Häagen-Dazs

营业中

休息中

最近我去左元朗廣場的Häagen-Dazs，想試下佢哋嘅特色甜品。藍莓味雪糕真係勁怪，千祈唔好揀！朱古力味就正常，但唔算特別。最令我印象深刻嘅係佢哋的朱古力布朗尼，食完之後真係激甜，飲水都飲唔停。而家市場上雪糕品牌咁多，唔明點解Häagen-Dazs會做得咁差。佢哋嘅雪糕推出咗好多味道，但似乎冇一隻係特別出色。大部份雪糕都係勁甜，價錢又唔平，實在唔值。相比之下，其他品牌如Godiva同Venchi嘅雪糕就好食好多，可能仲平一啲，真係好失望。下次我可能會考慮去其他地方食雪糕，唔係應該話呢間雪糕店真係無下次！同埋鋪仔細細有成4個員工，態度都唔係好，希望Häagen-Dazs真係可以改善一下。

🔶🔷haagen dazs 門市實錄🔹🔸物價通漲食1球雪糕要$69 2 球都$79 去supermarket 買雪糕批好過😬倒不如食下佢特食甜點心太軟+2球自選小雪糕 $89算😅被騙喇以為佢寫有朱古力/抹茶🍵味點知，佢話我呢間店得朱古力味雪糕揀咗士多啤梨芝士蛋糕味🤤🤤，冧酒提子🍇呢2種味都好好食等左15分鐘左右熱辣辣既心太軟終於出爐中間做到流心，流動既感覺，成個蛋糕外層黎講都軟身，唔會太甜士多啤梨🍓是帶點酸

元朗呢間Häagen-Dazs有得坐低食，又近朗屏地鐵站，好方便👍🏻經過見到佢做緊八達通買一送一優惠，咁啱又有位，於是坐低點咗兩杯雙球雪糕，一共有四個不同口味的雪糕球，都只係$69咋😋😋😋真係好抵食😄

元朗廣場的店有幾張枱，座位不多，雪糕有很多選擇，今天指定飲品有買一送一優惠便試下，整體來說無咩味，似是奶水加冰，雪糕味道也好淡，若果只要求凍的話的確凍，但味道唔得。

Häagen-Dazs (元朗)炎炎夏日，食完晚飯後與家人嘆透心涼的甜品，消消暑先～原本打算每人買枝單球甜筒，但在餐牌上見到這款甜品幾吸引，而且可以一次過試晒5款雪糕口味，便揀了這款名為「心花怒放」的雪糕甜品 $79:可自選5款雪糕，我揀了比利是朱古力🍫、藍莓🫐、芒果🥭、芒果紅桑子及抹茶口味❤️店員把一個個雪糕球放在花花🌸形狀的窩芙杯裏，旁邊有一粒𠝹花的士多啤梨🍓窩芙杯很脆身，朱古力和抹茶味濃郁不太甜，水果口味酸酸甜甜，混合一起品嚐十分滿足🥰祝天下爸爸和身兼父職的媽媽父親節快樂，一家人甜甜蜜蜜😘地址：元朗青山公路249-251號元朗廣場1樓OS1號舖

成日食大集團嘅蛋糕，今次嚟啲新意，一於就食雪糕蛋糕啦！雪糕蛋糕可以選擇嘅店舖其實唔多，不過以最出名嘅來講，就應該係Häagen-Dazs佢啦！今次就揀咗呢一個『魔幻迷情雪糕蛋糕』🍦，就咁喺catalog度睇就真係幾靚嘅，不過現實版嘅佢就真係...有啲分別啦🙈呢個蛋糕外層呢就酸酸甜甜，外層有一層橙紅色嘅啫喱果醬，裏面就係以芒果雪糕為主，最內層嘅餡料就係以檸檬果醬打成嘅軟心。整體來講，味道係唔錯嘅，不過如果以呢個價錢，我會寧願買N個家庭裝雪糕作為生日蛋糕or生日禮物🎁😆

最近用八達通俾錢嘅話， 買兩球送兩球。買一送一真係比平日抵好多。可以揀杯裝或者筒裝都得。要咗冧酒提子味同焦糖脆餅，朋友就要左冧酒提子味同焦糖雲呢拿朱古力蛋糕味。不嬲都識開冧酒提子味，正！焦糖脆餅未入邊有啲脆脆地嘅餅乾， 都OK。

