GOLFZON Club & Dining

营业中

休息中

D2 place入面有好多間唔同餐廳，但中意呢間環境好舒服，仲可以打電子golf，仲有一排電視，夜晚可以同FD一齊飲野食野睇波~扒、意粉、飯、小食都有，每一碟份量都好足🥢煙三文魚沙律呢碟煙三文魚沙律一上枱，賣相已經好吸引。三文魚片鋪得靚靚地，顏色粉嫩，油脂閃閃生光，睇落好新鮮，三文魚鹹香中帶煙燻味，魚肉滑溜易入口，咬落去有啲油脂感，唔會腥。配埋啲新鮮沙律菜，酸酸地嘅沙律汁，令成件事好清新，完全唔覺膩🥢明太子野生海蝦意大利麵意粉掛滿咸香明太子醬，表面見到細細粒明太子啲魚籽，帶啲橙紅色，賣相好吸引。每條麵都沾滿醬汁，滑溜彈牙，野生海蝦大大隻，蝦身爽口彈牙，新鮮嘅鮮味同明太子嘅鹹香完美結合。加埋蒜香，成碟意粉味道濃郁🥢凍牛奶朱古力唔會太甜，牛奶味較重，帶淡淡朱古力味，味道清新

D2 place 有間可以打高爾夫球嘅餐廳，裏面除咗可以食野之外，竟然仲設有室內高爾夫模擬器⛳，有得打高爾夫球。入面嘅座位寬敞，電視會播住一啲高爾夫球比賽嘅片段。做完運動肚餓又可以醫下肚幾方便。煙三文魚黑松露意大利麵 $148一上枱已經聞到好香黑松露味，意粉煮得啱啱好，口感保持得唔錯🍝。煙三文魚份量都幾大方，鹹香得嚟唔會太腥🍣，同黑松露醬好夾。醬汁creamy得嚟唔會太漏，黑松露味幾出但唔會搶晒成個味道。面頭灑咗啲芝士碎增加咗成個口感層次🧀。整體來講味道平衡得幾好，食完成碟都唔會覺得膩。6oz澳洲和牛漢堡配薯條 $178個漢堡一上枱就睇到塊和牛漢堡扒厚身得嚟好juicy，咬落去真係有肉汁爆出嚟💧！牛肉味幾濃郁，個包烘得外脆內軟，夾埋溶咗嘅芝士同新鮮蔬菜，口感層次好豐富🍔。薯條炸得金黃脆口，入面仲keep到薯仔嘅綿密，灑咗少少海鹽調味，唔使點茄汁都已經好好食🍟。

全港最大的室內高爾夫球練習場，總面積達 20,000 平方呎，擁有先進揮桿分析攝影機的練習球道。更有寬敞用餐空間，提供多元化美食，小食、主食、甜品及飲品。意粉賣相吸引，好大碟，更吸收了海蝦的甜味，加上有明太子，每條意粉都掛滿明太子同忌廉汁，醬汁好creamy，帶有獨特濃郁的鮮甜鹹香。海蝦好大隻，煎得金香，蝦頭好多膏，鮮味十足，口感彈牙。水牛城雞翼鬆香惹味，味道夠晒香辣，口感外脆內嫩，加上大量炸蒜，份外香口。

D2 Place哩間餐廳想試好耐，見佢其實係一間哥爾夫球餐廳，可以打模擬golf。我平日夜晚去食，地方好大，好多位，其實好適合傾偈吹水。伊比利亞黑毛豬鞍 $278黑毛豬鞍配左炸薯條，仲有少少沙律菜中和返，個豬安煎得幾香口水牛芝士薄餅 $158雖然個餅底有少少乾，但唔影響個口感，而且薄薄地唔會好膩，正常發揮蜜糖雞翼 $98呢個雞翼我諗係傾偈必備🤣外皮有少少金黃，肉質細滑，加咗蜜糖甜甜地，係高質嘅雞翼👍🏻

Golfzon is a place where I can play golf and enjoy foods. Just set up is more or less like the place for snooker, but the taste is way much better. My friend and I ordered a pasta - the classic one with minced pork and cheese, the texture is good and the source is not overly strong. To my surprises that the chef adds a little bit spicy sauce, I guess it’s tobasco (?) , and it brings a gentle excitement to my tastebuds. We also ordered a pork chop to go with The pasta. It’s friendly that the chef

