呢到舒適既環境, 店鋪雖然唔好大, 都唔係好多人, 如果想過一個慢活寧靜既下午 呢到真係一個好地方👍👍個雞排飯塊雞排都好大塊，配上個汁來撈埋飯就更好食啦，賣相都好好嫁😻姣婆粉紅豬係用raspberry做既，好似奶昔咁 都好好飲 👍最靚係上面仲有玫瑰花瓣添呀!😻…查看更多

約左朋友食 lunch，撞正佛誕假期揀左大角咀，少啲人，坐得舒服啲牛油果奶昔 ($42)好香奶味，牛油果味偏淡，但飲到好飽姣婆粉紅豬 ($46)感覺係 raspberry 醬加奶咁，不過都幾好味嘅溫泉蛋煙肉芝士汁意粉 ($78)依個嘅汁咸淡控制得啱啱好，每條麵都有汁意粉唔會過林或過硬得黎，仍然保持口感溫泉蛋篤爆左撈埋食，好味杏仁蜜糖單骨雞翼配薯條 ($52) 薯條一啲都唔油膩，係偏粗嘅，好新鮮啊雞翼單骨方便食，表面嘅蜜糖味好好食香煎龍蝦配牛油果番茄汁意粉 ($148) 龍蝦肉有彈性，一啲都無梅番茄汁味道較為開胃，有蕃茄蓉牛油果都好新鮮，而且都熟嘅，所以都不錯…查看更多

今日放假約左朋友去cafe食個下午茶，影d靚相。今次去既cafe叫 “Have A Good Day”，位於大角咀櫸樹街轉角位，以玻璃落地窗為主，貼有呢間cafe最受歡迎既美食。Cafe 雖然不是很大間，但裝修很休閒，牆上掛有幾幅綠色樹葉既圖案，讓人覺得輕鬆舒服。Cafe以自助為主，客人要先落order，然後就可以找個位置坐下，等美食送黎啦。熱辣辣既天氣真係需要冷飲，呢間cafe提供免費自助既青檸水，非常贊！食物方面，我同朋友分別點左吉列豬扒蛋包飯，手工番茄汁墨魚意粉，加$3轉左凍柑桔蜜，半價升級左檸檬紅茶。吉列豬扒蛋包飯 $65呢個餐非常大份，吉列豬扒炸得岩岩好，keep到肉汁，貼心幫切好，還配有甜醬。蛋炒得很滑，飯很香軟。配有沙律，感覺幾fresh。手工番茄汁墨魚意粉 $60都幾大份，很足料。墨魚粒幾多，仲有清甜三色椒片。手工番茄汁口感好好多，加上少少芝士與意粉攪拌，美味啊！車打黑松露多士 加配$10有兩塊，烘焙得很脆，有很多芝士同黑松露，非常值得點呀！總的來說，食物高質，環境舒服，真係美好的一天！…查看更多

今次黎叫咗兩個lunch set，分別係牛肝菌汁雞肉意粉同埋吉列豬扒蛋包飯，另外仲加$10要多個車打黑松露多士，同埋半價升級咗做special drinks:紫薯牛奶、滑嘟嘟。個人極力推薦牛肝菌汁雞肉意粉，呢個汁真係好意外，意粉一啲都唔乾，份量完全足夠，入面仲有洋蔥同青椒調味，真係好好食！而吉列豬扒蛋包飯亦都令我覺得好surprise，個蛋真係滑，而吉列豬扒仲可以點少少照燒汁，入面仲有蔬菜沙律，賣相已經係滿分，味道更加冇得輸。個人認為一定要加車打黑松露多士，10蚊就有兩塊多士，仲要多士係啱啱烘完出黎非常脆，黑松露亦都有好多！而飲品的話，滑嘟嘟就比較健康，佢係由藍莓、蔓越莓等打出黎嘅沙冰，又唔會太甜，而紫薯牛奶上面仲有一層厚厚嘅cream，大家都可以試下！呢度環境真係好舒服又安靜，如果冇野做都可以係呢度坐成日。…查看更多

雖然當日落大雨 但係都依然準時黎到呢間隱藏係大角咀內街中既街角小店 見下約好左既朋友仔岀面落住滂沱大雨 但係一入到小店感覺就即刻唔同晒 小店入面有好多射燈 好光猛我地都跟住指示 先到櫃臺落單 然後店員就俾左個號碼牌我地之後就係隔離拎餐具同倒水飲 小店提供既係青檸薄荷水番到座位 我地就將號碼牌就放係枱上面 等店員送餐加左$10配招牌車打黑松露多士 個多士烤到好脆 黑松露混埋芝士好香好好味煙肉蘑菇蟹肉忌廉汁蛋包飯 ($65)本身淨係睇個名都無諗住叫呢個 但係見到隔離枱食到好似好正咁 我地就叫左個試下 賣相好靚 仲附送沙津值得一提既係呢隻係半熟旋風蛋包飯 比起一般既蛋包飯更顯心思 更考功架 忌廉汁好多 同蟹肉好融合 食完唔會飽飽滯滯手工蕃茄汁炸魚柳扁意粉 ($60)塊魚柳好大塊 熱辣辣 炸到外脆內軟 蕃茄汁真係同平時個d有少少唔同 好似多左陣椒味個餐本身包野飲 亦可以以半價改配其他飲品 我同朋友就分別叫左杯紫薯latte同榛子朱古力 望住個街景 岀面落不停既大雨都無損我地吹下水嘆下野飲既好心情 好寫意…查看更多

