Have A Good Day (已結業)

自从佢开张无耐食过Fish & Chips后就念念不忘，因为我觉得佢嘅味道同英国食嘅Fish & Chips有得fight，所以成日都想食番，但夜晚佢哋会唔开，lunch又可能无晒位，所以好难食到。今次都唔例外，lunch hour 差唔多等左半个钟先有得坐低，but..........点解餐牌无左Fish & Chips嘅！！唯有叫番个黑松露酱薯条补番数啦！仲有蟹肉沙律、照烧鸡扒饭、鸡肉卡邦尼...先嚟黑松露酱薯条，份量好多，薯条即炸，条条都好饱满，黑松露酱好香，唔觉意就蘸晒！👍🏻跟住系蟹肉沙律，蟹肉好新鲜，感觉似喺只蟹拆肉出黎咁，绝对唔系蟹柳！沙律菜都好新鲜！照烧鸡扒饭都系惊喜之作，鸡皮煎到好脆，肉好嫩滑，酱汁甜甜地好好送饭！充满芝士嘅鸡肉卡邦尼意大利粉，意粉挂满晒酱汁，非常浓郁但又唔觉漏，意粉硬度刚好，唔会过稔👍🏻👍🏻呢度lunch价钱唔会好贵，包一杯饮品，如果食lunch嘅话最好早d到，因为店面细，大概只可坐到20人。另外，最好出返Fish & Chips啦！😁😁…查看更多

今日行过一间门面好靓既cafe，俾佢既落地玻璃吸引左入去。舖内采光度十足，睇书、写作都系一个不错既选择。今次去到仲有啲肚饿，叫左一个鸡肉Burger加薯条，一来到已经觉得卖相吸引，令人不禁垂涎。Burger一咬已感觉到鸡扒的juicy，而跟餐的薯条则十分香口，配上茄酱减去油腻感。…查看更多

好开心系大角咀发现左呢一间高质cafe feel到厨师好用心准备食物 牛油果十分足料 块多士中间加左只蛋真系完美 而且多士上仲查咗鲜番茄酱 十分注重detail位！百几蚊但十分值得！热朱古力味道十分浓郁！蕃薯条亦系非常好味！一定会再翻嚟食！…查看更多

忙里偷闲大角咀小店林立，每次到奥运站附近工作完都会宁愿走远一点，试试小店嘅岀品，因大商场的选择总离不开一些城巷城市嘅大品牌。今天来到一间位于私人楼宇地下嘅Cafe，从奥运站行过嚟大概十分钟左右。店子虽小，只有大概廿十个座位，不过楼底比一般高，落地玻璃嘅设计，加上白色嘅墙身，光线充足，感觉一点都不挤迫焗促，如果坐系Bar枱位望望街景还是挺悠闲舒适的。不过这次坐到门口附近，天气炎热，客人岀入店子开关躺门时，没有完全关好的话，就是有阵阵热风吹进来…这里食品选择还是挺多种类，最后对大啡菇情有独中嘅我，点了一客芝士蟹肉烤大啡菇配田园沙律蕃薯条，再加一杯热玫瑰Latte (要点咖啡提提神呢🙈)。先端来的是玫瑰Latte。喝一口，淡淡嘅玫瑰香没有抢去咖啡嘅味道，而本人亦不喜欢太甜嘅饮料，这杯个人认为调较得恰到好处，虽然没有别致嘅拉花，但喝到底时奶泡面仍能保持完整，可见冲泡者嘅功力👍 如果唔打算饮任何饮品，店家还是挺贴心的提供了薄荷柠檬水 。食品制作需时，大约等咗十五分钟终于上菜啦~ 一眼望过去已经觉得好吸引，食材颜色配搭很吸晴😍 另外厨师亦豪不吝啬，满满一整碟食物将成只碟都遮过咗🍄🍠🌽 烤啡菇上面舖著的也是厚厚一层忌廉蟹肉。田园沙律内混有车厘茄同粟米粒， 再洒上少量微酸嘅醋汁，系呢种炎热天气下甚为醒胃。最后试埋蕃薯条，炸过嘅"粗薯"，拎上手仲系热嘅，外脆内软，每条都有微微的蕃薯甜香，不过吃多还是会有点腻嘅感觉，点茄汁一起吃会比较开胃。个人认为此份量对女生而言有点多，我把啡菇和沙律消灭后其实已有点饱，不过无论卖相定味道都的确有惊喜，所以唔做大唗鬼，最后也慢慢把剩下的蕃薯条完满完成 😋 而对男生而言，却可以系健康饱肚之选👍注：因为见到店内有支付宝的Stand,所以估计应该是接受支付宝的，如果大家有可以问问店家呀~…查看更多

这是一家坐落在闹市外的小咖啡店，店铺小小的，很精致。从店内的摆设，可以看出店家的用心。偶然认识了这家小店，却让我们不知不觉地沦陷其中，即使到店铺打烊了，都舍不得离开。与好友分别点了一杯榛子咖啡和泡沫绿茶，两杯饮品都很出众，咖啡和泡沫绿茶的气味香浓，口味顺滑。我们还点了一份草莓pancake和双色薯条（薯仔和番薯），双色薯条配有黑松露的sauce，一口接一口地吃，完全停不下来。坐在玻璃窗前，任阳光肆无忌惮地撒在店内的每个角落。一杯咖啡，一本书，就可以过一个闲适的下午。…查看更多