Greyhound Café Galleria (K11 Musea)

营业中

休息中

服務員態度超差,只識送餐同拾台,完全冇service,好明顯老闆對啲員工好差人工又好差,所以有人肯返工就算好嘅餐廳,你會响高級嘅K11享用廟街service同聽粗口嗎？ 試下Greyhound k11吧！

難得星期二下午茶時間經過Greyhound，見到無乜人，就入去食個下午茶嘆杯啤酒。 每次到Greyhound都必點那個泰汁三文魚，好好味😋 Greyhound好似多咗好多嘢食，個Menu真的睇到人眼花撩亂，樣樣都想食，由於真係唔肚餓，只是想享受下個無敵海景，兩個人，只叫了兩份小食，一杯珍珠泰奶茶，同三杯啤酒。 除了必點三文魚，仲點錯了炸粟米（本身想點蟹肉粟米） 炸得夠脆，但真的只有粟米，感覺就唔係太豐富。 珍珠泰奶茶OK，唔泰甜😝 埋單$600+ 抵在對住那個令人忘憂既超級無敵海景。 👀👀👀

食完之後我個朋友話：「我地係黎食海景嘅🌌，所以野食好唔好味唔重要」笑死🤣🤣，講真個海景真係無敵靚，黑夜裏面泛著紫藍嘅光彩，即使我哋喺角落頭都影到個景幾靚。🎆🎇🌌🌃嘢食：其實金邊粉🍝同泰茶蛋糕🍰都唔錯，野食同蛋糕有好多款口味，好多選擇，有泰式奶茶味非常獨特吸引，味道不錯，但沒有非常令人驚艷，金邊粉我覺得不過不失啦，但軟殼蟹沙律真係🥗麻麻🥺，刪咗上面有寫嘅形狀係度，但畢竟係軟殼蟹唔適合打卡，然後佢唔係好脆，成個沙律冇乜特別。

我哋平時間中都會嚟k11呢間greyhound食飯，但每次都好好彩，都係開開心心咁品嘗美食。不過今次勁黑仔，遇到一位服務奇差嘅中間分界馬尾帶位女職員，完全唔知係我哋樣衰得罪佢定係佢心情唔好搵我哋出氣，搞到我哋成餐飯都係谷住氣咁食，嬲到我十年無寫openrice評論都要搵返個account出嚟寫下感受！一開始我哋好好禮貌問佢有無窗口位，無嘅話我哋諗住等，點知佢勁惡咁話：「無呀！無窗口位呀！」嗰時我其實俾佢嚇到已經想走，不過阿女想食唯有忍下，但我認真驚咗佢，所以諗住等好人高男瘦男經理得閒我再講話我哋等窗口位。（嗰時係閒日3-4點，大半間餐廳都係無人，職員眼見都有好多個，唔會忙到要發我脾氣啩？）等男經理做完手頭上工作就同我哋講窗口位要等最少半小時，一係安排近啲窗口嘅位俾我哋，咁我哋話好，就坐低咗。嚟過好多次都知道呢個男經理非常好人有禮貌。因為嗰個馬尾女員工實在太惡，我哋都費事搵佢落單，盡量避開佢，點知不幸地，兩次擺低嘢食嘅都係佢！佢勁大力擺喺我哋張檯，真係茶餐廳阿叔都無佢咁大力！然後每次經過仲要勁惡睥住我哋！！！可能佢聽到我哋講咗一句：「個男經理好人好多」而老羞成怒啦，但我哋都係講事實！其實

姐妹生日當然要慶祝一下！三個人就點了：泰式甜酸明爐魚👍甜甜酸酸少少辣👍雜菜吸收甜酸汁、特別惹味😋菠蘿雞肉炒飯👍肉鬆同菠蘿份量頗多！好滿足！泰式甜醬豬肋骨👍豬肋骨好入味！加埋泰式甜醬味道絕配👍生日少不免招牌椰子千層蛋糕🎂入口陣陣揶子香味😋又香又正👍賣相又好👍推介👍超大夜景、環境氣氛好正👍

