Good Place - 日式家庭料理 (已結業)

放工來K11搵食，見呢度枱與枱之間都唔會太迫傾唔到計，就來一試。叫了兩個定食，一個沖繩豚肉飯，另一個雞扒親子丼。豚肉飯份量都ok，每片都夾住一層肥肉，味道較清淡，不過不失，但雞扒飯就好一般，雞扒冇乜醃過咁，有少少雪藏味。兩個定食都有跟一個麵豉湯同飲品，個湯有幾粒豆腐，好普通，飲品我叫了芒果熱情果汁，熱情果味都幾出，但特飲係要加22蚊嘅。可能佢賣點係home kitchen，所以食物冇乜驚喜，價錢喺大商場嚟講，百幾蚊一個定食亦不算貴嘅。 …查看更多

原來book左枱,但朋友記錯時間所以早左一粒鐘就入座唔算好多款可以揀,晚餐其實都係將menu入面d主菜計平少少加杯飲品就當係我地兩個都揀左雞扒,不過我o個個係黑醋,佢o個個...唔記得基本上兩碟野係一樣樣,不過佢o個份要白飯,同埋係配薯蓉味道大家都差唔多,我都唔覺得特別有黑醋味感覺就好似食緊煎雞扒側邊有d熟番茄咁個紅米飯乾得滯,份量都細,我已經食量細,都覺得呢碟野唔夠飽飲品可以跟是日特飲,今日係柚子蜜,有種都幾hea o既感覺但唔想加錢飲其他,就是但啦呢個價錢我覺得可以有其他更好o既選擇…查看更多

如果假日想在尖咀靜靜的吃個午飯不想有任何壓迫感，或和三兩友人相聚，這是個不錯的考慮食物就一般，環境則不錯，用木做主題，很舒服，很有空間感叫了一個比目魚西京燒($84)麵鼓湯夠熱，比目魚味道還好，邊邊燒得脆脆的，惟較薄身碗是用木造比較喜歡的是環境，選了個邊位很舒服哈哈總括黎講，食個悠閒氣氛啦！…查看更多

放假前夕Kll間間都好多人，接完男友放工肚餓就求其搵間食，點知中伏，呢間野無服務，食物質素又差，好心吾好扮日本餐廳，仲要叫＂家＂，話有家的感覺😓我地由一入門口到坐底個紋身男侍應完全無出過聲，個感覺好似我地欠左佢甘😑跟住到落完單，上菜佢都一句說話都無講過，正常你落單都會覆一次個客又或者嗯一聲都好呀，佢真係一粒聲都無，連呼吸聲都聽吾到呀😑又冇拎紙筆寫低，甘就走左，我同男友都吾知佢究竟有無落錯單。個價錢同食物服務質素完全吾成正比！總結我男友話一定要加落去：如果呢間嘢可以過到2017，佢就日日都黎食😒…查看更多

Goodplace 其實真係一間環境舒服的餐廳, 寬敞清靜,好適合傾偈短聚.  餐廳菜式以日式定食為主. 亦有少量甜品(pancake)以供選擇。是日點了一豬一牛的菜式, 味道偏淡.似係家庭式味道. 雖然味道唔係話好好食, 但食完都覺得幾自在,冇油膩或濃味的飯後感. 七味西冷豆腐 - 西冷牛肉味不濃, 很普通亦較乾身, 除了豆腐和牛肉外, 還有少量菇及溫泉蛋(味道不錯):)沖澠五花腩溫泉蛋定食-相比牛肉, 豬肉更出色, 分層的五花腩食起來沒有油膩感, 而且皮也爽口的。下次如果要清淡一點晚餐, 不妨一試。 …查看更多

五花腩溫泉蛋糙米飯：呢間餐廳主打應該健康同著重原味。而我叫咗呢個午餐都睇得出非常健康，首先有軟硬適中嘅糙米，平時因為覺得好硬而唔食，但呢到就唔會，而五花腩佢其實就比較瘦會乾咗小小，但亦食得出有豬味，最後把溫泉蛋混合一齊食真係好滿足。…查看更多

同朋友兩家人一吃去吃晚餐。我們有兩個小朋友，我們非常有禮要求坐一張枱可以放兩張high chair 。當時未有客人，所以也請他們看看有無枱可以給我們。他們安排我們坐一張細枱，其實四個大人加兩張high chair 實在沒辦法夠位，而且high chair 會阻塞通道。擾釀了一些時間，終於可以好好坐下點菜。他們介紹我們叫定食，有湯，沙律，主菜和一杯飲品。湯味道好快，好淡的，似miso ...沙律只是主菜上的一條菜，你沒看錯，一條！我們問職員，他們說沙律菜就是沙律。主菜豬扒飯，無味，豬好硬。另一個招牌雞翼，超乾但未熟透，實在奇怪。朋友說waffle也不好吃。…查看更多

