HalloLand釣蝦場

復活節諗啲活動同屋企人一齊玩，由於夏天已經開始好熱，父母年紀有大，聽朋友講觀塘有間釣蝦，又有冷氣，空間寬敞，大人細路都適合去玩，所以致電之後就book場。就算打電話嘅時候問好多問題，聽電話嘅同事都好詳細同埋好耐心咁樣解釋，就算最尾只係四個人book場1小時，最尾大家都滿載而歸，唔單止玩得開心，連啲蝦都好好食，手掌咁大隻。另外復活節嘅活動如果釣蝦有彩色絲帶，可以參加遊戲，我哋仲贏咗現金券，準備下次再全家一齊去玩，總括而言，釣蝦要有少少運氣，但係唔會釣唔到，如果未試過嘅人可以試一個鐘先，相信大家都會樂而忘返。…查看更多

第一次去釣蝦，工作人員好詳細解釋點釣蝦，雖然我最後只係釣到3隻，但係有包底送多幾隻蝦。一開始會俾啲細蝦仔俾你做餌，不過我覺得好難穿啲蝦仔喺個勾度。價錢唔算平，因為平時冇咩機會釣蝦，所以可以值得一試。如果太耐釣唔到蝦，工作人員會不時倒啲蝦落水增加釣蝦嘅機會。仲有，玩緊嗰陣有播背景音樂，多數係啲近期好hit嘅韓文歌，成個氣氛都唔錯! 釣完蝦之後，工作人員仲會即時燒蝦，啲蝦熱辣辣，都幾大隻，鹹鹹地幾好食! …查看更多

本人係香港釣過幾次，每一次都唔同店舖。去咁多間，雖然自己嘅技術唔係話高超，但係都會感受到個遊戲體驗。但依一間真係完全令我非常之失望。首先，環境裝修一般，根本本身係喺KKday 用買一送一優惠去搵到依一間釣蝦場。諗住兩個人兩個鐘試吓輕鬆吓。 地點係觀塘工業大廈，富泰大裝修我都覺得還好，都接受到的。咁我同朋友係第一次釣蝦，工作人員都有用心去同我朋友解釋釣蝦嘅注意地方，同埋點樣先可以釣到蝦。咁成個過程 頭一個鐘，我哋係冇蝦上釣，咁我都唔係冇試過去其他地方調嘅時候第一個鐘一隻蝦都冇，其實都好過運氣同埋技術。 但係慢慢，我哋發覺，同一個釣蝦池裏面嘅人，釣到蝦嘅數目係少之有少。 甚至一啲，自己帶設備嘅高手嚟釣蝦 好多時候喺其他釣蝦場見到，佢哋都可能兩三分鐘就會釣到一隻。 而我喺呢一個釣蝦場，所有人成功釣蝦嘅比率係十分之低。就算一個鐘頭之後場主咗新蝦，但係可能都係頭5分鐘有少量客人釣到一兩隻。之後我哋發現，啲蝦係唔會食你嘅餌，就算你feel到隻蝦拉扯，隻蝦多數都係經過，完全對你嘅蝦餌冇興趣。成件事我同我朋友覺得最呃人嘅係，就算有一啲客人釣上嚟嘅蝦，係唔識反抗的。一啲跳躍反應都冇，可以就咁樣擺喺枱面，啲蝦郁都唔郁。咁我哋最後尾用咗勾佢哋嘅方法，兩個人一共成功獲取到三隻蝦。 不過場主都好好嘅，知我哋得三隻會另外有保底嘅蝦俾我哋。咁我哋參與嘅時間係夜晚9:00開始，我哋等咗差唔多15至20分鐘先有位入去。所以完結嘅時間都差唔多11點半，冇等到佢哋嘅鹽焗方法就咁攞生蝦走。而佢哋比我哋嘅生蝦，拎走嘅時候都係郁都唔郁。咁我唔知其他參與嘅人下係咪都係咁樣經歷，定係我係個別例子，咁啱佢嗰日太多人釣蝦，有啲蝦可能水裏面太凍全部暈晒，未夠時間整醒佢哋。但係我唔會再去第二次，如果唔係買一送一，我會更加嬲。…查看更多

