GOOLU (已結業)

呢間小鋪嘅台式蛋餅可以講係全城至好食，配埋靚啡真係誠意之作。睇到餅皮係佢由自家調製嘅麵糊煎成，再加上豐富足料嘅餅餡，食落去啖啖都滋味滿足。因為都係即叫即做，所以要等吓，但係絕對值得。仲有加多杯咖啡都係多$20，絕對超值😃其中最鍾意食嘅係芋頭麻糬餡嘅蛋餅，呢個味度响台灣都無食過，香濃嘅芋頭香味配上軟糯嘅麻糬，極有口感，估唔到呢個配搭係咁正。至於比較傳統嘅芝士肉鬆蛋餅都做得非常出色，因為店主真係唔吝嗇，放咗好多芝士同埋肉鬆。一個字 ~~ 正👍🏻👍🏻…查看更多

今日下午茶去咗買呢間蛋餅試下，嗌咗3個餐，承惠$2xx:鹹牛肉芝士蛋餅 + 凍mocha芝士肉鬆蛋餅 + 凍檸啡芋泥麻糬蛋餅 + 真.士多啤梨奶昔3款蛋餅中我最愛鹹牛肉芝士蛋餅！鹹牛肉同芝士好襯，而且勁多芝士，好滿足！ 芝士肉鬆蛋餅就普普通通啦，正常味道～芋泥麻糬蛋餅又係另一傑作！我見到店主妹妹係落咗2大個雪糕球嘅芋泥落去塞爆咗個蛋餅！飲品方面，Mocha 雖然係細杯裝，不過好濃好飲！檸啡我嘆開咖啡嘅朋友都話正～士多啤梨奶昔我無問朋友好唔好飲，不過佢極速飲曬相信都唔錯嘅🤭$2xx 食飽咗4個人，我絕對會再encore!!…查看更多

經過好多次一直都想試試，今日同事話要食下午茶，即TRY TRY..........蛋餅賣相好靚，係自家製蛋餅皮，YEAH~~~最怕食硬掘掘油淋淋嗰D!!分別買左鹹同甜蛋餅試下:1)Oreo 麻糬 : 有驚起，麻糬口感煙韌，唔太甜，估唔到OREA同 麻糬原來夾得到2)芋泥肉鬆 : 芋泥好滑，加上肉鬆，鹹甜味道均衡👍🏻👍🏻👍🏻3)肉鬆芝士 :  肉鬆超豐富，加上熱辣辣拉絲芝士，再抹上醬汁甜甜地咁，好好食** 極力推薦佢地0既蛋餅，蛋餅皮軟嫩煙韌，蛋餅包住著滿滿內餡，真係好正👍🏻👍🏻👍🏻飲品方面，佢地都有幾多選擇，有多款特色咖啡同特飲1)凍Matcha latte2)凍豆腐花燕麥奶咖啡少甜3)班蘭椰子咖啡要DECAF4)士多啤梨奶昔-走CREAM5)熱美式咖啡極推士多啤梨奶昔,有新鮮果肉,好好味😋😋咖啡香濃，有榛果香氣…查看更多