十月一日趁有假期，一行四人去呢間食 。因為之前食過一兩次覺得味道唔錯，所以諗住晚市訂定位先，點知一去到，八點，晚市包埋我地竟然可以只有三圍枱⋯⋯好啦叫野食，叫左個溫泉蛋肉餅定食。湯有d太咸都算，重點係個肉餅。佢係細舊但厚，一開始食我食上面果d肉只係覺得無咩味，食左一半多少少，下面果一半豬肉係生架!因為燈光好暗，我本來諗好似粉紅應該係剛剛熟......再食多再啖，真係生到吐出黎！佢絕對唔係煮唔熟，佢係無煮、全生、生過刺身......但因為太遲先見到（肉餅上半部分熟的），所以我無換.....至於朋友叫的定食味道都係一般，大家都覺得唔值呢個價......唔夠飽唯有叫甜品，想叫一個窩夫一個pancake 。點知又同之前一樣，又無pancake，真係好唔明點解無論午市定晚市都唔會有.......pancake 賣相ok,但全部生果都好酸,得藍莓唔酸，因為藍莓係直程無味！好耐無食過咁差嘅店舖，仲要d 店員成日玩電話，叫落單都無人理.....最重要係最基本連豬肉都可以係生！呢間野一定無下次！！！…查看更多

好友暢聚，就是想要找一處環境適宜的地方，然後吃一頓味美。這裡是閒坐的好地方，但服務與食物則非常一般。友人先訂桌了，比一般齊人才可進內的K11食店，這裡比較好。再者，我們進餐的周末午後，這店人流也太少吧～一行七大一小，點了數個午餐，店員的表情很「有趣」：只默默寫，沒多話，是好吧？鹹食窩夫：煙三文魚窩夫窩夫是比較有嚼勁，有蛋香，還好；配上太陽蛋吃還不錯（雖然太陽蛋上桌時看上去有點太乾了）煙三文魚則很一般，也許是煙燻了甚麼層次不層次也很難找吧。檸香三文魚定食先吃一口沒加上檸汁的三文魚，嗯，鹽燒的香味倒令人快慰，加之三文魚油的少膩，很是香濃！比剛的煙三文魚好太多！至於定食的糙米飯嘛，軟硬適度，尚可。咖喱雞扒定食雞扒嫩嫩的，外皮脆脆的，吃一口，爽！咖喱嘛，則很一般，可惜呢！然後所配的白米飯也不過不失啦。沖繩五花豚肉嗯，說穿了就是來自日本的上等豚肉，當然肉質的確很好；肥瘦合度，吃一片，令人難忘！加之以燉製的豚肉，肉變得更稔滑，實在值得一試再試。燒雞扒定食只能說這店的選材很好，所以雞扒都是嫩嫩的，外皮也燒得脆脆的，好。相較剛才的咖喱，似乎燒汁的這個比較好，更能突顯雞扒的嫩滑與香味。值得一提是伴菜：燒蕃茄：茄肉豐厚而多汁，點睛之所在！薯釀雞翼定食雞全翼三隻，釀薯處主要為厚肉部分，但用切的很容易將之分得支離破碎，不宜共享，只宜獨食！一口咬下，薯與雞同嚐，不錯的搭配。只是薯的量真的太少，這特別的口感只有一次⋯⋯鹹食窩夫2：雞扒窩夫這次好像跟雞有仇，沒啥驚艷的感覺——雖說雞扒配上窩夫挺新鮮的，但就只是新鮮而已。當然，若你嫌雞配飯、麵太普通，這也是一個好選擇。可別忘了，還有相伴的溫泉蛋，味道偏淡，但蛋白處理失當，太水汪汪的感覺，倒是蛋黃還保有半熟的稔稠。然後，我們點了一些甜的；口味嘛，有點令人失望啊～ 芒果雪葩芒果味太假，有點像廉價芒果軟糖那死甜假香料的味道；然後，伴左右的芒果與藍莓便因而顯得有點酸、有點淡⋯⋯草莓雪葩草莓倒是果味香濃，還好。這才有心情細嚐一下雪葩的口感：滑！此滑與乳酪那些奶滑不同，是有微微冰小顆的幼滑，也絕不會出現那種太硬，成塊冰粒出現的情況；有驚喜！倒是伴左右的草莓也是帶點酸～同樂窩夫所謂「同樂」就是讓大家開心分享的窩夫，但對其份量絕不要太大期望：我想二至三人淺嚐也還好吧。（我們七人啊，真有夠難為了主廚）窩夫的蛋香不減:)，這次配上雪糕、香蕉、焦糖醬、果仁S等倒還不過不失。然後，在友人的「推介」下，大伙都點了TEA LATTE，可是有點「搭沉船」了！前：抹茶泡奶茶；後：伯爵茶泡奶茶抹茶的是不錯，可看到抹茶粉在泡奶中飄游，有趣也香——下次可考慮熱飲，或會更好一點。伯爵茶的就是友人推介的，結果茶不濃也不香，且淡如水。同行某人更要加點糖醬才能下嚥，真令人失望啊！總的而言，食物還是可以的，但若你是比較吃得之人，你一定不滿足於它的量；若你是比較嘴刁的，你一定不滿足於它的普通味道；若你是比較精明的，你一定不滿足於它的價格；若你只為跟朋友暢聚，它的位置好、環境好，你一定滿足於它。…查看更多