食得haggen Dazs 應該都係中產，講緊嘅係成50蚊一杯雪糕🙄。平時我日日經過商場都唔會食，都唔係好了解坐喺度食嘅人，究竟有幾富貴？又唔使供樓？又唔使返工？🤣🤣咁得閒咁豪華享受！之前用匯豐信用卡積分換咗張haggen Dazs 25蚊coupon😍，所以我先過嚟食，其實咁大個仔都係第一次喺門市食haggen Dazs咋。食得雪糕一定唔食朱古力味🍫，食啲新奇特別有趣嘅味，可以試到佢雪糕嘅奶味重唔重，同埋夠唔夠奶滑。🥛今次食既係蜜桃雪葩， 雪糕入面有好多粒大大嘅蜜桃粒🍑🍑，雪糕應該用上新鮮嘅蜜桃汁，其實好似同食緊蜜桃咁冇乜分別，味道仲更加creamy啲添。🍦

夏天咁熱！行兩行真係覺得自己溶左😫行過就決定飲番杯野😁😁 ($58/杯）哈根大師既夏天特飲 ~summerparty!唔多人排隊！一落單立即整！等左唔洗5分鐘出現了😎👈🏻左：berrieslover- 莓果至愛草莓加藍莓味，唔會太甜，小清新！👈🏻👉🏻右：Mango Fiesta-香芒情迷菠蘿芒果味 🤤芒果迷表示，偏心d 芒果好飲d 🤗👉🏻兩杯上面都有一球雪糕同生果🤤好正夏天解暑一流🤤

食完晚飯再加個甜品，咁樣先至滿足架嘛😂正當諗緊食咩甜品既時候就咁岩係附近見到有間Haagen-Dazs, 當然過去睇睇啦。今次點左個香蕉船share，由於好鍾意食佢地個冧酒提子，當然必點啦，之後再點埋士多啤梨芝士餅+藍莓。前兩款都好好味，但唔知係咪因爲比較濃味，顯得藍莓就好似冇乜味道咁，下次都係食仲夏野莓好啲😅。總結：味道依然，雪糕都𢳂得好圓，不過服務員就好似冇乜笑容，同埋啲枱有點不潔，其中一張有好多雪糕積，另一張就好多餅碎。但主要係食雪糕，整體合格既😂

8達通比錢，買一送一我又點會錯過🤗🤗注：3月6日至3月18日不要錯過😌☝🏻難得做特價咁抵☺️係時候食呀🤤今次心水係草莓味同埋焦糖脆餅🤤🤤🤤草莓味食到啖啖果肉😊焦糖脆餅不過不失😌$65 兩份雙球☺️抵食😉

啱啱喺元朗睇完套大娛樂家，又未夠鐘食飯點算好？咁就周圍行下啦！行開元朗廣場，經開 Haagen daz雪糕店 ，忍唔住又要買番杯雪糕！65蚊雙球脆筒， 雙球味道要左曲奇味同埋朱古力焦糖雪糕好香奶味，甜度剛剛好。如果唔係怕太飽一陣食唔落dinner，真係好想再食多幾球!

路過見到元朗廣場，由於天氣頗熱就去逛下，經過雪糕店，雪糕姐姐又好熱情推介雪糕同埋比試食，就柚子雪糕味道清香少甜柚子味，雪糕滑滑，一點都唔會滯又唔會覺得好假的生果味，食一球真係唔夠。

今日中午氣溫成32度，走入元朗揾朋友食飯，記得 Haagen-Dazs 3~9/6 做緊推廣「雙球雪糕買一送一」，因為 Häagen-Dazs 即將同專門訓練及聘用殘疾人士的東華三院社企iBakery愛烘焙麵包工房合作，並實行社會共融，咁有意義當然十卜下啦與友人分享一人一杯，雪糕可以任揀兩款，我當然揀我的摯愛比利時朱古力同埋焦糖脆餅，還有 iBakery 隨機配搭手工曲奇一塊雪糕口感細滑，朱古力雪糕採用比利時國家岀品，焦糖脆餅雪糕，焦糖味道夠香，脆餅口感特別有16款雪糕任你自由配搭🍦🍦🍨🍨元朗分店設有堂食，有四張枱，可給予我們稍作休息社會共融，良心企業

呢兩日咁熱，喺街行到出晒汗，入到商場見到雪糕店，忍唔住同家姐仔一齊叫咗個甜筒分享。但求甜筒50一蚊，可以選擇4款新鮮生果、3款醬包括芒果、朱古力同士多啤梨揀，仲可加埋朱古力碎、彩虹朱古力碎同埋杏仁碎。由於家姐大愛士多啤梨，今次我哋揀咗士多啤梨芝士餅雪糕配士多啤梨醬再加杏仁碎。見到個雪糕紅卜卜， 真係想一啖食晒佢。個筒就好大個，但一球size 分量比較細。兩個人分享真係有啲唔夠，如果在多啲就好啦。