Hakuna Matata (已結業)

我一直都有间唔中帮衬hukana，最近一次自己带盒去买咗个肉眼扒走饭全菜，返到屋企大叫左，哗！$68个餐，块扒大到呢！加埋全菜底，最后食唔晒，留左1/3块扒夜晚食。块扒好腍好够味，d菜系炒西兰花椰菜花，好够味。希望会再出哩个餐😁…查看更多

「Hakuna Matata」，识呢个字系因为丁满与彭彭，喺斯瓦希里语解释「没有问题」、「不用担心」，而鲗鱼涌就有两个男仔用咗呢个名开咗一间小店，虽然无靓装修，坐得又唔算特别舒服，但只要食过佢哋嘅嘢食，就知道点解有咁多人帮衬。餐牌会定时转换，成日都有新鲜感，每次都有三款精选午餐同一款商务精选餐，最平$48起，加$5仲可以有饮品，喺鲗鱼涌嚟讲真系好抵食。12个月风干火腿•法国牛肝菌黑松露菌意大利面 $58落单后店主即刻炮制，一煮就闻到香喷喷嘅黑松露香气。每一条意粉都沾满黑松露酱，面层有几片带咸香嘅风干火腿，仲有青椒、红椒同鸭胸肉，好味又饱肚，值得一试嘅小店。红豆薏米水加$5就有饮品，呢款系佢哋自家煲制，好足料，好味又健康。餐牌…查看更多

咪睇鲗鱼涌好似净系商业区咁，再加少少旧楼，但其实隐藏着唔少好嘢食。今次食嘅呢一间小店，系后生仔经营嘅，每日都会换上唔同嘅餐牌，非常之有新鲜感。今日咁啱就叫咗呢一个蔬菜炖牛肋肉，用上一个迷你嘅铸铁锅，令到食物保持热辣辣嘅温度，而且每款蔬菜都炖煮得好淋，入口即化，汤头鲜甜，一入口都系蔬菜嘅清甜。牛肋肉肥瘦分明，同样吸收晒蔬菜嘅甜味之余，亦都炖得好软。整体来讲质素唔错，而且食得出好有心机煮，下次嚟都可以再试吓其他唔同款式嘅食物，希望同样都咁有惊喜！…查看更多

呢间店其实已经食过好几次，今日就同大家推介吓啦虽然喺大街，但店面唔太起眼，得大约十个位大部分系bar枱，所以比较岩一个人毒食／两三个人小聚墙上面痴满旅行相，望住食饭都特别relaxed～而重点系～lunch set 只系65蚊！！！！！呢个价钱系同区嚟讲，真系抵到烂主菜：樱花虾干龙虾浓汁意粉配蒜蓉扒虾＋蒜蓉牛油帆立贝讲吓个主菜啦～意粉软硬度煮得刚刚好汁嘅分量好够，可以均匀沾满每一条意粉最重要系龙虾浓汁超级鲜味！睇餐牌先知系用鲜虾虾壳熬成6个钟～可见佢地真系好有心做帆立贝爽口，冇腥味虾就系开边蒜蓉香煎～几香，食起嚟都好方便亦配埋清烚白椰菜、甘笋、白萝卜(平时食西餐真系好有咁多菜食，除非叫沙律)真系好欣赏佢地连健康呢点都照顾埋饮品系红豆薏米水，微甜，有成1/3杯系薏米嚟同友人一致认同呢度食物味道，好过唔少中高价位西餐厅证明只要有手艺，未必要用最靓最贵既食材，一样可以煮得好好食！ …查看更多

同朋友周围揾食，见呢间店评价唔错，决定一试。入到舖头，侧边有一排吧枱，地方小巧。坐低可以直接同店主落单。今次试左蕃茄炖牛肉饭（$65）旧牛大大旧，有3旧，炖得好淋，好好味，个汁就系一般蕃汁味，唔会太咸。配菜有椰菜，红萝卜，份量都几多。午餐连餐饮，叫左热红豆薏米水，有少少甜。呢排天气热，堂食，后面又煮紧野，门口又开又关，唔知有无开冷气，越食越热😅同埋有啲油烟味。…查看更多