原味雞肉料理定食糙米飯︰雞肉質地結實有彈性，燒得很野味，只吃雞扒已經很滿足；糙米飯煮得剛好，絶不粗糙，口感軟焾；加上新鮮沙津菜作伴碟，是錦上添花。Vegatarian︰(咸窩夫)，白汁什菌，白焯菠菜，新鮮沙津菜伴窩夫，感覺很特別，很創新 ，沒想過可以有這個配搭。什菌濃香可口；菠菜翠綠；我最怕就是又乾又脆的窩夫，這個不但口感鬆軟，而且充滿牛油香yummy，是我的最愛啊！超想一試再試！從前窩夫只為甜品，從此變成了主菜。熱檸水OK菊花蜜杞子茶︰很有菊花，杞子，蜜糖的香味；但整個杯子充滿著菊花瓣在漂浮，可惜我不喜歡吃花瓣，很難入口，有茶隔就滿分了。…查看更多

先唔講食物質素，入座時那男侍應超無禮貌，但同商場其他餐廳勁多人等位，算數就一試吧！點知這男侍應好似變本加厲，繼續勁無禮貌之餘，黑面又錯漏百出，我係嚟俾錢食飯，而家得罪佢？？？食物質素超一般，似家的感覺？真的，好比似煮即食麵，唔好要求質素，但求食飽個肚就來啦！一句講哂，咁嘅服務態度質素，貼錢買難受，絕無下次！…查看更多

以我所知在尖沙咀區想食有糙米飯既地方, 係得呢間開係K11裡既呢間店.打開餐牌, 全部都係以健康烹調手法製作的午餐. 點了五花腩溫泉蛋糙米飯, 五花腩可要求要廋d, 一碟有五片, 五花腩沒有用太多調味醃制, 吃到的味道是原自五花腩本身的肉味, 味道比較淡, 但這就是健康d, 對身體好d嘛~~糙米飯好好食, 一d都唔硬, 飯上再加上小量芝麻提升左飯既香味.其實定價都比較貴, 午餐由$80-$120左右, 包咖啡/茶.…查看更多

同幾個 Friend行完街去食 Tea坐低見啲 Waiter全部睇落十幾歲唔係年齡歧視 但係佢講野十個字有十一個懶音好彩我地聆聽能力都 Okay問左三次終於聽到佢講「最低消費60蚊」…唔講 Service啦食物全部去哂錯既極端芒果特飲：甜到漏喉青檸梳打：酸到個個喊咁口安格斯牛柳串：好好好鹹…完全糟塌原本既食材…將所有牛味和柔軟既口感隱沒係 Final Touch既食鹽之下…浪費漢煲：味道不過不失…賣相一般，價錢略貴一句講哂，以後都唔會黎請唔好自投羅網…查看更多

今天接老婆仔收工後去了尖沙咀方向尋找晚餐地老婆仔又說想去K11買之前看中的手袋所以最後就直接去了K11晚餐在尖沙咀區每間餐廳的價錢也差不多所以隨意找間價錢正常、環境舒適的餐廳這間感覺上坐著也舒適所以就進去了不過這裡冷氣的設計令每個位置都吹著冷風已經扣了很多分了只希望食物夠好味吃起來會忘卻冷風我點了個90元的溫泉蛋豚肉餅糙米飯老婆仔就要了個92元的煙肉蘑菇鹹窩夫我們一邊聊天研究著各種事物一邊等食物平時這個時候我們的研究過程會被食物的送來已中斷但今次卻研究了很久因為食物遲遲未送到直到發現旁邊枱比我們還遲來卻已經差不多吃完才問一問職員發現竟然沒有落單!!態度沒有一點歉疚慢慢拿著餐牌讓我們重新下單最大問題是我們一直吹著冷風!又等了很久再催過幾次後食物才送來我的溫泉蛋豚肉餅糙米飯比想像中少很多其實只有一份算厚卻很小塊的肉餅以及大約半碗飯而肉餅沒有味道加了豉油後就只有豉油味一點肉味也嚐不出不過當時我很肚餓也沒有要求太多就吃完了至於老婆仔的煙肉蘑菇鹹窩夫就好一點雖然鹹窩夫吃起來很像格仔餅不過配合煙肉蘑菇一起吃感覺還算高級味道不錯但其實我也覺得不值這個價錢就在我非常鼓躁又吃不飽的情況下這餐晚飯就花了200元食物味道一般坐著又不舒適絕對不會再來這間餐廳了…查看更多

HomeMade style 的 Good Place 食物健康，價錢都唔expensive. 燒釀雞翼，有creative的葉式 他們有三個味道，餡料豐富，不錯。蒸肉餅配紅米飯＋EGG ， 太好吃了，忘記了take photo. 只有 menu 的相， 他們說是農場豬肉做的，很新鮮 加上紅米飯有口感。農場雞排是我朋友的，拿了一件試下，很香口雞皮薄脆，下一次要叫一個食.  服務一般，人手不足，當天只有大約15個客人，但等了一會先有人來落單。…查看更多