影片
我本身好钟意食牛扒嘅餐厅，但系一般出边高级嘅餐厅都会比较贵。喺大围比我发现到呢一间平民价钱嘅牛扒铺，一般舖头号上次就系门口会有一部贩卖机，喺门口先用贩卖机买票再入去里面坐。但系由于舖头门口贩卖机坏咗咁就有直接入到舖头内店员帮你落单。咁我直接拣咗肉眼扒，因为我觉得比较肉质厚，而且佢舖头沙律、白饭、汤都系无限任食。对于胃口比较大嘅人来讲都系一种恩物。牛扒会系一个热嘅铁板一齐拎过嚟，我木漆牛扒应该系会三成熟，因为要比客人喺热板慢慢煮，肉眼扒肉质唔错，牛味亦都好好。
继续阅读
之前带小动物睇医生都冇留意附近原来有间日式锯扒，放假有机会当然要去试试。午市menu非常抵食，而且肉嘅种类好多。同桌就锁定安格斯封门柳，听讲唔系好多地方有得食。本来两块封门柳会有特价，但我又想试牛肩胛，所以最后叫两款肉。午市有得任食白饭、沙律同罗宋汤。珍珠米煮得好冧，仲可以自助加饭素。沙律菜偏硬身，中段员工有加粟米，令沙律口感丰富。罗宋汤酸酸甜甜，食肉之前饮吓几开胃。听讲封门柳嘅肉味会比较浓郁，先咬一啖，果然肉味十足，上菜个阵仲系一成熟，慢慢用热石加热，控制到旧肉唔会太熟，横切面仲非常靓。不过因为要专心控制熟度，所以冇影太多相。牛肩胛就比较软属，容易咬开。同样一上菜个阵都系好靓嘅一成熟，切开后都易控制。牛肩胛牛味都好够，唔使特别点好多酱汁。员工仲非常友善，会询问吓我地觉得啲肉点。呢次真系几满意，之后都应该会回头！
继续阅读
爸爸话想锯扒我同妹子就谂起大围好似开咗一间日式嘅扒碟卒之就带咗佢哋嚟啦老老实实奉劝大家一句食呢间嘢真系冇影咁多相我哋挂住影相得嚟，啲嘢又烧过龙😂搞到overcooke😂其实𠮶啲肉好新鲜好有肉味不过就要自己烧自己控制但系我哋觉得都好抵食Set lunch仲包咗任攞嘅沙律同埋汤仲有包一罐汽水性价比极高咁其实佢哋嘅餐厅容纳都唔系好多人所以食物系非常OK，但系就坐得唔系太舒服不过佢哋唔系以舒适环境作为卖点系以抵食好味吸引人，我觉得个牛小排系最好食
继续阅读
大围火车站出面一带，餐厅可以话多不胜数，唔同国家唔同款式都有咁滞。揸车人士应该都几钟意系呢附近食嘢，因为门口可以泊到车。今次呢间石烧牛扒离火车站有少少距离，门面唔太大，坐位大约只有20个左右。用餐前系需要系门口自助售票机买左票先，机上面有写明唔同部位既肉既价钱，有200g 同300g简。购票之后交比店员就可以了。每个餐都包左沙律，白饭同汤，以上都可以任添既。石板好热，切开后跟个人生熟口味煎煮就可以，但建议唔好煎咁耐，我哋一行三人都煎过咗龙，熟得滞。肉质就直接系价钱上反映左，丰俭由人啦。
继续阅读
今日去大围试吓食呢间石板烧，一试就伏左点左一份200g 既澳洲肉眼，仲要系推介。点知肉又鞋，1/3 都系跟，完全食唔到。其实食过好多间石板烧，从未试过有一间有咁多跟，而且又好鞋。另一份系封门柳一食，哗⋯⋯咩事⋯⋯好鞋未试过食一份咁鞋既封门柳，入得去食石板烧，对佢既牛肉都会有少少期望，估唔到专做烧肉既食肆，旧肉既质素咁样，同期望有好大落差，好失望，其他食物水平正常，有饭有汤有沙律，好可惜主角⋯⋯唉⋯⋯冇下次
继续阅读