影片
港铁鲗鱼涌站 A 出口, 步行约3分钟
继续阅读
营业时间
今日营业
11:00 - 19:00
星期一至六
11:00 - 19:00
星期日
全日休息
以上资料只供参考，请与餐厅确认详情
本身喺呢头做嘢，平时都系食开海光街啲食肆，点知今日公众假期全世界都唔开，揾嘢食揾到去巷仔，见到呢间小店竟然有开，咪入去试一试。一入到去嬲咗，坐咗几分钟都唔见有人出嚟，谂住走嘅时候，有位员工(可能系老板)拎住个餐走出嚟俾隔篱𠮶枱客，系咁同我讲唔好意思同埋问我想食咩，佢话呢啲Cafe仔小店真系一脚踢，咁我明白嘅。我问佢隔篱枱食紧𠮶兜咩嚟？佢话咩咩牛肩胛丼，我话是但啦就要呢个，快手食完返去做嘢。比完钱佢又入去煮咗10分钟左右，出到嚟个样OK精致，有只温泉蛋同埋有兜汁佢话系寿喜烧汁，我一野倒晒落去笃烂只蛋就食。唔知系咪将所有嘢捞埋一齐嘅关系，我竟然觉得呢兜嘢好好食，啲牛OK滑，个汁加埋个蛋好衬个牛，又可能系因为寿喜烧嘅嘢通常都好食。另外值得一赞嘅系，我谂住嚟食个快嘅，估唔到佢手饭竟然OK！食完我叫佢上埋杯latte，喺零期望之下竟然唔差，算系水准以上。饮完临走𠮶阵本来想同个妹妹倾两句，佢又继续喺厨房忙紧，咁我唯有走先，今日我真系冇时间等佢忙完，唯有留待下次。
继续阅读
三年前开始帮衬hahahappy.p东大街外卖店，由高质咖啡、自家制蛋糕发展到而家鲗鱼涌店有All day breakfast、意粉同埋日式丼饭，成班街坊都见证咗依间小店嘅暴风式成长🤣🤣其实今次系想写返一直以来嘅用餐经验..基本星期一至六佢嘅午市肯定坐爆晒劲多回头熟客因为依间小店同所有小店一样无论经营几实在困难店主都尽力做好每个餐同杯啡响商业区，大家真系好需要有间好食、饱肚性价比高嘅「饭堂」🥹🥹有时等耐少少大家都觉得ok而且店主亦都好好人有时啲客有唔同要求店主都尽力照顾到睇到店主一直嘅努力同客户对佢嘅肯定希望小店可以继续成长坚持落去啦咁我地就可以继续有个窝心敍脚happy point喇🤫
继续阅读
无意中发现咗呢间小店，lunch唔算好贵，不过嘢食要等30分钟先出到餐，劲耐，如果赶时间就不建议…….手脚劲慢，嘢食正常，家庭味道！🍴寿喜烧牛肩胛丼温泉蛋•迷你田园沙律•自家制巴斯克芝士蛋糕| 拿铁•热 $158要加温泉蛋，否则好斋，冇咩味，个沙律以为系菜，点知劲hea系海草，不要叫！啲牛肉劲干鞋口完冇乜味，全靠个劲少嘅寿喜烧汁吊味😂饭好多，感觉系自己煮嘅屋企味，健康但唔系好食！蛋糕劲细件，有芝士味都软滑，咖啡好普通比较淡冇咩咖啡香。推荐指数: 5/10手脚太慢，味道普通，支持小店可一试但唔太推荐。
继续阅读
今日约朋友去聚旧，之前试过筲箕湾店咖啡吾错，知道鲗鱼涌店有晚市，所以今晚试下。食物种类都几多，我拣左芝士汉堡牛丼饭，超大份😁，我食完D𩠌已经八成饱，最开心一切开汉堡D芝士不断流，😚照烧汁糸另上，啱哂我边食边加汁既人。朋友叫既鳗鱼乌冬都吾错，因为冇见到佢地食到骨。饮品同甜品加钱另配，我地叫左芝士蛋糕咖啡/桂花乌龙茶/巴斯克蛋糕🫢，最正糸老板见我地有小朋友，专登打开心果cream配蛋糕平行一下甜味，可惜餐厅环境太舒服，小朋友食饱乌冬瞓左。甜品落了大人的胃。😂老板之后问了我同朋友对食物意见，介绍一下食物之间甜度関糸，希望了解一下食物是否合适我们。🫡老板知我喜欢饮茶，亦推介几款茶比我地，感觉很贴心。最后卖関子话星期六帮衬会有惊喜，期待丫!🤔
继续阅读
嬲到要开个account 写劣评12:46分落order, 声称等10至15分钟就有，结果足足等咗45分钟，13:33先攞到个餐。之前食过几次感觉都唔错，但系出餐慢，估唔到今日慢到想像唔到。12:50见情势唔对，转做外卖。对上一单明明只系早我1分钟落单，食同样既嘢，13:20攞餐，但系我仲要等多10几分钟先有。厨房做嘢既人，唔知点解成日行出嚟攞纸巾，刀叉匙羹etc，之后又行返入厨房。乜呢啲嘢唔可以放定喺厨房备用既咩？唔怪之得出餐咁慢啦。仲有一幕，就系厨房员工用手移动喺地下既门挡，用脚踢一踢门挡，再用同一只手攞起serve 俾客人既碗。😂大佬呀，你系做都唔好俾客人见到啦😅公道讲句，味道同价钱同区嚟讲算系咁，但系打工仔一个宝贵既lunch time 嘥左就好嬲。
继续阅读