影片
食家推介
前晚同三个朋友一齐去长沙湾觅食 去到先知原本想去既cafe 竟然搬左 于是唯有去附近兜下有冇其他食店点知一系就劲贵 一系就唔太吸引 最后见到呢间cafe出面写住第二碟main course 可享半价 咁又觉得好似几抵 就同朋友决定入去试试哇入面得一枱食客 犹如孤岛 我地都心感不妙😨 再睇下啲餐牌～ main course 贵之余 又唔太吸引 最后叫左猪仔骨、pizza、牛排同意大利海鲜炒饭 猪仔骨冇乜特别 普通味 但啲薯菜就几好食 好香薯仔味😋Pizza就认真麻麻 辣得黎又唔觉得惹味 而且个皮好薄好硬 好似食紧饼干咁😅至于个牛排真系冇乜特别 可能食材本身既质素就唔高 所以系普通牛肉味 又唔香又唔鲜嫩 唔会令你食过返寻味
继续阅读
之前到Gusto Cafe 食过2次, 也是食主餐后加任食甜品, 2次都得到很好的满足。但昨天去食...主要是冲它的甜品来的, 感到很失望。主餐叫了牛扒、意粉及薯条。牛扒、意粉...都蛮不错。但薯条一上来就已经是冻的了!!然后就食甜品, 3种味心太软, 3款窝夫, 朱力吐司, 梳夫厘。我只能说...窝夫,吐司也能达期望...梳夫厘太甜还是我能接受的程度 (不过要不停饮水)...但心太软太令我失望...心太软外表应是脆的...但它是软得一「pat pat」...我食了一口都要吐出来...好差...总而言之...整餐是失望的...特别是以前的对比...前2次食得很回味...今次食只能黑名单。大家想食正餐可以...但甜品...算了吧~
继续阅读
见呢度咁多好评, 所以去咗试叫咗猪扒餐跟薯角, 平平无奇, 唔明点解咁多笑脸呢个价钱论食物质素, 环境, 同区大把更好选择一入到去仲闻到冷气有厕所个种香芬味但欣赏佢杯野饮只匙羹, 好易笃烂啲柠檬
继续阅读
虽然隐世，但食物质素系登得大场面。一去到店员介绍是日精选，咁我地就叫左一个魔鬼鱼、德国咸猪手、洋葱圈同朱古力香蕉pancake；饮品就系热朱古力同七彩缤纷既特饮。食物得待10分钟左右就有架啦，魔鬼鱼炸得金黄，食落好香脆，而伴碟的薯蓉是粉红色的，十分吸晴；咸猪手啖啖肉，肉质系厚实，岩哂我呢d食肉兽，而猪皮炸得好脆，好似食紧薯片咁；朱古力香蕉pancake系我最爱，成条香蕉上碟，再淋上溶左既朱古力酱，大家可以一试。饮品朱古力好足味，比较甜，适合饮甜野既女生；而待饮好特别，有几层既味道。
继续阅读
今日又去长沙湾觅食，呢间Gusto Cafe 系荔枝角同长沙湾地铁中间，位置有D偏僻，好彩个店名识得发热发亮，系暗街之中较为突出。Cafe 门口设计行简约路线，有个大型木餐牌话你知有咩晚餐，门口三块大玻璃，可以边食边望街景，增强空间感。可能平日关系，6点半左右入到餐厅即刻有位坐，我地坐卡位，位置都好宽敞。每枱都会有得意熊仔陪你食饭，装饰甘得意就岩晒女仔，嘻嘻。我地两个人就叫左一个套餐，包两个主菜，一份小食，两杯饮品，再加一客甜品，岩晒我地呢d咩都钟意试既人。法国酱烧猪仔脾每碟有4旧猪仔脾，脾上面涂上薄薄一层酱汁，个酱应该加左蜜糖，食落甜甜地，每只都好入味，可能系脾既位置，所以咬落有少少un 。配菜方面有翠肉瓜，茄子，同理沙津菜（我钟意呢样可以清爽一d)。芝士牛肉汉堡配薯皇厨师好细心，两块汉堡包都烘过，非常有口感，牛肉就非常重量级，目测有成3cm厚，芝士微微溶化在上面，再配一只荷包蛋，卖相就非常吸引。整个汉堡加理厚度十足，女仔食既时候要将个包压一压先放到入口，牛肉肉汁丰富，荷包蛋既蛋黄溶入包入面，味道一流。鸡翼拼盘本来叫个阵以为系小食份量得4-5只，点之上到来有成12只甘多，每款口味有3只，有原味，蜜糖味，辣味，同理孜然味。4只味当中最好食系蜜糖味，甜度岩岩好，我朋友就钟意辣味，觉得辣酱唔会抢走左鸡翼本身味道，岩佢钟意辣但唔太食得辣既人，一碟鸡翼满足晒唔同人需要，正！朱古力香蕉smoothie有两旧香蕉系smoothie上面，好浓郁朱古力味，估唔到两只口味好夹，饮落口会先有朱古力出来，香蕉味会慢慢涌出来立体拉花咖啡有少少失望，本来见到其他食评有只飘浮熊仔系上面，但今次只有朵花，where is my bear?? 咖啡底要左榛子口味，水准不俗，同外面星星克咖啡差不多，咖啡浓度比例刚好brown series朱古力系列有心太软，雪糕同理奶冻，又系另一款岩晒各人口味既菜式。心太软带有少少苦涩味，再混合理雪糕既甜，一冷一热，水准十分高，奶冻夹杂系当中有d输掉，口感较淡。原来呢间cafe 有得包场，岩晒一班朋友自己开party, 都坐到2-30个人架。如果系自己屋企开party，佢地都有到会服务，真系岩晒party 搞手，一个电话搞拘掂，唔洗烦。下次会再来支持自创业小店！
继续阅读