打算同朋友慶祝生日，就揀咗有海景，適合打卡既呢間餐廳！果然海景同餐廳燈光都好適合打卡，但食物質素比較一般😂✨特色小食拼盤各款炸物都唔脆，感覺放凍咗先拎出嚟，令人失望🥲✨蟹肉黃咖喱蝦咖喱質地比較水，咖喱味唔重，不過不失😅✨印度薄餅薄餅都係唔脆，同埋比較厚身，食完會好飽😂✨coconut shake椰子味重，味道普通，但有其他食物比較下，算係唔錯既選擇😂埋單$845 兩位，整體性價比不高，因為呢個價錢係比個海景😂😂

第一次因為一間嘢服務態度差而留言事源：本身book 嗰tea set 都唔係貴，唔期望有咩服務，但都唔係想去受氣。本身嗰幾禮拜前openrice 度book 已經講到明要窗邊位置，但係去到先同我講冇得book，成嗰幾禮拜時間，完全冇通知過我係冇得book，然後帶位紮馬尾中分女士，塊面極黑咁同我地講，窗邊位置要打電話book，咁如果係咁，點解你地唔喺openrice寫清楚，如果要人打電話book，點解提供openrice俾人book？同埋我嗰幾禮拜時間前book咗，你地有嗰幾禮拜通知我，冇得book窗邊位，而唔係我黎到先知會我。好啦，咁冇得book窗邊位，咁我地未話等陣有窗邊位再安排我地入座啦，呢個高傲嘅侍應話俾我地知坐低咗冇得轉檯，連嘢食都未上，連杯水都冇嘅情況下，話冇得轉檯？直至我地強烈要求嘅情況下先知會我地，窗邊位置先到先得，要再排隊。咁呢個高傲嘅侍應，完全可以一開頭就告知我地，叫我地喺門口排隊等候，而唔係直接帶我地入座，然後話坐低冇得轉檯，明明有解決嘅方法，而專登刁難我地。雖然呢個侍應服務態度差，但其他侍應雖然較冷淡，但唔會係態度差。仲要我地入座嘅時候，呢個侍應仲要將餐牌好大力咁

剛進餐廳，環境優美，有無敵大海景，邊食泰式美食，邊欣賞海景。嗌咗份泰式肉碎飯，太陽蛋覆蓋着肉粒同白飯，味道不錯但略鹹。而蟹黃炒飯，卻平平無奇，推介熱情果特飲，酸酸甜甜，喺夏天可以解到渴。

男員工瘦瘦地身材似掃把位或經理，經常黑面及態度惡劣，點餐時眼神極不耐煩問多少少野就語氣有悔氣，用walkie同同事講其他客人，永遠唔會再去⋯食物一般環境一流去比錢食野仲要受氣.

朋友想食泰國嘢，又想有靚景。所以我哋就揀咗呢間餐廳🤩喺餐廳望住海邊，別有一番感受。我地叫左兩樣食物☺️海鮮冬陰功炒螺絲粉 $168魷魚兩條，他好好咁樣幫我哋切咗一半，仲有兩粒帶子脆炸粟米蟹肉餅配甜酸醬 $128超多粟米喺面，啱晒我哋想健康啲飲品Fruity shaky yoghurt $68Orange, banana, pineapple, , apple, yoghurt 飲品Pick you up $68Grapefruit, pineapple, banana我同朋友仲玩咗個無聊嘅小遊戲，因為兩杯嘢飲嘅顏色都令我哋唔係好估到邊一杯係邊一杯。所以我哋就試吓飲一啖，跟住睇吓飲唔飲得返嗰啲材料。結果係非常好，我哋真係飲得番！ 真材實料，大力推薦🤩最正係喺星期五嘅晚上呢間餐廳竟然冇限進食時間😆😆chill!!!

