影片
港铁观塘站 B2 出口, 步行约4分钟
继续阅读
电话号码
35652198
营业时间
今日营业
13:00 - 01:00
星期一至五
14:00 - 00:00
星期六
13:00 - 01:00
星期日
13:00 - 00:00
以上资料只供参考，请与餐厅确认详情
相关文章
复活节谂啲活动同屋企人一齐玩，由于夏天已经开始好热，父母年纪有大，听朋友讲观塘有间钓虾，又有冷气，空间宽敞，大人细路都适合去玩，所以致电之后就book场。就算打电话嘅时候问好多问题，听电话嘅同事都好详细同埋好耐心咁样解释，就算最尾只系四个人book场1小时，最尾大家都满载而归，唔单止玩得开心，连啲虾都好好食，手掌咁大只。另外复活节嘅活动如果钓虾有彩色丝带，可以参加游戏，我哋仲赢咗现金券，准备下次再全家一齐去玩，总括而言，钓虾要有少少运气，但系唔会钓唔到，如果未试过嘅人可以试一个钟先，相信大家都会乐而忘返。
继续阅读
第一次去钓虾，工作人员好详细解释点钓虾，虽然我最后只系钓到3只，但系有包底送多几只虾。一开始会俾啲细虾仔俾你做饵，不过我觉得好难穿啲虾仔喺个勾度。价钱唔算平，因为平时冇咩机会钓虾，所以可以值得一试。如果太耐钓唔到虾，工作人员会不时倒啲虾落水增加钓虾嘅机会。仲有，玩紧𠮶阵有播背景音乐，多数系啲近期好hit嘅韩文歌，成个气氛都唔错! 钓完虾之后，工作人员仲会即时烧虾，啲虾热辣辣，都几大只，咸咸地几好食!
继续阅读
本人系香港钓过几次，每一次都唔同店舖。去咁多间，虽然自己嘅技术唔系话高超，但系都会感受到个游戏体验。但依一间真系完全令我非常之失望。首先，环境装修一般，根本本身系喺KKday 用买一送一优惠去揾到依一间钓虾场。谂住两个人两个钟试吓轻松吓。 地点系观塘工业大厦，富泰大装修我都觉得还好，都接受到的。咁我同朋友系第一次钓虾，工作人员都有用心去同我朋友解释钓虾嘅注意地方，同埋点样先可以钓到虾。咁成个过程 头一个钟，我哋系冇虾上钓，咁我都唔系冇试过去其他地方调嘅时候第一个钟一只虾都冇，其实都好过运气同埋技术。 但系慢慢，我哋发觉，同一个钓虾池里面嘅人，钓到虾嘅数目系少之有少。 甚至一啲，自己带设备嘅高手嚟钓虾 好多时候喺其他钓虾场见到，佢哋都可能两三分钟就会钓到一只。 而我喺呢一个钓虾场，所有人成功钓虾嘅比率系十分之低。就算一个钟头之后场主咗新虾，但系可能都系头5分钟有少量客人钓到一两只。之后我哋发现，啲虾系唔会食你嘅饵，就算你feel到只虾拉扯，只虾多数都系经过，完全对你嘅虾饵冇兴趣。成件事我同我朋友觉得最呃人嘅系，就算有一啲客人钓上嚟嘅虾，系唔识反抗的。一啲跳跃反应都冇，可以就咁样摆喺枱面，啲虾郁都唔郁。咁我哋最后尾用咗勾佢哋嘅方法，两个人一共成功获取到三只虾。 不过场主都好好嘅，知我哋得三只会另外有保底嘅虾俾我哋。咁我哋参与嘅时间系夜晚9:00开始，我哋等咗差唔多15至20分钟先有位入去。所以完结嘅时间都差唔多11点半，冇等到佢哋嘅盐焗方法就咁攞生虾走。而佢哋比我哋嘅生虾，拎走嘅时候都系郁都唔郁。咁我唔知其他参与嘅人下系咪都系咁样经历，定系我系个别例子，咁啱佢𠮶日太多人钓虾，有啲虾可能水里面太冻全部晕晒，未够时间整醒佢哋。但系我唔会再去第二次，如果唔系买一送一，我会更加嬲。
继续阅读
假日一行3人去钓虾，Join KKday 每位$188 玩2小时及包底8只虾，Book左3:00-5:00，一于玩下，位于观塘工厦的场，位置都几方便。收费表。钓虾工具。店子空间宽敞，有两个池，还有食野的位子。每隔一小时间职员就会加虾，池中有彩带虾钓可抽奖。第一次钓虾，每人一支虾竿及虾饵，店员讲解下钓虾教学，之后就开始了。浮标要直立在水面，虾上钓时个浮标会下沉，先轻轻力拉再过几秒拉佢上来。虾米要去头尾之后勾上来。友人唔够5分钟即钓到一只(无心插柳之下)wwww。等好耐都未钓到....见在场有高手即听下佢地嘅对话，最好系阴暗同多泡泡的位。而我...只钓到1只 T_T。唔经唔觉2小时够钟，职员来收野同烧虾，即烧即食，用餐时间不另收费，好彩每人包底有8只，唔系就.......盐烧虾，算大只，味道正常几有风味。有得食又有得玩都几正。观塘巧明街116-118号万年工业大厦4楼A室
继续阅读
星期日出面落住滂沱大雨，最啱去啲室内场玩。最近数个钓虾场兴起，周日5:00PM黎到观塘呢个场，人流颇多，差唔多全满。好多一家大细或者成班朋友嚟玩。感觉系一个唔错消遣活动，仲有专人帮你烧虾食。$140 up每枝竿，是日玩咗两个钟，每人$240。玩嘅时间愈长，平均价钱愈抵。讲吓体验先，初次嚟玩职员会先讲解下点钓，不过唔够详细，都系要靠自己试/望下其他人先😂是日被安排坐角落头，发现似乎有啲虾会靠近墙边游。自己技术麻麻，过咗一个钟先得1-2只。职员fill嘅量唔多，过咗头果浸比人钓晒就要白等🥹🥹最后2个人加埋先得6只。。。唔使太灰心住嘅，因为最后职员会按返人头比多几只你，满足感大增就咁盐烧，点豉油已经好好味，可能系辛苦钓返嚟嘅关系，会特别好食，但有几只唔太新鲜，扣紧啲分。
继续阅读