今次跟朋友來到D2 Place，這是一間西餐廳，可以和朋友打高爾夫球，我們品嚐了兩道意大利料理：牛肝菌意大利飯和野菌青醬意大利面。首先，牛肝菌意大利飯的味道很好，超多醬汁，牛肝菌的香氣濃郁，讓整道菜充滿了香氣，搭配上意大利米飯，口感柔軟而富有嚼勁。這道菜中還加入了黑松露和芝士，為味道增添了層次感，讓每一口都充滿了濃厚的香味，給人帶來極大的滿足感。接下來是野菌青醬意大利面，這道菜的呈現色彩斑斓，令人垂涎欲滴。青醬的香氣與野菌的鮮味相得益彰，讓意大利面更添風味。面條的彈性恰到好處，青醬的醇厚口感使整道菜品更具風味，每一口都好滿足。總括來說，這間西餐廳既可以打高爾夫球，又有好吃的美食，環境都非常好，座位很舒服，我非常推薦給大家。

這間野因為是老板請客, 來了多次. 講真食物質素不算太突出, 服務也非常一般,  只是不妨一試貨式.今天去了, 話過以後都唔去1. 樓面人手唔夠, 好多野要自助但又要收取你服務費, 要自己QR Code 落單已是敗筆2. 漏單嚴重, 我點果一個最後要花了50分鐘才出到3. 水吧啲質素差到嚇死人, 叫了杯奶茶好似奶水咁, 飲了2啖放棄4. 最嚴重是食物質素, 叫了個魚柳飽, 等咗50 分鐘終於上枱, 魚柳同我斬件上, 同以往一大塊上好大分別, 但問題最大是剛上枱的魚柳居然是唔夠熱, 外熱內涷, 搞甚麼鬼 ? 食落啲肉實一實, 又無味, 急涷野加埋一收你 150元一個, 妖垃圾到暈, 個Chef 可以去VTC 再培訓啦, 收酒店價錢, 提供咁低的質素. 你點可以吸引食客再來.5. 香港飲食業呢2 年大部份俾人插到上天花板, 點解啲飲食同業咁唔爭氣呢, 真係唔好怪啲人返晒大陸消費, 一味只識提供個價錢同利潤, 但其它野原全唔配合, 想唔執都唔得啦 

聖誕期間去咗D2行市集同打卡之後，當然唔少得食返一餐好味嘅聖誕大餐啦！雖然成日嚟D2, 不過今次就試咗一間之前從未食過嘅餐廳，因為之前一直都誤會咗呢一間餐廳一定要玩模擬Golf 練習先可以喺度食飯！原來齋入嚟食飯都OK的…😝😝😝🌟蒜片辣椒海蝦意大利麵蝦肉超結實及爽口彈牙的，意大利麵又條條掛汁，食得我哋津津有味呀！🤤🤤🤤🌟蕃茄羅勒Pizza雖然Pizza 面滿滿芝士超級邪惡，但配呢款餅底，食落又唔覺得好漏的，正呀！😋😋😋🌟 香煎鱸魚魚肉好滑，皮夠香脆，個汁令魚肉更提鮮！🥰🥰🥰🌟慢煮八爪魚蕃茄橄欖沙律原來慢煮過嘅八爪魚係可以做到咁淋身的，完全唔需要點用牙力，已經可以咀嚼到，太正啦！同埋啲沙律配菜都好好食！😍😍😍我哋仲點咗花茶飲，整體感覺真係非常之Relax！總括嚟講呢間餐廳嘅嘢食賣相都幾靚，而且非常之真材實料，我相信廚房入邊嘅大廚應該都係一位高手嚟！😝😜👍🏻

GOLFZON Club & Dining 係D2都開左有段時間，呢家呢度晚餐set dinner 做買一送一，即刻叫埋朋友來食好野！出面有沙拉吧仁食，凍肉、南瓜湯、忌廉湯、各式餐包同埋沙甸魚沙拉都有，另外都可以選擇未經調味的沙拉菜，自己搭配喜歡的沙拉醬和芝士。個蒜蓉包好香脆，搭配南瓜湯好正！朋友都好enjoy忌廉湯。我們單點了一份卡邦尼意粉，卡邦尼意粉意粉使用salami腸、蘑菇和忌廉做成，忌廉令意粉整體更加creamy，雖然不是傳統的version，不過味道好好。另外dinner set還有蜜糖芥末燒豬鞍配蘋果蓉。這道菜讓我們感到驚艷。豬肉十分肥嫩爆汁，表面微焦，更爲香口，配上酸甜的蘋果醬十分解膩。另一個主菜是set裏面的海鮮辣意粉，扁意粉口感很好，頗辣，不過好惹味，而且意粉蝦味濃。蝦肉彈牙，更貼心去掉蝦頭蝦殼，容易食用！最後有兩個甜品，我們選擇一個焦糖燉蛋和一個格子窩夫，窩夫鬆軟，帶有雲妮拿籽的雪糕認真好味。隔離有些焦糖香蕉，賣相很好！可以打卡！焦糖燉蛋都好smooth，而且不會太甜。成餐飯大家都食得好滿意，店員友善，仲可以一邊吃飯一邊睇人打golf。有機會我們都想去玩golf！