在大角咀區，竟然有間cafe，裝潢簡單、富有文青的感覺，是一個很適合拍照的好地方。 那天我和朋友來，都拍了很多漂亮的照片。在食物方面，我和朋友分別叫了手工蕃茄汁吉烈炸魚意粉和温泉蛋迷迭香煎雞扒飯，另外還加了10元加配車打黑松露多士，還有叫了莓的特飲，首先上了莓的特飲，裏面分別是草莓、紅莓和藍莓打成的沙冰，結果喝下去不會太酸，也不會太甜，味道適中，值得一叫！車打黑松露多士方面，多士十分脆，黑松露味十分濃，重芝士味，份量十足，令到我吃的每一啖都十分飽滿，十分喜歡這道小食！手工蕃茄汁吉烈炸魚意粉方面，首先炸魚十分鬆脆，不會說有很多炸粉，相反裏面魚的份量好多，可惜只有兩大塊，因為真的很好吃，蕃茄汁不會說很鹹，味道適中，不過吃到很多蕃茄肉，證明真實材料。温泉蛋迷迭香煎雞扒飯方面，温泉蛋、飯和汁混合，吃下去酸酸甜甜亦有蛋香味，而雞扒煎得十分可口，外皮脆，裏面的肉十分嫩滑，十分推薦。…查看更多

今日到旺角脫墨，於是順便看了看附近有沒有餐廳吃午飯。於是我發現了這間小店，是我很喜歡的Coffee Shop，想也沒想就決定去了。網上教我由奧運站走過去，但我在旺角站走也沒有問題，大概一直直走8分鐘左右就到了，在大快活、翠華旁邊。裡面的環境滿靜的，很適合跟朋友聊天歇息，靠窗的位置很開揚，能看著街外的景色，所以也絕對適合自己去hea一個下午。我跟媽媽點了兩個午餐，包餐飲(其他飲品半價)，價錢合理，而且很好吃，我和媽媽都很喜歡。這是手工蕃茄汁吉列炸魚意粉，先是賣相已經很有驚喜，魚和麵的份量剛剛好，魚咬下去並不會是只有粉，是真的好吃，而且也麵質也煮得剛好很有彈性，整個配搭起來很不錯。這個溫泉蛋迷迭香煎雞扒飯也很有驚喜，開頭看下去覺得跟普通的雞扒飯沒兩樣，之後先看到溫泉蛋，再看到雞扒下的其實是照燒，一口飯上有蛋漿和濃濃的照燒汁，份量也是剛好不會讓人覺得太膩。半價點了香蕉奶昔和夏威夷果仁Latte，挺大杯也很好喝，特別推薦香蕉奶昔，喜歡香蕉的朋友一定要嘗嘗。…查看更多

已經係第三次食 每次星期六日有時間都會想再食但由於鋪頭唔大 有時候去已經好多人食物保持水準 而且每次餐單都有新菜式最推薦食意粉或飯 每次個汁都唔會失望👍🏻同友人去每次都食到好飽好滿意而且價錢合理 推介！…查看更多

一入到去，入面既氣氛好寧靜同舒服。同出面繁榮忙碌既畫面形成左好大對比呀!Cafe裏面都擺咗好多簡約嘅擺設，到到都係影相位。另外，餐牌上嘅食物款式都幾多，而且價錢非常適宜。首先講我個all day breakfast，大約十分鐘就上左啦，一黎到賣相好靚食物擺得好整齊有誠意，忍唔住影左唔少相。最好食係個炒蛋真係國際級, 滑得黎唔會水汪汪, 個火喉控制得好好, 個炒蛋已經不得了!仲有其他食物，煙肉，茄汁豆，沙律，薯餅，炒蛋，三文魚。佢地都好食。PANCAK上面既牛油係新鮮打起，所以我食落覺得呢個牛油比出面既盒裝更重奶味，牛油既質地都係滑身但食落去唔會有好重既油脂感，而且保持左濕潤感而且係有厚度，又香蛋味，值得推薦！跟餐可以半價換特飲，我就揀左原價$38 既紫薯拿鐵。杯紫薯拿鐵真係好驚喜，飲完好舒服，紫薯味香濃，但甜味岩岩好，一D都唔甜，非常滿意！…查看更多