假日一行3人去釣蝦，Join KKday 每位$188 玩2小時及包底8隻蝦，Book左3:00-5:00，一於玩下，位於觀塘工廈的場，位置都幾方便。收費表。釣蝦工具。店子空間寬敞，有兩個池，還有食野的位子。每隔一小時間職員就會加蝦，池中有彩帶蝦釣可抽獎。第一次釣蝦，每人一支蝦竿及蝦餌，店員講解下釣蝦教學，之後就開始了。浮標要直立在水面，蝦上釣時個浮標會下沉，先輕輕力拉再過幾秒拉佢上來。蝦米要去頭尾之後勾上來。友人唔夠5分鐘即釣到一隻(無心插柳之下)wwww。等好耐都未釣到....見在場有高手即聽下佢地嘅對話，最好係陰暗同多泡泡的位。而我...只釣到1隻 T_T。唔經唔覺2小時夠鐘，職員來收野同燒蝦，即燒即食，用餐時間不另收費，好彩每人包底有8隻，唔係就.......鹽燒蝦，算大隻，味道正常幾有風味。有得食又有得玩都幾正。觀塘巧明街116-118號萬年工業大廈4樓A室…查看更多

星期日出面落住滂沱大雨，最啱去啲室內場玩。最近數個釣蝦場興起，週日5:00PM黎到觀塘呢個場，人流頗多，差唔多全滿。好多一家大細或者成班朋友嚟玩。感覺係一個唔錯消遣活動，仲有專人幫你燒蝦食。$140 up每枝竿，是日玩咗兩個鐘，每人$240。玩嘅時間愈長，平均價錢愈抵。講吓體驗先，初次嚟玩職員會先講解下點釣，不過唔夠詳細，都係要靠自己試/望下其他人先😂是日被安排坐角落頭，發現似乎有啲蝦會靠近牆邊游。自己技術麻麻，過咗一個鐘先得1-2隻。職員fill嘅量唔多，過咗頭果浸比人釣晒就要白等🥹🥹最後2個人加埋先得6隻。。。唔使太灰心住嘅，因為最後職員會按返人頭比多幾隻你，滿足感大增就咁鹽燒，點豉油已經好好味，可能係辛苦釣返嚟嘅關係，會特別好食，但有幾隻唔太新鮮，扣緊啲分。…查看更多

春天是個好佳節，然而被落雨摧毀了我嘅計劃囉！唔想被春天梅雨季節影響行程，不如玩啲室內活動啦。想有得玩又有得食嘅室內活動，點少得去釣蝦場呢？今次我哋嚟到觀塘嘅HalloLand釣蝦場，挑戰一吓自己嘅釣蝦技術啦！

HalloLand釣蝦場非常寬敞，而且環境乾淨企理，重點係大家都有指定分隔空間，唔會太迫挾。HalloLand釣蝦場以每小時收費計算，壽星同學生仲會有優惠添，釣蝦場另提供夜貓子優惠時段，所有收費都已經包一枝釣竿同一盤蝦餌添！
釣蝦區
作為釣蝦嘅初哥，HalloLand釣蝦場嘅職員非常細心介紹釣蝦嘅技巧，例如蝦係需氧量好高嘅生物，所以近打氣機嘅區域，就會見到充滿活力嘅鮮蝦，當確認蝦食餌之後，就可以將釣竿垂直往上拉起。如果幸運釣到帶有絲帶嘅蝦，仲會有唔同嘅獎勵添！
但講到釣蝦嘅必殺技，其實就係耐性，而作為第一次釣蝦，估唔到每人都釣到5-6隻，好有成功感呀！另外，每隔一段時間，職員就會加啲新嘅蝦落池，確保蝦池內嘅蝦新鮮同充滿活力。我哋仲釣到一隻帶有粉紅色絲帶嘅蝦，可以轉一次幸運輪呀！
餐飲區
釣完之後，職員就會過嚟點算蝦嘅數量再拎去烹調，我哋只需要坐喺度等食就得喇！如果釣唔到亦唔洗失望，因為職員已貼心預備一定份量嘅蝦俾你品嘗。即釣即燒嘅鹽焗蝦，好香呀！蝦肉非常新鮮彈牙，用少少鹽提鮮已經好夠味，加上大頭蝦嘅蝦膏勁多，非常鮮甜，加上又係親手釣，所以別具風味！…查看更多