同媽媽慶祝生日，所以揾間環境一流嘅餐廳，有大海景，夜晚可以睇幻彩永香江，但可惜窗邊位並唔多，我今次坐唔到，希望下次可以坐到啦！食物味道都幾好，木瓜沙律偏辣，如果唔食得辣嘅最好唔好叫，湯粉好味，菠蘿炒飯我两個小朋友最鍾意食。手抓餅夠酥脆可口。至於甜品叫咗玫瑰荔枝千層蛋糕和椰子千層蛋糕，两款都好味。整體食物環境都好，但服務員態度就一般，態度有欠禮貌，有待改善。

話說我哋冇book位都睇到海景🤣🌊
泰式炸魷魚 ($98) ●●●●◐ 超正！全部炸粉唔會好厚，嚿嚿都脆卜卜蒜味、魷魚味香口不過我唔係咁好個醬汁xd 覺得點之後提及嘅蒜香醬更惹味風味炸薯條配蒜香醬 ($68) ●●●●○我哋兩個大食嘅女仔冇expect過魷魚咁大碟，所以再叫多個小食已經食唔晒💆🏻‍♀️唔好問我哋點解要喺泰式餐廳食薯條😬啖啖鮮蟹肉炒飯 ($188) ●●●●○炒得幾香 蟹肉都真係有唔少🦀Btw清湯係洗腎級鹹芒果糯米飯 ($88) ●●●◐○戴頭盔先：當日食飯我冇收據，所以啲價錢我係跟online menu打返嘅 呢個份量收$88好似唔係好合理？？同埋都同menu副圖嘅portion差好遠🙌🏻所以呢個價只供參考，不過我印象中都係正正常常嘅甜品，冇令我印象好深刻Fruity Shaky Yoghurt Mocktail ($68) ●●●◐○✅Orange, banana, pineapple, apple, yoghurt幾清新，啱配濃味嘅泰國菜不過冇特別，水果味、乳酸味唔算好出🤲🏻overpriced呢（順帶一提 朋友叫咗杯凍檸茶，比較推薦🙌🏻個茶底同港式用嘅有啲唔同）✍🏻

❕第一次要寫負評（服務態度差）長文慎入！-今次和朋友們一起來到K11 Musea 3樓的一間餐廳 本身已訂了枱 18:30、但因為早到了 加上想要窗邊位的話要先到先得所以便18:00 走到了reception位置 帶位的經理一知道我們早了半小時便立即皺了眉頭：「你地早左黎 都係照計返90分鐘要還枱！」我們有些少愕然：「當然 沒問題。」我們會想其實有別要要咁講嗎？如果我地早到已未有位 我地都可以等架、如果有位咪入囉 洗5洗咁講？🤷🏼‍♀️他便很快的「帶位」、差點都跟不上他的腳步。其後便如常落單- 我們叫了一個2人餐($898)+菠蘿炒飯($168)和飲品Salad/ 香芒柚子大蝦沙律 前菜黎講這款也不錯、酸酸甜甜、大量柚子和芒果、配上特別的酸汁～Appetisers/ 特色小食拼盤打卡位100分、一個竹籃裡邊裝著各樣小點、3文魚本身是好食的、不過泰式辣汁個人觀感不太喜好～ 當中炸鴨蛋是頗新鮮的—> 新鮮菠蘿雞肉炒飯 食完兩個前菜、便上來了這個炒飯、比想像中細份、裡邊也足料的、有腰果、提子乾、菠蘿等等，肉鬆可以多一些然後我們談著談著、已經食完了、當時發現原來經已19:10、正常我們要

跟所有分店一樣，服務態度真係差到一個點：落完單，問能否給幾杯水，叫了六次，不同侍應，但結果一樣，都係冇人理。每位侍應都黑口黑面，問能否要一張Bb凳，就咁掟過來。最好服務態度的中環分店已經執笠，食物質素也大不如前，難怪假日也可以隨時book到枱。😡😡😡

同朋友去尖沙咀食飯就諗起呢間泰國嘢好耐之前都一齊食過質素都保存到，不過價錢就未算係好平，佢嗰個奶茶蛋糕真係超級好食，真係成日想食佢個泰式奶茶蛋糕！#lunch #dinner #food #yummyfood #yummy #香港#尖沙咀