影片
好食，真系唔错，够热。老板两公婆都是韩国人，老板娘负责煮嘢食。叫了半半炸鸡，泡菜炒饭，牛肋条海鲜汤。样样都好吃，但十分可惜原来我吃的那天是他们营业的最后一天。临走前他们还送了公仔和汽水给我们。很有人情味的老板。希望他会另觅地方东山再起吧。
继续阅读
之前帮衬过，味道都几好加上价钱合理所以再帮衬。发觉老板转了，上至老板，下至员工都是韩国人，之前都仲有落单阿姐识中文，老板连门口挂住休息中都唔知，好彩我一心想帮衬所以先轻推大门问系唔系开咗。虽然老板变咗，但系餐牌冇变，反而多咗lunch set 同rice ball，价钱合理，大概八十至一百。当然冇得同茶记比，但系正宗韩国餐厅呢个价钱一啲都唔贵。餐厅环境舒适，我情愿坐得舒服收我平啲好过整到好靓收贵我，反正地区餐厅。讲返食物质素，叫左大酱汤，泡菜炒饭同辣牛肉汤饭。泡菜炒饭系一流，炒得均匀，每粒饭都有泡菜汁，绝对唔求其。牛肉汤饭就少啲牛肉，但系汤嘅味道唔错。想食正宗韩国嘢又唔想咁贵，呢间绝对值得推介。下次会再试佢嘅烧牛肉，之前食过都几正，性价比高。希望多啲人支持下呢啲小店。
继续阅读
因为同朋友晚上大约9点做完野，纯粹睇吓附近有咩未关门就去食 误打误撞入左呢间，应该系韩国老板都好好人，我哋本身拣咗张二人枱坐，佢哋叫我哋坐张大台舒服啲员工都非常之友善，又会推介我们有什么美食我哋随心点左三样，一致都觉得有惊喜，色香味俱全我自己就最钟意无骨半半炸鸡（亦都系员工推介） 因为香口 ，炸得都好松脆👍🏻👍🏻（佢地应该收十点， 所以佢都快快手唔好阻住佢地收工） 下次会再嚟试其他食物🥘 埋单先$368，比起出面一定五百蚊冇走鸡
继续阅读
今晚一人食咗个抄年糕拉面，酱汁够浓，年糕烟烟韧韧，本身以为真系抄，但系上菜时系酱汁铺面，年糕拉面和酱汁一起食，好好味！$98元不加一！因之前食过石头拌饭，好好味，所以再去，一人饭堂坐得舒服自在！服务人员有礼，不过点菜要揾其他服务员，如想练韩文可找老板落单！餐牌有图可以逐个点都不用担心我睇佢唔系好识广东话，因结帐时佢说多谢都系说韩文！但好有礼貌！
继续阅读
前几日同朋友一家大细在新蒲岗觅食，见到康强街小巴站有间韩国料理睇落环境干净企理，而且刚好有位，即兴入去试下啦。坐落点好餐冇耐，老板娘（韩国人唔识讲英文）亲自送上来一碟碟小菜，一数竟然有九样，每碟都摆盘精致得令人感动。后来埋单才知道小菜全部免费，太让我地惊喜啦。我地每人点咗喜欢的菜肴，食完都舔舔脷话好好味（挂住食唔记得影相），有种在韩国人屋企里用膳那种家的味道。临走时老板送比小朋友口香糖，攀谈几句原来他们夫妻刚刚顶手这间餐厅，上手经营得唔理想，佢地要扭转客户印象唯有用心从细节，卫生，口味各方面做好。短短用餐一个钟可以感受到佢地的用心，新蒲岗就得一间韩国料理，梗喺要多d返黎帮衬支持下佢地啦。
继续阅读