Recently, on Openrice's social media page, they featured a few places in Hong Kong that offer indoor shrimp fishing. I had no idea this existed. So, I chose one called Halloland from the several they featured as it was new. New would mean more hygenic? Right? At least that was my hope. We booked a time slot and went to give it a try. We found that booking during a weekday afternoon was far easier as weekends are fully booked out. The place was located inside an industrial building that was right near APM so it was easy to find. Ringing the bell, they let you in. And inside was a whole other world.Prices are listed in Chinese only. There was no English but it was easy to decipher. One hour is $140, two hours was  $240, etc. There is no service charge as you are just using their facilities. It was suggested we do two hours so we did.They also offer group party bookings.On the walls are rules of conduct as well as tips and tricks. Also, in Chinese. But not to  worry. The staff do explain to you what to do and teach you how to catch shrimp for beginners.There is also a poster where it says some shrimp will have a ribbon tied on it. If you catch that, you get a special prize.There are two large pools. This is where you catch the shrimp. They will bring you to your station.The other side is a dine in area where you can rest and eat your catch where they will cook it for you.Drinks are also available for purchase. Because I discovered shrimp fishing is exhausting.A spin the wheel is on one wall. One of the ribbons gets you a free spin on this to see what prize you get.They also have a claw machine (also won if you get a shrimp with a colored ribbon). There is also professional fishing tackle and poles if you don't want to use their free ones. Otherwise, you use their free poles. Each person gets a pole along with a plate with mini shrimp, tweezers, a wet towel and a hanging net to store your catch.The mini shrimp was actually the bait! I had no idea shrimp ate themselves. It was a bit ironic.The staff taught us to pluck off the tail and head. Only use the body part to the hook. Don't make it too big because the shrimp can't bite into it. There are two hooks available on each pole along with a double float pole bouy. When you see the bouy sink, that means a shrimp has taken a  bite. Be patient  and tap your wrist slightly to ensure it's truely hooked on. Then drag it forth and remove it from the hook an into your net for storage.So, did we catch anything? Is this all a scam? Was I so terrible? Because we did see others catching plenty of shrimp.  I can proudly say we caught one after one hour! Hip hip hooray!Then after into our second hour, we caught another! This one was bigger and had a mysterious pink ribbon tied to it's foot! We had apparently won  a prize! Something I honestly didn't think was possible as I always believe in scams. But this was true! Apparenlty, I won a free bottle drink.Here's our catch!And as they stated, everyone gets at least 6 shrimp per person. So they filled the colander with a total of 12 shrimp. You can bring your catch home or have them cook it for you. We cooked it so we eat there.The staff cleaned them up, heavily seasoned with salt and sandwiched them between a grill rack. Popped it into a broiler and they cooked away for a set time.They have several sauces to choose from for dipping along with plates and paper towels. A sink is also available for handwashing.And then they were cooked! Absolutely delicious!A lot of fun that even beginners can do. We saw someone even bring their child as well. The place is fairly clean. They do refill with more shrimp every hour and we found that to be the easiest time to catch shrimp. Definitely fun for everyone.…查看更多

話時話😂釣蝦場都興咗一排，我都好似冇乜去過，今次趁着個仔返咗學，兩公婆去一次試吓水溫先，下次可以帶埋個仔嚟，重點係要試吓易唔易釣先🤣🤣🤣環境都算闊落，我哋2:00嘅鐘數就冇乜人，跟住到開始多人，負責人好細心教你點樣釣🦐點樣放🦐入籃，最正係好容易釣，爸爸釣咗一陣間就已經有三隻🤩🤩原來佢哋一個鐘頭會放一次蝦落去，咁你就一定會釣到啦😂😂最終兩公婆釣到十幾隻🤩🤩之後即刻拎去燒，大約20分鐘到就食得，即釣即燒，果然係唔同啲，特別鮮甜，仲要多膏，調味都唔使落啖啖肉好食下次可以帶埋個仔嚟玩吓👍👍…查看更多

天氣越來越熱，匿係室內釣蝦不失為一個好選擇🤭Halloland係全港最大釣蝦場，距離觀塘港鐵站只有5分鐘步程，位置十分方便。場內有兩個大池，環境闊落舒適，唔會同其他人迫埋一齊，另職員每小時更會refill一大桶蝦落水池，確保蝦量充足。付款後職員會帶客人前往指定座位，並向新手細心講解玩法及注意事項。釣咗2小時，共釣獲8隻蝦，其中一隻更掛有銀色絲帶，可額外獲得獎勵，真係好lucky，以新手來講已好滿意🤭但對場内釣蝦高手而言，8隻蝦可能太少，所以額外將蝦贈予我哋🥰釣獲嘅蝦可選擇堂食或帶走，如選擇堂食，職員會將蝦免費加工，以粗鹽烤熟，另若客人收獲不多，職員更會額外送贈，務求令客人有得玩又有得食😌蝦肉鹽燒後，肉質鮮味彈牙且帶少少鹽香，而且更有好多蝦膏，確係正👍🏻…查看更多

