Haru & P (已搬遷) 新店位置

今日去咗葵涌廣場行街，行街緊係肚餓架啦！咁見到一間綠色嘅鋪頭唔係賣衫嘅，不過好似剛剛開舖喎！佢啲嘢食好靚！樣樣都好想食又有好多味，有D係有雪糕tim!!! 佢嘅食物分兩款，一款好似格仔餅，另一款就好似支雪條咁！其實人哋係叫鐵塔， 不過依支鐵塔好似唔係太健康好瘦.今次我就叫左好似雪條果款，「章魚小丸子鐵塔窩夫」佢做到外脆內軟，咁瘦嘅鐵塔入面都有好多章魚肉，面個面就有而家新興嘅Wasabi醬，第一口大大口咁食落去唔知係Wasabi醬感覺好刺激！食一條好似食零食，咁都好過淨係食薯片呢！鐵塔窩夫仲有朱古力香蕉、焦糖花生！我都好想試埋佢！

紫薯鐵塔窩夫 💲22 @ Haru & P之前試過佢地既焦糖鐵塔窩夫，今次食既係前排大熱既紫薯鐵塔窩夫。的確，紫薯控會好鐘意佢，因為佢真係好紫薯。佢將真·紫薯打成蓉吱係窩夫上面，連裏面都有加入紫薯餡。佢既紫薯蓉味道偏淡，但配合窩夫食就岩岩好，唔會太漏。

呢間賣鐵塔窩夫嘅鋪頭成日都會轉下新口味咁之前有抹茶 紫薯 蘋果金寶等等今次就試咗佢嘅焦糖味 窩夫一串細細地咁都幾得意最啱掃街嗰時食窩夫嘅蛋香都算係幾出幾香上面有一層焦糖醬唔會太多所以都唔係好甜

Green Tea Lolly Waffle | 東京鐵塔窩夫.比想像好食!☺️ 窩夫質感是微微的脆 內裏軟熟 蛋香亦足 而意想不到的是 有抹茶味🍵 雖然未去到非常甘香 但勝在不會很假 而且不淡呢 甜度亦剛好 上面的鮮忌廉輕盈不甜膩 整體配搭都很不錯😋

烘過又煎過的牛角包，十分富牛油香，又鬆又脆，個略嫌有丁點油膩感。加上非常綿滑香甜紫薯蓉，份量很多很飽肚！菠蘿稍微煎過，更為多汁。紫薯菠蘿牛角包 Sweet Potato Pineapple Croissant $28

路經小店, 被門前的一堆甜品吸引了…最後還是下單買了一個"紫薯鐵塔窩夫"。紫薯非常足料, 但長型的窩夫烘得不夠, 口感偏軟,只用一張薄紙包著, 令人吃得狀甚狼狽。

葵涌廣場多嘢食就好多人都知，但真係估唔到啲嘢食仲愈來愈有創意！你有冇見過 / 食過「打直」，仲要係好似串燒咁嘅窩夫呢？呢個嘅物體，原來嚟自外國，係歐洲嘅街頭小食 - Lolly Waffle，形狀十足十「巴黎鐵塔」，所以叫做「紫薯鐵塔窩夫」。窩夫長約22cm，咁長，我真係唔夠膽只係抓住枝竹籤。紫薯唔係好甜，淡淡哋，同埋真係食得出有蕃薯味，唔係溝顏色整成嘅紫色 cream。窩夫口感都唔錯，有口感之餘，仲外脆內軟，唔係「稔」個種。最值得讚嘅係，窩夫中間有「真」紫薯！！真係好感動呀！！！窩夫即叫即整，好新鮮，所以食嗰時都仲熱～其實佢仲有一款紫薯美食，就係「紫薯菠蘿牛角包」，睇上去超吸引架。下次有機會試埋佢先！

葵涌廣場的特色小吃紫薯鐵塔窩夫($20)由於窩夫是即叫即整,所以等候時間頗長他的形狀真的像個鐵塔有差不多兩隻手掌咁長紫薯味很濃但不會太甜窩夫入面都有一點點紫薯不過一個人吃會有點濟還是開心SHARE, 小吃多滋味呢!!

