影片
以上资料只供参考，请与餐厅确认详情
每次经过はま寿司都见到劲多人等位，星期日下午两点几时间，行过见到唔多人等位，就揿飞去试吓。店入面好光鲜干净，同寿司郎一样用平板点餐。因为唔知会唔会帮衬第二次，一口气点咗15款寿司、饮品同甜品。佢嘅款式系多，但食物质素方面好坏参半。我点咗下面嘅菜式：海胆三文鱼子军舰 $17呢个真系觉得正，佢个海胆够新鲜，冇腥臭未，配搭三文鱼子食落好有惊喜。原条穴子 $36好大条嘅穴子，所以我地两个人要一条share。味道属正常。特大天然赤虾 $17虾肉够新鲜，肉质弹牙，size亦比佢其他菜式正常，唔系得半只咁吓人。鲜虾天妇罗 $12同样系正常嘢，外皮够脆，虾肉都系爽脆，有扼人。明太子沙律 仿皇帝蟹柳 $12食唔出有明太子嘅味道，完全比沙律酱嘅味道覆盖哂。佢嘅仿蟹肉有啲湿，口感一Pat嘢咁。北海道大生帆立贝 $22我谂住有个大字，只带子系好大只，估唔到系细细只一粒仔，我要少饭啫，冇理由连粒带子都缩水🤣。吞拿鱼沙律军舰 $12呢个因为图片数量限制就唔出相，反正我唔堆介食。佢个吞拿鱼沙律好似一笃嘢咁，食落口系一堆浆咁，我觉得系呢餐最差嘅一款寿司。松叶蟹肉蟹膏军舰 $17呢个有惊喜，佢个蟹肉配蟹膏真心觉得好味，味道好flesh，值得一试。炙烧芝士沙律酱玉子 $12佢个配搭得几好，玉子好软熟，加上芝士沙律酱，刺激味蕾。香脆薯条 $12炸得都好脆，虽然啲薯条幼咗少少，但都自唔错。炸鸡2件 $12因为照片数限制，我选择唔出呢张相，因为连我呢个「鸡人」都觉徥唔太好食，幸好只系叫咗两粒。我唔太喜欢嘅理由系佢有鸡皮之余仲要劲肥腻，我咁钟意食鸡皮，都唔太顶得顺佢果个口感。大切三文鱼 $17又一个比佢个「大」字扼左，讲横切面系稍大少少，可惜系切得太薄，薄到冇乜口感，件三文鱼系新鲜，但我真系唔知系咪因为要少饭，连件刺身都要缩水。和风粟子蒙布朗 $17我向来唔食粟子嘢，我都系试下，但有惊喜嘅系，佢个粟子味好香好突出，同一般西饼店果啲苦苦臭臭完全唔同。可能会有人觉得偏甜，但唔甜就唔叫甜品。和风芭菲 $29嚟到最后一件甜品，和风芭菲个味道系标准嘅日式味道，佢个抹茶雪糕嘅味道都够浓郁，$29蚊完全系合格。威士忌梳打 $27呢个就真心冇乜特别，味道偏淡，威士忌嘅味道都唔算太出，如果想饮酒的话，宁可贵少少饮清酒🍶。总括嚟讲系，有啲菜式系唔太差，刺身系新鲜，只不过系太薄切，同埋价钱系比寿司郎平少少，我哋叫咁多嘢埋单$383，加上有啲系要叫两碟，呢个价都唔太过份，佢款式亦算多，如果见到冇乜人又想食下日本嘢嘅话，都可以试吓。
继续阅读
#猪同鸭讲 #Pig2duck▫️🔍 Hama Sushi #はま寿司📍 香港将军澳坑口重华路8号东港城2楼223及225号舖▫️📝 ★★★★☆ 👍▫️▪️▪️▪️▪️▪️▪️▪️▪️▪️▪️🍣日本过江龙平民寿司店，价钱相宜💰▪️▪️▪️▪️▪️▪️▪️▪️▪️▪️▫️【 大切吞拿鱼腩 】HK$12 🐟 吞拿鱼腩油脂唔算丰富，食落带点微酸，吞拿鱼味突出▫️【 真鳕白子军舰 】HK$17㊙️ 白子即系精巢，接受到先好叫呀，滑捋捋，味道偏淡▫️【 炙烧焦糖三文鱼腩 】HK$12👍🤩 超好食，三文鱼腩油脂味好香，鱼油味非常突出，配埋焦糖一流！推荐‼️▫️【 蔬菜天妇罗 】HK$12🥬 完全唔似食紧蔬菜天妇罗，炸到脆卜卜▫️【 酱烧日本鲷鱼 】HK$17🐟 鲷鱼口感弹牙，比三文鱼烟靭，但味道鲜甜，鱼味浓郁▫️【 炸鸡胸软骨 】HK$12🐓 炸鸡软骨，外脆内软软骨脆卜卜！好啱送酒🍻▫️【 朱古力芭菲 】HK$29🍨 一大球云呢拿雪糕系面，有啲Brownies🍫﹑粟米片﹑忌廉同朱古力酱🍦😈 非常邪恶，完美地为今餐落幕 🈵😌▫️▫️完！▫️▫️▫️
继续阅读
服务态度一般，如果有出去试过几间就会有比较所有寿司鱼生都系好薄，普普通通主要好奇怪嘅系中拖罗同大拖罗嘅颜色，好红（同食开x气，xx郎唔同）口唔系好敢食。食个中拖罗，觉得质地好似擦胶咁，麻麻哋，跟住试嗌大拖罗，👉🏻结果系两块中拖罗嘅薄鱼生放埋一齐就叫大拖罗呢样嘢真系好惊吓🙀(图片右下角）拖罗蓉寿司，质地好似未解冻完好几款寿司尤其是军舰的寿司，未包实就上碟，落到枱散晒嗌咗碗豚肉加量版来的时候得1块豚肉👍🏻好犀利咁都得（唔知系出错定系赶收工，都等咗好耐）本身谂住投诉，不过都已经食到好晏，前面啲嘢食都好失望，唔想有纠缠。试完唔会再返转头
继续阅读
新店开张每日都好多人排队，等位咁岩系超市门口，好似阻住条街咁，寿司质素一般，寿司饭松散较酸，而且份量细，鱼生非常薄同细。餐厅干净企理，一人一部点餐ipad,适合一人用餐，用餐位置唔算好迫。
继续阅读
呢间寿司店系Sukiyaki牛肉饭同一个集团旗下，但个人认为就冇牛肉饭做得咁出色。入到去见价钱唔贵，仲平过寿司郎。但真系一分钱一分货，叫一碟$12嘅寿司唔好太大期望。叫$17、$22、$27价位嘅，就真系靓啲好食啲。$17 嘅大切三文鱼，比起$12碟嘅靓好多。$27嘅中拖罗（两块鱼、一旧饭）呢碟唔记得几钱，最下面系吞拿鱼蓉。上面系两款吞拿鱼；如果$12碟两件嘅，就系咁嘅货色。我地坐卡位，就唔系太逼。店内环境光猛，都坐得舒服。不过卫生就唔算非常好，入座时座位上面有食物碎。
继续阅读