影片
以上资料只供参考，请与餐厅确认详情
D2 place入面有好多间唔同餐厅，但中意呢间环境好舒服，仲可以打电子golf，仲有一排电视，夜晚可以同FD一齐饮野食野睇波~扒、意粉、饭、小食都有，每一碟份量都好足🥢烟三文鱼沙律呢碟烟三文鱼沙律一上枱，卖相已经好吸引。三文鱼片铺得靓靓地，颜色粉嫩，油脂闪闪生光，睇落好新鲜，三文鱼咸香中带烟熏味，鱼肉滑溜易入口，咬落去有啲油脂感，唔会腥。配埋啲新鲜沙律菜，酸酸地嘅沙律汁，令成件事好清新，完全唔觉腻🥢明太子野生海虾意大利面意粉挂满咸香明太子酱，表面见到细细粒明太子啲鱼籽，带啲橙红色，卖相好吸引。每条面都沾满酱汁，滑溜弹牙，野生海虾大大只，虾身爽口弹牙，新鲜嘅鲜味同明太子嘅咸香完美结合。加埋蒜香，成碟意粉味道浓郁🥢冻牛奶朱古力唔会太甜，牛奶味较重，带淡淡朱古力味，味道清新
继续阅读
D2 place 有间可以打高尔夫球嘅餐厅，里面除咗可以食野之外，竟然仲设有室内高尔夫模拟器⛳，有得打高尔夫球。入面嘅座位宽敞，电视会播住一啲高尔夫球比赛嘅片段。做完运动肚饿又可以医下肚几方便。烟三文鱼黑松露意大利面 $148一上枱已经闻到好香黑松露味，意粉煮得啱啱好，口感保持得唔错🍝。烟三文鱼份量都几大方，咸香得嚟唔会太腥🍣，同黑松露酱好夹。酱汁creamy得嚟唔会太漏，黑松露味几出但唔会抢晒成个味道。面头洒咗啲芝士碎增加咗成个口感层次🧀。整体来讲味道平衡得几好，食完成碟都唔会觉得腻。6oz澳洲和牛汉堡配薯条 $178个汉堡一上枱就睇到块和牛汉堡扒厚身得嚟好juicy，咬落去真系有肉汁爆出嚟💧！牛肉味几浓郁，个包烘得外脆内软，夹埋溶咗嘅芝士同新鲜蔬菜，口感层次好丰富🍔。薯条炸得金黄脆口，入面仲keep到薯仔嘅绵密，洒咗少少海盐调味，唔使点茄汁都已经好好食🍟。
继续阅读
全港最大的室内高尔夫球练习场，总面积达 20,000 平方呎，拥有先进挥杆分析摄影机的练习球道。更有宽敞用餐空间，提供多元化美食，小食、主食、甜品及饮品。意粉卖相吸引，好大碟，更吸收了海虾的甜味，加上有明太子，每条意粉都挂满明太子同忌廉汁，酱汁好creamy，带有独特浓郁的鲜甜咸香。海虾好大只，煎得金香，虾头好多膏，鲜味十足，口感弹牙。水牛城鸡翼松香惹味，味道够晒香辣，口感外脆内嫩，加上大量炸蒜，份外香口。
继续阅读
D2 Place哩间餐厅想试好耐，见佢其实系一间哥尔夫球餐厅，可以打模拟golf。我平日夜晚去食，地方好大，好多位，其实好适合倾偈吹水。伊比利亚黑毛猪鞍 $278黑毛猪鞍配左炸薯条，仲有少少沙律菜中和返，个猪安煎得几香口水牛芝士薄饼 $158虽然个饼底有少少干，但唔影响个口感，而且薄薄地唔会好腻，正常发挥蜜糖鸡翼 $98呢个鸡翼我谂系倾偈必备🤣外皮有少少金黄，肉质细滑，加咗蜜糖甜甜地，系高质嘅鸡翼👍🏻
继续阅读
Golfzon is a place where I can play golf and enjoy foods. Just set up is more or less like the place for snooker, but the taste is way much better. My friend and I ordered a pasta - the classic one with minced pork and cheese, the texture is good and the source is not overly strong. To my surprises that the chef adds a little bit spicy sauce, I guess it’s tobasco (?) , and it brings a gentle excitement to my tastebuds. We also ordered a pork chop to go with The pasta. It’s friendly that the chef help cutting it can you pieces so that we can share easily. It comes with some vegetables as side dishes , give me a sense of refreshment
继续阅读