紫薯鐵塔窩夫, 只需$20仲要係即叫即製, 誠意十足!  賣相好靚, 一如其名, 鐵塔咁既樣, 尖尖長長. 份量亦唔少, 成隻手板咁長架! WAFFLE 熱辣辣出爐, 只可惜紫色既紫薯無紫薯香氣亦無咩味道; WAFFLE夠厚身唔脆身. 但呢個價錢真係好抵, 並不能與出面6，7十蚊一份waffle對比吧～

朱古力香蕉鐵塔窩夫 $20曾經係網絡大熱，熱潮過後，唔洗再排隊，直接落單。不過係即叫即製既原故，落單之後都等十分鐘左右先有得食。鐵塔形狀，用竹籤串住，食得好方便。窩夫外皮微脆，餡係香蕉蓉，好足料，面頭淋上朱古力醬，味道好夾。間中黎過下口癮都得。

紫薯同抹茶總係最eye catching 但係朱古力香蕉呢個不死既組合都唔可以睇小 窩夫表面吱有滿滿既朱古力醬 而入面就藏有香蕉蓉 兩者加埋唔會甜 反而係淡淡的自然的~熱食更佳~但窩夫本身既蛋味冇乜 同埋唔夠脆

聞名不如見面!終於試咗之前大熱既鐵塔窩夫,好多口味揀,有咸有甜!本身好鍾意食紫薯嘅食物,所以都選擇咗紫薯味嘅窩夫窩夫鬆軟,熱辣辣食好香口.窩夫灑咗少少糖霜,加埋紫薯蓉唔算太甜,但係紫薯味就唔算濃. 佢勝在唔止係上面舖咗滿滿嘅紫薯蓉,咬落去窩夫入面都有,一啲都唔馬虎,又咁足料!! 以呢個價錢,真係算好抵食架啦

出開嚟行街 緊係要試下呢咳鐵塔窩夫 一舊舊加雪糕食既窩夫就食得多 咁長既窩夫就第一次食除左鐵塔窩夫之外 佢仲有普通窩夫 拿破崙 牛角包同法包三文治  因為食完lunch飽飽地 所以就咁叫左一個朱古力香蕉鐵塔窩夫(20$)因為即叫即整 所以要等8分鐘終於等到 熱辣辣又香噴噴既窩夫窩夫上面有啲朱古力漿同啲朱古加碎咬一口 入面勁熱 可能太熱 食唔到香蕉味😂但吹一吹凍佢 又有返啲香蕉味 本身以為係未熟所以個口感有啲漿漿地 但食真啲 果啲係類似香蕉漿既野 朱古力同香蕉真係好夾 好好味下次再試埋其他口味

上次去葵廣試完拓餅之後,重買多咗個牛角包返屋企!招牌上面有兩隻狗狗,又易認又得意不過因為即叫即整,所以都要等幾耐下...見人地買窩夫要等10分鐘,我個牛角包都要等5分鐘...好彩戈時冇乜人...如果唔係...都唔知要等幾耐...始終即叫即做,所以點都好食啲個皮好鬆化,牛油味好香入面啲吞拿魚塞到好滿,吞拿魚肉都夠多,唔會只係得沙律醬雖然都要$28蚊...唔算好平,不過都值得一試同回頭率高嘅!

店名：Haru & P地址：葵芳葵富路7號葵涌廣場2樓C07好味指數：6.5／10價錢：$22紫薯窩夫鐵塔窩夫足足長22cm，有多款口味選擇，紫薯味道唔係好甜，但又唔唔係好食得出紫薯味道。不過值得一讚既係除左窩夫面鋪左紫薯cream,窩夫入面都夾左紫薯蓉。