荔枝角D2 place 商場出名多創意新奇嘢看，Golfzon 係提供全世界最大室內golf 練習場嘅連鎖餐廳集團，每間餐廳都放有高球模擬遊戲訓練。 簡唔中來荔枝角玩下虛擬golf, 尤其夏天，唔想出外暴晒，唔想爆晒汗，痴質質舒舒服服，一定喺最佳選擇。餐廳仲有電競酒吧。 原來餐廳仲搵左個五星級大廚來坐陣。 但因為只想同朋友來chill 下，傾下計。 叫了$200派對小食套餐，可在清單的12款小食入面，選5款。 餐廳好用心地用木板呈上美味嘅小食。 我同朋友喜歡食西餐，當然必點迷你風乾火腿拼盤，吃下傾下計。 另外，小食又點會少得串燒呢。 我哋叫咗燒烤醬燒澳洲豬五花串燒、美國頂級西冷牛肉串、海蝦牛油墨西哥卷餅及迷你芝士薯條。 初時以為拼盤唔夠食，點知食食下再傾下計，肉類+薯條🍟都可以飽肚。

平日午飯時間，身處荔枝角想舒服靜靜地食個午餐都唔係咁易嫁，因為周圍都係人，等位又怕等得耐，坐又怕被趕。今次同同事嚟咗D2 place 一期，位於一樓一角的GOLFZON Club & Dining 食個lunch。店內有部份位置係比人打golf 。呢個場比較少人，當日午飯時間都坐唔滿。座位係梳化位，可以慢慢坐冇人趕。本身見咁既情況對食物都冇乜期望，點知竟然有D 驚喜。我叫咗個芝士免治牛肉漢堡，送埋湯/沙律，同一杯飲品。當日係配南瓜湯，又幾Creamy幾濃郁。漢堡份量好大，一個女仔真係食唔哂。個包外脆內軟仲有牛油香味，免治牛肉略嫌鬆散，但唔乾有肉汁。薯條熱辣辣，有薯味，可惜真係太飽食唔哂。

美味、寧靜、性價比超高的！今晚吃了很新鮮彈牙的帶子，跟餐加點，才要幾十塊，這盤帶子真的很價廉物美呢！牛油果沙拉和黑松露泡沫忌廉湯，還是一貫的一流味道。而香茅雞翅就炸得香脆，味道普通吧，可以再juicy 一點！很欣賞這個蕃茄煙肉意粉，不會過酸過甜，煎過的煙肉很香囗，整個的味道非常好。

今日同兩位朋友再來這裡，點了個set lunch叫輕煎帶子粟米意大利飯，首先是手打甘荀湯，入口感不及昨天的南瓜湯濃郁。到了主角帶子，得兩三粒放在粟米意大利飯上，帶子少就少咗些少，但係都很好味，至於飯呢? 濕濕哋，都可令我胃口大開。不知怎的，今日的"汪阿姐" (熱咖啡)，哈哈哈...冇昨天嗰杯咁好飲啦。整體上，雖然今餐不及昨天的滿意，但是我仍希望這餐廳能在食物烹調及服務繼續做好。

偶然去到D2，想試一試一間餐廳，外在裝潢不錯，於是入内點了個set lunch叫榛子焗海鱸，首先是手打南瓜湯，入口已感到很濃郁的清甜味。到了主角鱸魚，其肉鮮嫩可口及無骨的顧忌下，我可以一啖一啖的品嚐。最後輪到"汪阿姐"上枱，哈哈哈，杯熱咖啡幾香，我約一呎遠也能嗅到其香，可是入口就淡了一些。整體是非常滿意，多謝服務員的親切款待及廚師之精妙的煮功。

一向覺得這裡的食物很出色，有五星洒店的水準，可惜其芝士蛋糕卻令人失望，沒有芝士味，口感很差，好像在吃白膠漿！幸好其他食物就保持水準，像一貫的美味。必吃的牛油果藜麥西柚沙律 （$30），牛肝菌黑松露泡沫忌廉湯 （$30），非常抵，非常美味又開胃。加了$8 有一大份香脆的麵包片。不過由於始終不是正式餐廳，是以室內高球為主，服務員的招待不太到位。而香煎鴨肝$70，也非常抵吃，不過外表未夠香脆，有進步空間。主食蕃茄煙肉意粉，微辣，很惹味，蕃茄煙肉汁很足，絕不吝嗇！