今日同老公放假，要來一個充實嘅親子日， 我哋去咗觀塘工廈玩釣蝦貪佢係室內活動，唔洗曬，又唔使怕落雨，更加唔使怕阿女會畀蚊釘蟲咬。釣蝦嘅時間真係過得好快，我哋揀咗兩個鐘都覺得有啲未夠喉，在此逗留一整天不是難事。職員會按購買時數計算釣蝦時間，但不會把其後燒蝦及吃蝦的時間算在內。繳付費用之後，職員就每人俾咗一份餌及一支竿我地，並講解點釣。 原來蝦餌係超細隻嘅蝦仔，好可愛唷。我哋好快就釣到第一隻蝦，池內蝦嘅品種係泰國各種大頭蝦，有鉗，好大隻。將釣到嘅蝦放入網養住先， 完結之後職員會一次過收起點數，然後烹調。場內地方好大，設有自助燒烤區，小休梳化區，遊戲機，兩個蝦池，適合團體包場，家庭聚會，舉辦party，情侶拍拖，朋友活動！越晏越多人，當有人釣到蝦嘅時候，當時人一般都會興奮到尖叫，旁邊嘅客人亦都會話聲四起，好容易打成一片，氣氛超好。玩到口乾，場內有飲品提供購買。最後就係享用時間，職員將我哋嘅大頭蝦用咗鹽焗嘅方法烹調原汁原味，遠處亦聞到香噴噴。今日我同老公嘅戰績兩個鐘內釣到11隻！都算唔錯啦，啲蝦真係好大隻，好鮮甜，新鮮即食真係唔同啲。蝦頭超多膏，好鬼正！！！！…查看更多

今日朋友放假二人無聊學人走去玩釣蝦，不講不知，原來在台灣已經興起多年，而我都是近來才知道香港已也有釣蝦場。這次來到「HalloLand釣蝦場」，位於觀塘巧明街116-118號萬年工業大廈4樓A室，位置方便，搭巴士同港鐵都可5分鐘內到達。釣蝦場有2個大池，收費由1小時$140起已包魚竿及蝦糧，入場前先決定玩樂時間，付款後就可以釣蝦啦，我們決定玩2小時，挑戰一下！初體驗的我們，有職員細心解說玩法及過程，一路釣蝦，一邊聽歌及與友輕談，超療癒，輕輕鬆鬆就過2小時，哈哈哈哈！不小心被我釣到了5隻大蝦，感覺良好。時間到了，職員會前來幫你收成果，雖然不多，但職員會即場幫客人烤蝦，大約等待15分鐘，即烤即食，勁鮮美！…查看更多

[ HalloLand釣蝦場 ]平時介紹唔少觀塘嘅美食，今次嚟到位於APM附近嘅萬年工廈搵野玩吓，原來有個室內嘅釣蝦場，環境闊落，有2大個釣蝦池，仲要有得玩又有得食👀👀✿ 一小時 $140 (每支竿計算)兩小時 $240三小時 $330四小時 $400後續每小時 $100今次同朋友揀咗玩2小時，一去到店員會簡單介紹釣蝦方法，1️⃣先將蝦餌去頭去尾，再穿落鈎中🪝2️⃣然後放竿於水中，觀察浮標☸️3️⃣當浮標下沉2-4秒，呢個時候就可以抽竿啦🔺🔺聽落好似好簡單，但實際操作都唔容易呀🤣🤣同朋友作為新手，開頭玩真喺會有d擔心食白果，好彩最後2人合共釣到6隻大頭蝦🦐🦐釣完之後店員仲會問你想即場食/拎翻屋企。玩到餓餓地，緊喺食埋d戰利品先走😝由於我地釣嘅數量比較少，店員都會俾多d蝦嘅份量我地食，唔洗驚唔夠飽啦！食用方法可以選擇清蒸或者鹽燒，我地揀咗鹽燒。每隻大頭蝦都好大隻，蝦頭有好多膏，即釣即燒特別鮮甜，基本上唔需要額外調味，但店家都有提供各式各樣嘅醬料。總結🫦比一個價錢有得玩又有得食，啱哂約埋朋友或者拍拖嚟玩，釣到蝦果吓真喺好有成功感！另外仲設夜貓子時段，營業至凌晨兩點，食完飯先嚟玩都得。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿HalloLand釣蝦場地址: 觀塘巧明街116-118號萬年工業大廈4樓A室電話: 35652198✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多

