影片
以上资料只供参考，请与餐厅确认详情
这间小店已光顾起码一年半了, 从来没有失望过由之前不是太受欢迎, 到慢慢建立比此间感情, 真系好满足....十分向往小店人情味, 虽然不同种族, 但每次见面都好亲切食物味道无得弹, 这店的MOMO, BBQ PORK & CHICKEN系附近揾唔到第二间的而且可以好似大型连锁KEEP到每次都同样质素更加难得希望老板两兄弟可以坚持落去, 带俾更多人享受尼泊尔食物风咪
继续阅读
收夜要揾间餐厅坐底食个饭系有啲难道，最近经过啲横街发现呢间小店！冇睇错！系尼泊尔菜！坐底睇睇餐牌，比想像中多野食，而且仲好平好平！！Chowmin(pork)$50简单既炒面，猪肉比较干既，炒面配埋佢个辣酱食先可以发挥到呢个面既魔力！Masala Papad$20呢个意想不到的好食！！又香又脆！铺系薄饼上面既沙律，味道mix得好好！呢个绝对推介！Masala tea$15好饮呀！！好耐冇饮过呢样野！会再有下次既小店～系吹水既好地方！
继续阅读
点左5个食物，衬🍻，价廉物美够正宗👍🏼👍🏼真心赞👍🏼👍🏼下堂后同同学老师一齐去吹水饮啤酒，老板娘好好又开张相俾我哋出出面倾到收档（因为十点冇堂食）！食物好正，steam momo (veg.)手做唔似系现成野～～Masala Papad 酸酸辣辣，配上脆片，送酒一流👍🏼Pani Puri 脆脆波波配上檬汁汁嘅汤系劲正😋有机会一定会再帮衬最可惜系十点就要走人，野食都食唔切，但已经一人队咁两支啤酒🍻
继续阅读
是日系佐敦庙街附近，经过一间好地道嘅尼泊尔小店,瑟缩系街边嘅小角落,外墙上嘅menu全部都系地道嘅尼泊尔/北印小食，于是一探究竟～餐厅其实只有几张台,一坐底老板都好热情递上menu,见到menu 上面’Namaste’(I bow to you-greeting)嘅字样,就知够土炮,再揭menu全部都系地道价廉物美嘅小食,相信系为同区尼泊尔人而设先叫了份小食($20)店主系用薄饼即炸,激薄激脆,基本上你一拎上手就碎🤣表面铺上masala salad,其实系一啲混埋红葱头,青瓜,芫荽同青柠汁(冻冻地的)配合小小辣酱同薄荷酱味嘅沙律,十分有风味而又开胃嘅小食(但未必个个啱🤪)小食佐以($15)Masala系一种多种香料混合而成嘅调味料,亦都系一个泛称,系印度/尼泊尔菜中有不同嘅款式,masala tea 亦都系北印经常接触到嘅饮料,同一般奶茶唔同,会加入了多种香料包括肉桂,薄荷,茴香,生姜等,异国风味👍🏻Steamed momo-pork($40)无华丽嘅蒸笼上碟,只有最纯粹嘅味道,皮好薄,肉汁超多,伴以传统嘅Red chilli chutney dip sauce,瞬间清哂成碟🤓我哋仲有胃口叫埋炒面/炒饭,但绝对唔系普通hea炒,两款都加入了香料即炒,镬气十足,加入了大量芫荽😍(不喜者可以唔使叫😅)同少量孜然同故椒粉,所以炒出嚟嘅味道唔会系我地平时食完嘅炒面/饭,而系非常惹味,香辣,炒饭更用了印度香米,长长幼身食落更有口感😋,而大大碟每碟都只系 $40-50.最令我印象最深嘅系呢间细细餐厅竟然仲可以shisha🤣🤣,平时lkf/诺士佛台shisha就多,系佐敦庙街街头食水烟就真系第一次,仲要好平 ($150 only)味道唔系重点,其实旨在感受下地道土炮野,适逢当日系尼泊尔节日,入嚟嘅客人有啲额头都点了tika(祝福嘅意思),连店主自己都点了,此时此刻,就好似生处异地,走进了当地街头食店,体验了当地文化👍🏻香港其实有好多呢啲地道特色小店,有时感受下地道土炮,比起坐得舒舒服服嘅fine dining更有惊喜😉如果放假经过佐敦,推介大家探索下呢间小店👍🏻(不过利申我两样都会😛)
继续阅读
咖喱鸡肉饭$50咖喱质地好杰，份量好少唔够捞饭，不过痴得实d鸡肉。鸡肉居然系松脆嘅，以为食紧猪颈肉，味道似烧鸡。咖喱里面有杞子，菜心同白菜有紫苏叶味，成个饭好特别。饭系印度长米，正正常常。仲有一碗绿豆菜汤，似咸既绿豆沙印度拉茶$15好重奶味，杯底有茶粉食物真材实料，值得一试。
继续阅读