影片
港铁西营盘站 A1 出口, 步行约6分钟
继续阅读
开饭介绍
#HAPi 一直坚信所有人拥有享受生活及快乐的权利。#HAPi Bistro 上环总店集合Cafe、餐厅、粮油杂货、时装家品、花店、艺术空间于一身；Cafe及餐饮部均由米芝莲大厨主理，务求于世界各地搜罗最优质的食材，以Fine Dining的形式呈现，把各地美馈佳肴带给客人。
继续阅读
附加资料
堂食最后点餐时间：19:00｜外卖最后下单时间：19:30
营业时间
星期一至四
10:00 - 17:00
星期五至六
10:00 - 22:00
星期日
10:00 - 17:00
以上资料只供参考，请与餐厅确认详情
相关文章
HAPi集餐厅、花店、生活百货于一身，餐厅area唔算好大，靠窗边阳光光猛，四处亦都放满植物，似系去咗花园cafe嘅感觉，环境舒适。Weekend尼到食brunch，嗌咗一个HAPi Signature Breakfast特色早餐，店员话两个人食已经非常足够，亦都可以无限添饮咖啡/茶。早餐包括蜂蜜&果酱、乳酪、水果&坚果、冷切火腿、火鸡、牛肉、烟三文鱼&芝士、炒蛋、橙汁。整体一般，基本上都系生冻野，食到一半只想食炒蛋，最后两个人都食唔完一个breakfast set。
继续阅读
#hapi 西餐厅位于上环近西营盘嘅位置除咗去呢间餐厅食嘢之外 经过其他街道都好多打卡位头盘叫左手切牛肉他他作为开胃菜 非常推荐菜式以牛里脊肉、酸青瓜、脆片制作而成～呢道菜以嫩滑的牛肉粒粒为主 配上自家制酱好开胃。 主菜叫左烤牛排(横膈膜中心肉)配阿根廷青酱牛排叫左medium 经过烤制后，外层烤得恰到好处，内部的肉质则非常嫩滑多汁。配上他们特制的阿根廷青酱，青酱的味道非常清新，由新鲜的香草叶和橄榄油制成，与牛排的肉汁完美融合配菜附有大蒜迷迭香薯仔同西兰花苗～另外主菜仲有叫咗镬仔焗4式芝士肉密长通粉 连个镬仔上好岩打卡
继续阅读
星期天跟女朋友食个午餐，终于有时间试吓这间餐厅.我哋嗌咗龙虾汁海鲜意粉及带子墨鱼汁意粉，龙虾汤，美式咖啡.首先，讲吓海鲜意粉，意粉问题不大，只系海鲜真系好唔该，青口臭嘅，鱿鱼又冇味另外带子墨鱼汁意粉，果啲带子硬过我条命这间餐厅的价格和质素不成对比以后也不会帮衬。如果需要用这个价格我相信上环区应该有好多餐厅 我都系唔睇咗OpenRice嘅评论先去是这间餐厅原来好多评论都系假嘅，哈哈哈希望大家可以真嘅评论
继续阅读
今日阳光普照，于是荡咗嚟上环，谂住同黄小姐过一个城市得来又远离繁嚣嘅下午，行行吓，去到上环普庆街嘅一个小角落，见到呢一间门口布满鲜花嘅舖头，本身谂住入去行吓，点知入到去见到一间咖啡店，满心欢喜，我哋食咗一餐饭。揭开餐牌，都系上环价钱，所以比一般嘅Cafe都贵咗四成，但系都抱着期待嘅心态，谂住试吓佢嘅食物系唔系值回票价。既然系Cafe，我哋就嗌咗一杯咖啡。佢呢度latte嘅份量吓死人，十分之大杯，一个人饮嘅话，都饱咗一半。适当嘅甜度，提升奶嘅香味，又可以平衡咖啡嘅苦涩，但系又唔会过甜，虽然奶嘅比例搜多，但系绝对冇盖过咖啡味道，饮落去嘅时候，咖啡嘅浓度刚好，完全唔会有苦涩味，饮得出呢度系偏向比较nutty嘅咖啡，饮到最后仲有微微嘅炭烧味，佢伴碟嘅曲奇，略嫌太甜，会令到成个感觉比较腻。讲完咖啡，讲吓佢个牛角包， 10分好食，里面搽咗cream cheese，配上三文鱼牛油果同鸡蛋，其实呢个组合本身就冇得输，可能加埋呢度嘅环境同水果伴碟，配合返花花嘅主题，令人食得好畅快。（系真心畅快，有水果成件事清凉咗好多）之后嗌咗一个牛面肉炖长通粉，呢个比较失色，虽然睇上去成煲嘢满布芝士，亦都系新鲜出炉，但系佢嘅味道同颜色完全唔成正比，酱汁颜色睇落好浓，但食落味道十分之淡，而且虽然芝士有焦香，但系里面嘅一丝丝牛颊肉，系有少少overcook。黄小姐嗌咗一份蜜糖绿茶，冇乜特别，所以唔讲，而且佢系茶包，所以定价都偏高，茶香都唔系特别浓郁。上环嚟讲，不过不失。最后喺餐厅嘅店舖里面流连咗一阵，睇咗一啲自己买唔起嘅精品，听住啲轻音乐，缓步走出店舖，重投上环嘅怀抱——呢一区嘅文艺气息不可取替。在半山咖啡店林立，外国人络绎不绝的街道之中，也可有另一种香港故事。
继续阅读
好友嚟香港，当然要带佢喺上环揾好嘢食。之前嚟过呢度，觉得环境非常之好，好啱打卡。而且嘢食又大份又好食，仲好靓添！我哋叫咗一个all day Breakfast和一个set lunch，三个人share食，都争少少食唔晒。好欣赏佢嘅all day Breakfast会跟一大篮面包
继续阅读