🐝halloland釣蝦場🐝#bee11foodie觀塘༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶今日朋友約咗我去觀塘嘅釣蝦場💗個地方環境好靚，令人心情好嘅感覺。嗰度嘅店員好友善地介紹場地設施同規矩，仲俾咗釣竿同蝦餌俾我👍🏻，教埋我哋點樣釣，新手都唔驚唔識！我下釣竿嘅時候覺得好有趣呀。我捉到嘅蝦子放喺籠裏面，好滿足同開心🥳🤓🤓整個釣蝦體驗係好愉快同放鬆嘅，令人好享受呀。不論係同家人一齊定係同朋友一齊，呢個活動都值得一試，享受釣蝦嘅樂趣😋😋釣完之後仲有得自己食返自己釣左嘅蝦，佢哋嘅蝦真係好好食，新鮮，肉質鮮嫩，口感好好。佢哋嘅蝦都好大隻，一咬落去就好滿足，味道亦都好好，有淡淡嘅甜味，唔需要太多調味就已經好好食🤓🤓❤️…查看更多

觀塘室內釣蝦場🦐一直好期待去釣蝦😚，今次就去左觀塘工廈的室內釣蝦場！室內場啱晒我呢啲怕日曬雨淋的人😆。個釣蝦場都幾大，有2個釣蝦池，1個進食區。我平日傍晚時間到訪，人流唔算太多，開放左個細池，細釣蝦池劃分好左個位，唔會同隔離太近👍🏻。一入去職員會先教你釣蝦概點釣同技巧，跟住就可以開始釣。場地會提供魚桿，蝦毛（餌），鉗和濕紙巾。都算幾多蝦上釣，不過蝦都好聰明，好容易俾佢走甩咗，我估我都有走甩咗大概3成的蝦😂，未掌握釣實佢的技巧。同埋d蝦係比較肥大而且有鉗，唔係平時酒樓白灼蝦嗰種。而且職員都會不時加蝦落去，增加上釣的機會，我2個鐘都見到3次倒蝦，倒完蝦個刻係最易釣到😆。有d蝦條尾會有絲帶🎀，代表你中咗獎，可以抽夾公仔機會，幸運轉盤，飲品，同埋其他優惠～有得釣之餘，仲有得抽獎！以為2個鐘夠晒玩😌點知唔捨得走，所以千祈唔好揀一個鐘，會唔夠喉。2個鐘係釣蝦時間，之後你可以慢慢食蝦～工作人員會幫你先洗一洗啲蝦，再用粗鹽焗熟啲蝦。今次我哋2個人2個鐘，釣左22隻蝦，好開心🥳，如果我哋技巧好啲，應該會有30隻！即釣即煮真係好新鮮，啲蝦肉好結實，唔使用咩調味料，都已經好鮮甜！如果你鍾意，場地都有提供調味料：豉油、麻油、沙律醬、辣椒醬等。…查看更多

今日好期待咁去玩人生第一次釣蝦朋友揀既呢個室內釣蝦場位於觀塘, 都幾近地鐵站, 交通都方便既.....一入到去就見到2個大大個既釣蝦池~~環境都幾大幾乾淨......我地揀左玩2HRS, $240/人.....俾完錢就可以玩喇~~ 每人包一枝釣竿同埋蝦餌....如果想專業D仲可以即場買私家釣蝦用具添~~~因為我地係新手, 所以職員都會先教我地一D釣蝦既基本技巧....識左之後就開始自由釣啦~~~唔知係咪我廢......等左好耐都冇蝦上釣... 真失敗!!!最後2個鐘裏面釣左2隻蝦咋....sosad不過係現場都見到有高手係咁釣到, 真係要求釣蝦技巧先得釣完蝦就可以去另一邊餐飲區食返自己既收穫~~~ 職員會幫忙整鹽焗蝦....好彩就算好似我玩得咁屎都有安慰獎......釣唔到蝦但每人都有6隻蝦食補底~~新鮮出爐既蝦好香丫!!大頭蝦好多膏, 大大隻啖啖肉現場仲有多款調味料揀添....場內亦都有遊戲玩可以贏獎品~~~…查看更多