影片
平时成日周围去食串烧，可以令我一去再去既，大概只有红磡宝其利街既千味烧可以令我停留，由佢开业到而家我应该去不下二十次，好抵食，好惹味，性价比好高坏处系住系土瓜湾既我次次落完order都要揸车去拎，系呢个咁冻既天气真系街都唔想岀早喺几个月前发现屋企附近开左间串烧店，仲好干净企理，感觉几fancy，成日都想试但唔系食饱就系准备岀街食野。今日下午朋友突然提起话我屋企附近好似有间串烧店几正咁，本身无乜胃口既我谂起食串烧即刻点都要食反个宵夜经过拎左张外卖纸，同老公倾完，上网睇完人地既食评，就打电话叫外卖，店员服务态度好好，就快拎得仲会打电话去提你，炸馒头想要多炼奶都会笑笑口讲无问题叫左一串鸡软骨，一份茄子，一串翠玉瓜，一串炸馒头，一串鳗鱼，一只四川鸡全翼，一只岩烧鸡全翼好奇怪既系鸡软骨唔似平时食开既鸡软骨，都几大旧肉，茄子唔错，翠玉瓜好多汁，但好苦炸馒头好食，鳗鱼唔错，老公最期待既鸡翼，竟然麻麻地，佢觉得超失望，我觉得普普通通食惯千味烧，觉得呢度要130几蚊都算贵，性价比不高，但店员态度好好，可能系店舖即时食会更好味，但应该不会再试了
继续阅读
摆低架车系对面车房整 见到有生啤过串烧 于是坐低试 咁啱播紧波 都几多人会系到饮啤酒睇波 野食比觉得可以 舖头仔黎讲 算系咁 出餐都快 老板请我食咗串沙律丸过沙利蛋糕 感觉几新鲜 会再帮衬 但如果多啲人黎可以试多啲野食 老板话多啲人黎其实可以试佢个块纽西兰肉眼扒 过茄子 但一个人就唔建议 因为肯定食唔哂.
继续阅读
经过见到迎丰楼下新开左间串烧小店，即管试下。除了有传统串烧食物外，仲有沙利蛋糕，生煎包同薯条。见呢d平时其他地方冇食过，就叫黎试下，点知全部都真系有惊喜，烧起上黎味道好夹老板仲好细心，知我地冻就特意帮我地安排左暖炉，之后仲送左一串沙律丸，一串鸡软骨俾我地味道同性价比都唔错，值得推介。我自己觉得最好味的系鸡全翼，茄子，生煎包同沙律丸。牛扒其实都好好食不过就相对价钱高d，老板话块扒本身都来货都贵。男朋友见到话有波睇又有酒饮话下次会再黎帮衬。
继续阅读
巧遇土瓜湾新开串烧舖,就走去试下。意想不到,无论味道、质素，都成为我最爱的平民串烧店。原条茄子,比想像中大份,而且用筷子一丝丝咁食,十分有趣。带子大大粒,好正。炸薯条配啤酒,简直一流。烧牛排都出色，我地叫咗5成熟！佢地都烧得好靓，而且帮我地都摆盘都好靓！口感好好，味道调教得恰当。价钱也很合理。亦有唔少既其他小食都好好食(鸡泡鱼干是食左d先记得影相的结果)食物好食,老板好客,会抽时间同客人倾谈,了解食客既意见,听闻黎紧仲会有新食物陆续增添,好期待呀…另外提一提,呢到会直播英超球赛,可以一大班人一齐睇波饮酒食串烧,简直系一流服务。听老板讲,平时舖头收2点,如果有球赛/特别日子有可能会收晏d。
继续阅读
七点半晚上来，吃烧烤串，总共吃了十三串，埋单$231，几为满足。连同两次加单，吃了不少东西。猪颈肉，牛肉，鳗鱼，鸡肾，鸡软骨，鸡中翼，翠玉瓜，茄子，沙利蛋糕。肉串（如猪颈肉，牛肉串，鸡肾，鸡软骨）份量少，落太重孜然粉，不太吸引。反而一定要叫的是鸡翼，翠玉瓜，茄子，沙利蛋糕。鸡翼香脆，只加少量孜然粉，不辣，而味道不错。翠玉瓜份量算多，而且有淡淡清甜。对于蒜香迷，茄子一定要吃，很重蒜香味，而且不会烤得太㶶。沙利蛋糕是两小块沙利蛋糕烧，虽然份量少，但外面有点点脆，内里很软，不是很甜，整体感觉很好。另外，有两人在准备食物，上菜速度不算很慢。环境虽然不是很大，但还是感觉不错。
继续阅读